紅茶 (Closed)

平時都成日食紅茶,價錢合理,味道唔差所以今日都唔例外又食紅茶啦今日自己一個黎左旺角行街,行到下午茶時間餓餓地,食少少野先紅茶ge炒蛋我就食得多,但係紅茶ge奄列我真係第一次食,講起自己都有啲羞愧火腿奄列同埋丹麥多士咁樣嗌我係第一次,通常我食紅茶都會嗌炒滑蛋今次個丹麥多士同之前一樣酥香好味,一層一層層次分明,而且牛油味好重至於火腿奄列都唔錯,蛋味都係咁香濃,加埋條條火腿絲口感豐富,夾到絕再飲埋杯凍奶茶少冰真係perfect池

喺旺角做完野 好肚餓諗起早兩日見有人介紹呢一間既沙嗲牛肉麵一於就去試下個人黎講本身唔太好食呢樣野係因為好耐冇食過好食既沙嗲牛 不過今次感覺唔錯 沙嗲汁惹味牛肉唔會un 既感覺 對我嚟講係好食既配火腿奄列多士 奄列冇咩特別 下次應該試炒蛋多士唔係平時就咁搽牛油嗰種 而係麪包蓋住牛油一齊煎嗰隻牛油吸哂入塊包度 又香又脆招牌芝士流心西多西多士上面一大塊牛油加埋煉奶中間仲夾住一層厚厚嘅芝士真係非常邪惡嘅配搭咁啱蛋撻出爐 我要試埋佢新鮮出爐啲蛋仲熱辣辣 酥皮都好鬆化不過我比較鍾情曲奇皮所以冇咩特別評價 $7個試下又無妨

一日之計在於晨🌞一份豐富的全日早餐🍳是必須的，普通Coffee shop 🏬 動輒用上一百多元買一份所費不菲份量少食吾飽的早餐🥣幸好比我發現紅茶冰室有這份只需HKD 55性價比高的全日早餐，令人垂涎欲滴。全日早餐有香脆吉列魚柳：大大份，如手掌✋🏽般大，見到都飽既效果，魚柳啖啖肉，肉質嫩滑，蘸上沙律醬，互相輝影，外脆內軟。牛仔腸：普通貨，但吾會過咸，好過用雞肉腸，不錯。黑松露炒蛋：滑蛋好有蛋味同奶香， 好有誠意，黑松露碎完美融入滑蛋當中，每啖到品嘗到松露香氣。煙火腿：個人比較鍾意煎至脆身的煙火腿，但煙火腿味道吾會過咸，切咗啲肥膏食感覺無咁邪惡。茄汁豆就過下口癮，香酥丹麥多士口感好似酥皮，好鬆化，牛油🧈味香濃。奶茶🥤入口順滑，奶味香濃，兩者取得平衡恰到好處，甜度叫左少甜。總結：平靚正全日早餐🍳下次再光顧

比人放左飛機無野做就落旺角諗住食下野等12點買玩具最近就係紅茶喇，我食左90幾次都係夜晚，食得咁多次都因為水準唔錯，今日仲未病好就食個米炒算了King 餐-豬潤米粉， 炒蛋多士，熱檸茶炒蛋好食，多士合格，豬膶！！！發生咩事，overcook 同埋有D咬唔開，伏左，食左90幾次先一次唔合格都情有可原，下次我都係識咖哩類，焗飯類，或小菜就算喇最後響50幾度的天氣我堅持飲熱熱熱檸茶，我真係好乖😌， 埋單$49

放假又同老公撐枱腳去我哋都成日幫襯嘅紅茶喂今次我想講呢雖然我生酮緊冇食到特餐但係我都好想發表意見老公都係嗌返嗰常餐我哋完全冇為意到個餐牌係改咗冇丹麥多士㗎一上嚟嗰陣點解變咗厚多士嘅即刻望下個餐牌真係改咗超失望🥴你知唔知呢幾個餐最值得encore係呢個丹麥酥多士佢換咗厚多士不如我去澳牛🥲算喇，講返我生酮要食嘅菜心炒牛肉我都淨係咁樣嗌一個餸唔使配白飯，唔錯菜心同牛肉都炒得好美味牛又夠嫩，菜心又唔老，佢仲有啲冬菇片喺入邊👍🏻當我可以食返個D常餐嘅時候紅茶就唔係我首選啦😕

