RIA Indonesian Restaurant (Closed)

平時出銅鑼灣多數選擇連鎖餐廳多，今次心血來潮想找些平時少吃的cuisine試試。聽老公講渣甸街後段有很多新開的小店，有泰菜、越南菜、印尼菜等等，印尼餐館比較少見，便入了這間一試。之前我老公去峇里大概都知印尼菜是炸物為主而且乾身，不太岩口味，於是我們都一同選擇了湯飯。第一款湯飯是印尼雞湯飯，以雞絲上，味道清甜。另外湯底亦加有粉絲，索了湯汁相當入味！第二款是金腩湯飯，這一款則是鹹味為主，牛腩肥瘦比較適中，而且軟身易入口，不錯。另外點了沙嗲串燒試試，三串雞三串牛，他們的沙嗲醬偏重花生味而微辣，亦夠juicy。在店用餐大概45分鐘，來光顧的都是印尼人，以最地道的方式用手食，食得很滋味，相信在印尼人心裡，這店的地道印尼菜式能解給他們思鄉之情。

今日難得可以一個人自己去食飯,所以就周圍去搵一啲D自己比較平常少食嘅食物，就去咗銅鑼灣嘅一個露天市集(側面小窄路)裏面有一間Ria Indonesian restaurant，係食印尼嘢嘅餐廳，出奇地裏面冇乜人，所以就入咗去， 但係最令我覺得深刻嘅就係佢哋餐廳嘅音樂係好平靜。於是乎坐低咗睇下嗰啲咩好食，我就叫咗一個巴東牛肉午餐，係包一杯嘢飲嘅，就叫咗一杯印尼咖啡，首先印尼咖啡味道好濃，而且已經落咗糖有甜味，唔需要再加糖，咖啡有啲似我哋茶餐廳嗰種嘅嘅苦味，都可以。然後先嚟 一個白飯有幾片青嘅椰菜，跟住最後係你個巴東牛肉，一個湯碗，嚟到時一睇，好似冇乜材料咁，有碗湯咁，再細心去睇，裏面嘅材料嘅牛腩都唔算少， 老實講，味到真係偏鹹少少，有少少辣同咖哩味，但係味道就唔係太吸引，反而牛肉嘅質地唔算太差，唔算好鞋，有啲腩位，整體嚟講都可以，因為lunch時間呢一個巴東牛肉飯只係收43蚊，包一杯嘢飲，唔加一，地方算唔錯，好寧靜，我相信Ria Indonesian restaurant係畀本地嘅正宗印尼人去食,因裏面所有貼上牆嘅介紹都係用印尼文寫嘅， 主要顧客應該係印尼人，如果lunch時候揾唔到位，

餐廳位於渣甸街轉入去後面的一條街，近來個頭好似開左好多新食肆。呢間主打印度菜嘅餐廳即使晚飯時段亦唔多人去食，店內約有一、兩度印度人係度食，相信佢地係覺得食材正宗先會係度食，同埋餐牌有印度文，絕對係想做佢地生意。店內有店員係香港人，廣東話對答無問題。🌿食物方面🌿全部都係東南亞菜式，當日叫左【金腩湯飯】同【青椒雞（飯）】。【金腩湯飯】：HKD50飯嘅份量中等，但個腩嘅份量少到可憐......最多得三舊，味道好一般，口感淋淋地ok啦，但HKD50就真係唔太值。【青椒雞（飯）】：HKD55雞炸得一般，唔係特別脆；而個醬係極辣！！！真係極辣！少少一點已經辣喇。好彩佢個種辣唔攻鼻、唔入喉。食物：⭐️⭐️⭐️環境：⭐️⭐️衛生：⭐️⭐️⭐️服務：⭐️⭐️⭐️抵食：⭐️⭐️⭐️