祥仔辣辣 (The LOHAS) (Closed)

諗住食一餐普通中菜，菜式既心思帶來意外的驚喜，由開始的一啖茶，有點像玄米茶的，已經與別不同，好想多來嘆茶的感覺。先來水煑魚，好大碟，魚肉很滑，第一啖是驚喜的意外了，叫左BB辣，老少咸宜。另一是樟茶鴨，那份煙燻香氣，是別具心意的。最後是服務，他們的細心，有禮，很少在一般中式食店遇到的，更添性價比高。消費約$700，三人進食份量已好足夠，走既時候才記得忘記叫飯，如果加入一些饅頭之類的小點配搭會更加好。

吸引到去試祥仔辣辣係因為佢地將川菜結合西式既煮法中西合璧令川辣更昇華👍🏻無晚市就唯有試下午餐set 🥢🥢酸菜魚係餐廳招牌菜所以當然要試下用左香滑甜美既鱸魚再加入自家醃製新鮮酸菜配埋雞骨同豬骨熬製既湯入口酸辣分明 鱸魚好嫩滑又無骨 😋米線又好掛湯👍🏻配菜仲有芽菜,枝竹,豆卜同萵筍等等 味道層次更豐富🙌🏻呢個set仲可以揀三款特色小碟揀左開胃既涼拌拍青瓜,爽口既麻辣豬耳同蒜香味濃既雲南白切肉 每款都好惹味😋另外試左辣辣海南雞飯海南雞份量多 雞件嫩滑油飯亦香口同粒粒分明 仲有配左四款醬汁可以蘸💯

睇完戲一落樓下就見到呢間有烤魚食，所以就衝住個烤魚黎，結果失望而回🙁。首先一坐低就擺低十蚊先呀唔該👉🏻茶芥（桂花）💰$10另外想提一點就係啲職員好有趣，個個好似好忙，但係又其實無野做，我expect服務方面係會好少少😤另外個裝修好靚，但係啲枱櫈就爭少少。我哋坐嘅係四人枱，兩張枱拼埋嘅，咁烤魚個爐就會擺喺兩張枱中間，而張枱就會郁吓郁吓其實都幾危險。個環境都係乾淨企理嘅但係啲細節位就可以改善一下。🐒青椒湯底配海鱸魚💰$468佢有幾款湯（麻辣，酸辣，青椒，蕃茄），都食得辣，所以揀左中辣。條魚係幾大條既，應該有拖過油，入面有少量配菜同薯粉，如果想要其他配菜可以單嗌，但我地見到個湯咁油都唔想浪費左啲食材🥵條魚太老，所以啲肉實左少少，但整體味道係ok既，都會越煮越鹹，所以要加水再配飯先食到🐒加配前菜小食辣拌貢菜💰$28貢菜唔係好多地方有，佢係好似菜寶咁既口感，幾好食😋。🐒白飯💰$15

假日周圍人山人海，見呢間嘢冇乜人，加上明星效應，即管入去試下，點知…中伏！星期日都有午市套餐，價錢比茶記貴一倍，如好食嘅話，係值嘅……。但滿懷期望郤換來poor service, 食唔飽（難食）！裝修係新，所以坐得舒服。但某男侍應惡到一個點，擺放餐具粗魯（大聲到嚇c人），餐牌都未打開，已呼喝式問食乜呀？！媽媽order 紅抽抄手拌麵，麵是油麵，真係好油（肥膩）！雲吞皮有好重鹼水味！海鮮炒蘭州拉麵，當然係same same, 如食晒嘅話，等於飲油落肚。海鮮就慘不忍賭，假蟹柳，3隻蝦毛，加兩隻八瓜魚仔（有幾豐富，請睇相）鳳梨咕嚕肉飯，好過冇囉……比留少少credit佢, $10加配杯青蘋果梳打，水準還可。

