Ristorante Pizzeria Da Vincenzo

Open Now

Now Closed

自疫情無得去旅行係香港四出搵出色嘅西餐，止止思念歐洲嘅感覺。其實黎過好多次，今次先認真打個食評因為舖頭細細，而且佢職員唔多，好多時候都係得一個waitress睇全場，所以預咗時間會耐啲。通常都會整支啤酒，好多意大利出品嘅啤酒都唔錯，每次我同男朋友嚟食都一定會嗌～佢嘅Pizza我試得7788 ，最鍾意嘅就係Pizza Bresaola E Grana (Dried beef, parmeasan & rocket), pizza quattro formaggi (4 cheese pizza) 可以加$20雙拼。每次餐前麵包都好好食～同埋啲芝士好濃郁，食完好滿足！唯一不足可能係人手真係長期不足，要等得耐啲，service wise真係要改善下🤭

今日開party，叫咗Da Vincenzo 外賣，我其實唔係好食連鎖店嘅pizza，都覺得呢間好好食，但佢個餅底特別薄嗰種，不過啲cheese🧀就真係好香！重中之重，推介嘅係佢任何一款沙律，都好好食😋 尤其係最左邊嗰個burrata salad (布拉塔芝士沙律)，佢個burrata cheese ball 份量夠晒4個人分，好大個，而且好smooth，食落好fresh其餘意粉都好好食，但係因為我哋叫外賣，返到嚟會淋身咗少少，最建議堂食☺️

Ummmm.. I have mix feelings about this resto.. The food was ok, I liked the pizza and ravioli, the burrata cheese taste fresh and yum too. But the pasta were not al dente at all, too soft for me. The steak taste kinda lack of flavour too.. I had high expectations before as i saw some other foodies recommended this place, and the chef was from Italy, I thought I finally found an authentic Italian resto in Kowloon side.. however.. the experience turns out was a bit disappointing.. 🥲First of all, t

平日竟然可以在大角咀食Lunch真係開心，更開心係我個Friend揀咗呢一間位於博文街的意大利餐廳，又好食又抵食。兩個人一坐低就即刻睇吓個Set Lunch Menu，基本上都係$100左右，究竟係一個意粉加一個Pizza好D，定係勁D叫2個Pizza好呢？其實又好想食佢個燒春雞……最後我個老友決定叫兩個Pizza，因為散叫的Menu中Pizza係貴D的。我地叫咗一個傳統D的芝士辣肉腸Pizza，另一個就揀有好多菇的(好似係叫做熟火腿香菌雅支竹Pizza)兩個Pizza之中我地都覺得個菇Pizza好食D，可能因為無咁滯，食落口比較Fresh D，老老實實，兩個Pizza真係夠三、四個人食，才$108，仲有餐前麵包可以點Olive Oil同醋，仲有餐湯或者沙律，仲有杯餐飲，真係抵到無朋友。我地仲叫咗Sparkling Water，個樽好靚。

大角咀Da Vincenzo，The Hangout餐廳冇位同我地講可以去隔離幾間舖嘅bar度坐底嗌完送過去。點知嗌枝apple cider，2020年2月底就過左期，同個老闆娘講，勁冇禮貌對唔住都冇句。同枱仲見到塊布抹完枱又抹餐具白酒蜆意粉水到茶記湯意咁，carbonara都好一般，以前個汁蛋味濃好多好食好多菇拼four cheese pizza，以前長方形而家變正方形，個批底都冇咁脆，個菇又草味又有dd腥要靠tabasco打救。仲有個羊架未影到，熟度ok但面頭拍左層麵包糠多舊魚，伴碟個薯角似煮多過炸仲有陣怪味加兩杯Suntory生黑啤埋單都成千，個胃俾人強姦完咁款🤦‍♀️🤦‍♀️🤦‍♀️🤦‍♀️🤦‍♀️

