Rolling Coffee Brewery

Open Now

Now Closed

🫒Rolling Coffee Brewery 小西灣道18號富景商場一樓155-156號舖柴小杏高質必試！試過一次外賣已經覺得超班 呢個價錢嚟講質素非常之高 身邊試過嘅朋友都大讚好食😋 職員好nice 環境唔係好大 堂食人數有限📄menu仲會不定期更新 選擇好豐富𓌉◯𓇋 忌廉煙三文魚扁意粉 $68意粉唔會好乾 份量好多🍝忌廉醬亦唔會好膩𓌉◯𓇋 有營慢煮雞胸藜麥靑瓜沙律 $56打算輕輕食個沙律 點知佢咁足料!🥬 雞肉肉身好滑 配埋藜麥好夾𓌉◯𓇋 Hot Hojicha Latte (+$18)好有驚喜! 飲落唔會成口粉☕️焙茶好香 飲到意猶未盡🦊呢度嘅嘢飲簡直係打卡之選!𓌉◯𓇋 Hot Chocolate (+free)學生優惠跟餐嘢飲免費! 朱古力甜度啱啱好🍫 拉花超有心思 出面cafe都未必咁易搵到嘅質素🦄approx. $70/ppl食物🤰 ♥ ♥ ♥ ♥ ♡環境🤰 ♥ ♥ ♥ ♡ ♡性價比🤰 ♥ ♥ ♥ ♥ ♥

次次都係食沙律，今次試吓食澱粉質先，我要咗《巨型帶子青醬螺絲粉》同埋《d雞多到唔知係咪食緊飯嘅韓式泡菜雞肉炒飯》，個名好正水蛇春咁長，賣相不得了巨型帶子青醬螺絲粉～帶子鮮甜，不過青醬配螺絲粉好似唔係好夾🤔（個人口味）韓式泡菜雞肉炒飯我係留返帶飯🤭，換盒時發現飯如其名D雞真係堅多，我分咗三件俾同事食，我仲有兩件，飯用珍珠米炒到粒粒分明少少辣不過好惹味，雞肉好嫩滑，同事都話好味見Menu又新款沙律，決定過兩日又試吓煎帶子蝦蝦明太子沙律原來帶子被蝦遮住咗影佢唔到，帶子都係鮮甜，呢款明太子（個人覺得有啲腥），不過其他都好正

第一次食真係驚為天人！今次第二次食覺得真係要寫個食評讚吓（人生第一個OpenRice食評）但係因為有啲肚餓，所以都係長話短說。外賣過到嚟意粉都仲係根根分明有咬口，大啡菇同蟹肉都好慷慨咁俾咗好多，仲有埋沙律菜唔使驚便秘（賣相仲好靚，但因為我食咗兩啖，所以有啲醜sorry）泡菜雞肉炒飯嘅飯粒都粒粒分明，點做到？我一個唔鍾意食炒飯嘅人都覺得幾好食，泡菜爽脆雞肉嫩滑咁嘅質素出去食應該要百幾蚊以上，所以真係好抵柴小杏街坊多啲幫襯等佢唔好執笠！好啦，講到嚟呢度，再講就似打手跟餐咖啡都好飲！下次會嚟試吓其他咖啡

今晚食自由餐，屋企人話要食車仔麵，我就有啲掛住個黑椒鹽封吞拿魚，所以捉緊轉Menu嘅尾巴食多次先得我落咗單先，店員話10分鐘左右，跟住去買車仔麵，轉頭返過嚟攞今次除咗叫咗呢個聖誕黑椒鹽封吞拿魚無花果沙律另外要埋➕$38炸物拼盤（唐揚炸雞2件，蟹肉忌廉薯餅2件，一口炸芝士2粒，吉列蠔2隻）炸物脆口唔油膩，蟹肉忌廉薯餅淨係食到好cream好軟，最正係吉列蠔，呢個價錢係抵食嘅今日食返原裝版本有無花果嘅沙律，吞拿魚我覺得今次黑椒落多咗，配黑醋汁有啲酸。相比之下我比較鍾意上次嗰個因為無花果用哂轉咗水牛芝士嘅版本期待下次新Menu又可以試新嘢

