御名園 (Closed)

呢间餐厅的位置很便利，很适合附近街坊平日及周末来食野，饮茶很传统，炸两好抵食。跆到好多一家人一齐食晏，好温馨。仲有好多老人家一齐约咗食lunch，都侅不错的选择。

本身諗住去試下個放題 點知去到白衫男部長 一聽到放題就態度勁差 白衫男部長 不斷強調無人黎食放題 你甘食會比人鬧 我地心諗 好心就唔好話有放題 未叫就開始趕客第一張單落 就一般般 食物都尚算不過不失 起馬都係熱的 春卷炸野 蝦🦐交燒賣 牛肉都正正常常。第二張單 開始d野又蒸唔熟 又格硬上d你無落的點心黎 之後同佢講 佢又黑哂面不斷走埋黎強調得90分鐘 食唔哂要照收你錢到差唔多上得7788 D食物 之後仲要走黎話 你唔食哂我地要照收錢 趕你走甘 心諗落完單佢都出得好慢 岩岩黎又話叫人快d食完走態度差 難得去搵黎試

和家人飲中午茶，食物質素很一般，性價比低，人手嚴重不足，管理混亂，無服務可言。唯一可取就是母親節中午都有位 ，但整體用餐體驗不愉快，餐廳若要提升競爭力，還是要提升服務和食物質素吧！

呢一間位於將軍澳嘅中菜館🌟，好耐之前食過好高質，今日去左將軍澳附近就再黎飲茶啦😙黃金石斛花燉響螺湯 $43.8呢一個湯真係好滋潤好足料，味道都好清甜🤪海鮮菜苗水晶餃 $34.8飲茶當然唔少得我最愛嘅菜苗餃😍，皮好夠薄，而且餡料方面都好惹味😝脆皮豚肉韭菜粿 $34.8外皮炸的好香脆🔥，腩肉夠曬肥美，配上韭菜好香口🥳蒜蓉鮮蝦長春捲 $34.8春捲皮好薄而且唔會好油膩，鮮蝦都好爽口😛脆皮鮮鯪魚球 $34.8鯪魚球新鮮炸起好香脆，而且外皮加左脆皮更加有口感🤩拾味椒鹽魷魚鬚 $52魷魚鬚絕對係最佳之一❤️，椒鹽味好惹味，而且炸皮又唔會太厚，魷魚本身都好爽口😋紅茄鮮竹泡菜苗 $65菜苗配上清雞湯，加上番茄嘅配搭都好有趣😆黑白胡椒燒鵝皇 $138呢度嘅燒鵝好出名所以都試下😎，燒鵝皮超級香脆，而且最正嘅係仲會有胡椒味，味道更加豐富🤤

第一次寫食評，真係忍唔住，味道其實唔錯，但所有服務員態度好差，個個唔想做咁，明明唔滿人，又話做到好忙，明明見住有人遞手，望到都唔會理，斟水又唔想斟，講真，真係唔會再想去

今晚同屋企人黎食晚飯，環境舒服而且食物質素好高，每個菜式都好好食!晚飯組合 (脆皮燒雞+蒜蓉粉絲蒸蟶子)呢個其實真係好抵食，蟶子一人一隻而個份量係超大隻既蟶子皇!! 新鮮蒸再加上時間掌握得好好，加埋入哂味既粉絲同埋大量蒜蓉，基本上冇得輸! 燒雞都係賣點之一，好少地方可以食到皮咁薄咁脆既燒雞，完全冇肥膏，咬落乾爽又惹味，保留埋肉汁，真正做到皮脆肉嫩!黑豚叉燒皇另一個特色不過要接受佢既腩排，所以相對會較肥。但係叉燒的確係半肥瘦既最好食，炭烤既味道濃郁再加上少少燶邊，甘香又唔會好油膩，送飯一流!鮑魚汁花膠炆豆腐即使係食菜都可以好名貴，整體炆得好入味而且夠哂足料，花膠厚身又爽口，豆腐份量有好多而且都係好滑身!西澳龍蝦伊麵底價錢唔係最平但質素真係相對好高! 龍蝦大大隻而且蝦肉好大粒，拆好哂肉好容易食! 整既時間岩岩好，每粒龍蝦肉都好爽口彈牙又入味，配合埋索哂湯既伊麵，真心好出色!