今日去咗旺角行街，行到攰攰地，見到依間茶餐廳就入左去，諗住食個下午茶。點知一入到去，啲職員好似渴狗甘渴，好唔耐煩咁叫咗我落地牢，初時我都冇乜特別，當時餐廳都唔係好滿座，好多卡位都冇人坐，啲職員就只是我坐其中一張卡位，點知我一坐低，職員就用好凶惡嘅態度同我講，你預咗要搭枱㗎。我都冇乜點理會，照叫嘢食，杯野嚟咗嘢食未到，同一個職員就叫我起身，同另一個男人搭枱，但係當時成間餐廳其實有好多卡位冇人坐，我都莫名其妙，之後個職員就好唔耐煩咁講，得㗎啦得㗎啦。。。。我唯有照服從，但係心裏面有10萬個問號，好巧合同我搭枱嗰個男人都係好嬲，大家嘅想法一樣，都係話點解現場咁多空位，都要我哋搭枱。。。。。。不過估唔到最精彩嘅部份原來係最後埋單嘅時候。本身都食到成肚氣，買單嗰個職員態度更加惡劣，我企咗喺佢前面，同佢講聲唔該，我想埋單，冇理我之外，冇任何表示，我再問佢有冇得支付寶埋單，都係冇理我，之後就好唔耐煩嘅態度叫我掃支付寶二維碼，我就忍唔住同佢講，我以為你啞，之後佢就用好惡劣嘅態度回應，唔鍾意下次就唔好幫襯啦。咁我完全收到晒，我本人都好耐冇喺依度打個用後感，呢一次真係要忍唔住打返段文章去表揚依間餐廳。💪🏿

平時經常幫襯，一定因為食物唔錯，雖然未去到驚為天人，但算做有點誠意。不過服務態度真係好好好差，員工粗聲粗氣已屬正常。前兩日去食，行落樓下坐，下面一位女職員問幾多位，我話兩位，突然背後傳來一把好大的聲音說＂10位＂。原來係另一位扎辮女職員叫囂，呢兩位女職員及一位男職員玩得不亦樂乎。當中一位女職員仲語帶相關說＂吓～你未投訴攞！＂之後傳來一片笑聲。 勁！真係冇放客人在眼內。香港今時今日，仲有呢啲服務態度嘅咩？

✨大家鍾意去茶記搵食嗎❓香港茶餐廳多,星期六日想搵間茶記食下午茶唔難,但搵間坐得舒服就唔係間間有,呢間係旺角既,其實佢地有好多分店,我見想食西多士,所以就入去試下,估唔到佢地間鋪咁大,仲有上下層,裝修唔算花巧,不過座位都算舒服,茶記黎講都算唔錯‼️.💬芝士流心西多士+飲品 $34芝士流心效果唔算明顯,牛油算厚練奶算多,雖然無咩驚喜,但整體黎講都好食既😎✌🏻！夠晒邪惡,食完又增磅😆！.💬脆炸雞脾配薯皇+飲品 $39我硬搶食左兩啖🤣,雞皮好脆,不過就炸得過火咗少少,但雞肉仲未算乾,仲有肉汁,整體中規中矩!..📍紅茶 (旺角)旺角彌敦道594-596號地舖..

今日過嚟食早餐，叫咗個榨菜肉絲米配炒蛋丹麥酥，飲凍奶茶多奶朋友就叫咗個沙嗲牛肉公仔麵配炒蛋牛丹麥酥，飲凍啡多奶黎咁多次水準都好穩定，咖啡同奶茶都好飲，而個多士係丹麥酥同埋有搽牛油既，個丹麥酥好有層次又鬆軟，同埋都夠熱，炒滑蛋都幾好食，不過佢碗米粉嘅份量就比較少，食咗都冇咩落肚，如果米粉既份量可以多番少少就好呢間餐廳都算大，分上下兩層，卡位都算多，對於我咁鍾意坐卡位嘅人來講呢間茶餐廳真係一個唔錯嘅選擇

一連五天假期 😀快結束了，吃完午餐，休息一下，出發啦.. 旺角 健身中心，運動 運動 ，強身健體 👌 黃昏時分，越來越肚餓，馬上搵吃近近哋，想起紅茶冰室，6:00 前😀趕及下午茶先睇睇餐牌，窩夫、西多士、烏冬、、等等，奉送熱飲香炸雞脾伴沙律$39嘩啦啦🤗大大隻，急不及待，炸得剛剛好，香噴噴，啖啖肉，秘製醃料嗎？見到有小片香葉，惹味、椒鹽味道、咸咸哋😋😋沙律：粒粒 青瓜、薯仔、紅蘿蔔、椰果，材料多多，酸甜汁，開胃、清新口感熱好立克，夠濃郁

