圓苑

Open Now

Now Closed

今晚約了友人在尖沙咀dinner, 友人想吃中菜，結果帶左我去“圓苑”，這是一間比較舊式的中菜館，以粤菜和懷舊菜為主，一試無妨。脆皮燒鵝皇~ 鵝肉厚實爽滑，入味juicy, 外皮甘香，酥脆爽口，很美味。香煎蓮藕餅~表面煎得金黃香脆， 裏面食到粒粒的蓮藕和香甜的豬肉，最重要是乾身不油腻，正！鮮茄雲耳浸菜心~有蕃茄，芹菜，木耳和菜心，蕃茄湯底，清新又開胃。濃雞湯海皇泡飯~湯底雞味香濃，加入爽脆蝦肉，魚肉，勝瓜粒，蕃茄粒和脆米，十分滋味可口。

山林道是一條食街，Oyster Bar、火鍋、中西菜雲集第一次到訪「圓苑」，想不到食物是那麼好吃，因為製作認真。例如乳豬會即叫即燒，一定是皮脆肉香，鮮味十足。也有一些傳統特色點心，比如俗稱 “菲林” 的「懷舊芝麻卷」，菜館暗藏特色這裡的明爐燒味很受歡迎，香脆熱辣辣。燒腩肉通常每家的出品都不會太難吃，但好吃的叉燒不是度度都有。圓苑的「荔枝蜜汁叉燒」上枱時熱辣辣，最好趁熱吃，才保持 juicy 又帶有焦香的美味「西澳龍蝦」薑蔥炒，龍蝦鮮味十分特出🦞 沒有濃稠的玻璃獻汁，吃罷也沒有口乾口渴，新鮮得無法掩蓋「鮮露荀黑木耳炒鮮淮山」上面有輕炸過的蕃薯片，頗有心思，要趁未索滿蔬菜汁之前吃掉，就可以吃到脆卜卜的口感🍠「烤燒河鮮活鰻魚」即叫即燒，處理時間相對久一些，魚皮香脆，肉質彈牙，跟叉燒一樣咁 juicy，伴碟有微甜的蓮子清新一下，這道菜巧手兼有自己特色，沒有類同這裡每枱食客幾乎也 order「冬瓜盅」 ，讓周圍滲透了清香的氣味🥒唯一美中不足，是茶不夠香，他們選用茶包泡茶雖然衛生，而茶味始終不及原片茶葉的香濃呢！說到底，「圓苑」還是一家實惠和值得再來的中式菜館🥢我給他90分💮

想食好咪既點心 但又唔想去連鎖酒樓 or 酒店太貴既 圓苑都係一個好選擇～ 茶位$13 唔算好貴了 蝦餃相當出色 睇相都見到係超大粒 好有蝦味 絕對唔係雪藏蝦果類 叫左蝦腸粉 腸粉皮整得幾好又係蝦😂 今次係蝦多士 鍾意食脆口野既一定要叫 炸得勁爽脆 大讚咸水角都係signature 果然真係好好味 唔會太膩 肉既比例做得岩岩好～ 午市黎飲茶都忍唔著想叫好出名既叉燒 好肥美 叉燒汁又好入味 絕對想encore!! 中式懷舊甜品黎到芝麻卷 凍食超好味 芝麻味超濃郁 仲整到好Q彈 老人家最岩食既甜品

Modern Decor💫 Simply Guangdong Cuisine🥢..呢日黎左尖沙咀做完GYM🏋🏻‍♀️，到左晚餐時間是時候搵食，經過山林道附近，見到呢條街道有一間感覺精緻既中菜廳🥢，入內感覺舒服，就簡單來吃幾個簡單小菜填飽口腹。甫坐下先來一壺茗茶 & 傳統餐前小食 (喬頭）酸甜開胃，喜歡這類見少既餐點，作為餐前小食不錯吃。小菜方面，普普通通有 ll 較為惹味，大概是一道很下飯菜式；ll 清淡之選，大概岩夏天這個季節；ll 較為出色❤️，半肥瘦叉燒沾滿蜜汁，色水滿有光澤，肉質鬆軟腍滑。..菜式沒有很驚豔，不過不失，簡單吃點平常中菜🥢。..×××××ש尖沙咀山林道14-16號達榮大廈地舖..

