昇星餐室

Open Now

Now Closed

叫咗個超值早餐（選擇唔多，好似得三四樣揀，但可以貴啲食其他早餐），我叫咗雪菜肉絲米（應該無得轉麵或通粉）、火腿炒蛋、牛油方包配熱咖啡，28蚊，比較附近幾間確實平得唔少，起碼有得揀食平啲定食貴啲，對於日日要出街食早餐嘅人嚟講，日日慳十蚊八蚊都好。講返早餐個質素，雪菜肉絲米味道正常，軟硬適中，（覺得有啲茶餐廳米粉偏硬，但係呢度唔係），多雪菜但無咩肉絲，呢樣我ok，返正我都係要雪菜，但係可能有人覺得唔得，炒蛋炒得唔錯，方包就係正常牛油搽麵包，軟熟就好，熱咖啡正常茶記味道，總括係正常，加上只係28蚊即時好食咗。另外呢度啲位唔迫，坐得幾舒服。

過開黎呢頭番工，抱住走入嚟街市試吓嘅心態，行咗入街市入面睇。見到呢間昇星餐室環境唔錯，就走埋嚟望下。門口即刻已經有個哥哥仔問幾多位，安排咗個位比我，無諗過而家仲有30蚊一個full set嘅早餐，正！本身諗住掋應該伏伏地，點知完全無伏！已經好耐無試過食咁飽嘅早餐，哈哈。雖然食緊嘅過程聽到有個呀姐對隔籬枱態度麻麻，因為人地想叫特價餐轉其他野佢唔准，所以個客就走左。所以如果想响個30蚊menu度轉其他野食可能就唔好考慮呢間啦。

餐廳裡座位不少，座位舒服 服務員態度非常熱情鰻魚炒飯：粒粒分明，用料十足，有鍋氣,飯上面仲有一塊大大的鰻魚 我最愛豬軟骨拉麵：豬軟骨燜的軟爛入味，湯底有三種選擇（豬骨、麻辣、番茄）番茄湯酸酸甜甜非常滿意仲可以選擇手打烏冬 上菜速度快，整體味道不錯，用餐環境舒適，性價比超高，值得再去。