皇茶 (Closed)

其實係喺旺角迷路，先誤打誤撞試左呢間飲品店😂一向唔太prefer飲珍珠奶茶果類因爲怕肥，但條條街都係賣一樣嘅，無乜選擇，呢間就特別d，「羅漢果」夠吸睛！😏行到去就好快決定要呢個，店員好細心呀，介紹左呢隻羅漢果糖嘅特別之處，下省三千字，總之就係健康健康同健康。原來佢地嘅茶葉都講究，而且係一百度熱水即刻分半鐘熱打泡，唔怪得之飲落去咁香茶味，再配埋羅漢果嘅回甘，飲落直係幾舒服解渴！原來呢度仲有live band同啤酒！健康又有，重口味少少都有！

話說旺角有好多好嘢食，好多特色嘅甜品同埋飲品店，前幾日同女朋友行旺角，呢排天氣都頗為炎熱，小編同女朋友行行吓就見到呢一間飲品專門店就入去試一試，小編同女朋友order左幾杯嘢飲其中小編認為最值得推薦嘅係火紅芝芝，奶蓋同埋紅火龍果汁配合得好好比例係八二比例，紅火龍果汁10分新鮮，係炎炎夏日飲番一杯的確係賞心樂事，另外小編亦order左黑糖珍奶、香芋奶蓋，同埋凍普洱茶，大家經過呢間飲品店嘅時候，不妨order幾杯嘢飲試一試。

前日經過旺角口渴，想買杯嘢飲下。行行下見到皇茶有位坐之餘又有cocktail飲就去左試。我試了marble dragon, 取名很有趣，問店員才知道，店員很nice解答我們取名源於佢係用新鮮火龍果去製作，同冧酒混合，面頭仲有一層奶蓋。每飲一啖都有火龍果的清甜同香味，仲會有餘香係舌頭，遮蓋左重酒精既味道，個奶蓋為成杯酒點綴左，一直都未試過酒同奶蓋呢樣配搭，出奇地match！十分推介想試特別cocktail既人！

晚上收工和朋友經過旺角，想搵啲野飲，見到呢間鋪頭環境幾舒服 有哂枱櫈 好似bar枱咁 好吸引 於是就入左去 記得之前royaltea係無枱櫈 只有外賣飲品 而加有埋堂食 多左個選擇 以後可以經常和朋友來了。我們order了2杯飲品首先試左黑糖珍珠牛奶，牛奶非常濃香，唔係用奶精，平時飲黑糖珍奶都好驚會太過甜 越飲越膩，但royaltea既黑糖珍奶甜度剛剛好，珍珠同黑糖既甜味與牛奶完美混合，非常match!另外order左杯桔檸啤，朋友和我都覺得啤酒苦苦的難以入口，桔檸啤將新鮮柑桔檸檬同日本啤酒混合，口感好fresh,會令人想追飲既果酒，味道非常特別！很適合女生，害怕酒精苦澀味的人士，向你們推介這杯。

朋友們都知道我好中意飲啤酒🍻呢排又熱又焗又落雨，所以去左呢間朋友介紹嘅茶飲店試下 🍹🍸去到先知有位坐，鋪頭細細，可以坐到6個人到啦呢到都幾好feel Menu上見到winnie the Pooh 😂知道呢到有賣日本Suntory啤酒🍻即刻order 一杯黎試下Winnie the Pooh 桔檸啤Suntory啤酒飲落似平時傳統啤酒嘅味道，飲落似乎加左蜂蜜，所以有d甜甜地，加埋檸檬酸酸地，好岩女仔飲，fresh得黎又好易入口👍🏻🍻炎炎夏日之選朋友仔就order 左奶蓋啤酒🍻因爲佢係一個奶蓋控😂佢話個奶蓋做得幾好，有少少咸咸地，夠rich 同creamy 同啤酒一齊飲個口感夠特別👍🏻支持小店❤️❤️下次再黎試埋其他茶飲先🤩

