路斯餐廳 (Closed)

前幾日打完網球，同媽媽去咗呢間食早餐！可能星期日嘅關係，當日等咗三四個字先有位🤣 每樣早餐好似都好吸引～而且餐廳環境都闊落又夠衛生費事做完運動食啲咁Heavy嘅嘢，我叫左煙肉炒蛋三文治，另外再加多個鮮奶麥皮！麥皮賣相一般，上檯時有啲後悔，好彩食落都唔差～ 不過略嫌細碗左少少～ 三文治當日冇得揀烘底，炒蛋都幾香滑，食落唔錯！配埋午餐肉都幾出色，估唔到食完都幾飽～😆😆 下次想試吓佢嘅蕃茄通粉，媽媽食到好似好吸引！

見店舖新開，又裝修得幾有情調，於是進店幫襯。大約七點的時間，已有半數人入座。看了餐牌，有鐵板餐和一般晚餐選擇。見鄰座上菜， 十分吸引，便問侍應他們的餐是晚餐還是鐵板餐，原來是晚餐。最後我們點了一份西冷牛扒拼海蝦，跟意粉及西冷牛扒鐵板上。鐵板餐跟飯及意粉要加$10，所以不加。跟餐有餐湯及麵包，餐包十分軟熟及熱辣辣，餐湯就十分稀，味道不夠。之後再來晚餐及鐵板餐，晚餐內有兩塊牛扒及海蝦一隻。鐵板餐反而得壹件牛扒。晚餐的兩塊牛扒質素有如燒烤包的牛扒鐵板餐的就有肉味，可見一分錢一分貨。晚餐的意粉中規中矩。鐵板餐的薯條都是可以的。最後送上雪糕量杯。整體而言，就是一間有裝扮的茶餐廳。質素是很一般的。

周末一家人貪就近幫襯此店早餐，但漏早餐包牛角酥並非首次發生，上次幫襯臨埋單發覺漏一個牛角酥只能打包走，到7/8/2021臨埋單又發覺送漏一個餐包牛角酥，同落單女侍應講，即時被指責食物到枱時唔睇清楚無牛角酥，而家食完至講，廚房鬧爆唔肯整唔會俾包，叫我作為食客下次睇清楚食物黎齊未，另一個女侍應同時過黎話無得次次食完話未黎，我回應跟客人柯打將落單食物執齊上枱係餐廳同侍應責任，我真係食完先發覺牛角酥未到有什麼問題，點解唔係侍應道歉無跟單執齊餐牌所有食物俾客人，而係怪客人食到尾聲至出聲漏牛角酥，等如明示暗示本人食完屈食物攞著數，女侍應更當場發爛渣大吵大鬧指罵本人一家，呼籲本人告上消委會，大聲自稱叫Shadow叫本人即管投訴佢，就連男負責人到場調停亦繼續侮辱指罵本人一家決不收口，如此頻漏食物、指罵客人、不承擔送漏食物、服務奇差，堪稱紅磡X店之首！

專登去黃埔為咗行AEON✌🏻，皆因真係日資百貨公司又多嘢行！嗰晚係附近唔知食咩好，見到呢間扒房幾抵食又坐滿👥，就衝入去試下，真係難以忘懷嘅一餐！————————————————👅餐湯餐飲🔸白色蘑菇湯得一陣罐頭湯草味，同埋麵粉開稀嘅口感，紅湯酸酸甜甜好飲好多🍅，附有餐包同餐飲👅美底雜扒（$118）👎🏻諗住落重本食個好豐富又熱辣辣嘅鐵板扒餐，點知我地個份比錯對面檯😦，對面檯嘅淨雞扒拎左入廚房又拎返出嚟比我哋，話之後比返豬扒同西冷牛扒，驚都市傳說同唔想浪費食物，無奈之下啃咗⋯😵比返豬牛扒又要追佢比返個汁，比返個汁又要追佢比返兩條紐倫堡腸，呢餐係考我記憶力定係忍耐力？👎🏻Anyway薯菜無薯仔味兼軟曬，每片扒都薄薄地，肉質味道正常，係調味預期中嘅重手同油，所以雪味唔明顯🤥，平時會清檯嘅兩人，唔想糟質個肚，最後食淨三分之一👅蛋黃醬煙肉卡邦尼闊條麵（$65）👎🏻先講賣相同溫泉蛋都好靚仔嘅，但闊條麵好厚好闊難入味，醬汁稀過湯都掛唔到汁😶，淨係食到意粉味同彈牙，平時湯撈飯，今次湯撈意粉。不過呢個價包飲品湯同雪糕就算啦，最後好飽，食左一半就放棄👅雪糕👎🏻有海鹽、芒果同玄米茶味雪糕，食過平價自助餐應該見過

