犀牛犀牛 (沙田廣場) (Closed)

做嘢慢吞吞 釘左單用咗成5分鐘cls大佬 兩張紙夾埋釘一下炸之後明明得2 3個客等佢落單佢仲可以慢慢行去zip張單 10問9唔應 發緊夢咁以後唔想再黎嘢食又慢 態度又唔好唔想做生意就收鋪啦一份三文治等左半個鐘重點前面得1 2個

想飲廢水又想幫襯下啲小店，喺沙田新城市廣場睇咗陣，發現無乜選擇，再上網搵下，見到呢間都叫做有啲好評，好似嘢食做得唔錯，於是當時就去咗唔太出名嘅犀牛犀牛。（佢而家開多咗分店，我都見過幾間）買咗一杯半甜走冰嘅白桃烏龍，盛惠$32，廢水入面佢算貴，又無配料，得糖水同茶😥無乜茶味，香味都無乜，半甜咗都有少少太甜。伏都係要中一次，佢啲好評咁多，可能佢啲多士真係好食啦😅😅同埋佢比用自攜杯呢一點加分。但係如果淨係講飲廢水，我就唔會再幫襯，除咗環保，味道對我黎講都好緊要🙈

難度指數5**題目🍞：#餐蛋治 同 #肉鬆芋泥吐司 擺喺你面前，你會擇邊樣？🔹芋泥肉鬆蛋吐司🔹$40以靠樣搵食嘅吐司店嚟講，可以再組裝得好啲，個賣相唔係好凸出到佢餡料迫爆嘅視覺效果的確好足料，不論係肉鬆定芋泥都多到灑晒出嚟，咇到食張紙都係，進食過程中 現場畫面一遍狼藉🦧可惜佢個質素唔得🤥 芋泥芋頭香好很淡，連香精味都冇。冇顆粒感，偏向似醬嘅質地肉鬆就正正常常，冇特別鬆脆香口或肉味濃郁蛋其實可以唔存在，宜家有格格不入嘅感覺🧐

每次唔想食正餐既時候，都會即刻諗起想嗌犀牛犀牛嚟食🦏 佢既吐司&捲餅堅持做到即叫即整，而且其他台灣小吃都似足台灣當地食既咁惹味！性價比非常高！私心推介芋泥金沙吐司，鎮店雞柳條，仲有韓國五花肉捲餅。都有比較健康嘅選擇: 芋泥沙律🥗 芋泥泥量好慷慨，芋泥控深表感動另外，佢既台式飲品選擇非常多，有啲係台灣專用詞 (例如歐蕾)，可能將台灣既餐牌原汁原味帶到香港呢！茶底味道算得上中上水平，勝在有好多配搭同配料任君選擇呢！

叫左個韓式豬蛋餅套餐沙律幾新鮮蛋餅好正！隻煎蛋好夾啲食材仲有個是日小食正正常常美中不足係服務態度超差有個綠色頭髮戴眼鏡既女仔收銀，個客問 要等幾耐左右。佢竟然同個客講 唔等得就唔好買，洗唔洗退錢比你？我係隔離聽到個下真心呆左真係野食好味先會幫襯

門面隻犀牛好有趣，畫功唔算好精緻，但好有手繪感覺，有少少台灣文青feel，就咁被佢吸引住😍🍿爆谷奶茶幻想著好似奶蓋咁樣，面層有一層脆卜卜爆谷，但都先問問店員，係咪真係有爆谷㗎？店員笑住回答，「🙅‍♀️，但係會有爆谷味道。」又諗多咗添😅爆谷味道即係焦糖味，所以呢杯其實算係焦糖奶茶。杯身好靚。下次再試埋其他台灣茶先。

☺️ 小編依日喺自訂嘅打卡新界路線，嚟到沙田嘅犀牛犀牛依一站！由於早前已經食得相當飽，只係有啲口渴，所以最後只係叫咗一杯茶飲解解渴。😌［ 亂闖試飲 ］🍹 金萱烏龍 (凍) 😋😋😋😋小編叫咗少冰少甜，飲落烏龍茶味濃，偏澀，醒一醒神！非常大杯，抵飲！👍🏻下午茶 💵 約港幣$30/人💁🏻‍♀️ 有興趣嘅朋友，可以試埋佢哋嘅三文治㗎！佢哋分店都有唔少，經過嘅話，不妨試下啦！🙆🏻‍♀️ 最後，喜歡嘅話，歡迎follow @foodirectory.hk ！

人氣台式小食店開左黎沙田, 身為沙田友一定要去試下😋🍴芋泥生菜沙津 $34芋泥必選! 一聽個名就覺得好特別, 個生菜沙律中規中矩, 但上面個芋泥不得了❤️🤤芋泥滑順綿密, 一啖芋泥一啖沙律大滿足✨唔需要落沙律醬已經好夠味👍🏻🍴莎莎炸雞蛋餅 $49🤣唔知點解個莎莎炸雞好有KFC既辣炸雞味道, 唔食得辣既人覺得真係好辣啊! 但食得辣既人應該可以接受到😆因為係外賣拎番屋企, 個蛋餅凍左d, 但個外皮還算煙韌, 如果即買即食會再好食d🤤💕

韓式醬燒牛五花捲餅真係好特別 將韓國風味融入落台灣嘅元素🇰🇷🤤卷餅熱辣辣脆卜卜食落好煙韌 仲有層蛋皮😋再加埋入面嘅牛五花嫩滑得嚟又夠肉汁🐮配埋洋蔥同椰菜🧄🥬口感味道真係超級豐富👍🏻

