御名園 (鴻運中心)

Open Now

Now Closed

御名園 （元朗）今晚同長輩食晚飯，友人介紹左呢間酒樓。店內裝修有格調，地方闊落，環境舒適，大廳中間仲有個巨型海鮮魚缸，海鮮即叫即撈，認真新鮮！晚市有好多特價套餐及小菜，款式都幾多，價錢合理。可惜兩老唔食海鮮，揀咗其他吸引嘅中式小菜。陳皮脆香燒鵝皇 （例）燒鵝有脆皮，肥瘦均勻，點埋酸梅醬，味道立即昇華，果然好睇又好食，元朗有好多出名嘅燒鵝，估唔到呢度都食到鮑魚汁花膠炆豆腐見住佢仲出住煙熱辣辣上枱，炆得好入味呀，花膠都唔慳皮，絕對有驚喜蝦子海味炆伊麵好多料，好食過好多酒樓黑椒蔥爆安格斯牛柳粒牛柳粒炒至又香又淋，加上大量香蔥，真係非常夾，全晚第二個驚喜，長輩食到舔舔脷如果想食中式小菜或者海鮮，又想坐得舒舒服服，呢度絕對推介👏🏻

元朗真係美食天堂，食過好多間餐廳都非常之唔錯。今次食咗一間都幾出名嘅酒樓，啲嘢食好味又唔會好貴，環境又舒服，住附近嘅人不妨一試。佢午市有點心、小炒、連海鮮都可以叫，仲有點心放題，難得去酒樓食梗係乜都試啲啦。小食叫咗咕嚕肉同埋鮑汁鳳爪，兩碟加埋先80幾蚊，份量唔少，非常抵食。另外要推介佢嘅精品黑豚叉燒王，佢嘅肥肉雖然偏多，但係食起身真係好好味，燒得好香好入味👍🏻怕肥嘅我都忍唔住食咗四嚿。我哋仲叫咗餐牌入面嘅一個餸，蜂蜜柚子脆蝦球，呢個都整得好好味，蝦球大大粒好彈牙，出邊炸過之後加上柚子汁，好夾。而點心叫咗以下幾款: 鮑魚燒賣、蝦餃皇、金錢肚、鬆化蛋散、焦糖鮮奶燉蛋。當中最好味嘅鹹點係燒賣，入面嘅蝦夠彈牙又夠味。而甜品就一定係鮮奶燉蛋，唔俾食過嘅法國餐廳差，非常好味😋

嗰日去咗御明苑飲茶佢有138 點心放題 選擇不過我哋冇揀到因為我哋都減緊肥，唔想食得太多諗住想食咩就叫咩食飽就算啦唔好食得太多 減肥辛苦最後除開一人百零蚊但都食到晒想食嘅嘢同埋佢間酒樓影得都幾靚背景當時係深藍色一口炸豆腐都好好食鮑魚燒賣都唔錯最值得推介係金箔黑芝麻流心奶黃包呢個食又好食，影相又靚推介大家可以試吓😆如果大家想食多啲嘢真心嗰句138點心放題會好抵食 因為我呢度張單都差唔多二百幾接近可以叫到點心放題

不知不覺已經隔咗段時間無去 {御名園} ，早幾日家人話想去依間酒樓飲茶食吓小菜，那又可以從回舊地，回想起嘅美味點心同中菜。酒樓裝修雅致，地方闊落，枱同枱之間唔會擠迫，覺得有空間感，環境舒適，無一般酒樓咁嘈。餐牌上都有好多選擇，巧手點心、即蒸腸粉、生滾煲仔粥、香噴噴煲仔飯、炒粉麵飯、出爐燒味、燉湯、涼拌小食、田園青蔬、手工甜品、皇牌套餐等等，種類非常多。乾蔥頭抽文昌雞  (半隻)  $128雞肉夠滑爽口，頭抽好入味，肉質軟嫩，雞味香濃，沾上蔥油醬一齊食，味道與別不同，很美味。乾炒安格斯牛河    $98碟牛河一到，已經聞到好香，用咗秘製豉油同葱頭炒到香噴噴，牛河沾滿醬汁，但一啲都唔油膩，加上河粉特別滑溜，都忍唔住大口大口咁食，到戲肉安格斯牛，更係又嫩又滑，牛味好濃，面層舖上蛋絲，讚！精品黑豚叉燒皇    $78每一塊叉燒都幾厚，用上黑豚高品質，所以肉質非常鮮嫩，啖啖肉無筋，肉味香濃鬆化，好焦香，仲充滿肉汁，覺得係好好味嘅叉燒，食完滿足晒。沙參肉竹燉山斑魚湯    $33.8依款御善養生燉湯，個燉盅熱騰騰，打開蓋已經聞到香噴噴，飲到山斑魚同沙参肉竹既清香，以及唐排、雞肉

