Rotiboy Bakeshoppe (Closed)

得個樣.......～～～～～～食物：榴連烤包烤包：其實除左個外表啡左d,我唔知佢同其他包有咩分別@@同埋係空氣包，我就最唔鐘意食d包入面唔實心嘅榴連：係香嘅，不過太少，同埋係晒底到～～～～～～～～～～～～～～～～～～～～包裝：佢張紙好靚我好鐘意😍😍但得試下一次嘅，我就食左一次就算💁

之前上網見過介紹,今日咁岩行過見到就醒起,亦俾佢既咖啡香味吸引左~榴槤烤包---呢個不得了,一咬開見到入面係流心GA!!!勁香榴槤味,又唔會太甜~新開張果時仲由15蚊特價賣10蚊~咖啡烤包---好香咖啡味,不過入面無餡既,但脆卜卜既外皮,食下食下好快就食哂~馬拉手工咖啡軟雪糕---好香亦都幾滑,咖啡味幾重又唔太甜,比起之前係UCC食既軟雪糕好好多~最緊要係唔貴~食完之後急不及待買多兩個番屋企孝敬娘親~

好多年前第一次食呢個咖啡包喺係韓國，當時第一次食加上新鮮出爐，味覺加嗅覺對呢個咖啡包念念不忘，可能同外地遊客第一次食到新鮮出爐菠蘿油一樣。第二次食喺係馬來西亞果時先知原來馬來西亞先係佢出生地。今次喺係openrice咁啱睇到特登過嚟食，可能唔係新鮮出爐個包只係微熱，覺得冇咗陣強嘅咖啡味，今次有小小失望，不過講真下次經過我都會俾多次機會佢! 見個榴櫣包特價10蚊都買埋嚟試，始終個人麻麻地熱食榴櫣餡。

因為買個陣冇打算寫食評，冇影任何相，點知食完發現要出文個包係空氣感好大，但$10個對我黎講已經好抵。剛買個包微暖，個面夠脆，食到一半先開始食到咸味，原來係溶左嘅牛油。咸咸甜甜，食一個過口癮岩岩好，所以呢經過就買個黎試下

之前都聽過呢間主打榴槤包嘅店，見團購賣緊圍返大約5蚊個包就試下佢。榴槤包: 拎上手係熱嘅，好贅手下，比坊間賣嘅墨西哥包大。食到4份1左右開始食到榴槤餡，榴槤味都幾香濃但餡唔多，只有薄薄一層。榴槤fans如為食豬會覺得唔多夠喉，但個包本身就幾飽肚下。咖啡包: 同榴槤包size一樣，離遠已經聞到好香好香嘅咖啡味。包入面冇餡嘅，只有薄薄一層咸牛油。重口味患者為食豬覺得有啲單調，如果入面揸嘅係咖央醬應該會更夾。總括嚟講熱食的話外皮脆用料都幾足，以團購價就好抵食。拎到返去就算整熱都係差啲，最好即買即食。

Rotiboy Bakeshoppe黎左香港喇！☺️呢個係燶左的墨西哥包? 唔係😂係咖啡烤包至真😛($10)黎自馬來西亞的咖啡男孩👱🏻咖啡烤包外脆內軟☕️🍞新鮮岀爐拎上手仲係熱辣辣架🔥 咖啡烤包面頭係墨西哥包的翠翠口感👍🏻初頭以為入面無餡～點知入面原來係熱溶左的牛油！😍d牛油仲要滲哂去個包度😈岀面甜但入面咸咸地真心好正呀👏🏻👏🏻👏🏻唔怪得買緊的時候隔離有媒體採訪啦😏值得推介👍🏻👍🏻👍🏻One is never enough😋

登打士街哩頭不嬲都係美食集中地 之前團購左哩間鋪頭賣既野唔多只係兩款包 就係咖啡味同榴槤味 幾款野飲 同好似一款雪糕 今日就換左六個包黎食啲包拎上手仲係暖笠笠 新鮮出爐無耐既感覺榴槤包未食已經聞到淡淡既榴槤味外層脆皮位食落榴槤味並唔重如果係榴槤愛好者既話應該會對哩個包好失望因為入面空氣佔左九成榴槤蓉只係淺淺鋪底個一層不過因為我對榴槤本身無咩感覺😅所以我覺得個比例係可以接受既出面係咖啡味超香既脆皮單嘗外皮既話會偏甜 但夾埋面包就恰到好處好食呀👍內饀就應該係係包中間底部既位置揸左一層牛油聊勝於無既感覺😂因為我本身都係好鐘意食墨西哥包呀菠蘿包呀鮮奶球個啲 主要就係因為佢層脆皮所以哩度既包我都會再買黎食特別係咖啡味 真係好香好濃😜團購完個包圍起上黎只係五蚊一個價錢非常相宜👍

由於我和家人都喜歡吃榴槤，買了4個一起吃。起初以為「得啖風」，餡料會很少，但卻令我喜出望外﹗榴槤肉佔3分1，比想像中多，而且很香，很新鮮。重點是，沒想過買回家叮熱吃同樣美味﹗外面單買榴槤吃一點也不便宜啊。所以$15一個榴槤包，價格合理，當然要試一次﹗

