紅茶冰室

Open Now

Now Closed

食餐飯都咁激氣，真係要表楊一下香港D餐廳既服務態度，今日一行五人11:48 到達餐廳，未到12點半已經比亞姐鬧話我地坐得耐，開聲趕我地走，係香港食個飯慢D都係錯，其中一個朋友因為中間去左5分鐘洗手間，返來杯飲料都未飲完，餐廳如果有限時，應該寫係餐牌，如果我知食一個鐘未夠都比人話阻住佢做生意，我一定唔會來，希望管理層留意一下服務員的態度，如果佢地有禮貌D，我都唔會刻意寫咁多字去差評佢，應該以後都唔會再去

唔係太明點解咁多人排隊叫左個常餐 食物質素非常一般都唔止普通 茶記黎講係中等以下丹麥酥唔夠脆 火腿奄列味道偏淡 無落鹽咁金寶湯通粉d粉煮太淋 軟得濟連埋比較杰既湯成碗糊仔咁豬扒味道一般 煎得唔夠香侍應態度雖然聽講出名差但今次親身認證又無想像中差正正常常咁座位係坐得唔太舒服 好逼我一個人去 明明對面無人 但我坐低左又即刻加塊膠板係枱中間搞到得半張枱放食物個寬度淨係放得一隻碟一個全餐$61食完一次無下次因為各方面都好一般

4人枱本身已分左兩邊，其中一邊吉左，空出的單邊，有位都唔俾排喺前面的單人入座，而係俾左排喺後面的兩人。問佢點解唔俾前面單人的，帶位的說，唔好意思，你明啦，做生意。單人幫襯不算生意？唔俾單人大食過兩人？兩人坐足45分鐘吃兩個餐生意多過4次單人入座？呢次已經係近兩個月第三次在這間餐廳感到單身入座受歧視。以前沒這情況。餐廳改了方針？终於坐下來，點了菠蘿油，凍奶茶。菠蘿包是温熱的，牛油片另外分開，冰了，適度的硬，放入菠蘿包內，剛剛好，與奶茶十分搭，味道保持水準。冰室環境一般，前一陣子餐具偶有污漬，近日情況好了點。餐廳內的侍應十分勤快。

之前路經甚多人排隊，今天排隊的人可接受，因不搭枱關係，我們等了20mins才坐下，這裡裝修有別於一般冰室，設計有心思，兩旁掛滿圖片，全是卡位，員工勤快。💥午市套餐👉包湯+飲料>>羅宋湯+柱侯蘿蔔炆牛腩配薯菜+熱奶茶 $67👉紅湯味濃郁，蘿蔔牛腩很軟腍多汁，調味適中，薯仔冷了，但味道不錯，中間夾上沙律醬😂✌️>>周打硯湯+焗香芋葡國雞飯+熱奶茶 $70👉白湯內有硯肉,洋蔥,bacon,紅蘿蔔，味道清淡，太杰，香芋只有數粒😂雞肉軟綿，飯底蛋香濃郁。💥奶茶👉茶味濃但不夠香滑，屬一般。😄我們看到下午茶餐有個芝士煎蛋菠蘿油配飲料($40)很吸引，上完堂便過來再試試🤣💥芝士煎蛋菠蘿油👉菠蘿包不錯，可惜冷了😅，芝士煎蛋正常，加上番茄偏濕不太夾味道。💥咖啡一般💥另加一件曲奇蛋撻($7)👉蛋微暖，曲奇皮鬆化😋

今日口乾乾，想食下多汁野，於是點左個焗黑椒雞扒飯，野食極速上枱，可惜，太咸啦！繁忙時段，紅茶排大隊風光不再。唔洗等位，1人2人都直接有位。焗黑椒雞扒太咸，黑椒量ok，但真係咸到令我懷疑係咪食緊垃圾，究竟要翻煮幾多次醬汁或翻焗左成兜飯先會整到咁咸？好彩係雞扒，好難會靭。後面台客野食到齊未食完，已經有仕應問加唔加單，唔加就埋單。明明冇客等位，點解唔可以俾客人安樂地享受食物？吹涼、咀嚼、吞嚥、消化都要時間掛。環境，一如既往，又迫又嘈，戴耳機都聽唔到歌。

冇諗過放假食個午餐食到一肚氣！係門口分位個四眼女經理永遠唔會俾兩位入，就算有枱，都只會俾三位入，又係咁不停叫人搭枱，排隊時已經不停俾佢問左超過四次搭唔搭枱，擺明想迫你兩位既一係搭枱，一係就唔好入，到排左45分鐘時，聽到佢講兩位唔搭枱既慢慢等啦，啲卡位係俾三人或以上坐架啦，你地慢慢排啦，聽到真係火都黎，講真，你間餐廳九成位都係卡位，後面成村人都係等兩位，咁即係唔排兩三個鐘都唔駛指意入到啦，兩位客人就唔係客人黎既，仲要係中間時佢放左個客人係未齊人就俾入，啲人問佢點解俾入，佢就話因為係VIP，呢間野真係冇下次，唔會再幫襯，亦會叫哂身邊啲人唔好幫襯，完！

明明夜晚9pm入去，當時餐廳得五成人，正常可以任坐，但四眼婆經理好似唔想人幫襯，好唔願意咁叫人坐埋一邊搭枱，然後好悔氣態度問人食乜，本人正想落order，條四眼婆已經頭都唔望就行咗去，態度惡劣，未食已經受唒氣！麻煩紅茶班老細正視下員工啲服務態度！

