紅茶冰室

Open Now

Now Closed

叫左個King餐外賣入面係有個麻辣肥牛米線返到屋企竟然發現個米線冇肥牛。。。真係無言。。。。希望廚房可以睇緊d。。。。食過其他紅茶分店，都冇乜野，但我唔會再幫襯沙田呢間。。。。。

今日去買左$124撻同麵包，俾完錢問個員工攞返張收據，佢就用啲好差嘅語氣同我講:下次要單早啲講呀！我：咁我哋照買麵包要單都要早講，你有冇寫出嚟要單要早講，邊個知啊？2個員工：我哋啲客通常買麵包都唔要單㗎，如果要單我哋又要再取消晒之前啲單再出張單俾你嗰2個員工再話我要單要早講，咁其實你要人早講你咪寫出嚟囉，人哋第一次點知呀，你就喺度不停咁樣話人！買麵包都要受氣！打電話去翻舖頭搵個經理講返，佢話唔好意思跟住佢都係吩咐我下次要單要早講啦，我同佢講呢個唔係解決方法，你唔俾單你就白紙黑字講，如果下一個客人問你攞單你又叫佢早講你又喺度話佢，咁人哋邊個知啊！佢都係冇正視到個問！

呢間分店啲食物水準係唔差，入面嘅侍應都好好，忙到踢晒腳都會好好招呼，唯獨就係個收銀好乞人憎。我通常係假日lunch time去，收銀通常係一個戴頭箍紮馬尾瘦嘅亞姐 + 另一個攣短頭髮肥嘅亞姐兩個做收銀。肥嗰個係冷淡啲，不過都係比完錢快快就走，冷淡啲都冇乜嘢。唯獨係另外瘦嗰個，佢啲態度好似全世界欠佢咁！明明成個lunch都好滿意，就係臨俾錢嗰吓佢啲說話態度好串，真係好掃興！有次我去俾錢，佢不停整其他單，我就諗住佢好忙，要處理咗其他嘅單先，咁我就喺度等佢，點知佢一句得埋唻話：「小姐！你唔講你俾咩，我係唔會知你俾乜㗎！」嘩，係你不停搞其他嘢要個客企喺度等你你仲好意思咁講嘢？！都幾十歲人啦，唔識咩叫好唻好去？如果佢係老闆娘嘅話我冇嘢好講，但係睇佢個款唔似囉。就算你想意見反映都冇用，因為係冇一個email / 電話俾你打去！

📍紅茶冰室沙田沙田正街21-27號沙田廣場3樓50號舖原來地址換上了紅茶冰室，早上八點多已經好多人等位，但勝在餐廳面積大，好多座位，一踏進餐廳，感覺好多人。本人覺得餐廳食物不錯，今天早餐叫咗一個早餐A(仿鮑魚絲火腿通粉，西煎雙蛋，甜餐包，熱奶茶)($40-HKD)。一個早餐C(榨菜肉絲米粉，炒蛋，丹麥酥，熱奶茶)($40-HKD)。雖然都係一般香港式早餐，但算是好味嘅😋。不過略嫌餐廳充滿衝鋒陷陣嘅感覺，若節奏稍為放慢一點，讓人嘆個靚早餐就好了😄。

我從來未寫過食評，但今晚實在太失望了。原本經常去大圍紅茶吃午餐但今晚第一次去沙田紅茶，我們排隊排了很久，我們四個人已點了三個餐，我的小兒子有食物敏感只可以叫海南雞飯但經理話賣晒。沒有其他食物他能吃。那麼我對經理說我去買些小孩可吃的東西給他吃，但是她說不能，最後我們四個只可離開餐廳🥲其實我细仔有食物敏感我經常都要自己預備食物給他，其他餐廳都會明白，而且我們兩大兩細已叫了三個餐。我真的不明白這紅茶大集團怎會這樣令人失望

早兩晚要去沙田廣場, search到朋友之前介紹嘅紅茶冰室原來係度開左分舖, 一於嚟試下喇。平時多數唔會揀去d要企定定排隊等位嘅餐廳😅, 去到餐廳門口見到有十幾人排隊😵‍💫, 差d想走人😅, 不過佢d位都好多, 排左差不多廿分鐘可以入座, 都算可以接受嘅😜食物嘅選擇都幾多, 除左一般茶餐廳嘅食物外, 估唔到有美式漢堡包, 泰式粉麵飯, 泰式小食&東南亞特色粉麵飯, 真係令人15/16唔知揀咩好添😆冬蔭公海南雞金邊粉, 個湯好味呢👍🏻焗芝士牛脷飯, 厚厚嘅牛脷有4大片👍🏻青木瓜沙律👍🏻 呢間餐廳唔錯, 下午次嚟沙田又多一個選擇🤭