星期六晚，當時已經差唔多9點，所以使但搵一間又可以泊車的位置。入到門口，收銀的男士好似唔想招呼我地，一望入去其實有2至3張枱是無人坐，正常應該問我地幾多位，但那位男士好似望我地唔到，不知有心定無心，周圍行黎行去都無問我地幾多位，我地一行6人，要分2張枱坐，最後都同我地講，埋邊的位置因為唔再招呼客人，所以一陣如外面的枱有人走，會幫我地轉位，但其實埋邊一望起碼有4至5張枱客人未走，為何會講唔再招呼客人呢，我心諗係咪趕收工，所以跟本唔想入坐。我地柯打左2份$118西冷扒，1份海鮮辣意粉，1份雜扒餐，落單時仲問我地牛扒要幾成熟，我地選了7成，大約等了5分鐘，上了4碗紅湯，平時的我是非常鍾意飲紅湯，但當見到那碗湯就已經唔想飲了，就好像是加左好多水溝出黎嘅湯，見到都唔想飲，之後牛扒上枱，未食已經更加想拍枱，明明說好的7成牛扒在那，用刀切都差d切唔到，薯條＆粟米全部都唔熱，就好似放左係廚房好耐，一早煮定有客人來連加熱都賴就上枱。海鮮辣意粉，都係唔熱。雜扒餐應該係最正常，因為塊豬扒食落可以軟熟過塊西冷扒。需然大家都明白9點入座太晏，可能食材已經無咁新鮮，但係無可能收$118價錢，難食過快餐店，其次係我

平時行過已經見到無咩生意，諗住今日去試吓，點知伏左，個後生仔服員落落下單走咗去叫其他人幫手落，聞所未聞，自己唔明咩叫薯菜，就即刻行左去，細佬返去廚房洗碗呀，鬧客前檢討下自己走咗去個態度先，結果一肚氣唔敢食，生意平時已經差我終於明白點解。

之前聽朋友講過紅磡好多好野食，作為一個專業食貨客一聽到有好多好嘢食就算幾遠我都會去卜朝聖下係米真係咁正，今日就同麥生入去紅磡搵好嘢食，我地就去左「路斯餐廳」🍴食下西餐啦。極級安格斯西冷牛扒配意粉🍝我地就叫左7成熟西冷牛扒，而牛肉味道勁重牛味，加埋欖油意粉🍝好正。極級安格斯肉眼扒肉眼牛扒比西冷更腍，而牛肉味都係一樣咁重牛味，最鐘意佢啲粗粗薯條🍟。三文魚凱撒沙律🥗食左咁多肉咩要食下沙律減下油膩感。雪糕🍦牛扒餐除咗有飲品湯及麵包仲有雪糕送，咁我地就叫左咖啡☕️味及玄米茶味🍵。

👉鴛鴦扒王 $88 黑椒汁配薯菜 👉極級安格斯肉眼牛扒 $158 蒜蓉汁配欖油意粉 🧃雪糕紅豆冰 $16 🧃十勝紅豆奶茶 $14 叫咗兩個晚餐，都有配埋餐包同湯，我哋叫咗忌廉湯同羅宋湯🥣。鴛鴦扒王叫咗豬扒同雞扒，加埋美國穀飼肉眼牛扒，一餐有豬牛雞🐖🐂🐓，滿足晒我食肉獸嘅慾望。 上菜速度好快，而每塊扒肉都好大塊好厚身，扒肉幾鬆軟唔會韌，加埋啲汁幾滋味。不過牛扒明明叫五成熟，但上到嚟應該係全熟🙉。 而兩杯飲品嘅紅豆份量十足，飲落香濃可口。本來想要沙冰，睇相幾有特色，但係當日咁啱部機壞咗💔。 最後食埋雪糕甜品，食咗咁多嘢非常飽，連加一都係$300左右，相當抵食，性價比高👍。 呢間西餐廳環境幾大，燈光昏暗有情調🌹，人就唔係好多，所以傾偈都舒服。 📍Royce Garden - 黃埔紅磡灣中心地下14A號舖 @roycegarden_hongham 📮

