御膳廚房

Open Now

Now Closed

入火炭大家都只識得食津津，但其實行入少少呢間大排檔仲好食！推介菜式：1）冰鎮墨魚頭，好彈牙爽口又新鮮！2） 避風糖軟殼蟹，好夠熱又夠味～3） 蜜味炸脆膳 ！！最推介～勁彈牙！又大舊，食到想encore ～～4）五味炸豬手但客觀地評雞係麻麻地，今晚試左風沙雞一般雞粥幾好，但雞唔夠滑呢到可以自帶酒水 / 買海鮮黎俾佢加工自由度大～～幾好今晚6個人食叫左十樣野+4支大青島+汽水每人只係二百幾蚊抵到爛～～～老闆好好人，野食又好味都唔明點解呢到咁少好評佢位置比較黑暗難搵，但其實廚房咁正，真係路遠我都會再黎幫襯而家出面食乜都限時，又貴又唔好食。呢種大排檔風味真係好少架喇

餞別移居外地親友，故一行廿數人選址火炭西大排檔御膳廚房，貪其有冷氣開放及自成一角的空間，適合有老有嫩的大家庭暢聚。由於跟餐館負責人較熟稔，亦可預先擬定菜式。晚宴以地道風味的排檔菜式為主，蜜汁燒鱔首先登場，即日從街市購得的新鮮鱔魚，以蟠龍鱔形式切開而不切斷，塗上蜜汁下油鑊炸脆，甜美而油香四溢，菜式盡見功架，豈有不好吃之理？接力上陣是客家煎釀豆腐，煎封的豆腐沒有過多油份，外面脆身而裡頭保持滑嫩，而鯪魚肉帶點陳皮香氣，乃一道十分下飯的家常小菜。熱騰騰的炸物又再上桌，說酥炸芋卷是道手工菜一點也不為過，材料雖然簡單，製作卻需時，處理芋茸時容易引致痕癢，捲起腐皮亦需巧手。至於碟中央的豬手彷彿淪為配角，但吃來也毫不遜色。來點稍為健康的蔬菜平衡一下，端來的炒豆苗依從傳統做法，用雞油及蒜蓉快炒，滑溜溜而保持爽脆，迅速就被清碟。另一道下飯菜明顯是沙嗲牛肉炒芥蘭，塊塊掛汁的牛肉片完美演繹沙嗲牛的精髓。醬汁鹹中帶甜，幼細的花生碎散落其中，洋葱和芥蘭也炒得爽脆。雲耳藕片西蘭花清清味蕾的間場菜式，西蘭花和藕片清新可口，為重口味的下道菜做好準備。姍姍來遲的海鮮三部曲，味道稍為溫和的茄汁煎蝦碌率先奉客。茄汁剛好裹上每

朋友仔介紹呢一間好耐都冇機會試。今日天氣轉涼，疫情下不能出去打邊爐所以買了一份滋味羊腩煲回家。羊腩又肥美又多件數最緊要就係好味。天氣咁凍食完羊腩煲成身暖囇。平時出街食羊腩煲都係得幾件。今次真係與別不同，三個人叫一份羊腩煲食到捧住個肚！羊腩煲10分足料，冬菇厚厚的，有好多冬筍⋯⋯正！椒鹽鮮魷同埋小炒都好好味。鵝腸一份多過出其他餐廳份量很多，食極都食唔完。價錢一流冇得頂超抵食。2020年出街食飯的日子不多，所以真係好應該去買回家食，支持小店，

間唔中就想食吓大排檔，最重要呢度大份抵食有鑊氣！碟豉椒炒蜆中到嚇親人，而且真係有肉，唔係俾啲殼你。辣度有得揀大/中/細，如果食辣海鮮合味道杯麵都覺得有啲辣，勉強都食到中辣。炸蠔都幾新鮮同大隻，皮唔會好厚。椒鹽九肚魚幾大條，有鑊氣，但魚肉易散咗啲，但夠味嘅。腐乳炒通菜好鬼脆嫩，正！老闆送咗碟小食俾我哋，係炸魚仔伴豬耳，幾得意。食咁多嘢再叫3枝汽水埋單都係HKD288，真心要再嚟食！美咪指數：8/10抵食指數：8.5/10

好耐冇去大排檔，終於入火炭御膳廚房食返餐！海鮮係一定要食嘅，椒鹽鮑魚仔(時價)真係好正，啱啱熟又爽又彈牙！必食霸王雞(HKD90/半隻)熟咁少少，但都幾入味，下次要試客家鹽焗雞先得。五香炸豬手(HKD88)餸啤酒超級超級一流！外皮香脆，肉煙煙韌韌有咬口，唔算好鹹，食多幾件都得。脆皮炸大腸(HKD68)唔會好肥，重點係一啲都唔臭！平時怕食呢樣都覺得ok。御膳鴻圖麵(HKD180/6件)非常惹味，煎到香脆嘅粗麵包住啲蔬菜同菇，口感幾好。仲有黑椒汁蘸，鍾意重口味嘅一定要試！美咪指數：8.5/10抵食指數：8/10