第一次order呢間小店到會，我地係佢第一個叫到會客人，大家相方都膽粗粗試下，佢地有信心做到，我就覺得佢地一定唔會令我失望，結果喜出望外，份量夠多夠大份，味道超讚，夠熱夠新鮮，特別係黑椒鹽封吞拿魚沙律，吞拿魚勁多，好多無花果，勁抵食，仲有個蕃茄虎蝦球英式腸，超多虎蝦，味道濃郁，超讚，甜品croffle 勁加係佢地招牌菜，就算大人唔食甜品，都覺得好正，老闆更加親自送上門，態度由開始到最後都超讚，真心值得推介。個個都食到舔舔脷😝

今日係得8.8度嘅冬至，放工時收到屋企人短訊，話今晚冇煮飯，叫我自己煮麵食😱，煮不如買啦！諗住Apps落單自取，點㩒都唔係我要嘅分店自取，落車一望原來人情味老闆冬至收早。沿路行返屋企都諗唔到食乜好，腦海突然浮現沙律，就決定食呢間啦我記得呢間定期轉餐牌，所以好好奇今期係咩沙律呢👉🏻👈🏻我揀咗聖誕黑椒鹽封吞拿魚無花果沙律，坐住等嘅時候，見Chef取出一個份量吞拿魚揸咗少少油潵咗黑胡椒同鹽揸勻之後落pan煎，那邊廂又焗窩夫，忽然聽到Chef問姐姐點解冇哂無花果嘅？Chef同我講唔好意思冇無花果，芝士你食唔食㗎？我話👌🏻咁我轉芝士俾你呀都好夾嘅！返到屋企一打開賣相好靚吞拿魚外面焦香內軟冇腥味面頭仲有少少Wasabi嘅汁點綴揀直一流水牛芝士嘅配搭都好仲有香脆嘅窩夫。

見好多人介紹呢間咖啡店，又住附近。專登行10分鐘過去，個朝成11點幾去到，行入舖頭，嗰個男職員黑口黑面同我講，啱啱開舖，唔會有咖啡同野食提供！又無笑容，一句唔好意思都無，仲好似串緊我話你咁早嚟，阻住我開舖咁！趕客趕到咁，啲咖啡同食物再好都無用啦。間舖已經唔起眼，係商場兜左起碼2個圈先搵到。再加埋呢啲咁既服務態度。絕對唔推薦！

今晚阿媽冇煮飯，於是就試下小西灣呢間cafe！😎😬外賣好抵食、可以預先whatsapp落單，節省等候時間！溫泉蛋大啡菇忌廉扁意粉$46，份量十足，忌廉味好濃！😍😋忌廉煙三魚扁意粉$52，三文魚好新鮮，不過如果忌廉汁多返少少就完美！😆👍

今朝同屋企人飲茶，下午茶想食啲輕食，早幾日喺FB見到有group友介紹呢間cafe仲有影咗Menu，我cap低咗睇完Menu覺得好吸引，book mark咗一定要試吓。今日揀咗外賣雞肉凱撒沙律雞肉好嫩份量都多，我冇諗過有隻溏心蛋㗎菜新鮮爽脆，窩夫粒食落有蒜香同少少酥脆（但又未去到麵包粒嘅口感），我估唔到呢個窩夫粒配沙律創新之餘又幾夾喎我鍾意呢個組合同埋夠飽喎！呢個價錢高質素CP值超高其實落單時店員問要唔要嘢飲，我今日冇要。因為怕太晏飲咖啡今晚瞓唔著下次要試吓咖啡同其他食物先

