紅茶冰室

Open Now

Now Closed

自問經常食好多唔同既茶記，呢間係經常會再去既一間。附近有2間紅茶，內街呢間近排重新裝修過， 餐牌2間一樣左。今次去食左個全日早餐，意想不到個魚柳咁大塊，仲要炸到外脆內軟，魚柳仲有好多汁。多士係用丹麥包，更香牛油味。腸仔一樣好juicy。食一份真係可以頂2餐。之前食過佢既常餐，沙嗲牛麵同酸辣肥牛都好好味。麵包同蛋撻都不斷新鮮出爐，堂食外賣都好正。佢地既炒粉麵都好有鑊氣，中午食過咸魚雞粒炒飯都好好味，d雞粒有另外炒過，推介。

今日大食妹同朋友仔行完城門水塘, 過咗去大窩口食個下午茶醫肚 偶爾見到呢間紅茶冰室, menu嘢食睇落好啱胃口, 所以就入咗去試下啦<招牌沙嗲牛肉麵特餐>大食妹真係超鍾意食沙爹牛肉麵呢間冰室嘅牛肉份量都幾多, 麪質煙韌火腿奄列份量非常大, 多士外脆內軟<香炸雞髀伴薯皇>朋友仔就嗌咗份香炸雞髀伴薯皇, 食完表示炸得燶燶地幾好食<酥皮叉燒包>另外大食妹見佢嘅酥皮叉燒包都幾抵, 所以嗌咗份出到嚟比想像中大好多裏面有好多嘅叉燒混合肉碎, 食落好滿足

有一段時間冇嚟紅茶食早餐，印象中以前坐位較闊落，現在位多咗，但較迫夾，入到嚟，個種活力同以前一樣，因哩到既員工工作非常勤快，見有人到，會主動安排位置，又會即時收拾枱上的碗碟今早叫左個招牌沙嗲牛肉麵，煎蛋+香酥丹麥多士都係$34蚊，真心覺得呢個價錢+呢個食物質素好抵食食物好快上枱，沙嗲牛肉麵，港式味道，沙嗲味雖然唔多重，但好彩牛肉好淋滑，而且有咬口（唔係比梳打粉拿到死淋冇晒質感果亭）加番唔小分。蛋煎得好靚，好滑，香酥丹麥，好香牛油味，入口似牛角酥，够酥軟

這餐廳裝修後重開兩星期左右，裝修後，坐位多咗，但較迫。紅茶招牌早餐，係沙嗲牛肉麵，一直都係好受歡迎，目測大概3個人就有1個會叫。今日叫咗個脆脆魚柳伴德國腸，炒蛋，香酥丹麥多士，呢個早餐係裝修後先有。魚柳，size好大，炸得好香脆，蘸沙律醬，入口香脆長長的德國腸，外皮脆脆，好有腸仔的香味香酥丹麥多士，係我最鍾意食既(裝修前已停供應一段時間），本身丹麥多士，已經好有牛油的香，包質好好酥軟，再係表面塗上一層牛油，真係好邪惡但又好好味奶茶真係唔駛講，奶香茶滑

Want to have hk style afternoon tea. Ordered French toast with cheese, used condensed milk instead of syrup. You can feel the heat when it served on the table. I can taste the egg inside the French toast. Highly recommended this.Another chicken wings with salad. The chicken wings were so hot but the salad was room temperature.

星期日去食紅茶冰室真系多人到爆。🥴11點30去到已經排長龍 我哋2個人入到去坐卡位張枱好細又同人搭枱 叫餐都等左好耐 😬嗌左今日嘅午餐a 黑椒汁肉眼扒 有中湯/紅湯/白湯揀 亦有飯/薯菜/意粉選擇由於張枱太細 飲品都唔夠位放 因為驚阻住對面嘅食客😅食物種類繁多 價錢亦算合理

食冰室一定要食常餐😂 而沙嗲牛面就係我all time favourite，我極力推薦呢間紅茶！牛肉嫩，係林但冇醃爛晒鮮牛肉，麵又唔會浸林晒，湯唔使浸滿晒，岩岩好就得。奄列好食，多火腿！蛋又唔老，多士脆。其他朋友食午餐，我冇試但佢地就話好有鑊氣。賣相都好好

有日行完熊貓 唔知食乜好 喺熊貓裏面兜嚟兜去又揀唔啱心水 咁諗住兜出去睇吓有冇街坊街坊茶餐廳 行吓行吓就行咗去大窩口邨 係大街嗰邊有間叫紅茶冰室 幾出名下 係細街呢邊又有間叫紅冰室嘅嘢 唔知有冇關係呢行過見到晚市都有啲人 就走咗入去試食啦 叫咗個生炒骨 加飯要加$10 加嘢飲加飯要加$20 落完order 等左一陣 生炒骨就到啦 賣相係幾吸引嘅 幾靚 但係咬落去就...... 啲粉好厚好厚 舊骨又 基本上係食粉 冇乜肉食 佢仲要話呢個生炒骨代表作之一 唔係幾交到貨囉