呢輪食太多西餐🤨忽然想飲啖茶食吓中菜🤔離遠已經俾呢個燈光火猛嘅招牌吸引咗！🤩睇落非常有派頭同搶眼🔅🔆兩個人被安排坐喺梳化卡位🛋️環境好闊落，柔和嘅燈光加埋現代風嘅裝修💛感覺比較新潮 唔同傳統酒樓嘅feel旁邊有個大水缸展示生猛海鮮🐠🦐🦞🦀好吸晴🫶🏻叫咗水仙茶，係用茶包沖🫖雖然飲落茶味唔夠🙁但色澤唔差 香味都還可👌🏻前菜$28 係一碟綜合乾果類🥜包括有杏仁/蓮子/花生/腰果等等有啲紫菜味 唔過咸 幾香口😊餐牌有好多特惠套餐或者優惠價單點❤️‍🔥最後揀咗以下呢幾樣：手拍青瓜拌海蜇$58🥒黎個開胃小菜，個酸味好正好fresh 真係打開胃口一流😋建議唔好一次食哂，可以留返少少等食叉燒同燒雞呢啲重口味餸時食返嚿青瓜中和吓～晚市組合A $228呢個價錢有海鮮加個小菜 CP值高喎👍🏻金蒜銀絲蒸空運聖子（或可選元貝）足足有4隻，有成大半隻筷子咁大😯肉質爽，唔會似擦膠咁韌😋大量粉絲吸哂啲汁、配埋炸蒜呢個組合點會有得輸 好味！😍黃金脆皮文昌雞（半隻 ）🐔🔥首先個皮真係燒得幾脆吓夾落去有碎聲🥢不過略嫌燒得過咗龍🥲變咗啲肉好乾，無咗juicy感調味係ok嘅 都幾惹味希望下次控制火候拿捏好啲會好食多💪🏻（例牌）精品

#元朗 @royalminggarden🌟媽媽話元朗有間酒樓飲茶很唔錯, 我們來到試試晚餐, 果然性價比高, 晚市價格非常親民! 裝修有別於一般酒樓, 裝潢設計雅致, 設有卡座及巨型鮮活缸, 即叫即撈! 🌰好喜愛餐前小碟, 紫菜雜果仁, 新鮮爽脆又好味! 來個晚市組合A, 海鮮拼小菜 $228! 🦪鮮元貝或空運蟶子4隻 ~ 金銀蒜絲蒸, 蟶子味道十分鮮甜, 隻隻爽口彈牙, 配金銀蒜及盡收精華的粉絲, 完美! 🐥小菜方面選定 “即燒脆皮文昌雞” 半隻 ~ 外皮極度香脆, 雞肉都幾滑, 即燒就係唔同! 🦀蟶子食得意猶未盡, 再來個鮮味肉蟹炆雞煲 $268/份 ~ 肉蟹大大隻, 肉質鮮甜, 雞的份量亦不少, 爆得夠香! 🐣潤燒石岐乳鴿 $55/隻 ~ 乳鴿肉質嫩滑, 夠入味, 是近來食過的乳鴿中最好味的! 最後送我們杏汁蛋白糖水, 完美! 唯一係唔覺意食咗好多雞! 

花雕蛋白蒸加拿大肉蟹 約一斤半黑豚拖肥叉燒王 優惠價$388如果鍾意食蟹同叉燒，我覺得呢個套餐係必嗌加拿大肉蟹好大隻啖啖肉花雕蒸蛋白味道好香，一上枱已經聞到陣陣花雕味蛋白撈飯一流！黑豚拖肥叉燒王微微燒焦，最鍾意脆脆叉燒三隻煎蛋就係暗然銷魂飯🤫🤫椰汁金瓜香芋煮蝦球平時鍾意食芋頭嘅人一定好開心🥳餐牌上有好多好抵食嘅套餐呢度嘅中環格調都比一般酒樓高級而且服務好好價錢唔算貴，但係食物種類同質素比一般中式酒樓高級我覺得幾抵食！