今天送孩子去補習中心上數學課後,有個多小時空閒時間，於是便去紅茶冰室吃早餐，我和太太點了個人早餐，一個菠蘿包，一個疍撻。今天評的是菠蘿包及疍撻。菠蘿包真才實料，口感十足，疍撻亦有古祖味道，值得一讚。最後想提的是那杯凍咖啡，落單是而提出少少甜，但我和太太都感到是超級甜。

雖然食物質素好，但那位四眼男侍應的落單態度十分差，沒有好客之道，會批評客人揀選食物時的表達速度，口頭質疑客人沒有先準備就要求落單，實在令人難受！希望管理層多加留意，以改善服務質素。

紅茶喺香港有好多間分店，我亦都唔止食過一次。但係每次經過沙田呢間，永遠都係打蛇餅排長龍。今日年初一完全唔使排隊，可以直入餐廳真係非常好喺門口已經見到佢有蛋撻，一坐低即刻叫人落單幫我哋嗌咗兩個先🤣🤣因為佢啲蛋撻經常都俾人掃晒。近期紅茶冰室嘅蛋撻都算係最得我心，每次經過見到都忍唔住想嗌返個嚟食吓入到去我哋一個叫咗一個全日早餐，另一個叫咗龍精虎猛。龍精虎猛其實就係一條炸魚柳一條司華力腸同卡邦尼汁意粉。想講佢呢度啲意粉我哋都幾鍾意，因為唔會好似一般茶餐廳咁煮到林晒發脹晒。魚柳亦炸得啱啱好，唔會多粉，條魚柳仲好長，不過唔記得影相。另外仲叫咗個全日早餐。其實都幾大份，樣樣都幾好食，係個煙肉爭少少太硬。不過新年就要加二，要睇吓大家覺得值唔值喇

脆皮菠蘿油 - 中規中矩，皮係脆嘅，麵包口感正常，但值得欣賞嘅係菠蘿包同牛油係分開上嘅，所以唔會出現個種一上枱牛油就融左係菠蘿包裡面嘅情況冬蔭功炒河（唔記得個名，「是日午餐」嚟嘅） - 同乾炒牛河幾似，不過牛肉換左做叉燒，另外帶少少嘅冬蔭功香味同輕微嘅辣味。整體的口感比較豐富，因為裡面仲有雞蛋、豆芽、紅洋蔥。紅豆冰 - 味道幾搭，我個人覺得偏甜左少少，但整體OK！出爐脆皮蛋撻 - 普通，雖然蛋漿唔會過甜，但牛油皮一般焗黑椒牛脷飯 - 唔錯，牛脷唔難咬，而且黑椒汁都幾惹味乾炒牛河 - 正常茶餐廳該有嘅水準，唔會好油，味道同牛肉嘅口感都OK總結嚟講，不過不失，就係一間正常嘅集團式茶餐廳，如果唔洗排隊嘅話，都可以食下嘅（雖然排隊嘅人幾多，但冇想像中等得耐）（我冇遇到服務態度太差嘅待應）

門口個阿姐亂咁叫位，淨係俾4人大枱嗰啲人入，兩位嗰啲長期等唔到位，有小朋友嘅呢度又唔坐得嗰度又唔坐得，等完一輪又話小朋友有咩意外要自行負責，不知所謂，雖然性價比高，但係好嘅嘢食香港大把，唔使一定揀你

晚上去吃饭，服务态度真的很差.….戴眼镜肤色偏黑嘴唇厚厚的女生。我跟夫人带着小孩子客气礼貌的点餐服务生说听不懂，且输出了极其不耐烦的情绪价值，让人感觉很不舒服。从这态度差看出几点:1这人的素质大概率也不高，2贵店服务培训管理实有欠缺，希望加强员工培训。我相信服务生并不是听不懂内地普通话，而是故意为之，不知道这种态度的意义是什么呢?客人并没有吃霸王餐觉得累不想服务可以关店休息，实没有表要是出这种负面的情绪给去消费的客人。（就餐期间能听到较远服务生收拾餐盘盘子的声音，可见管理服务培训真的一般，个人认为收餐盘要尽量保持安静、不去打扰到就餐的客人这是起码的礼貌）3如此管理服务水准让人对贵店食物口味也是负影响的，以后可能不会再去。

之前下午茶的魚柳包有炒蛋、芝士片、魚柳。間中都會去吃。今日去食，發現炒蛋、芝士片都不翼而飛，以為廚房弄錯了，於是向店員查詢。店員說轉新款了。很差，味道大不如前。本來炒蛋、芝士略帶咸味，好像還配有千島醬，配合起來很好。外面的面包都轉了豬豬那款包，比之前的硬。現在的魚柳包只有一片小小的魚柳、幾片生菜絲、少許沙律醬，不好吃，只咬到厚厚硬硬的兩片面包，不會再吃！！！價錢加了…但質素嚴重下降！！！吃這個魚柳魚，不如吃麥當勞的好了。

以前都覺得紅茶好味道，款式多，炒嘢夠火候。今日係沙田見到d 款式差唔多少左一半，得返d 焗飯同麵餐，最顯示到廚師嘅炒嘢功力嘅餐得返10幾款，咁都算，叫左個星洲炒米仲要係無之前咁好食！好失望！我屋企人都話唔會再黎！睇黎個大廚辭左職，所以cancel曬d 炒嘢。Sosad。