不嬲知出面食飯唔太健康但奈何呢期屋企無煮家飯食，唯有相約友人去食小菜加白飯。平時食紅茶都係鍾情個沙嗲麵set，今晚就去中菜館試試個小炒質素。好似好多味都有，德國豬手都食到，心大心細咁蝦醬炒牛肉通菜🍃真心幾大碟，通菜堆到山咁高，有菜食可以路路暢通碟野有wok氣唔會太重味，但調味岩岩好幾有水準菠蘿生炒骨🍍排骨用麵粉裹身炸，炒香醬汁、洋蔥、甜椒、菠蘿再混炒，排骨係真排骨無咩肉，但醬汁酸酸甜甜幾送飯兩個人埋單位150左右，其實個量真心幾大，街坊生意下次黎再叫唔同既野見隔黎枱既煲仔菜都好吸引！

其實間唔中都會同老婆去食下小菜。不過宜家發覺每況越下！唔知係咪星期三晚，賽馬日關係！叫3個送！三個都係唔好食！叫左個美極煎海蝦！上檯其實唔太熱，D蝦好明顯唔係新鮮！因為蝦身係淋⋯⋯再食唔夠香同冇美極既惹味，唔夠咸！另外薯仔牛柳，如果食左深水步萬發。同尼到冇得比，薯仔真係薯仔冇咩味，牛柳用梳打粉「那」到淋晒。最過份既係啫啫通菜！我諗起網上既廚房影片。啫個煲都成鍋水咁！真係半鍋係水注注！仲要成煲冇味！今餐冇咩點食就走⋯⋯⋯尼間野 好飄忽⋯⋯

今個星期難得係荃灣返工，阿姐帶左我地去食好野。佢話呢間紅茶佢成日食，個菠蘿油不得了，我同另一個細嘅都好期待。我地等左十幾分鐘就入得。間餐廳裝修走懷舊路線，入到去睇都有幾多位。我地要叫左啲lunch set，我就叫左泰式香茅飯$49，會跟一碗湯同飲品。今日嘅湯係蕃茄湯；飲品就叫左熱檸水。碗蕃茄湯隻色偏橙，而唔係紅色；內面好足料，滿滿洋蔥，飲起黎似重茄味嘅羅宋湯！而主菜，香茅豬一啲都唔泰式，無甜酸醬反而有好多汁。睇落似汁燒豬扒！呢份豬扒好好食，煎得好香，份量又多，連跟嘅菜都好好食，相當有誠意！推薦！最後，我地3個人share左一個新鮮出爐嘅菠蘿油，牛油完美溶化，完美嘅午餐！

偶然都會到這裡用早餐，經常都人很多。水準算不錯的。其實不遠，街的另外一邊也有一間。人也不小的。既然那麼受歡迎，就介紹一下。今天點了牛肉麵，炒蛋多士熱奶茶。$32抵唔抵見人見智。牛肉麵牛肉不少，沙嗲味都幾重，麵今天不錯，不太淋不太硬。不過整個牛肉麵熱一些會比較好。但公仔麵的確要些時間處理，會一碗一碗做的茶餐廳相信不多。炒蛋賣相不錯，也很嫩滑。多士牛油比較多，合重口味食家。奶茶也很好。餐廳環境也很舒適。多人的餐廳有些時候，服務可能會未能令全部人滿意。但總括來說，你見這餐廳常常都很多人。就明白概括來說還是值得推薦的。

近來返工前，成日都去茶記食個早餐先。藍妹慣左食沙嗲牛肉麵，鐘意加左沙嗲既湯味，然後再加隻煎蛋。—紅茶既包都係藍妹食過幾間之中，最好食既，佢唔係普通方包，唔會淡而無味又乾。😉 烘過既，牛油融哂去個多士到，鬆化既口感，比個讚👍蛋就差少少，因為藍妹好怕好生既蛋，紅茶既就偏偏係生得不能再生。😖不過佢隻蛋其實好大隻，蛋黃係咁多間最大隻既，唔知係咩牌子，但味道唔係藍妹鐘意既。😞沙嗲汁好多，令到個湯偏咸，好重味啊！😮麵既軟硬度適中，最怕啲林哂既，一pat野咁😫—紅茶都算係我返工前最常幫襯既一間，成個餐水準最平均。不能不提，果到朝朝都坐滿人，近乎次次都要搭枱，所以大概睇得出質素唔差。

呢間嘢新開時服務態度還可以、 但做耐咗之後、 班侍應同收銀嘅態度都好差、 可能真係唔憂做掛、 落柯打嘅時候、 班侍應粗聲粗氣、 好似要佢請我食咁、 俾錢嘅時候仲谷氣、 就咁將啲散紙劈落個兜度、 大佬呀……我係嚟消費㗎、唔係嚟受氣㗎、 所以我會再幫襯、 black list

今早去大廈街的紅茶食早餐，由於有其中一位家人是食素的，這間餐廳沒有供應素食早餐，落單時向員工要求將麵上的沙爹牛肉用碗仔另上，當時的員工話可以的，落單後，有另一位女職員來說公司規矩不可以咁另上，我再解釋多一次理由佢都話公司規矩唔得。多一個碗可能令到佢地洗多咗、做多咗、辛苦咗，咁你地係就講清楚啦！落單時有人話得，落單後有人話唔得。唔得我咪走囉！呢道唔止得你一間茶記，仲有大把選擇囉⋯⋯不知所謂，再嚟多一次都浪費時間。