約咗客人尖沙咀飲茶，就佢方便係佢公司附近搵咗間裝修環境舒服既酒樓。預先訂好檯。兩個人主要太耐冇見想聚下舊，飲番杯茶傾下計。於是簡單點了幾款點心。《水晶蝦餃皇》$52/4隻點心之中蝦餃差不多係必，有一定嘅受歡迎程度。呢間嘅蝦餃真心不錯，皮薄餡靚，仲有金箔係面。《蘿蔔絲酥餅 》（$48/3件）外表賣相靚，金黃色鬆脆酥皮外表，包著軟滑蘿蔔絲，味道不錯。《雪影焗餐包》 （$48/3件）製作需時（約20分），耐心等候。叉燒餡入口熱辣辣，值得等待，進食時小心燙嘴。《懷舊芝麻卷 》（$48/3件）小時候總是想食嘅點心，但每次老豆都唔比叫。大咗偶然就想食。芝麻味香濃，口感軟綿。想飲茶環境優雅，坐得舒服，地點又放便，不會太多人太擠迫嘈吵，不妨試試考慮呢間位於山林道嘅「圓苑」。

今次食下中式🥢去左尖沙咀山林道既圓苑，環境好寬敞，坐位舒服👍🏻 我地是晚點左：..🍖蜜汁叉燒皇其實我真係超鍾意食叉燒！見到碟叉燒一端上來，就知道好食；睇其色澤係鮮紅不深，而且亮澤外皮睇得出用麥芽糖浸透，好香！叉燒揀左少肥既部分，半肥瘦叉燒最完美，因為肥膏令瘦肉更香更軟腍，難怪係其招牌😋..🥩 黑椒薯仔安格斯牛柳粒安格斯牛柳粒同薯仔粒一樣size，讓客人可以一口口食，加左黑椒炒香，格外惹味！安格斯牛柳粒肉味濃郁，好好食！..🍲紅燒花菇豆腐煲大大件豆腐，炆得好軟好juicy! 撈飯一流！旁伴仲有靚菜心！簡單又美味..店員仲送左兩碗糖水來，係紅豆沙，唔會過甜剛剛好！

蜜汁叉燒皇燒味最鍾意就係叉燒，仲要係半肥瘦，表面塗滿惹味嘅蜜汁，燒到帶有少少焦香味，肉質非常軟淋。燒汁珍菌安格斯牛柳牛柳粒非常鮮嫩有肉汁，配上爽口嘅珍菌，色香味俱全，仲有金黃色嘅脆片做點綴，增添唔同層次嘅口感。涼瓜煎蛋白涼瓜清熱解暑，絕對係夏天必點嘅食材，今次叫咗涼瓜煎蛋白，薄薄嘅涼瓜片清脆可口，唔算太苦。雞蛋只係用咗蛋白，食落蛋味冇咁濃，反而同苦瓜幾夾，配合起嚟非常清新冇負擔。最後仲有送兩碗紅豆沙作為糖水添！

尖沙咀都有好食中菜，朋友介紹話叉燒好正！環境好闊落光猛，每張枱之間都好多位，坐得好舒服。黑椒薯仔安格斯牛柳粒呢個係大牌檔必嗌，佢比起平時大牌檔既冇咁重口味，加上安格斯牛柳肉質唔錯，亦唔會有厚炸粉，我都幾鍾意。薯仔方面就切得細細粒，一粒一啖。黑椒味都唔會太濃烈。鮮露荀黑木耳炒鮮淮山大家知唔知淮山係對身體好好架！露荀好新鮮清脆幼嫩，黑木耳爽口，淮山佢炒既火喉唔錯，仲係爽口既！荔枝蜜汁叉燒黎到萬眾期待既叉燒，嘩，果然好厚切好大舊！蜜汁好杰，所以完全掛晒係舊叉燒度，由於厚切，中間d肉仲好juicy。原來食完晒野仲會有糖水送架，當晚係綠豆沙，唔好睇佢其貌不揚，食落係好綿，綠豆煲到好爛，而且重點係有好香既陳皮味，真心好食