紅茶冰室係大圍已經成日好多人排隊🙈佢既菠蘿油就算唔係新鮮出爐都仲keep到好脆口 亦都大大舊 配埋舊牛油真係好正 價錢都只係$13～十分高質最近係沙田都開左分店當然要試試佢今日係下午茶時間黎到 外面已經排左條小龍 不過等左5-10分鐘左右已經入得！-肥牛冬陰公金邊粉 65.34/100冬陰公味好夠 唔會太辣/太酸 不過肥牛煮得老左小小 有啲柴😭 見隔離枱叫左配海南雞 好似好juicy咁 我下次會叫海南雞的了-雞扒漢堡 43.34/100Burger算大舊 但塊雞扒唔知點解有骨🤔同埋有雪藏味薯條亦都怪怪的 好少 好似食緊空氣 不過夠脆口-下次都係食佢啲下午茶餐比較抵同質素保證

沙田新開左呢間好多人都話好食既餐廳，所以lunch就黎try try佢啦好多人，超多人，唔知係咪新開既關係，佢真係爆多人，排隊都要打蛇餅，不過好在位多，等大約15-20分鐘就應該入到去啦個人建議，等位個陣說好埋食咩，咁樣一入位就可以即刻落埋單，唔洗再搵職員幫你，因為職員s都係好忙既陀螺，不停轉，落單送餐執枱，好忙好忙，所以呢一坐底就叫埋咁就快啦午餐套餐就有三個，有湯有野飲，價錢係$65-$68,會有個焗飯既，雖然話焗飯要等耐d，但個人感覺唔係等左好耐，都黎得好快，所以lunch食都夠時間既，唔係鯨吞個飯，叫左個焗白汁魚柳飯，係炒飯底，汁都多既，魚柳都好大塊丫，都鋪滿個飯既，好好食丫，不過太大個飯，食唔晒啦我PS.焗飯個芝士係好拉芝架，師傅一d都唔手軟，滿滿既芝丫

成日經過紅茶都見到好多人排隊，終於近近地沙田開咗，可以去試吓喇🤣我哋公眾假期11:15嚟到，都有唔少人排緊隊，本身都驚食唔切早餐，但最後都啱啱好趕得切😂雖然卡位需要搭枱，但卡位比一般茶餐廳闊落～不過落單真係超趕，有啲澳牛嘅感覺🤣我叫咗秘製榨菜肉絲米粉 ($40)😆整體嚟講都幾好食，不過略嫌榨菜肉絲甜咗少少～另外佢亦配咗top one丹麥酥，丹麥酥好鬆軟好食😋另外炒蛋就鹹咗少少，但係都炒得好滑👍🏻茶餐廳嘅靈魂梗係奶茶啦，今次呢一杯茶走我覺得係水準之上😉茶味奶味都非常均衡～今次體驗的確令我明白點解平時咁多人排隊，不過下次我會揀個冇咁趕嘅時間嚟🤣

我絕對承認自己貪新鮮😛 朋友同我講紅茶係沙田開分店，我就自自然去咗😂 但其實我無乜特別食過紅茶😂唔知係咪嗰個都同我一樣貪新鮮😂 連續兩日大約4點嘅時候都要排隊等位，好彩嘅係兩日都係需要等5-8分鐘左右就入得，同埋要齊人先入坐😝出爐脆皮蛋撻 $7 - 佢無對唔住佢嗰名，真係食到好似新鮮出爐咁，熱辣辣，好好食😍招牌芝士流心西多士 $38 - 要中意食芝士先好叫，食到尾會覺得有啲漏，但真係好好食，絕對食得出佢嘅誠意😋芝士煎蛋菠蘿油 $38 - 如果煎蛋係太陽蛋我會更開心😍 佢嗰菠蘿包做得好好😋 不過如果加埋午餐肉層次感會更好😝脆炸雞脾伴薯皇 $43 - 雞脾有啲炸過咗，邊邊位燒焦咗，但絕對係新鮮炸俾你，熱辣辣嫩嘅位好好食😋 芝士炒蛋魚柳包伴薯皇 $44 - 呢嗰好好食😝 但佢好厚，食落會有啲論盡😂冰火🧊脆皮菠蘿油配經典紅豆冰 $30 - 佢嗰牛油🧈放係冰上面，嚟到你自己夾落去，真係做到冰火嘅效果😋下午茶餐唔算抵食，但食物質素真係有返咁上下🫶🏻 特別係包類產品‼️

大圍紅茶冰室長期多人，今次輪到沙田呢間，岩岩新開張 以往，大概排隊15分鐘，就可以入座，新店舖頭位置坐得更加舒適， 仲有龍蝦晚餐配雜果賓治，又有得食西冷牛扒， 菠蘿油配紅豆冰全日供應。