祥仔辣辣 (The LOHAS) (Closed)

假日周圍人山人海，見呢間嘢冇乜人，加上明星效應，即管入去試下，點知…中伏！星期日都有午市套餐，價錢比茶記貴一倍，如好食嘅話，係值嘅……。但滿懷期望郤換來poor service, 食唔飽（難食）！裝修係新，所以坐得舒服。但某男侍應惡到一個點，擺放餐具粗魯（大聲到嚇c人），餐牌都未打開，已呼喝式問食乜呀？！媽媽order 紅抽抄手拌麵，麵是油麵，真係好油（肥膩）！雲吞皮有好重鹼水味！海鮮炒蘭州拉麵，當然係same same, 如食晒嘅話，等於飲油落肚。海鮮就慘不忍賭，假蟹柳，3隻蝦毛，加兩隻八瓜魚仔（有幾豐富，請睇相）鳳梨咕嚕肉飯，好過冇囉……比留少少credit佢, $10加配杯青蘋果梳打，水準還可。