Riso Café (Closed)

一條冷行屯門市中心, 又唔想成日去燉奶佬咁悶, 於是上了三樓覓食, Euro go go太重芝士, 食完一定過晒龍, 於是揀左Riso.點了白汁火雞闊條麵+蒜蓉包+菠蘿Aloha(加大), 先來蒜蓉包, 味道一般.再來闊條麵, 個白汁尚可以, 火雞都幾足夠.最後杯菠蘿Aloha好正, 好有菠蘿味. 成個餐, 盛惠$42, 算中等價錢啦.

乍看名字，莫名其妙。一看英文，恍然大悟：Tomato Melody 是也。蕃紅美樂迪，喝罷有蘆薈「膠膠地」的口感，亦有青瓜「青青地」的味道；雙重口感之間，淡淡然道出蕃茄「生生地」的香氣，但就喝不出士多啤梨的源頭…喝至杯底…喔，原來是打冰草莓的碎冰橫行霸道。

呢度d下午茶好抵食, 都係HKD24, 比正價平近一半, 份量同正價差不多. 叫左香草雜菌燴飯+清青草原(類似青瓜沙冰). 個燴飯OK, 有好多雜菌, 如果加多d芝士會更好, 杯青瓜沙冰唔太甜, 好清新, 啱晒夏天. 至於環境都幾舒服, 可能係平日下午比較少人.

話說友人到此餐廳晚膳. 不料等了很久很久為也等不到order了的食品. 他看到鄰坐的情侶在食東西時, 有一名女侍應拿著一碟食品走到情侶前說, 那碟不是你們的, 這碟材是.但男食客說了三次,我己經吃了.但女侍應仍然堅持說"不要緊,換給你吧".而然女侍應拿著那碟己給人吃了三口的飯,不是走回掉了它. 而是在場內走了兩圈.然後把那碟飯送到友人面前.這當然全看在友人眼內. (因為那餐廳在空曠地方及很細)真的不知女侍應腦袋有問題,還是女侍應覺得友人腦袋有問題材這樣做. 最後那餐廳的經理只是說了一些門面話了事.氣得友人說不了話!!!

成日去屯門Cafe,,竟然無留意原來4樓有間Cafe今次一試, 同fd一齊食左個set tea兩樣都係d 普通食物,香蒜包同炸薯條,仲有兩杯野飲,價格十分合理,舒服就各有各眼光..我覺得一般,太公開啦,,但住o係4樓...望到下面3層.其實都ok既~都係一間值得再去既Cafe~

呢度d 果汁好正o架, 大家一定要試o下!上次食意粉同pizza, 味道係有水準之作, 用料亦都好新鮮呀!價錢又唔貴, 值得試呀!

活動後整個人疲憊不堪,尤其是腦袋!!結束後大家走到呢間小小餐廳休息一下,由於午餐食得太豐富,今次只係試下飲品先。餐牌的確熟口熟面,正如yan所言,好似fuzion smoothie!幾乎是同出一轍!!在各式各樣飲品中,最後揀左用芒果、蘋果打成既尋金熱夢。呢杯smoothie顏色金黃,相當搶眼。從外面都見到粒粒蘋果皮,似乎用料幾足。口感相當幼滑,飲到濃濃芒果同蘋果香味,間中仲有少少果肉食到,相信天氣熱時飲會更加滋味。其他honhon食薯角同意大利飯,雖然無試到,但聞到薯角味道相當香,而大家對意大利飯評語都唔錯,相信應該都幾好味。

趕功課的週六，完成其中一份功課已是三點幾，才驚覺肚子空空。我居然廢寢忘餐，真難得。　之後去屯門某食肆試食，不過我想之前實在太餓，試食完仍不滿足。經過全新三樓，看到這間cafe門面還不錯的樣子，再吃多個茶餐!　選了芒果狂熱沙冰+香草蒜茸脆香包，付了款後會有人捧餐，即是類似oliver的服務形式。5分鐘時間左右，沙冰先上，一試清清的不太甜，裡面還有啖啖芒果及香蕉果肉，應該真的是鮮果製作。香草蒜茸脆香包也來了，嘩，總共有十大塊，份量令人吃驚!味道方面，蒜茸超多因而非常香口，比預期水準為佳，結果整籃都清掉了。很飽。　環境尚算舒適，而且價格令人震驚：$22!!　看到很多人在試risotto，這個我信心不大，但會再來試cheesecake。　P.S. 總覺得它似一間店... 啊，對了，十足十Fuzion Smoothie Cafe!超值版。