今日同屋企人食晚飯，之前試過飲茶覺得環境好舒服，於是試下佢地既晚市!精品黑豚叉燒皇平時黑豚叉燒皇都要係D高級酒店先食到，所以見呢度有就即刻叫黎試下，黎到發現份量比想像中多，我地4個人食都好夠食!叉燒燒得有D燶邊，非常香口，肉質又唔鞋口，肥瘦分明，十分高質!鮑魚汁花膠炆豆腐上檯已經聞到香噴噴，鮑魚汁撈飯食一流，花膠索哂D汁非常入味，豆腐滑溜溜，而且切得夠厚身，口感非常好，再加埋D菇菇健康得黎又美味!瑤柱海味雜菜煲每日都要食D菜，所以海味雜菜煲就岩哂，又有營養又唔會寡，咩菜都有D，難得係即使咁多菜但味道都好夠，非常推薦!蒜蓉粉絲蒸蟶子呢道菜真係要趁熱食，蒜蓉粉絲呢個組合冇得輸，一定係好好味，而蟶子亦好大隻，肉身夠厚啖啖肉，又係撈飯食之選!清蒸老鼠斑平時唔係好鍾意食魚，但呢度既老鼠斑見差唔多檯檯都叫所以就試下，估唔到魚肉咁滑，加埋清蒸豉油咸香得黎又好有魚既鮮味!澳洲龍蝦伊麵最後我地叫埋澳洲龍蝦，重一斤幾，都幾大隻，好多肉，麵底充滿牛油香，滑溜溜好好食!總括黎講呢間酒樓服務好，環境又舒服，食物質素佳，屋企人都好滿意! 

✔️潤燒石岐乳鴿 $55呢個乳鴿有驚喜‼️ 外皮燒到脆身 裏面啲肉幾juicy 呢個價錢嚟講算幾抵食🥰✔️鮮菠蘿咕嚕肉 $98咕嚕肉雖然唔係屬於好脆嗰種🙈 但裏面用咗偏肥嘅豬肉 油脂十足🤤 出邊嘅汁亦酸甜度啱啱好 幾開胃😚✔️孜然手抓豬仔骨 $40呢個反而麻麻🥲 豬仔骨啲肉比較薄身 味道唔差但係口感唔太好 可以略過～✔️黑自胡椒燒鵝皇 例 $108聽聞燒鵝係呢間餐廳嘅signature✨ 不過講唔停覺得佢個外皮唔夠香脆 裏面嘅肉亦都唔算好嫩滑😔✔️蜂蜜柚子脆蝦球 $128一共有八大粒蝦球❤️ 蝦球爽口彈牙👍🏻 外面鋪咗一層薄薄嘅炸衣 配埋蜂蜜柚子味甜甜地🍯幾好食😝✔️乾清養顏棗皇糕 $28質地軟糯 紅棗味突出🫶🏻 帶微甜 幾唔錯😍

今日嚟到御名園食中菜，裝修採用中國風，係細節上別有心裁🏮今次叫左「御•鮮薈」四人餐，前菜有豬手同小青瓜做冷盤，主菜有佛跳牆灌湯餃，知醬碧翠炒蘭花蚌，孔門魚咬羊，黑自胡椒燒鵝，紅茄鮮腐竹泡青蔬🤩最後甜品有金磚馬拉糕同雪耳紅棗糖水，款式眾多，十分豐富！冷盤食材新鮮，味道出色，有誠意。而最令人驚喜嘅灌湯餃，湯底有好香好濃烈既雞味😋灌湯餃亦用咗碎淮山做底，有海參同花膠做配菜，好足料！炒蘭花蚌同醬汁味道配搭剛好，而青蔬湯底有濃郁豆乳味，同淡淡的鮮茄甜味，手法新穎😙到重頭戲嘅燒鵝，燒鵝肥瘦均勻，配埋甜酸醬，味道一流。仲有，好有寓意既孔門魚咬羊，喺魚肚裏面釀羊腰肉，魚質嫩口，不過就梗熟。每一啖魚肉都有濃烈嘅羊臊味，湯底有好濃烈嘅羊味同蕃茄鮮香味。不過略嫌羊味將魚味蓋過，少許失色。甜品方面，馬拉糕用香煎嘅方法做，外脆內軟！甜度剛好，十分推薦！而紅棗糖水，食材新鮮足料，煲得剛剛好

朋友相聚，我鍾意揀d地方夠闊落無局促感，落單快上菜準黎間係我一再encore既我地今次叫左晚市三重奏加個煲。晚市三重奏 $328黑豚叉燒皇（例）厚切叉燒肥瘦適中，食落軟腍，肉汁豐富，加上焦香蜜味，令我忍唔住咁食清蒸海花斑（約１斤）加左$40轉老虎斑，時間蒸得啱啱好，鮮味嫩滑， 淋上惹味豉油，值得一試。拍蒜炒翠遠菜心苗晚飯又點少食菜，菜心苗幼嫩，食落爽甜蠔皇花膠扣玉掌煲 $198鴨掌炆得腍又入味，花膠厚薄適中，有口感。

