郎田日本料理 (Closed)

一早知道這裡的放題評價不好，但心癢想吃日式料理，所以亦來一試。一時入座，人很多，亦很吵，傾計談心一定不可能。食物，果然一如評價的差，但念在一位$98的平價，還是可以接受的炸物－－假冒天婦羅之名，其實只是一堆有著超厚炸醬的油淋淋食物。吉列薯餅淋得一夾即散，沒口感是必然的。反而炸豬扒做得唔錯。壽司－－沒期望之下都覺得難吃。紫菜淋得咬不開。最可怕是鰻魚手卷的鰻魚居然是冷而飯是暖的！刺身－－不知為何有一堆鹹紫菜鋪底，三文魚厚切，新鮮就談不上，但未至於不能入口。串燒－－較為可取的一類，沒有燒得過乾。和食－－沙律的生菜不新鮮，微黃。什菌蟹子豆腐原來係甜汁配炸豆腐，好怪。牛油魷魚鬚似鹵水魷魚鬚。反而鴨胸肉唔錯。迷你叉燒拉麵的叉燒亦可以。有甜品抹茶雪糕一客。服務質素參差，個別侍者有禮，但有部份侍者會叫客人自己在點菜紙上寫桌號而不肯自己寫。無漏單，但我地點左金茹牛肉卷，等左好耐都無上，以為漏左再點先有人通知我地無貨。因為無期望，如果唔係一定俾喊臉。

洗過一身濃烈油煙味, 便來說說這頓無奈的晚餐沒有選擇下, 被迫來這間郎田吃頓放題, 即使搜遍網上評語都是劣多於優, 即使之前發生過兩三次食物中毒事件, 即使聞說受害者還沒得到賠償...放題第一時段好像由1730-2115, hsbc card 145+10%(訂位時聞說"原價"3xx, 有卡55折, 無卡都有折), 食物種類看似不少, 由好至差如下:味道ok: 北寄貝(放得頗隨便); 三文魚刺身(視乎彩數, 第一輪較新鮮, 後期的淡而無味); 串燒車厘茄(甜甜的車厘茄燒熱後還不錯); 炸蟹拑(很安全); 甜品綠茶雪糕味道一般: 大部份串燒, 牛柳變了肉乾, 雞翼只有鹽味, 只嚐到乾&咸; 中華沙律(出奇地辣)難吃: 蒜片牛肉, 乾, 沒牛也沒蒜味, 連土瓜灣的"豐"也煮得更出色; 蝦, 南瓜天婦羅, 脆漿炸得不鬆化, 又硬又油, 蝦怪味; 迷你牛肉拉麵, 麵又林又沒味, 有點粟米的湯底聞起來像真的"粟"了; 牛油??豆腐, 炸豆腐浸在牛油, 金菇等煮的微甜的芡汁內, 怪味; 壽司飯&紫菜, 飯沒醋香, 而且難食, 紫菜林又沒捲好; 甜蝦, 咬了即吐, 不知是什麼怪味, 很危險; 魷魚鬚

前晚我又帶了我幾位老友記一齊去郎田食飯, 呢間餐廳雖然係openrice評語麻麻, 但係我親身食過, 絕對要為呢間餐廳大平反!首先, 凡幫襯任點任食, 我覺得至緊要係落單到上枱時, 你所點的餸菜都可以短時間內無甩漏咁送到你面前! 佢o地完全做到! 好少漏單, 除非好似我前晚咁, 雞軟骨無貨先至無得食! 呢一點一定讚讚佢o地! 另外用料亦新鮮, 三文魚刺身厚切, 完全滿足到你o既口感, 魷魚及串燒亦都好好味! 最緊要係我幫襯咁多間任食(例如松屋及一生任食), 呢一間o既串燒係好快好快可以送上, 唔使等超過10分鐘, 呢一點完全滿足到我o地呢d為食食家!服務亦不錯, 雖然每個侍應年紀比較後生(像暑期工一樣)但卻極之禮貌, 佢o地o既表現還好過很多大酒樓大餐廳的侍應生, 至少有笑容, 亦都盡快回應你o既要求! 好好!呢一間, 以呢個價錢, 絕對長做長幫襯! 努力加油吧!http://inlinethumb01.webshots.com/7680/2154958470096962752S200x200Q85.jpghttp://inlinethumb36.webshots.com/9507/2