12.30...其實果陣都成5:30嫁喇...係tm想食tea wo..最後就上左3樓既riso度食...其實前幾日都有係果度買左$20兩杯Smoothie黎飲...同佢地標榜既一樣係食吾出有冰既,,,好滑..仲好抵tim!而果日試既係tea set...叫左個菠蘿火雞pizza$28同蒜容包$22...連2杯野飲+大...每杯+$2...分別係莓子雜薈同軟心情人...total$54...我覺得食物普通,,,唔會有太大驚喜..最好既都係杯野飲啦...而且份量較細...之後我男朋友吾夠飽又走左去覓食,,,p.s.因為杯野飲..所以我俾個笑面...heeeee

價錢不貴，飲品食物又有點特色，選擇又多，去多幾次都不會厭。雖然是快餐店，但不用自行取食物，有人拿來給你。飲品款款都不錯，無冰，但不會太甜，份量亦因而增多。我喜歡蘋果＋蜜桃，芒果＋菠蘿也不錯。食品有飯，意粉和pizza。那個辣pizza真的幾辣下，要小心。飯是意大利式的飯，濕濕的，個人也喜歡。飯和意粉的賣相幾健康，無油炸野；不過我只是單看外表，不知是否真的健康。不足的地方是份量較少，對女仔來說也是剛剛好。但和旁邊的Euro go go比，價錢和份量也是Riso佔優，而且Riso不會像Euro go go那樣用不環保的紙碟。我只是試過lunch set，$4x - $50。

佢d野一定你整定架,之後再入微波爐叮下佢,因為我叫左個什麼蜜x抄飯入便凍架@@拿命@@再叫左個pizza加薯角,嘩!d薯角有d石頭feel,咁又叫左個什麼杏片包,呢個都可以ga,最好就係佢杯drink.

同男友兩個食飯..飲過佢d smoothie..見幾好..試下晚餐..叫左鮮茄老虎蝦燴飯..蒜容包..同鮮番茄烤包..一杯smoothie個飯味道幾好..d米大大粒..係珍珠米..配番茄汁好惹味..不過份量好少...女仔食都係剛剛好..男仔一定唔夠飽..仲有果d肯定唔係老虎蝦..只係一隻新鮮蝦仁..但都幾好味..蒜容包..好軟熟好香..味道幾好...唔會太硬..good鮮番茄烤包..最好味..下面牛油烤包..好軟好香..上面係一些凍既鮮番茄粒加d香草...配起來好match..好香又酸酸地...好好味...smoothie不嬲都正...good兩個人都係五十幾蚊..幾抵..但份量較少..唔係好飽...總括來講..都係屯門新開既一間推介食店..good

佢地ｏ既Smoothie唔係沙冰ｏ黎ｏ架，無冰ｏ架，所以我覺得好正！　特別係芒果味，要有yogurt個隻，超順滑；仲有個隻very berry good, 有好多種唔同ｏ既莓子，都幾好味。　另外，上次我食ｏ左焗薯角，幾熱lat lat，又唔油淋淋，下次去都會叫番，好食過M 記，蜜糖提子包亦唔錯（我朋友叫左），唔係好甜但係好香，下午茶最正。下次我會試下佢地D lunch or dinner set, 個樣都唔錯，價錢又唔貴。

黎呢樹食飯, 係貪佢有沙冰好怪, 佢平日晚巿有SET DINNER, 價錢仲平過LUNCH.所以要幫襯, 都係找平日夜晚抵D. 平均都係四十樓下一個餐包一杯沙冰或健康飲品快餐黎講, 我覺得佢出的飯叫好食了起碼快餐的飯好食過隔離個間GO GO EURO不過RISO的意粉就不掂. 要改善