🦏 人氣台店犀牛出沒注意沙田廣場有多間特色小食，這次被藍白色裝潢的犀牛犀牛吸引了。店舖主要售賣台式飲品向小食。等種繁多，全部即點即製。🐮 韓式醬燒牛五花 $47招牌捲餅是蛋餅類別，份量比想像中足料。捲餅香脆，內有一層蛋皮，包裹著醬燒牛五花肉、洋蔥和生菜。牛肉香嫩充滿肉汁。飽肚又好吃。🐔 吮指辣雞球 $27一口一粒的黃金炸雞球，沒有骨，啖啖肉，而且帶點辣味，非常惹味，是讓人愛原釋口的小食。🍋 檸檬冬瓜寒天小暑天天氣苦悶濕熱，來一杯消暑解渴的最適合不過，冬瓜茶有清熱利水、解暑解熱、減肥等功效，加上檸檬的酸度，可刺激一下食慾，開胃又解渴。🍼大甲芋頭鮮奶 $36這個真的超推介，足料又美味，芋泥香甜濃郁，喝下有粒粒芋頭蓉，甜度適中。加上鮮奶後變得順滑美味，可當甜品吃。🔸小總結：餐廳光潔舒適，犀牛Logo相當吸睛，性價比極高，而且是黃店，值得支持一下 💛👅味道：4.7/5💰CP值：4.7/5🕴🏻服務：4.8/5🔰餐廳環境：4.9/5🍽 餐廳：犀牛犀牛🌐地址：沙田沙田正街沙田廣場3樓31E號舖

沙田廣場美食店舖林立 呢間台式捲餅係我嘅日常飯堂☺️平時反工經過 都見到好多人排隊 適逢佢哋今次有新產品🙈一於買返屋企試吓！店舖主打捲餅 亦都有小食、吐司、茶飲等 食物即叫即做 所以等候需時🕒🧋冬瓜茶/冬瓜歐蕾最近天氣悶熱濕氣高 真係要飲番杯古早冬瓜茶消下暑 佢哋最近推出咗呢款夏天必飲嘅產品 佢哋使用左純手工製古早冬瓜糖磚 味道香甜 解渴一流！冬瓜歐蕾亦都係我最愛嘅飲品之一 加咗香滑嘅鮮奶 飲落去口感豐富😍🌯韓式醬燒牛五花佢哋嘅招牌捲餅真係食極都唔厭😍即叫即做熱辣辣 捲餅好厚身 外皮好焦脆 再加左一層蛋皮 好飽肚！內餡有醬燒牛五花 肥嫩香口 肉味濃郁 軟淋芯味 仲有炒香既洋蔥同椰菜 吸晒醬汁既精華 必食推介！🌯日式辣味噌豬五花外層餅皮好脆口 裏面餡料爆滿😍韓式辣醬 微微辣 好香口 豬五花好有咬口 好入味 略嫌少少油膩 食完會好飽肚😂🌯莎莎炸雞今次叫多咗呢款炸雞 因為睇落去好吸引 雞肉係炸過 不過好嫩滑 食落口啖啖肉 呢一款都唔錯！🍞巧克力棉花糖厚吐司吐司好厚身 裏面茶滿左香甜嘅朱古力醬 面層有燒過嘅棉花糖 口感好滿足🙈

行行下肚餓想食個下午茶，於是揀左犀牛犀牛我地叫左個Mega combo set，套餐入面有芋泥生菜沙律、是日炸物、起司蛋卷餅、凍爆谷奶茶套餐幾多嘢食，每一款味道都很不錯，尤其是蛋卷餅柔軟又有嚼勁，好香。熱辣辣食最好味！奶茶都好飲，鐘意甜嘢嘅一定喜歡，甜而不膩仲叫左個美式炸連皮薯條同塔塔炸雞蛋吐司薯條都好香脆~值得推薦

見佢喺沙田廣場開左分店，又好多人買，所以我又去排下🌯【招牌肉蛋捲餅】 $35 (7.8/10)食落似手抓餅，可能因為冇醬嘅原故，所以我覺得偏乾，唔會特別推介配餐 【🥃白桃烏龍】微甜少冰 （＋$20）(8.2/10)呢杯係真係有蜜桃粒咬嘅烏龍，唔會好甜，好好飲🍞【起司蛋吐司】 $27 (7.0/10)配餐 【🧋白珍珠烏龍奶茶】微甜少冰🧋＋無負擔沙律🥗 ＋是日炸物（＋$40）半熟蛋治、食落好普通冇咩特別，個包咬落唔似烘過，奶茶唔知點解飲落冇咩茶味，好似飲緊杯白玉奶撈水咁(5/10)，沙律揀左【芋泥生菜沙律】(7.5/10)，佢有配到黑醋同胡麻醬，胡麻醬同個芋泥一齊食正常過黑醋好多。炸物係【吮指炸雞球5粒】(7.3/10)，正常嘅椒鹽雞粒、冇咩特別📍 【犀牛犀牛】沙田沙田正街21-27號沙田廣場3樓31E號舖

最近係社交平台發現到呢一間台式小食店 見到佢哋個三文治都幾足料 揀咗個芋泥肉鬆蛋三文治🥪芋泥口感軟滑綿密又夠清甜 肉鬆份量都超多鹹香味十足 佢比起平時仲多咗炒滑蛋 口感食落更加豐富！

超鍾意呢一間沙田嘅台式小食店 佢除咗有平時嘅台式爆餡吐司🍞仲有熱壓吐司！嗰次就試咗個朱古力棉花糖吐司🍫吐司烘到脆卜卜 入面夾住軟綿綿嘅棉花糖 朱古力醬加棉花糖真係好夾 加埋塊麵包一齊食 食落唔會太甜😋