原本諗住食津津，點知勁黑仔，停電，冇得食。以為火炭間間都應該好食啦，咁就求其去左第二間，諗住都係食小菜啫，應該冇事啦點知就中伏叫左5個餸，全部都勁鹹，個雞粥係求其放隻腌左嘅雞落去同啲粥撈埋就算，仲有個黃金軟殼蟹，真係不知所謂，炸到燶晒，勁油益，完全食唔落。連最容易整嘅粉絲什菜煲都可以勁難食，連啲白飯都係劣質米，真係反白眼其實做唔到晚市小菜就唔好學人做啦！簡直係為害人間！重點：價錢唔平，整啲垃圾出黎！

火炭的大牌檔，大家最熟悉的相信會是津津，其實那裡還有好幾間，中間仲有碟頭飯供應。是日就來了御膳廚房，吃了梅菜扣肉飯。中午時份，人客眾多，出餐的速度比較慢。久等之下，我碟飯終於準備好，梅菜好多沙，每口都是，浸水時間不足所致。扣肉切得偏薄身，但有肥有瘦，整體鬆化，味道正常，也不作太多投訴。雖然這裡的熱咖啡未算很好，但飲一杯，精神抖擻。

是晚在家吃飯, 但文迪也買了這裡的外賣, 加加料.梅菜扣肉 $43: 6分, 份量不少, 一客賣$43, 還算合理的價位. 梅菜是幾好送飯的, 但扣肉就有點實, 瘦肉部份比較難咬開, 肥肉部份就幾香的, 當然, 這些不健康的食物還是不敢吃得太多.其實, 兩口子在家吃餐飯, 還是相當溫暖的.

估唔到人生第一次寫食評, 係因為極度不滿, 食快餐都要等20分鐘, 食物更加唔使多講, 下圖就係"煎蛋免冶牛飯", 完全因為賣晒, 跟住廚房求求其其整一碟有"蛋","牛"同個"飯"字既野出來, 雖然食晏不嬲都唔高要求, 但睇到碟野都真係眼火爆, 無奈已經等左超級耐, 只好硬哽, 可以說一句, 永不再去, totally black list

同一大班朋友(10人)遊車河, 唔想成日食津x, 所以轉下口味.行行下發現有間新野, 於是同班車友try 下.熱情伙計不斷推介邊爐, 又話羊腩煲好正, 於是貪心d, 一炮過叫"雙煲"先講火煱, 醉雞湯底鮮味,大量生料, 有蝦有蟹....非常多選擇, 每位只是68 元+汽水任飲.羊腩食得出是用心製作....羶味只有很小, 肉質夠林, 湯底也很濃郁, 加上大量腐竹同馬蹄索晒d 汁, 味道簡直一流.好客的老闆原來都係搓電單車, 話我地大家26人, 送左碟炸豬手俾我地......今時今日仲有呢種"街坊情誼".....實在難能可貴

搬左嚟火炭後成為大排檔常客,但日日炒小菜外,有時都想食下其他嘢,最近就收到傳單話有小菜外,重有任食自助火鍋TIM,即刻去試吓,都有成40幾款食物,自己鍾意食乜就攞乜,又FREE又有FEEL,任食都係$58,加多$10就任飲汽水,我梗係揀任飲任食啦,老闆話9.30後減$8.呢度重係新開,無下面咁熱鬧,但有冷氣房,靜D又唔迫,可以傾倒偈,地點方面,唔熟可能要搵吓,係舊大排檔上過咗玻璃大厦就見到下次等我試埋小菜,再話你知

我剛到火炭做野,梗係四圍問人邊度有好野食,重要價錢平.同事就二話不說帶我到御膳廚房食鮑魚雞湯翅飯,話佢又平又好味,份量十足,點知佢又無呃我喎,又真係好好味,只係26蚊咋第二次,佢地又帶我去食小菜,強烈推介椒監鮮魷,椒監骨及梅菜扣肉,咁我梗係無執輸又去試,今次食小菜就盛惠每人35蚊,真係 so good!不過而家夏天天氣熱d,去大排檔食飯真係好有風味,哈....,所以而家我地有時會叫外賣,天氣無咁熱就會落去食咁law. 鬼叫佢好食咩. 聽講佢以前間鋪係玻璃屋,而家只此一家,別無分店. 我試過火炭其他店鋪的鮑魚雞湯翅飯,都無嗰種味道,都學唔到.........