今次係我第一次到郎田食日本任食放題，但係去完後，我唔會再去呢間餐廳，亦都會叫我啲朋友唔好去，呢間餐廳提供啲食物簡值係超級難食，同廣告上所形容係完全兩回事。我之前都有去過中環的日本餐廳食日本料理放題，價錢和郎田都係差唔多，但係人地樣樣食品都係好新鮮，同好夠熱，而且種類很多(不論係貴價食品e.g.海膽，還有普通食品e.g.三文魚)。但係，係郎田所提供的食物種類只有普通食品(刺身及壽司種頪比回轉壽司店還要少)又不夠新鮮外，熟食還不夠熱。總之一句，就係差，食完一定會後悔。

父親節同老爺係呢間食晚飯, 去之前上呢個網睇o下有乜評語, 發現唔多好, 我都一心諗住正日, 大時大節就更加大打節扣, 但又出乎意料之好喎!首先噚晚係分兩段時段, 我o地揀o左早場, 由5:15食到8:00, 未夠6點已見有5,6食客, 我o地急不及待order些少食物醫o下肚先, 一路等一路食就最好不過!刺身: 三文魚, 吞拿魚這些刺身很肥美, 厚切, 非常之滿足! 份量亦十足! 特別推介魷魚, 好鮮味! 正!串燒: 雞軟骨好野味, 新鮮熱辣上碟, 另外茄子, 粟米, 車厘茄亦ok, 因為仲熱辣辣, 份外好味o卦?壽司: 比較普通, 可以慳番個肚食刺身!天婦羅: 樣樣食物炸起都很脆卜卜, 只係蝦o既size比較細, 但呢個價錢算係咁啦!另外炸南瓜同炸蕃薯都好好味!總括o黎講, 佢\噚晚上菜快, 好少漏單, d食物都幾新鮮, 仲有得任飲汽水o忝! 係意料之外好呀!

勁難食!!!!!我睇雜誌有放題仲有9個新壽司,加上價錢又唔貴咪去食囉...入座時間5點9食後感:龍蝦刺身沙拉-9唔搭8 比左d唔知咩黎又唔係刺身又唔係龍蝦...串燒雞心-乾硬冇汁串燒八爪魚仔-好味燒得幾好算係必食串燒牛肉-算有肉味..低好鞋口串燒冬菇-焦黑色都算了...可以燒到乾到冇晒汁先離譜串燒栗米-又係焦黑..不過都算有汁既串燒雞軟骨-算唔錯..係胡椒多左d炸豬排-唔夠厚,但算有肉味炸蟹x-好似平時超市買到果d咁..d味好假...炸蝦-算好味係粉多左d炸日本蕃薯-單叫的..黎既時候已經唔脆,因為d汁太多..蕃薯味普通炸軟殼蟹-算唔錯夠晒脆最死係壽司同刺身!!!!叫左10幾種壽司:蝦甜蝦幔魚8種新既壽司三文魚火灸三文魚蝦果d難食到嘔..又唔彈牙糊口到不得了三文魚太薄不肥美火灸仲死!成舊都係熟既!仲要唔熱...除左幔魚ok d 其他都唔新鮮有d仲變晒色!!!d壽司飯實的的!!刺身叫左3文魚魷魚八爪魚帶子3文魚刺魚算唔錯算肥不過太大舊魷魚同d蝦一樣糊口到不得了八爪魚不知想點..細到同手指甲冇分別但都叫彈牙..帶子唔新鮮冇甜味另外追加燒三文魚外熟內不熟三文魚明顯冇味應該唔多新鮮...冷麵同

之前book左位不過睇到d評語麻麻　但始終去左食其實都吾係甘差丫d野幾好食　服務態度都ok　不過真係忙左少少囉最好既係埋單個陣會主動話上甜品真係吾講吾知有雪糕有時有d野好耐冇黎　叫佢地跟跟　都有跟到　吾會聽完就算　因為我都見到係好多人　都知係忙得濟未出到　體諒到既總括黎講真係幾抵！星期六去用匯豐卡$155一位　幾抵食!!環境幾ok 幾靚幾舒服是次每人消費約$155元