祥仔系康城開張我帮襯左好幾次。第一次，叫左雞煲小辣 、酸菜魚同手撕包菜。雞煲小辣完全唔辣 酸菜鱼帶苦 包菜正常。甘我同我老公两人就考虑到可能新開所以需要時間調整啦。過左大概2星期再帮襯啦 叫左個二人餐，d食物辣到入唔到口！甘都算啦 我同我老公就話下次就唔好叫呢個套餐啦。之后我試過自己一個人買過幾次雞煲中辣 加個白飯 ，每次叫中辣但幾乎每次辣度都唔一样。其實有時ok有時都幾失望！前幾日再帮襯外賣叫左個雞煲中辣、手撕包菜、白飯、椰汁水果仙草。打開個椰汁水果仙草里面只有黑黑的仙草 （椰汁同水果完全無）！然后個手撕包菜完全無味道！最可恶系個雞煲！雞唔熟！無辣味！成煲雞都一pat pat! 連白飯都無！呢間店令我覺得非常無誠意，價錢同食物質素也有着好大對比！今次之后絕不會再帮襯！

今日午飯去咗祥仔辣辣，叫咗客香酥豬扒配菜飯。 香酥豬扒好入味，好鬆化，好香口，食下去有一種脆香的滋味，我感到好滿意，不過飯是菜飯，就煮得不太好啦，個飯唔香唔熱，又一嚿嚿，而不是一粒粒，真教人有點失望。 但整體上，香酥豬扒是好味的，但飯只是一般，為何只是煮好個飯是哪麽困難的事呀？ 祈望祥仔辣辣能煲個令人一試難忘的靚飯啦。

今午去祥仔辣辣開餐，特別想試下其辣辣海南雞飯，Wow價錢是$108，都算是貴了些少，但是如果物有所值，咁就算佢哋啦。直接了當的說，辣醬汁放在一旁，方便食客因應其可接受的辣度自行處理，我落咗些來試試，感覺不太辣，只有些少香料味道。至於雞肉呢? 的確嫩滑，但可惜雞味不足。飯就做得好好，是"吉他無弦線"~無得彈呀。還有餐廳奉上凍凍檸檬薏米水，感覺不錯。可是這薏米水比對於冷冷的服務就有些少失望了。

買二人398套餐,中規中矩.個辣子雞冇可能食.好似柴咁完全冇肉,亦都咬唔開,最後掉咗! 唔可能畀人食. 15元買個飯,細到半碗飯都沒有. 之前堂食已經想放棄,後來再給他機會買了一個乾辣鍋,食物少到不能接受,以後都要放棄這間餐廳.

最近睇YouTube有位食評家去到呢間餐廳親手入廚房整酸菜魚 睇到非常吸引 所以搵咗個星期日一家四口去試吓菜 星期日下兩點半左右入坐 被安排坐一張圓枱 我哋叫咗一個午餐酸菜魚跟拉麵 一個海南雞飯一個酸辣湯麵 散叫一個回鍋肉(走辣) 午餐跟一個三小碟 我自選三款 飲品我叫咗兩杯百香果菠蘿茶 一杯鹹檸檬梳打 一個自家製冷泡茶 先講食物 前菜三小碟 酸菜魚拉麵 酸辣湯麵味道唔差可以一食 海南雞飯 雞份量小到我唔知點去衡量($108) 跟白飯唔係油飯 味道一般 回鍋肉真係睇到都想問呢碟係乜 成碟係豬肉片炒京蔥仲要係冇乜(豬肉片)仲要收$88👍👍👍 原本飲品其實冇咩特別都唔想多講 最特別應該係個冷泡茶 因為係我食晒野先最後到 原因係話即叫即泡😂😂😂收$18好抵飲重點係要講呢間餐廳嘅樓面 全個場目測有6個人加一個專人櫃面收錢合共7人 全個場唔多人入場食野 但奇怪嘅係 只係得一個人識落單 識落單嗰位呀叔我覺得應該要加佢人工 乜單都係佢落 咁個結果咪落錯單囉😂😂😂 叫嘅佢唔落 落嘅就落錯 錯完又再錯 其他嘅員工 有乜事就叫呢位(落單專員) 唔死就其 所以我比嘅評語係 咁有名氣攪間咁嘅餐廳 真係祝你好運