未試過一間餐廳咁難食，難食到要開個account打劣評洩憤我今日就叫咗個西冷牛扒意粉餐，食呢個餐就好似受刑咁先講個湯，平平無奇冇咩特別杯凍朱古力好明顯係朱古力粉溝糖水，奶都唔識加，得朱古力粉味冇奶味，不如俾杯清水我飲算啦之後個主菜我會話係全方位咁難頂，個意粉又乾又硬，好似浸兩浸就趕住上咁。嗰陣又唔係好多客，點解唔煮耐啲先上菜呢西冷牛扒冇得揀幾多成熟都算，但究竟佢係點樣做到磚頭咁硬，硬到我食成九個字都食唔到一半......塊牛扒仲要鬼死咁鹹，鹹到好似啪緊樽鹽咁，食完成條脷係又麻又痺，大佬你落咁多鹽係想收買人命咩？我有咩事你係咪賠返個腎俾我啊？認真唔識煮嘢真係唔好出嚟做廚師害人啦，個客嚟幫襯係對間店有信心，唔該各位廚師真係要對客人嘅健康負責呢個餐仲要差唔多成舊水，呢個地段咁嘅廚藝你哋收呢個價錢其實良心過唔過意得去啊？今日就當自己唔好彩跌錢俾騙子，唔會有下次！

今日晏咗食lunch 同事就話呢間餐廳有下午茶 咁就嚟咗呢間餐廳😺餐廳啲座位都幾闊落 坐得都幾舒服 環境就暗咗少少 不過西餐嚟講 夜晚應該幾有氣氛😮由於未食lunch嘅關係 就揀咗兩個重啲份量嘅下午茶餐 雖然比起午餐menu平九蚊 但係份量應該同午餐一樣咁多😂 除咗冇咗個餐湯之外西西里式鮮茄烤豬扒飯 賣相好吸引 放喺面嘅芝士睇得出用咗多過一款芝士 同一般茶餐廳求其放啲芝士粉好唔同🧀 豬扒偏林 有連骨 番茄醬好濃味 雖然有鮮茄塊 但係食落都係人工番茄醬味 個味道唔算太討好 炒飯底就不過不失 成個飯嚟講最出色係佢嘅芝士 如果再揀過食咩 會對芝士白汁焗雞扒飯有期望啲🐥蒜蓉汁雞扒紐倫堡腸飯 普通碟頭飯 雞扒同腸都各有兩件 蒜蓉汁偏鹹 雞扒煎得好香口 食落口仲係熱辣辣 紐倫堡腸就比較失望 本身諗住個外皮會煎得香脆 點知成條都係林嘅 冇乜特別😕 另外個白飯只得微暖 同個雞扒有好大反差不過用下午茶餐嘅價錢食到午餐嘅份量 個人認為性價比都算高

上網睇餐牌覺得價錢走茶餐廳鐵板路線，一心想食茶餐廳扒，入到去，唔係呀嘛，裝修落左小小本，懶有情調暗暗地，想走中檔西餐廳？係幾意外，就即管試下。二人點左兩份西冷牛扒，一個配腸，一個帆立貝，都係要薯菜。牛扒一碟有兩件，係薄扒，唔柴，唔期望有咩靚野，係的確係一件茶餐廳扒，但煎得非常油，同埋，非常之咸，食唔到牛味就黎只食到咸味，配個黑椒汁好在係另上，調味個個係咪味覺有問題架？驚食你唔腎病嗎個黑椒汁都係非常非常之咸，頂唔順，我點左一次汁就無再要Ｄ汁。薯菜先係精華，D薯條真係痴線，出面係淋patpat，入面係粉黎架！！！大佬，咩薯條黎架？好難得食條薯條都會吐返出黎，真係好難食呀！！！所以成碟野有咩係可以食架呢？就係粒小蕃茄啦。老公話水吧都厲害，凍檸茶都可以咁苦。本身打算加十蚊要龍蝦湯，不過＂疫情關係，無龍蝦湯＂唔知個妹妹仔講咩1999，都好慳返十蚊。餐湯面包，茶餐廳質素。大佬，你個餐88蚊唔係好貴，但大家樂一定好食過你囉！正常茶餐廳水平都做唔到，仲衰過茶餐廳，就咪扮上菜啦！唔知係咪所有人都係第一次入黎，咁難食都有咁多客？難為呀，一對年輕小情侶拍拖要食呢Ｄ扒；隔離台的女士食一半就唔食。希望大家睇到呢