上個月有一個星期日夜晚和家人(共四人) 去了奧海城一期的郎田, 要預先訂位, 都幾爆, walk-in 多數冇位, 我係第一次黎呢間日本料理的.因為有獅子銀行的信用咭, 所以每位人頭計折實後係139一位(原價係159一位), 一坐好我同屋企人就火速點野食, 我地係食自助餐.上菜的速度適中, 但賣相就真係麻麻, 其中我地點左一客茄子, 上枱的時候碗裡就只有那一條寂寞的茄子“攤”响度, 雖然味道不錯, 但show 出黎個樣好唔掂. 我地覺得茄子(細細條) 幾好味, 就叫左20條, 但上到黎我到數下得12條, 奇怪.我們點的食物不算很多, 但也有漏單的情形, 燒年糕, 迷你牛肉烏冬都冇黎到, 又費事叫服務員幫我地留意一下, 因為佢地好似好忙, 人手明顯不夠, 仲有, 寧寧舍舍有一個約50歲的waiter, 幾冇禮貎, 遞張單埋黎就話$556, 又唔望我地, 我俾credit card, 問佢駛唔駛簽响張單度, 佢好cool (係好cool x 100 倍) 咁話唔駛, 冇講多謝, 十分差. 我係老細會炒佢, 倒米.食物一般, 賣相不合格, 服務好一般, 除非有人請否則不會再來.

因為有優惠,所以去試吓,但店員服務水準很差.訂位時完全唔專心,講完再講,她好似無聽過,又再問番你.到咗現場,很多時要叫兩次以上才有人回應.結帳時仲差,店員沒禮貌又負氣.食物方面只係一般,由於係午餐時段,原本選擇已經很少,仲有d食物點咗但無送來,臨夠鐘他們才說那款食物暫停供應,激死!刺身只有6款,手卷ok,但第3次時,水準已下降.串燒有冬菇,牛肉,茄子,雞翼等,但點咗好耐都無送來,直至第5次落單才有串燒送到,可能燒過頭,d牛肉和雞腎比較乾.真係一分錢一分貨,79元唔應該要求太高,但我們絕對不會再試第二次啦.

時間:4月26日晚9點30~10點35分交通k價錢:5人食連加一用信用卡才$445,每人不用$90,加上是其中一朋友請的,我免費環境:乾淨,但沒有電視,純吹水地方服務k,女侍應幾可愛食物:叫了很多,無食剩,因本身要求不高,天婦羅用粉較多,雞串同小食店的差不多,肥牛金菇幾好食,叫了十多串,三文魚刺身味道ok幾抵食,叫了兩大碟,仲有外面比較少的鰻魚壽司,味道一般,但終於食到了,很喜歡食鰻魚啊!!終結:氣氛較靜,純談天地方,應該加設電視娛樂,晚市用信用卡平均$90,出單率很高,叫幾多出幾多我地又掃幾多,要求不太高又想食得飽的可以一試

經常在雜誌見到此餐廳廣告, 因為交通不便未試過, 今天復活節假期, bf 話此餐廳HKB VISA CARD 有45折好抵, 緊係即時上OPENRICE 攞料, 網評唔得喎! 但唔想掃慶, 姑且試下.PM 5.30到達, 時間尚早只有數枱客, 第一ROUND ORDER 到齊, 可能是假期6 時開始人多了, 第2 & 3 ROUND ORDER 就十蹋糊塗.剌身: 馬刀貝有異味、三文魚全無味道、劍魚OK.串燒: 第一ROUND 夠熱夠香, 跟住既又UN 又唔熱, 好難食.和食: 用大隻四方形高身黑色碗盛著, 就算一小件豆腐也用大碗, 怪怪的好唔環保, 面豉湯好稀唔好飲, 牛肉冇味夾UN, 唔掂! 蝦天婦羅脆漿太厚蝦無味, 南瓜OK.壽司/手卷: 未食過手卷既紫菜咁UN, 唔知擺左幾耐?? ORDER 一件黎左3 件?? 飯冇味得黎好淋, 超級難食.飲品: 有幾款味既汽水任飲.SERVICE: 環境黑嘛嘛, 隻水杯內有溶左既紙, 好嘔心, WAITER 個個遊魂頭茸茸無表情, 似未瞓醒, 叫幾次才有反應, 餐廳有吵耳音樂, 否則他們應該睡著了!

見雜誌寫用hsbc credit card有45折，所以一家人去試下佢個日式放題....點知.....一個字....灰~7:30去到，見到都幾少人，已經有d驚....跟住叫一d刺身同壽司，頭一輪黎既野食都尚算可以，但接著落黎，真係唔想再食落去.....xx牛柳粒，都o趙唔到既，它不是太熟，但竟然咬不開...牛肉烏冬，d牛肉其實只係普通打邊爐既肥牛，但又係咬唔爛，這究竟是什麼肉.....關東煮，看似o岩ｏ岩出爐，新鮮滾熱火辣（因為出晒煙），但放入口之後，竟然只是剛剛溫暖，誇ｄ講句似係凍既...刺身質素o係第二輪時已經好差，唔新鮮仲有好多好多......佢地應該檢討下，我諗原價去食真係會食到鬧人....唉.....從未食過咁差既生日飯.....