在一天的星期六，約了朋友在附近吃飯，吃完飯我獨自去了這家皇茶嘆一下奶蓋。 時間大概是2點左右，店內人不多，3個雙人座只有一位客人。 店內還有3個bar枱位置，如果滿座其實可以坐9人，對於一家飲品店來說其實挺好的。我叫了一杯玄米茶奶蓋，玄米茶很香，很解膩，在飯後喝也不錯。 這個茶也跟奶蓋很匹配，因為一個清，一個濃，一起喝就剛剛好。奶蓋依舊的香濃夠厚夠味道。一開始當然是要先喝一口奶蓋，之後才品嚐玄米茶。總的來說，這家店是我非常喜歡去喝奶蓋的地方。

食完泰式午餐，路過皇茶，見到個牌After lunch tea （12:00-15:00）$16 一杯，有三款選擇：珍珠奶茶、爆檸四季春、朱古力。食完辣野，梗係叫返杯爆檸四季春。呢杯的確係好多檸檬味，係有爆檸既感覺，好夠檸味但帶有少少澀；四季春味被檸味蓋過，茶味唔算香濃。整體我覺得一般，佢既茶底唔算太好，檸檬帶澀，飲落沒有特別清新既感覺。當然唔係難飲，可能只係飲過其他店舖比呢杯更要好，但做緊$16又係旺角區係好平！

旺角真係太多選擇啦 !而家仲係黑糖鮮奶當道,周圍都係賣緊佢 ,新開嘅又有古龍x同幸福x, 真係花多眼亂!今日行街,離彌敦道最遠嘅一間皇茶試飲吓! 黑糖鮮奶$25(走冰走珍珠改Oreo)評分:4.3/5甜度啱啱好。黑糖味好清香,而且可以走冰,D味唔會淡曬 。另外,我個人認為加咗oreo好特別 , 雖然唔多,但係間唔中會食到oreo 脆脆同oreo嘅香 ,估唔到同黑糖鮮奶又幾夾 ,唔會令黑糖鮮奶冇佐靈魂 ,只係加咗少少特色,值得一試!

說起奶蓋，很多人第一時間想起喜茶，但除了接近40塊，甚至破40一杯的Heytea之外，還有高質選擇哦去旺角的朋友注意哦，推薦皇茶！（彌敦道往廣華醫院方向繼續走就看見了～）普通奶蓋30左右就有了，我這杯火龍果芝芝也不破40，重點是，奶蓋真的很濃很香 大概一年多前就有喝過這家，一時就愛上了，間中也會去。oreo抹茶奶蓋也很好奶蓋厚，富有口感，鹹香鹹香的是這店的特色。火紅芝芝（火龍果） 奶蓋很出色，火龍果略帶青草味，未必人人喜歡但很清新，配上濃厚奶蓋剛剛好～店內有位置坐，一邊喝一邊和朋友聊天就最合適了

火龍果配芝士奶蓋唔少店舖都有做，但係呢一間火龍果沙冰用咗綠茶黎沖，除咗新鮮火龍果味仲多咗一陣綠茶味，感覺幾清新同消濟。店主同我講：佢冇落任何糖漿，仲特意加左兩片蘋果，去中和返火龍果嗰陣少奇怪嘅味道（澀？）。的確，成杯嘢飲感覺好清新、唔假、唔會過甜、唔藥水，配埋有鹹香味嘅芝士奶蓋（呢個真心濃厚！！！），又有OREO增加口感，百味在口嘅感覺好正！誠意推介！！另外，佢係轉左手之後申請左酒牌，創造出佢係先驅嘅茶底COCKTAIL～呢一個柑橘啤，除咗金橘檸檬之外，配上蜂蜜，加日本Suntory啤酒，成杯野都幾易入口，啱晒女仔飲，依家少飲酒嘅我都覺得幾啱飲🍻寶寶都覺得口味好特別，平時喺蘇豪區都搵唔到！另外，兩位店主係飲食業難得覺得有親切咁嘅人，會同客人分享佢哋對調配飲品嘅睇法，真心抵支持小店👍🏻-火紅芝芝 Red Dragon Fruit Slush with Oreo | $38柑橘啤 Winnie the Pooh | $88(L)-