位於將軍澳天晉的御名園是哥哥推介帶同家人一起前往酒樓環境乾淨寬敞 坐得舒適👏🏻而且有幾間貴賓房晚市會提供中菜，不同小炒、海鮮、甜品而且很多晚市組合及優惠 午市早茶亦有點心供應下午點心放題！ 整體性價比高～晚市組合A $228🌟金蒜銀絲蒸空運蟶子 (四隻)四大隻聖子 味鮮肉厚 好爽口蒜蓉味好突出 鹹香鹹香粉絲夾有素翅 口感不得了❤️～📍XO醬翡翠炒蘭花蚌蘭花蚌爽脆配上翠玉瓜、木耳同蝦米🦐再以XO醬爆炒 很香口‼️～🌟 🐤黑白胡椒燒鴅皇（例） $108燒鵝外皮微微香脆 一例份量也算多肉薄入味 配上黑白胡椒 另一風味～🍲🐔啫啫沙姜炆雞煲 $108辣熱熱 香味濃濃 雞肉量亦算多 而且很入味～🐔脆香糯米醆雞翼 3隻 $50雞翼外皮炸得香脆可口雞翼肥美飽滿 啖啖肉 雞翼肉汁與糯米臘味的油香非常配合❤️～🐔檸檬冰爽鳳凰爪 $40用青檬🍋 香茅 調味 不辣的泰式風味比想像中好吃 鳳爪爽口 ～🍡乾清養顏棗皇榚 $28一客3件 口感煙韌紅棗味濃濃👍🏻------------------------------ 

鮑魚燒賣皇鮮味蝦餃皇蟲草花濃湯鮮竹卷淮山四寶雞扎扎蹄海蜇椒鹽一口豆腐黑豚叉燒高湯菜遠海皇鳳爪蛋散南北杏西洋菜燉生魚湯黃金石斛燉響螺湯🔸呢次飲茶係三人份量但只係食咗500幾蚊（閒日會再平啲）🤔所以性價比係OK😀🔸唔講基本嘅蝦餃燒賣，呢度嘅鮮竹卷用咗比較健康嘅蟲草花濃湯浸😁啱無咁重口味嘅朋友；扎蹄海蜇同樣好食，份量都多👍🏻黑豚叉燒偏肥，如果你不嬲鍾意肥叉就一流😙🔸雞扎特別在多咗淮山，令到佢多咗口感層次，幾值得一叫；另外椒鹽一口豆腐做到外面香脆，入面軟滑❤️🔸呢排餐廳做埋燉湯優惠，今期兩款湯嘅水準都好高！你地見到入面有大大塊生魚，而另一款都有啲響螺粒，但只係賣緊$30-$50，鍾意飲湯就唔好錯過💪🏻

我自問唔係嘴刁，未試過一單酒樓點心每樣都係差到負分。同屋企人weekend食任食點心，成$200一位但得到嘅係送畀我都唔食嘅質素。每樣點心都好難食，菜肉餃有酸臭味。燒鵝瀨粉得兩嚿骨，全部炸物都係凍嘅油嘅。送嘅灌湯餃毫無誠意，啲湯同史雲生豬骨湯一樣味。鰻魚炒飯連隻碗一齊放入微波爐叮，上菜時隻碗熱到辣手。小籠包腸粉啲皮厚過我塊面皮。每一樣嘢嘅劣評都難以盡錄。將軍澳大把選擇，但就真係唔好嚟食呢間，真心難食。

御名園 (將軍澳).將軍澳想搵酒樓食晚市，可能第一下未必會諗到呢一間，因為佢位置比較偏僻，但係佢嘅中菜同埋甜品都好好食！.手拍青瓜配海蜇.小食清新爽口，又夠開胃.精品黑豚叉燒皇.叉燒係肥叉，望落一層層半透，完全唔肥。識食叉燒之入必吃.清蒸小老虎斑.呢到蒸魚價錢都好合理，$188都有條老虎斑食。魚肉嫩滑.蝦球元貝蒸蛋白.呢個係我今次覺得呢間餐廳最特別同埋好食同好食，蒸蛋白清清地又健康，但佢上面再打左芡汁，仲有海量嘅元貝粒同埋蝦球！.焦糖燉蛋.酒樓都有呢啲比較西式嘅甜品，香脆嘅焦糖再加上濃郁蛋香嘅燉蛋！.御名園 (將軍澳)將軍澳唐俊街12號天晉匯1樓102號舖

我哋好鍾意飲茶，今次就去咗將軍澳的御名園飲茶食點心，今次係第一次嚟呢間茶樓發現星期六嘅下午原來都有下午茶👍。品嚐下午茶有優惠咁就更加抵食！😆 鮑魚燒賣皇和鮮肉灌湯小籠包非常美味。特別推薦極品花膠灌湯餃，肉香和花膠的鮮甜味道完美融合，讓人回味無窮。😋珍珠鹹水角和醬汁金錢肚都是傳統的港式點心，味道地道， 我哋必食之選。😋淮山四寶雞扎和韭黃鮮蝦滑腸粉都是不容錯過的點心，味道鮮美。😋非常推薦他們的掛爐燒鵝瀨粉，鵝肉香嫩多汁，讓人垂涎欲滴，瀨粉好還好好食。😋石岐乳鴿的外皮酥脆，內餡鮮美，是一道非常滋味的選擇。😋XO醬銀芽炒腸粉和拾味椒鹽魷魚鬚亦是非常適合下午茶的小食，口感外脆，味道鮮美， 食到停唔到口。😋如果你正在尋找週末下午茶地點，不妨試下呢間，我見佢哋仲有點心放題食㗎！😍