-極級安格斯肉眼牛- $148 ✨塊肉眼絕對係配得上「極級安格斯」呢個稱號 🥩牛肉味的確非常濃郁 亦都係呢排扒嘅特色 口感方面都唔錯頗柔軟 我地叫左五成熟 上碟時不會過熟岩岩好-鴛鴦扒皇- $88鴛鴦扒性價比高 有豬牛雞選擇 ✌🏻二選一 我地揀左牛豬 鴛鴦餐嘅牛扒口感較實 但勝在份量大食完好滿足🤰🏻好飽飽-煙三文魚凱撒沙律- $42前菜我地叫左個沙律 沙律菜新鮮爽脆正正常常 但我想講呢個價錢真係幾底😳平時食開都真係唔平

我哋嗌咗一份極級安格斯西冷牛（$118）、一份鴛鴦扒（雞扒同埋西冷牛扒）（$88）同埋一份芝士脆脆肉醬粗薯條（套餐加配價$22）首先講咗嗰個安格斯西冷牛先啦我想講呢個真係整得超出色👍👍首先我哋係揀咗五成熟嘅（而且佢真係做到五成熟嘅效果，唔會剪得太熟）同埋呢個安格斯牛食落去真係勁入口即溶💕💕而且一啲都唔韌完全做到油而不膩嘅感覺跟住就講吓嗰個鴛鴦扒啦呢個西冷牛扒食落去就比較有口感🤩🤩食落去幾有咬口😋😋而且食落去都唔會太過韌（之前食過好多間牛扒都係勁韌，韌都切唔開嗰種之後雞扒嘅肉質都幾嫩滑🥰🥰同埋味道就比較重啲，濃味啲最後就講埋嗰個芝士肉醬脆脆粗薯條🍟我想講呢個真係比我想像中出色得多首先因為我冇諗過會有咁多芝士肉醬😱😱同埋啲薯條都係勁熱辣辣嘅🔥🔥所以我覺得呢餐嘅所有嘢食都真係好高水準

前排黎黃埔工作，放工後好攰想鋸扒補充體力行下行下搵到喱間價錢又唔貴既西餐廳，見環境又幾好就入去試吓🍴食物🍴1️⃣極級安格斯肉眼牛$148: 可以揀蒜蓉汁或黑椒汁，我選擇了7成熟，來到是鐵板上，開頭怕會太熟，但切開有呈微微粉嫩色，唔會過熟口感肉質好嫩，唔錯！2️⃣鴛鴦扒王$88（可選豬/雞/西冷牛扒～任選二款）朋友揀了豬和雞扒，扒既size好大，朋友比較大食仲加咗$10配意粉，都好抵食另外扒餐跟了麵包，餐湯，薯菜和雪糕，感覺好滿足💥環境💥地方空間都算大，唔會感覺坐得好迫，地方都乾淨衛生。💥服務💥店員唔算好多，不過上菜時間好快，Order左唔夠5分鐘就黎齊野食

睇呢間餐廳係OpenRice啲相有啲似貴貴地嘅bar restaurant，姐係食百幾蚊一個set個類餐廳😗點知價錢好抵食，lunch set $50-70有交易，而且份量都幾多下😆睇人地啲相就覺得食物好吸引，但小編個碟粉就覺得麻麻地，可能嗌錯野食啦☹️.🥫咖喱安格斯牛肉漢堡蛋飯咖喱汁有少少人造香味，不過個牛肉漢堡幾好食嘅，厚身得黎又煎得香脆🔥隻蛋有少少流心效果，用嚟送飯好正🤤.🥫帆立貝海鮮拿破崙蕃茄長通粉一開頭食都覺得唔錯，但越食就越覺得陣蕃茄味好假，而且啲海鮮基本上最部都冇味，一食就知係急凍食材🥶不過值得一讚嘅係跟餐杯朱古力，非常非常濃，沖得好好飲🥰.🍽味道: 2.7/5 🏙環境: 3/5‍👨🏼‍🍳服務: 3.5/5💧衛生: 3/5💰價錢: 3/5