又到旺角，行街行到口渴，見到呢間標榜用新西蘭芝士做奶蓋既台式茶店，就來試一試。今日叫左爆谷奶茶芝士奶蓋和黑糖珍珠牛奶。先黎既係爆谷奶茶芝士奶蓋，飲一啖，嘩，芝士味好重，比起其他芝士奶蓋都要重，直頭好似飲緊芝士咁，微咸，口感綿綿的。再食左粒爆谷，上面的焦啝咸奶蓋中和了很Balance。對了，唔記得講本身係完全無冰既，所以唔洗叫走冰了。奶茶本身亦做得很好飲。黑糖珍珠牛奶看似普通的黑糖珍珠牛奶，店員說牛奶有先打過，所以會有點奶泡的口感，而糖則是用100％黑糖。我飲一淡，食粒珍珠，果然不同凡響。甜但不死甜，珍珠Q度剛剛好，真係好飲。

旺角行街又見到新的台式茶飲！ 皇茶 有位子可以坐著休息 剛好我今天穿了一天高跟鞋~~ 看了Menu有芝士奶蓋呀！ 點了爆谷奶茶芝士奶蓋！ （這個組合覺得好酷！） 和黑糖珍珠牛奶 剛坐下就聽到了正在打奶蓋的聲音，老闆說他們的奶蓋使用紐西蘭牛奶 而且是走冰的！ 這樣奶茶跟奶蓋就不怕沖淡啦！ 奶茶一上來就見到厚厚的奶蓋在上面 還有幾顆爆谷點綴，好可愛 奶茶微微冰冰的，溫度很剛好！ 奶蓋喝起來微微鹹，口感好綿密 奶茶都不錯，搭配著奶蓋好幸福呀！ 黑糖珍珠牛奶也來啦！ 咦？竟然有奶泡？ 原來鮮奶是打過才放進去的， 因此除了原本黑糖牛奶，多了奶泡綿密的口感！ 珍珠都很Q彈，煮得剛剛好 整體味道不會太甜膩， 冰塊量也是剛剛好全部融化 不會在喝的時候喝到冰塊，好細心！ 每次我喝黑糖珍珠牛奶最怕太甜太凍 皇茶的卻完全剛好！ 喝起來很享受！快來試試奶蓋茶吧！

之前飲過幾款都唔錯，水果茶都好清新,每款茶老闆都用心製作💗.特別鍾意芝士奶蓋玄米茶💗royaltea by teacircle嘅芝士奶蓋同出邊唔同，奶蓋係採用紐西蘭芝士做，飲落特別香濃。芝士奶個玄米茶呢個配搭好清新♥玄米茶的米香，同芝士奶蓋味道的平衡做得好好，芝士奶個質感打得好細滑，芝士味道亦很濃烈，必飲推介♥.茶底沖得恰到好處，不會太淡，玄米茶濃厚中帶濃烈的烘米香氣，又有傳統綠茶嘅幽香♥如果想飲啲特別嘅熱嘢真係推介朋友試下，芝士奶蓋玄米茶

行行下覺得口渴然後就去買嘢飲，見到皇茶就去試下。我個人覺得之前觀塘開嘅嗰間皇茶比旺角呢間甜。買左一杯芒果芝芝，橙黃色的芒果面搭上一層奶白色厚厚的奶蓋，是邪惡的代表。有小小香精的味道，有芒果渣，都係解渴嘅良品來。店面裝修都不錯，燈光偏暗，旁邊有少量座位，我買嘢飲嗰陣係滿座，都多人買嘢飲，人流ok多。打住咁多先啦，唔知仲有咩可以講。後來飲飲下太多渣滓，需要改善，飲一啖就梗有些少芒果個啲絲，有點兒麻煩。

從來都唔鍾意飲芝士奶蓋 怕漏 但飲過皇茶後完全改觀 芝士奶蓋芝士味非常濃郁 唔甜 係咸芝士味 配合皇茶自泡的極濃綠茶 綠茶剛好中和了芝士的味道 飲完成杯芝士奶蓋完全不覺得漏。正