富豪餅店

Open Now

Now Closed

入到機場先記得要買生日蛋糕上網一搵難得機場入面有全個蛋糕咁賣啵 咁就去幫襯下現場得返4個完整嘅蛋糕賣太趕唔記得影低～大概係1.芝士蛋糕2.朱古力蛋糕3.竹炭芒果蛋糕4.椰子芒果蛋糕🍰係店員力推下，我揀咗椰子芒果！一打開屋企人都覺得好靚好吸引～但食落又無想像中咁驚喜！入面係mousse cake嚟～並唔係海綿蛋糕出面係椰絲～會食到成口係可能唔係傳統蛋糕的確唔係人人喜歡而我就覺得幾好食～而且係低糖自己鍾意食甜品，但太甜我都會頂唔順！低糖版啱啱好就覺得幾鍾意！話佢似係酒店出嘅蛋糕質素又未至於～但可接受！$268！值得再試！

今日3月8號，三八婦女節。公司請女同事食cake。我揀左一個外形似生果tart嘅士多啤梨cake。本身以為呢個cake會好似一般生果tart咁嘅味道，但佢個皮係好鬆軟嘅蛋糕黎，好好食，同一般嘅果tart好唔一樣。同埋士多啤梨下係cream cheese嘅蛋糕仲要有士多啤梨醬，食起上黎好有層次，好夾。士多啤梨上有金箔，看起黎好高級。十分推薦呢件蛋糕俾大家。雖然我唔係餐廳內進食蛋糕，但係購買蛋糕時感受到侍應嘅好客親切，好期待下次嘗試佢地其他蛋糕產品。