大角咀隱世餐廳。環境逼夾，比較細，得幾張枱。午餐做到2:30，晚餐才有水牛芝士沙拉🥺另收加一服務費#lunchset #lunch #午餐包餐包+湯/沙拉🥗+茶/啡#芝士意大利小雲吞 $108特濃芝士湯浸著菠菜餃子🥟配藍芝士桃桃醬，超熱。幾好吃，邪惡，一個人吃會好膩～#熟火腿煙燻芝士薄餅 #火腿薄餅 #pizza $108火腿偏鹹配熱熔芝士，記得趁熱食～餅底超薄，邊位好脆，跟餅乾一樣他的沙律是甜甜的黑醋配火箭菜和車厘茄，感覺健康～不錯ᶘ ᵒᴥᵒᶅ個人口味評分：7/10

之前一路有食開佢哋嘅Pizza之前未轉手嗰陣係一家外國人主理，服務好好。主要負責人係一個外國男人老細態度都非常好。之後應該轉左手唔再見到嗰一家人，轉左變咗個肥女人外國人打理就少食左。🤢因為試叫午餐之前有套餐而家打落去話剩係得單點🤑，但好搞笑地落到去問午餐menu接待嘅疑似係該女人嘅工人姐姐，就俾咗套餐menu我，之後個女人一見到就好緊張搶番個Menu話得單點。。。尋日叫咗個four cheese pizza take away, 有九折，打落去order嗰陣都正常。但去到俾錢就俾個肥女人用好串既語氣講話不設找續結果要自己兜圈去七仔買咗其他嘢再俾返錢佢亦都唔會找零頭。。。 咁樣既服務態度唔怪之得咁多負評🤯真係唔改下應該都會越黎越少人

We live in the neighbourhood and this has been our favourite place for pizza for quite some time. We have tried other things on the menu but find that the pasta and mains are not as consistently good as the pizza. We’ve tried most of the famous pizza joints in HK and still frequently come back here.

無論第一次和第二次去，食物質素都保持非常良好。我哋叫咗沙律，四重芝士pizza，一人一支啤酒。雖然環境地方比較窄少，但係氣氛唔錯，適合三五知己一齊聚會。好可惜，侍應會不停催促你離開，即是你已經訂位，佢哋大概45分鐘後便會提醒你要買單，即是你嘅枱面上面還有食物和飲品，佢會提醒你要買單啊。如果你唔買單，佢就會企起你隔離，然後每隔5至10分鐘，就提醒你要埋單。最後我哋買咗單想飲埋杯啤酒，佢哋會企起你隔離話俾你知出邊仲有好多人等緊，你好快啲走啦唔好阻住。所以唔會再去第三次啦，再見。

位於博文街的Da Vinzeno 算是個人甚為推介的意大利餐廳。不論是意大利麵食，pizza 還是扒類，味道都不錯。 ⁣這次要介紹的是烤羊扒伴薯仔。首先，羊扒羊味濃，但不會太膻。輕輕一切，羊肉進口軟綿，不像一般羊架厚實。伴碟的沙律亦不錯，個人喜歡他們的醋醬。⁣店內位置不多，大家最好提前預約。⁣📍Da Vincenzo❤️羊仔扒伴薯仔。。。 #ciaohkfood #ciaohkfood推薦 #ciaohkfood意大利菜 #ciaohkfood西餐 #大角咀 #奧運 #意大利菜

一間性價比高嘅意大利餐廳，廚師係正宗意大利人。店內嘅位置唔多，但小店食物用心有質素。Pizza Alla Diavo 148今晚叫左辣肉腸pizza,批底係我喜歡嘅簿飯底，兩個人都食得晒。而且有得加15蚊，選兩個口味。啱晒人小或食胃少，想試多小小口味！Mussels 118兩人食，叫多個頭盤。佢個白酒茄汁味道不錯，係新鮮煮。好怕食茄膏，又喊令喉嚨唔舒服，呢個無事。比較值得加分為就係喺碟邊度上咗d香料，想食先點。Fruit punch 45無咩特別，但是左人ivan叫個意大利啤酒。易入口又有少少花香，唔鍾意飲啤酒嘅我都覺得可以飲吓。