飲茶好少見點心放題，第一次食御名園，等位都差唔多十五分鐘。門口知客姐姐應該平時收好多利是，我排五人枱23號籌，要等七張籌，佢居然可以俾24號籌入先。然後仲見佢對某d食客主動仆出去幫人開門，乜哥前乜姐後，對住唔同客人嘅變臉速度之快，真係厲害。見佢一個特點都四十幾蚊，放題每位連加一都係200左右，就揀咗佢放題試下啦。點知落單果陣阿姐先講呢樣無果樣無，早d講吖嘛，早知唔叫放題散叫算啦。漏咗講，埋枱去到四人枱仲爭張凳，個部長情願拎三套碗筷放枱面先，都要我地罰企唔肯拎張凳過嚟。係呀，五個人佢拎三套碗筷先。餐具係精緻嘅，點心有一半都好食精美嘅。例如蝦餃有金邊，個燒賣有鮑魚。蝦春卷，一口豆腐，叉燒包，蘿蔔糕呢d都穩陣好味。而有湯或者皮制果d一律炒車，腸粉皮好厚，灌湯餃，鍋貼，小籠包，腐皮卷呢d，全部都厚皮唔好食。個部長曾經好寸咁行埋嚟，問我地叫咁多食唔食得哂，佢得90分鐘食，蒸點心又要時間，我第二轉落單快少少多少少有咩問題？佢都幾無禮貌㗎喎。呢間真係得閒先飲茶啦haha。

出街食海鮮好多時真係海鮮價🦞，埋單貴到嚇親！最近比我係元朗發掘到一間高質中菜廳，店內裝修有格調、係大廳中間有巨型海鮮魚缸🐟，海鮮即叫即撈，確保新鮮！晚市Menu提供多款不同套餐任選，包括海鮮都係同一個價錢，價格親民非常抵食👍🏻今次我叫咗2️⃣個套餐，分別係晚市組合A + 晚市組合B晚市組合A：$228🧄金蒜銀絲蒸鮮元貝大量蒜蓉鋪滿面，粉絲非常入味，元貝大粒鮮甜，蒸得剛剛好保留新鮮味道🌱上湯瑤柱浸豆苗超多瑤柱！豆苗份量都好多，新鮮爽口，上湯口味唔會太鹹，清清地健康d晚市組合B：$338🦀黑胡椒焗肉蟹(2隻)身為「蟹后」見到套餐有蟹點可能唔叫呢？平時食開薑蔥炒蟹，餐牌有得揀黑胡椒焗蟹就試下，上枱好驚喜，賣相好靚，廚師好有心已經將蟹鉗敲開方便客人食。香口黑胡椒真係超惹味！加上肉蟹啖啖肉超滿足！🐤即燒脆皮文昌雞即叫即燒，真係做到脆皮口感！外皮爽脆雞肉嫩滑，鍾意食雞肉嘅朋友仔真係要試試最後贈送是日糖水，今晚係芋頭椰汁西米露，綿密芋頭蓉+香濃椰汁，食完甜品就真係好飽la！全晚滿足哂！御名園📍地址：元朗鳳琴街15-21號鴻運中心地下A1,3-10及69-70號舖

這間位於元朗的酒樓，晚市有多款特價套餐及小菜，款式甚多，價錢合理。我們點了一個海鮮套餐，有元貝及一款小菜，十分抵食。金蒜銀絲蒸鮮元貝元貝肉厚而且新鮮，表面舖上的蒜茸，下面墊了粉絲，吸收了元貝鮮甜味。好味醬啫啫豬手煲豬手十分惹味，膠質豐富，入口豬皮夠腍。鮑魚汁花膠炆豆腐花膠細細件，炆至腍身，豆腐軟滑，還有些雜菌。精品黑豚叉燒皇叉燒用了豬腩部位，肥瘦均勻，而且燒至表面焦香，帶點蜜汁香甜，入口溶化。金獎蝦醬海山骨海山骨份量十足，炸至金黃香脆，有淡淡蝦醬咸香，肉質嫩腍。最後還送上芋頭西米露，芋頭很綿滑，而且不會太甜。

經朋友介紹，話乳豬同龍蝦好食，所以係年初五去了呢間御名園同媽媽慶祝生日。可惜食完十分失望。當日唔多人，有好多張枱剩。叫了乳豬，龍蝦，臘味芥蘭，柚子蜜蝦球，魚。乳豬：話係即燒，但係出到黎係凍，價錢唔但咁既質素上湯西澳龍蝦伊麵：味道可以，但都係凍既臘味炒芥蘭：十分失望，連最簡單既一個小炒，出到黎都係凍。柚子蜜炸蝦球：呢個菜總算係熱，比較滿意既一個菜。魚：都總算係熱，但可惜蒸過龍。失望總結：唔明點解當日都唔係好多人，d菜都可以係凍，但神奇既係d餸係出煙，睇落諗住實熱啦。點知大部分都係唔熱。我地只不過係想係咁凍天氣食餐飯同媽媽過生日，但可惜大部分餸都唔合格。價錢貴之餘都唔緊要，d餸細份都唔緊張，最差既係大部份餸都係凍😖Ps:同埋當日個廁所地下好濕，又多紙巾喺地下，搞到我媽媽差d滑到。十分失望既一餐飯，唔會再有下次。平時唔會番食評既我今次都要留番個食評。