想食好耐，今日咁啱行過去試一個，十元個，飽到手時熱嘅，一咬開，真的非常失望，內裡全是空氣，只有一小啖榴槤醬，表皮像菠蘿飽，有點榴槤味，但內裡真的讓我決定以後不會再買，幸好之前沒有買團購，我零願佢賣貴啲，用料多啲，好過比個咁嘅飽我食

從廣華街步至這熱鬧的小食街，遠遠飄來陣陣咖啡香氣，原來Rotiboy Bakeshoppe就在前方。熱潮過後，店前客人不多，跟前方食店的熱鬧湧擠成一對比。地段位置固然影響人流，其實飽肚的麵包確是難以成為掃街之選。不過，Rotiboy的選擇又豈止咖啡包? 選了新品Kopicream馬拉手工咖啡軟雪糕($18)，Kopi是馬來文咖啡的意思，馬拉咖啡有獨特的香氣，風味也有不同，值得一試。軟雪糕份量大方，奶滑度不高，溶點稍低，咖香没有預期的濃厚，不過馬拉咖啡本身豆味較濃，有股焦糖甜香，仍較一般咖啡雪糕有特色，咖啡迷值得一試。見Rotiboy有馬拉拉茶和手工咖啡供應，屬本地少見的東南亞飲品，下次路過還是會一試的。

初開張時食過啲包，買相好吸引，圓圓一大個咁，但一揸落去就扁晒，咬落好唔實在好似一陣風咁 ...... 今日經過其實係俾個咖啡雪糕吸引再試~榴槤烤包 - 未咬落去已經好香榴槤味，但咬極都未到饀；食到饀料時，又的確充滿榴槤味，應該有啲榴槤肉添，但份量少，特價$10先叫可接受 ....咖啡雪糕 - 幾軟滑，好濃咖啡味，唔錯；但個cone太甜，食到cone位置就蓋過晒啲咖啡味 ....

唔知幾時開始 行過家樂坊附近已經唔再係嗅到臭豆腐味👍🏻而係好香好香既咖啡味😋😋就係依間舖傳出黎😍😍第一次食就咖啡烤包$10 / 榴槤烤包$15。昨日(9/8/2016)再去，店舖寫住榴槤季節->榴槤烤包特價＄10😱😱而且仲有買二送一嘅優惠👏🏻👏🏻仲可以混合口味👏🏻👏🏻即刻買左3個包 (兩個榴槤&一個咖啡)下圖為一榴槤&一咖啡同行友人急不及待即食，所以只影到兩個🙈睇返比例個包都唔細，咖啡包入面有d好似牛油嘅餡，鹹鹹地好好食因為我唔食榴槤，所以沒有榴槤烤包評價🙊仲額外買多杯馬來西亞拉茶(+$14熱/+$16凍)勁香茶味！好濃！超正！

來自馬來西亞的烤包，有咖啡及榴槤兩種，之前食過咖啡，一試難忘！由於小弟鍾情於咖啡，剛走過這街口已經已經聞到咖啡的香，我就知道我會買一個來吃，今次做足準備寫食評！先來一張餐牌，很簡單，烤包只有$10的咖啡或$15的榴槤兩款；飲品只有手工拉茶或手拉咖啡兩款，也供冷($18)熱($16)；至於包跟冷熱飲品分別加$16和$14，就係得咁多！黎到主角，咖啡烤包！就咁睇已經知道包很大！黎多張，呢個包既size夠哂大，比起同區很多普通size的包也要$6-7，其實相當抵食！我唔客氣了，一咬下去已有陣陣咖啡香湧出來，口感和鮮奶球一樣，包沒有實心，卻非常的軟熟！食落去繼續有咖啡香，溶在包的每一處。唯有挑剔之處是包底有一點點油膩，比起其他的鮮奶球應該用料不同(佢係烤包喎)，除了這個，其他也造得很出色，大家可以試下！

每次路經此店，都好想試下，但每次都不肚餓，而且見到價目表個圖，個包的size 不細，所以都冇光顧。此店只有咖啡及榴槤两款烤包。飲品就有馬來西亞手拉咖啡及手工拉茶。由於我喜歡榴槤，所以用15元買了一個榴槤烤包，店員從微熱的玻璃櫃拿了一個己用紙袋載好的榴槤包給我。包的外層型態及味道都似一般餅店的鮮奶球包。斯開包包後，就放心了，原來個包不是實心的，咁就不用太飽了。包內有少少熱熱地的榴槤肉，真係少少的，榴槤肉味道不錯，但熱食是第一次，有點怪怪地。個包皮不錯，薄薄地熱熱地，包底是脆的，甜度適中，但有食客話咖啡包好吃些，下次一定要試。

朋友介紹旺角有我嘅最愛～咖啡麵包即刻去買返去試啦！未行到舖頭，街口已經聞到ｄ味，非常之香！冇辦法忍，一買就買咗4個咖啡味。仲發現有榴蓮麵包，買埋返屋企試，都唔錯，幾香！但都係咖啡味最正！