紅茶 (Closed)

2022年2月27日下午5點去食，一入門口講咗2位，坐低咗侍應阿姐又問，我再答多一次2位，之後侍應阿姐行埋嚟再問第三次，我唔明有幾唔專心先會問完又問問完又問。之後侍應阿姐擺低碗豬扒通粉時，啲湯倒咗少少出嚟整濕咗啲紙巾，於是問佢攞過啲新紙巾，佢話好好好然後冇咗件事。再之後問另一個侍應阿姐，又係答好好好然後冇咗件事。問到第三個侍應阿姐，又係同一答案，最終我忍唔住真係當住咁多客面前鬧爆佢哋幾個，然後佢哋仲好似當冇事咁，面皮厚到無敵。最勁係佢哋催人埋單就枱枱都記得去催(因為冇晚市堂食，佢哋6點就收舖)，仲要巡幾次確保啲人埋哂單，但攞兩張紙巾都要人發脾氣先有，服務真係垃圾到極點。

被朋友安利，决定去旺角的红茶试一下，这次点了些不一样的餐品，我们是过年时候去的，就没有一些下午茶特价，好在餐品味道都不错的，就是过年的时候还要收百分之二十服务费，有点离谱，我们被安排到地下的位置，信号差得发不出去消息，点餐时店员依然是听不太懂普通话，把我朋友说的热奶茶听成了冻奶茶，好在及时给更换了。

呢間餐廳食物一般，但職員d態度真係非常之差，好受氣！第一次打黎叫外賣，態度係好唔耐煩，算數唔計較。第二次再去叫外賣，個職員自己聽唔到地址，我重複左3-4都唔緊要，但佢竟然可以話：同你好熟咩，點知你要送去邊！跟住cut線。之後我惱到打返去cancel個外賣，個職員話：你有病就行遠d，痴線，就cut線！真係第一次遇到d咁既人.！

今日約咗同事到紅茶午飯，之前食過好多次，質素有保證，諗住今日黎食應該冇衰。12:49落晒單，我叫左快餐焗意粉，亦知道焗既食物需要時間去等。點知等左半個鐘，其他同事既order已經到齊並且差唔多食晒，但係我個焗意粉仍然未到，所以向店員要求改單，轉做另一個快餐，煎豬扒飯。但係再等多左15分鐘左右，同事們已經食晒，但係我個餐仲未到，加上午飯時間將近完，所以唔等埋單走人。作為今年last既午餐，俾到我難忘既體驗，相信再好食再出名都唔會令我再幫襯👋🏼成間店樓面起碼有7、8人，但係服務可以咁令人失望。

紅葉冰室全港都有好幾間分店食物正正常常唔會太好食亦都冇話特別難食價錢 環境都ok不過服務就…店員態度可以有禮貌啲雖然唔係行高級餐廳路線但係普通嘅服務態度今時今日正常都要有

紅茶係女朋友喜愛餐廳之一 放假基本都會去食 因為佢鍾意榨菜肉絲米粉同鮮油多 我就無乜所謂一入門口 個肥仔就捱住入口個牆定柱問幾位 我話 2位 佢就講 落樓下啦 我眼見有幾張卡位無人坐就問其他侍應 佢地話坐得 叫左 榨菜米 鮮油多 什扒飯 榨菜米 同 鮮油多都出色 什飯飯個汁有少許怪 但都接受到 中途想叫人 個個都扮聽唔到 肥仔掛住同後面抬客大聲講大聲笑 再加上除下口罩 係附近行來行去 又食住做 呢間餐廳真係食物質素救返間鋪 毫無任何服務可言希望貴餐廳 正視下完全無枉管咁

第一次寫食評，估唔到會比差評。。。見行旺角行到肚餓，就當然去搵食，出名個d要排隊，肚餓得濟唔想排，諗起觀塘間紅茶唔錯，於是就去食旺角個間紅茶，點知一入門口就中伏。。。老實講，我帶住耳機，知道可能聽唔清楚，所以停左音樂，熄左降噪音，一入門口填完紙就聽到個侍應話直行轉左，但講得唔大聲，佢無帶過位，咁我咪自己行入去，坐低左一陣諗住嗌野食，就揮手叫伙記，佢走過黎話呢到留左座然後好快咁講左句野就行開左，我完全聽唔切，咁唯有除低耳機再揮手，問個伙記係咪要轉去其他位，我岩岩聽唔清楚，個伙記話自己落去搵位，呢到係嘈d，可能唔夠大聲，唔好意思(毫無感情，仲要一路講一路行去隔離枱落單)其實個時唔算好忙，但見自己有一開始都有耳機都聽得唔係好清楚，所以就算落到去照舊無人帶位，純粹話可以去邊坐，坐低嗌完野食，個侍應飛d叉同匙羹過黎，我順手嗌左一次要杯熱水，無反應，第二次嗌話要熱水，都係無反應，第三次再嗌，忍唔住話已經嗌左幾次都無熱水，個侍應先拎杯熱水過黎見之前都有post話服務差，甚至有小強，就算佢d食物ok，但服務同環境都未搞好，真係無下次