今晚經過佐敦，行了入山林道，這裡有很多食店。看到有間中式的餐廳，門前有大大的魚缸，有很多不同的海鮮，所以進內晚膳。這裡佈置簡潔，燈光充足，還有2樓雅座。聽店員介紹他們出名是燒味，因有自己的燒爐，所以燒味都是新鮮熱辣的。-黑椒茨仔安格斯牛柳粒 牛柳粒入味淋軟，配菜有薯仔和青椒，用了黑椒煮更加惹味-紅燒花菰豆腐 炸過的豆腐，加入花菰炆得十分入味-蜜汁叉燒皇 半肥廋叉燒面上塗上蜜糖，燒得很入 味和juicy。-紅豆沙

又嚟到食肆林立嘅山林道覓食！的確Be係比較少食中式小菜🤭少食多滋味嘛！久唔久再品嚐又格外享受！是晚挑選咗呢間光猛又闊落嘅餐館用膳❤️. 茗茶揀咗龍井！茶味香且回甘☕餐前小食係水煮花生！過口癮先開餐!值得一讚係店員服務周到有水準😊😊. ✨ 鮮露筍黑木耳炒鮮淮山色彩好繽紛☺️有翠綠露筍！爽脆黑木耳！新鮮淮山！營養彩椒！好養生健康嘅一道菜😘😘. ✨ 黑椒薯仔安格斯牛柳粒 呢道餸差不多每次Be食小炒都會叫😋😋呢度用上優質安格斯牛！令味道更上一個層次👍🏻而薯仔沾滿咗惹味黑椒醬汁更係精萃所在！！. ✨ 紅燒妙齡鴿 賣相好誘人😍😍乳鴿皮脆肉嫩！啖啖肉且齒頰留香！同行朋友好滿意！！. ✨海帶綠豆沙清甜解熱氣👏🏻啱哂咁熱嘅酷暑食哦👏🏻

休閒飲茶🫖同個friend去尖沙咀行街，經過山林道，行到攰坐低飲下茶，食下點心😋😋環境好好，好舒服，樓底都好高。呢度啲選擇都幾多，有啲嘅點心都好特別。我哋嗌左杞子蒸燒賣，雪影焗餐包，米惘得意腸，蜜汁叉燒王同埋懷舊芝麻卷。杞子蒸燒賣大大粒，岩岩蒸好，唔會有好多肥豬肉，食落應該有兩隻蝦咁多，都幾新鮮，唔錯。雪影焗餐包三個包包熱辣辣，表皮好脆脆地，加埋叉燒唔會太甜，夾埋都幾好食😋。米網得意腸最欣賞呢個，中間炸網包住蝦，類似春卷，再用腸粉包住，外軟內趣，口感特別，幾有特色。蜜汁叉燒王呢個出名嘅叉燒，係熱碟上嘅，熱熱地，肉質好好，如果有碗飯用嚟送飯更加一流。懷舊芝麻卷最後食埋呢一個懷舊芝麻卷，農鄉嘅芝麻味，軟熟嘅質感，再攤埋杯茶，夠晒relax。

同事聚會，我地揀左尖沙咀「圓苑」，我之前食過佢地盤菜，食物有質素，所以今次親身去食下佢地菜式，食物款式有特色，味道有驚喜，環境也舒服。即燒脆皮乳豬半隻半隻份量十足，皮脆肉厚，豐富肉汁，肉質幼嫩。椒香涼伴鮑魚特色開胃送酒菜，賣相十足，用冰鎮醉鮑魚盆，冰冰涼涼椒，香椒香微辣，鮑魚鮮味。薑蔥枝竹炆龍躉扣矜貴菜式， 龍躉扣鮮味十足，爽滑彈牙，芡汁惹味，枝竹軟腍入味。濃湯海皇泡飯吃之前要加入脆米，湯底香濃，加入鮮蝦很鮮甜，飯軟熟有咬口，整體口感一流。芝麻鹽焗雞半隻芝麻香口，雞肉有味，皮脆肉嫩滑，啖啖肉，非常滋味。仲有黑椒薯仔牛柳粒、鮮露筍黑木耳炒鮮淮山，滋潤紅豆沙及懷舊芝麻卷，也十分美味。另外「圓苑」有月餅禮盒，包括雙黃白蓮蓉月餅茗茶禮盒及迷你奶黃月餅茗茶禮盒，而家購買有早鳥優惠有興。