今日和朋友相約在元朗一聚，順道到位於鳳琴街鴻運中心的御名園吃午飯。今日吃得簡單一點，所以只點了兩個點心，一個是蟲草花鮮竹卷，喝了一口上湯非常之鮮味和熱，而且內裏的餡料亦很豐富；不過就因為長時間泡在湯裏面蒸熱，所以鮮竹卷的腐皮變得十分稔，有點變糊的感覺欠缺了口感，另一個醬汁金錢肚，點心醬汁將金錢肚染得顏色很奪目，入口味道很濃又惹味，金錢肚的質素亦不錯，食落有口不會過稔。福建炒飯很快亦上枱了，炒飯的賣相不錯，上面有大大隻的蝦球，芡汁裏面還佈滿了瑤柱粒、翡翠玉瓜粒、雞粒、粟米粒、冬菇粒、紅蘿蔔粒等顏色很能惹人食慾。而且飯底亦炒得很乾身有咬口感；唯獨是天氣有點寒冷關係，飯底上枱時稍嫌不夠熱。總結今餐食物的味道和質素都很不錯，而且枱椅擺放闊落，所以坐得較舒適，下次亦會再來飲茶。

其中一道菜變壞了，有酸味。其後與服務員反映，最後只得到服務員惡劣態度回應（回應：台台都冇問題，淨係你哋有問題咋喎）。最後諗住算啦，費事再同佢坳。去到收銀嘅時候，原來個收銀阿姐先係終極Boss，啲服務態度真係世界級。體驗完先明白到，顧客永遠是錯的。如果想搵人嗌交，絕對可以一試。其實呢間食物質素都OK，真係俾啲服務員拖垮左廚師嘅努力。明白服務行業係辛苦嘅，但以一個客人嘅角度，絕唔希望出街食嘢要俾錢買難受。

其實我一直都有一顆好鍾意食中菜嘅心😋最鍾意就係試唔同嘅中菜最近我就試咗一間好值得推介嘅中菜廳就係位於元朗嘅御名園👍🏻當日同咗媽媽去食 佢都食得非常開心😋1.晚飯美餚組合我哋揀咗金蒜粉絲蒸元貝元貝非常大隻 配上上面嘅金蒜粉絲太惹味好香口😋仲揀咗半隻即燒脆皮文昌雞皮脆肉嫩 真係非常好食2.潤燒石歧乳鴿媽媽好鍾意食乳鴿 所以就嗌左一隻外皮好香脆 咬落去都淡淡肉👍🏻3.鮑魚汁花膠炆豆腐大大嚿花膠 咬落去好有質感豆腐係先炸後炆 非常入味🥰4.檸檬冰爽鳳凰爪冰爽嘅鳳爪真係好好食加埋檸檬嘅香味 真係好夾呀5.瑤柱海味雜菜煲瑤柱嘅香味入曬味成煲都好香👍🏻6.桃膠西施杏仁茶好適合女性飲嘅甜品😍一向好鍾意飲杏仁茶佢哋嘅杏仁茶非常香濃加埋淡淡的桃膠 真係好滋潤7.棗皇燉雪燕燕窩係分開一碗上有超多嘅燕窩😍 配埋紅棗 都係非常滋潤嘅一款甜品性價比好高 環境好寬敞同媽媽都食得好開心🥰下次打算再去試其他嘅菜式📍御名園 (鴻運中心) (元朗)元朗鳳琴街15-21號鴻運中心地下A1,3-10及69-70號舖

今日同細妹去雞地飲茶, 酒樓環境舒服,座位撥落好坐👍好耐未試過飲茶La~每樣都想試下🤭點心放題最好不過，唔使就住就住，可以盡情食食食鋪滿哂成張枱👍每位奉送花膠灌湯飽一盅,鮑魚燒賣一件😚午市點心放題款式有蒸點、即蒸腸粉、 煎炸點、甜品、小食和主食超過40多款👍大開食戒之前, 我哋另外點咗滋潤足料湯水川貝海底椰燉鱷魚😋經過一輪急攻……😆以下必點~~黃色金邊飽滿蝦餃🦐 啖啖肉燒賣👍鬆脆香口一口豆腐粒和花椒香酥肉。皮薄餡靚潮州蒸粉果、黑松露素粉果。爽口清甜桂花鮮淮山、惹味彈牙沙薑豬手。原隻彈牙鮮蝦🦐滑腸粉。一口豆腐、蝦餃、粉果一再encore😚其實當中仲有好多點心未能食到,下次再來戰過😆晚飯都可以過嚟，佢哋嘅晚市套餐都實惠抵食。