朋友推荐这家意大利餐厅，临时想去，没有定位。6:40pm到了之后发现是订满了的，只不过有晚一些的booking，我们需要8点前还返张台。店不大，装修简单，有欧式小镇风格。服务员都是说英文的。坐下之后有餐包，根据人数给，不是热的，但还是很香。我们叫了风干火腿pizza，火箭菜水牛芝士番茄沙拉还有一个提拉米苏。这些两个人是吃不完的，pizza是12寸的(长方形)，我们最后打包带走了一半。沙拉很正常，普通的味道，感觉水牛芝士没有之前在mother of pizza吃的香浓。pizza是很薄的那种，cheese不厚，边有一点点硬，风干火腿上还铺了火箭菜。火腿单吃会咸，一定要跟下面的pizza一起咬味道才好。提拉米苏是很好吃的那种，咖啡的味道浓郁，里面蛋糕的部分有水分，但不会太湿，奶油的量也刚刚好，味道够又不会腻。买单人均150+，还打包了半个pizza，所以其实不算贵吧~

今日我哋去咗一間意大利餐廳食飯。間餐廳雖然好細安排嘅位都係得20個人左右，如果平時星期六日想去食飯我覺得預先Booking會比較好咁就唔使等好耐位。餐廳嘅廚師係正宗意大利人，所以佢煮啲嘢食都好有意大利嘅風味！同埋餐廳入面嘅侍應多數都係外國人所以少不免都要講英文，但係佢菜單每一款都有一個數字你就咁講個數字俾佢聽都可以。同埋唔使怕羞，因為佢啲侍應都好Nice🥰🥰。咁我哋總共四個人咁就叫咗一碟pasta、pizza、lamb、steak。首先我想講佢Pizza其實有好多款選擇我哋四個人都有唔同嘅意見想食所以我哋最後就叫咗half half pizza加多$20就可以嘗試兩款唔同味道嘅Pizza🤤 我地叫左four cheese pizza & Diavola。我覺得Diavola比較大眾化因為佢有少少辣，而且佢個Pizza個皮其實好脆。之後佢個Lamp其實佢唔騷，平時食羊會勁驚有一浸騷味但係佢冇。跟住steak整得好亂口唔會特別韌。我想講呢兩碟菜呢伴菜加埋個主菜一齊食其實都好好食，我最鍾意呢半菜個醋（黑色果d醬）因為佢酸酸地食落好開胃😂。跟住，pasta叫咗蕃茄辣汁帶子天使麵。佢唔係話好辣只

法拉利係意大利名牌好多人都知，不過我覺得呢間餐廳就係喺香港嘅意大利菜嘅名牌，因為佢嘅Pizza同意粉都真係好好食，而且價錢仲好抵添。今次叫了Parma Ham Pizza同埋焗芝士肉醬千層闊麵，另外仲有兩款係侍應姐姐推介嘅，一款係長通粉，另一款係傳統意大利粉，不過唔記得叫做咩野名。四樣野之中，個白汁芝士長通粉最好食，碟邊D芝士碎撈埋落去D長通粉度，一粒都唔好浪費。個焗芝士肉醬千層闊麵都好食，芝士好香，食完好充實。個Parma Ham Pizza都幾大個，作為Set Lunch真係好難想像一個人可以食得晒，而且值得一提嘅係個Set Lunch仲有麵包同埋湯或沙律任你揀，真真正正份量十足。最後想講下佢隻Sparkling Water，個樽好靚，走嗰陣問佢攞返公司裝水飲，真係開心。

復活節假期當然繼續要留在家，不過真係好想好想出街食飯，但係屋企人又真係有D擔心疫情，於是最後決定叫外賣，仲叫了我的至愛Da Vincenzo的Pizza。其實呢間位於大角咀的意大利小店，以前都幫襯過好多次，因為佢D意粉同埋Pizza都真係好掂，食落的感覺好正宗，可能因為老闆兼大廚係意大利人的關係，今次叫Pizza外賣，溫度係差了少少，不過仍然好食，希望疫情快D完，等我可以去佢餐廳坐低食啦﹗