今晚收工黎左尖沙咀山林道既圓苑食晚飯。之前黎過一次，覺得菜式都唔錯呀。圓苑主餐牌有餐前小食，燒烤，明爐燒味，燕窩湯羹，鮑魚海味，海鮮，巧手小菜，豬牛類，煲仔菜，家禽，豆腐蔬菜，粥粉麵飯。另外有廚師推介。今日叫左兩份巧手小菜同一份燒味。餐前小食$15一份餐前小食係酸蕎頭，爽脆又酸甜，好開胃。荔枝蜜汁叉燒 例牌就$168，呢個係小，似係例牌既一半份量。蜜汁叉燒一客8件，食落都算腍，瘦嗰部分都唔會太乾，味道都可以。欖菜肉鬆四季豆 $128 另加一欖菜肉鬆四季豆有脆口四季豆加上鹹香肉碎同欖菜一齊炒，仲有辣椒同少量洋蔥碎。熱辣辣上枱，味道唔錯，感覺有風味又健康。家鄉小炒皇 $138 另加一家鄉小炒皇配料有韭菜，香脆芋頭絲，少量燈籠椒。海鮮有鮮蝦仁，魷魚同蝦乾。另外仲有脆口腰果，口感好多層次。加上XO醬一齊炒，味道少少辣，好惹味。海帶綠豆沙食完仲有糖水送，係一人一碗海帶綠豆沙。海帶綠豆沙好足料，煲到爛，味道又唔過甜。今日兩款小菜都唔錯。餐廳裝修新凈，好光猛又乾淨。平日夜晚都坐滿咁滯。最後多謝友人請客。

今日遲咗放工，所以只能在尖沙咀同老婆搵晚餐食，記起之前同老豆喺山林道食太湖海鮮酒家嘅晚飯不錯，可以嚟到山林道帶老婆試一試！嚟到呢度點知原來太湖海鮮酒家已經不存在，變咗做“圓苑”，既然係咁就決定留低試新嘢！裝修環境當然比之前太湖有時代感同乾淨很多！一嚟到先去他們的廁所到此一遊，他們的廁所也十分乾淨乾爽！由於只有我和老婆兩人晚飯所以點小菜不能太多否則吃不完！而他們推介芝麻雞和燒乳豬，但由於兩人基本不能 KO 還是等下一次和家人來一同晚膳時才考慮吧！ 最後我們點了三道菜為今天晚飯的小菜，第一道是蜜汁叉燒，叉燒食廣東菜燒味的名物，要做出一道非常好的叉燒並不容易，既然他們家燒味是即燒，所以馬上點上叉燒試一試師傅的手藝！叉燒是半肥瘦，蜜汁一點也不人日過甜，而且叉燒帶有一些脆邊，熱食時軟硬適中十分香十分可口！真的不錯！ 紅燒妙齡鴿更驚為天人，乳鴿皮非常脆口香口，一咬外脆內軟而且十分多汁！乳鴿內的肉非常鮮甜，與一般酒樓對比簡直天淵之別！叉燒和脆皮妙齡鴿配上白飯簡直可以吃多一兩碗！ 由於兩道都是肉所以我點上一道菜和湯，便是這個魚湯鮮竹勝瓜浸魚豆腐！魚湯非常清，但清而不淡，用來解肉的油膩

朋友生日 搵間靚少少既中菜食😍2個人叫左3個菜share份量岩岩好！紅燒妙齢鴿有手套提供，方便進食～脆薄的外皮、滑嫩的肉，勁香口！非常滋味😚家鄉小炒皇呢個好味過平時大排檔食開既～食材超豐富，有韭菜、鮮蝦，炸芋頭條和腰果，炒得香噴噴 好惹味大芥菜咸豬骨煮沙白蜆 平時唔常點既菜～湯底好濃郁同鮮甜，咸豬骨同白蜆既鮮味比大芥菜吸收曬！大芥菜好多汁😍好飲又好味！最後仲有甜品送🥳偶然食下中菜都係唔錯既選擇😚滿足