中秋節過後，響小西灣屋企附近閒逛，見到商場一樓有一間清新嘅咖啡店，就入去試一試，好喜歡店主嘅咖啡拉花，好窩心地做咗一隻兔仔，非常應節，然後點了一個啡菇意粉，味道濃郁但不會太鹹，整餐我都覺得好滿足。店舖雖小，都有一種好休閒嘅感覺，但店內只有一個人充當廚師及服務員，要俾少少耐性等候，不過可以chill 一chill慢活一下也不錯☺️。開心而家想嘆靚咖啡食靚意粉，都可以向區內找到一間頗高質素嘅小店，很滿足😋

本想係悠閒星期六飲杯咖啡嘆下，點知撞正個男職員極度無禮貌，唔講以為我去左澳牛（可能澳牛哥哥仲好禮貌過佢）☺️男職員一啲基本禮貌都無 極度厭世 完全唔想做咁款🙄 我叫杯latte完全無理我，自已忯杯咖啡機唔知搞乜春，完全無視我。我以為佢忙緊上一單，點知搞完一輪無啦啦就隊杯飲品俾我💩 What? 我完全唔知你serve緊我。感覺就好似我阻住你，你好唔情願地沖杯咖啡俾我，服務超級垃圾！咖啡一般 男職員態度令到飲品好差 唔會再飲除非想去受氣 否則唔推薦呢間咖啡店！

今次係我第一次留評語，因為這次經歷實在太惡劣了，今早去Rolling Coffee準備和太太吃早餐，見到佢10:00am開門所以我哋10:15到達。 去到還未開門，我們等到10:20見到咖啡師回來，佢一句唔好意思都無，就話我哋係開10:00，但佢剛番到店所以無15分鐘內都唔會有service. 所以我同太太出去行左15分鐘再番去。 我哋之後一入去（大約10:35am)諗住坐喺度等，佢就話你哋入嚟都無野食和無咖啡，態度惡劣到我哋走了。 這次經歷非常之差，和以後都不會再去Rolling Coffee，也不會介紹朋友嚟呢間 。😖

柴小杏少有的靚靚cafe，仲有近年大熱嘅牛角窩夫，意粉都好濃好好食的，所有嘢都好足料，連士多啤梨醬都真係有士多啤梨肉的。超正，大推下次想試埋咖啡老闆仲好好人，一個人又要煮又要serve我哋

從小西灣起步，於銅鑼灣留下足跡後，Rolling Coffee Brewery 選擇再次落戶在小西灣富景商場。更寬敞的空間，繼續提供高水平的咖啡，還新增多款意粉及甜點。Rolling Croffle 有著多層酥脆口感，無論配搭香甜幼滑的草莓吉士口味，或帶有微苦茶香的綠茶忌廉口味，都能帶來濃濃的滿足感。Rolling Coffee Brewery has returned to Siu Sai Wan in a more spacious setting, serving high-quality coffee with new pasta and dessert, like the must-have Rolling Croffle, a crispy layered treat with fillings like green tea cream and strawberry custard.

Weekend首先要放低平日返工既節奏，如果放假我仲諗住公司d野，我身體會傳輸一d我係返緊工既訊息到我大腦，係呢個時侯，我根本鬆唔到。所以真係要學會放下，brew一brew佢！👇🏻📌Main - ▪️ Rolling · Pasta - ▫️ 佢地意粉選擇有幾款，我就揀左個經典「挪威煙三文魚忌廉扁意粉」，PASTA個掛汁力極高，每啖都食到濃稠既cream sauce，而smoke salmon口感嫩滑，加上濃香煙燻味，唔會太鹹岩岩好，好食。▪️ Rolling · Croffle - ▫️ 佢地新推出既「牛角包窩夫」一樣有驚喜，揀左抹茶味口味，賣相相當吸引，口感偏脆得黎帶少少煙韌口感，加上抹茶香味十足，唔錯。📌Coffee - ▪️ Mocha -▪️ Latte - ▫️ 又點少咖啡呢？一杯「Mocha」一杯「Latte」基本啦，對住個日光整返杯曬下太陽，即刻差足電。