之前試過水煮牛肉拉麵，D油多到飲油一樣，完全冇考慮到加左拉麵可能會飲到一D湯嘅同埋會飲油，食過勉勉強強第一次都算，味道還勉強可以。今日買外賣，所謂紅油抄手拉麵，乾到D面粘埋一舊分唔開，得少少汁冇味嘅，祥仔你都收58蚊加2蚊外賣碗，比多少少 汁拌下唔駛多幾豪子成本。。。抄手裡面80%係粉，多少少少少肉得唔得？ 58唔係貴，但係58買個完全失敗失望嘅垃圾就好貴。58蚊你名廚賣一碗乾水麵粉？難怪經常冇人幫親， 太過分。掛所謂名廚賣垃圾。唔駛賺到甘盡嘅。見到祥仔招牌都怕怕，除非冇得選擇如果唔係點都唔食。

餐廳唔大不過乾淨 始終都係商場 坐得舒服 睇睇MENU 好多野想食 最後決定叫個兩人套餐 本身498 做會員就398 可以即場做唔洗比錢頭盤2款豬耳：爽口 少辣冇咩麻香夫妻肺片：得牛𦟌 牛肚 味道基本上一樣 水煮牛肉：好大盤 牛肉唔柴唔會有筋 牛肉份量都多 啖啖肉食落都幾爽 配菜有少量芽菜 萵筍 算係冇失望啦 湯底咕嚕肉：成晚黎得最快既餸 仲快過頭盤 只能講質素比快餐店好少少辣子雞：雞切到好細粒 雖然有骨 但係都脆到連骨食左都唔覺 送酒之選甜品 仙草涷：食完咁多熱野 依個冇得輸酒釀桂花湯丸：酒糟味唔重 芝麻湯丸甜美作結最後叫左杯由牛油果 煉奶 做既沙冰 唔錯阿 特別過飲酸梅湯總括之言 水準對得住價錢 岩香港人口味既入門川菜選擇

有一日問朋友邊度有好味的酸菜魚，朋友介紹Lohas 的祥仔辣辣， 淨係聽，都連口水都流埋。 幸運地，第朝就得到上天送的黑雨假期，於是，山長水遠冒雨入到日出康城同好朋友們一起吃酸菜魚米線。 更幸運的是，仲係好好好味的！ 酸菜夠酸但又不過份，全部都食哂！！魚又多又大件，無骨！！湯入面仲有菇，同萵苣！！如果唔係塞到我飽左，真係想飲埋d湯 🤗🤗🤗🤗🤗當然能同好大食，令食物更加好味 🤗🤗🤗🤗🤗加了咸檸檬做飲品，非常入味，非常咸

無味 餸少 食物不熱 不是一般， 是太差了😱食香味都無 但又要價錢贵 說是中午套餐 但套餐只有麵 無飲品 什麽都無 不知道為什麼會説是套餐，想試新餐廳支持一下， 但中伏了 算了 😅不會再去。

係The Lohas 都有酸菜魚食啦。而呢間祥仔辣辣記得喺旺角都非常之出名，平時都要排好耐隊。咁喺呢度就唔使等咁耐啦，基本上都唔使等位咁滯，所以就當然要試一試啦。我哋入去嘅時候係午市，咁就有好多款午市套餐選擇，比起晚市係平好多，而且可以試到佢哋嘅招牌菜。呢個係招牌酸菜魚湯麵，可以見到佢係配搭左酸菜、魚，同埋芽菜既。其實我諗大家睇都睇到佢呢間嘅酸菜魚係比較清淡，絕對唔同其他店咁四川味道，一啲辣味都冇。如果expect食返四川味夠嘅話我就唔建議你黎間啦。但如果你係比較想食清淡又想食比較滑嘅魚就可以試吓。

最近朋友都好喜歡食酸菜魚，試左幾間後，覺得呢間祥仔辣辣都唔錯。這家的酸菜是自家醃製，而且加入了更多的香料，例如迷迭香，增加了菜色的香氣和層次感。魚肉鮮嫩，入口軟滑，份量亦算多，我選擇的是微辣，不吃辣的也可以嚐到這份刺激😛去骨海南雞飯 $128上台的時候看到是雞胸深感不妙，一試下原來細滑多汁，絕對唔係乾柴，當然我還是喜歡吃雞脾的😆福建炒蝦麵 $128非常香嘅麻油味，看起來非常樸素，但未到卻是實實在在的，值得一試❤️不想吃那麼刺激的話這道菜也不錯。