每次想食焗飯/ 意粉嘅時候，第一時間都會諗起【紅茶】，但對住海量菜式嘅menu，次次都會選擇困難症發作🤣【焗芝士海鮮飯】白汁同埋海鮮用料絕對無手軟，每一啖都食到多汁又有餸🤤Lunch呢個價錢絕對合理👍🏼【焗黑椒雞扒飯】揀嚟揀去最後揀咗黑椒汁，貪佢有少少辣辣哋。第一次試呢度嘅黑椒汁焗飯，感覺比起白汁有D失色...因為佢超-級-濃-味🤯一路食一路擔心...食完會唔會全日都好口渴😰好彩佢只係齋重口味而唔係重味精，食完都唔會好口渴~不過下次都係唔叫黑椒🤪

旺角呢間「紅茶」都係第一次食冇諗過餐廳係咁大！ 有兩層樓所以前排2人限聚都唔會話等好耐位午餐A: 香煎龍脷柳拼法蘭克福腸牛肝汁飯$55叫左多飯同友人share 食因此汁唔太夠，要主動叫侍應加汁龍脷柳俾想像中大條好多！ 幾乎可以完全覆蓋到成個飯而且龍脷柳都好香口好嫩，推👍🏻👍🏻法蘭克福腸都好足料，好大條好足夠我同友人一齊分享食此外，仲有餐湯同餐飲送好抵食😆😆👍🏻👍🏻餐湯選擇左白湯，都好足料，不仿一試😉之後，再追加左個「西多士」$25新鮮熱辣既西多士，好香炸得剛剛好，十分香口入面既花生醬都塗得好平均☺️👍🏻

喺旺角行街行到攰死， 唔知食咩好所以是但搵啲嘢食，我話想食紅茶今次係第二次嚟食，之前食過一次覺得呢間好好味好高質，所以今次又再幫襯我同男朋友 一人嗌咗一樣嘢 分別係鰻魚炒飯同埋炸肶佢啲炸肶好鬼大件， 晚餐份量來講絕對夠食 而且炸得好香口 脆卜卜 用刀切，都切到聽到有啲脆皮聲由於真係十分大件肶，所以我一個人食唔曬畀咗一啲男朋友一齊食佢外脆內軟，樣子亦好靚仔冇話炸燶左 入面啲肉 好嫩滑，好彈牙而且味道啱啱好，唔會話醃得太鹹因為有啲餐廳嘅炸肶重味精到根本食唔到但紅茶就唔會，完全係好味到連啲骨都想食埋而且啲炸薯條，亦都有眼見，超級大件一樣係好香口脆卜卜，啱啱炸出嚟熱辣辣超好味，不過好熱氣哈哈哈男朋友碟鰻魚炒飯 亦都好好味，好高質雖然碟飯望落去好似黑蚊蚊咁但味道真心正連一向咀刁嘅佢都話好食最重要 係夠大碟，分量亦都好多呀！

我甚少寫食評, 今次真係迫於無耐要寫一次. 係年初六開年, 我請同事食LUNCH, 由於無堂食所以只好外買自取, 懷著新年滿心歡喜的心情, 於旺角彌敦道594-596號 紅茶冰室買了五個外買午餐, 此餐包括羅宋湯, 喝羅宋湯至中途發現疑似曱甴殘肢形狀, 心有懷疑, 但估計沒有咁巧合, 所以繼續喝到底部, 駭然發現另一隻完整曱甴, 嘔心非常,  當喝完此加料湯後, 導致當日身體不適, 心身上嚴重崩潰, 此茶餐廳衛生情況十分惡劣 , 本人於第二天有發WHAPSAPP 通知冰室, 但對方亦沒有回應, 味道已經事其次, 疫情期間食物安全更加要注意, 感激一個難忘的年初六. ............

本人於二月十七日於旺角彌敦道594-596號 紅茶冰室買了四個外買午餐, 此餐包括羅宋湯, 本人喝羅宋湯至中途發曱甴殘肢, 心有懷疑, 但繼續喝到底部, 駭然發現另一隻完整曱甴, 嘔心非常, 當喝完此加料湯後, 導致當日身體不適, 心身上嚴重崩潰, 此茶餐廳衛生情況十分惡劣 , 本人於第二天有發WHAPSAPP 通知冰室, 但對方沒有回應.  其實味道不是最重要, 在疫情期間食物安全更加要注意, 在年初六下午, 此嘔心經歷非常難忘...................