平時都有係觀塘食開紅茶，估唔到旺角呢間既服務態度咁差。下午同阿媽去食下午茶，點單伙記落單既時候已經落錯，提醒返更正，但改完之後同我地講加多9蚊，明明我地要食下午茶既蛋撻餐，比佢原來打錯既單平9蚊，既然仲同我地講加9蚊。再打錯單都唔緊要，再提醒更改，點知食哂成餐下午茶都無俾返張單我地，唯有上返一層同cashier 講我地枱號埋單，收銀兩個姐姐話佢地print 唔到單，要我地自己行返落去搵佢地伙記print 張單俾我地。打錯幾次單唔緊要，但收銀仲要咁既態度同埋叫返個客自己去搵單真係好過分。

香港唔可以缺少的菠蘿包+冰鎮鮮牛油这个菠蘿包面十分酥脆👍🏻大大個$12「冰火菠蘿油餐」還食了熱狗和豬扒包 ，全部都很大的分量，食得好飽豬扒包十分juicy ，鮮嫩多汁🤤好味朋友仲叫了另一茶餐廳必叫的紅豆冰，紅豆好冧，奶味香濃。

又到😋 high tea ☕️時間，去邊度呢，食乜嘢好，邊行邊思考一下，😀 let’s go 決定 「紅茶冰室」 一般茶餐廳🍴簡單 裝潢，仲有下層雅坐，環境都ok 啦，下午茶時間由2:30-6:00 奉送熱飲，特飲加$9先睇睇餐牌： 意粉、雞翼、雞翼、三文治 ….出爐酥皮蛋撻 （ 2 件） $28新鮮熱辣辣，滋味無窮，酥皮夠鬆化 香脆可口，濃濃蛋香餐飲： 凍奶茶少甜小冰爽😊冰涼感覺 舒服呀茶味調校適合 我的口味，不錯👌吃飽啦！ 附近逛逛，然後回家

芝士炒蛋魚柳包伴沙律 $42芝士炒蛋魚柳包好大個，炒蛋堆得很高連半溶芝士一起吃口感幾豐富。但這裏的沙律麻麻地，是那種口感比較實，比較多沙律醬和以薯仔為主的。脆炸雞髀伴薯皇 $41雞髀好脆，不過當然沒生炸的那樣好吃，有少少乾身。薯條炸得脆但有少少燶，不知道是不是翻炸的。整個餐感覺有點乾巴巴。整體來說還可以，但不會覺得很好吃下次一定要再來的感覺。

第一次嚟食嘢 十分失望第一次嚟就俾人呃態度串都以經不在話下坐左唔夠一分鐘係咁催我落單睇一睇下午茶餐牌好開心諗住見到有 薯皇🤩見到咁吸引就諗住叫佢 我地點餐時完全冇提及佢哋冇薯皇結果嚟到貨不對辦😡好奇之下問一問店員，一問就已經態度好差好串咁話 ：薯皇已經冇咗兩個月㗎啦，我而家係話俾你知我反問佢：咁如果我第一次嚟食，點知冇咗兩個月？ 我落單你又唔講？然後佢就知支吾以對咁走咗😡個薯條又油 又冧 又難食 早知幫襯隔離麥當勞都唔嚟

是日出城, 消費到廢寢忘食 本來想搭車返屋企, 但係都係餓到要食返個TEA 先, 途中見到紅茶, 記得食過荃灣果間都OK, 咁就GOGOGO 啦! 🏃‍♀️🏃‍♀️🏃‍♀️入到去, 原來食店好大, 除咗地面果層, 仲有地下一層, 好多座位。去到已經17:00 左右, 好彩仲有下午茶叫。焗芝士腸仔肉醬意粉熱辣辣嘅焗肉醬意粉, 份量比正常細, 可能係下午茶關係啦!呢個係老公點嘅, 所以我只係食咗少少, 味道正正常常。脆炸雞脾伴沙律炸脾SIZE 較大隻, 炸到勁脆! 而且入味, 食落唔會冇味!沙律係傳統港式沙律, 沙律醬份量適中。係略嫌沙律少咗D, 唔夠喉。

基本上食肆已經冇嘅差態度，安排混亂，叫入原耒未係你，寫完安心出行入座，仲吋嘴話唔用安心出行罰伍仟，見裡面待應將跌落地枱布執起照用，之前客人走咗冇抹枱，侍應要叫先過耒，極度嗱哂唔睇住耒抹枱，仲滿口鄉音阿G阿Jor, 剩餘食物冇抹，即走

又一次難得和同事出來午膳，『紅茶』我們幫襯過無數次，借今次機會，說一說我們對『紅茶』的感想。什麼時候想起『紅茶』，想不到什麼好吃的會想起它，沒有什麼主意又想起它，時間緊急肚子餓又想起它，因為它方便快捷，送餐快兼質素穩定。以午餐來說，價錢$60至$70左右，價錢合理。說真的，我幫襯過無數次，真的沒有一次踩雷。蒜蓉雞扒飯，雞扒煎得香，蒜蓉汁打得靚，飯軟硬適中粒粒分明。焗豬扒飯，豬扒厚切，多芝士，個飯真係炒出嚟嘅而且樓面人手充足，我堂食過很多次，以茶餐廳來說，這裏服務水平為中上。