Ruby Tuesday (世貿中心) (Closed)

〔 Super Bowl Potato Skins (bacon) 〕 $138 .呢間既薯皮真係好好食, 佢唔會只係俾皮皮上都仲會保留啲薯仔, 係上面加上芝士bacon同蔥, 配上店加既sour cream一齊食仲更加好食, 芝士放好多😍👍🏻.〔 impossible Cheese Quesadila 〕 $288 .魚生採用嘅新鮮食材, 沒有任何冰雪味, 但係飯就反而少咗啲.〔 炸蝦 〕 .炸蝦係期間限定, 炸得好香口.〔 Chocolate Chip Cookie 〕 $88 .曲奇硬過木板, 牙都咬到爛, 連切都切唔入🤦🏻‍♀️.(好味指數: 8/10)

今日係Ruby Tuesday 食左兩道菜，一道是garlic shrimp salad,另一個是都好少食嘅 California Club Quesadilla,今次反而想講下 Califonia Club Quesadilla,因為比較少食，但其實都幾好食，有幾款口味可以揀，我就揀左呢款，裏面有牛油果🥑，雞肉好滑，皮又夠薄，食落鬆軟，口感一流，如果一人食晒真係覺得有啲多，兩人食再加個沙律，減肥一流。今次飲左Frozon Cappuccino 同埋Latte

約左朋友去行銅鑼灣，行完食晚飯，諗起要用下RT membership, 以前每月必食一次，疫情下好耐冇外出用膳，於是揀左Ruby Tuesday食了豐富的晚餐。分別點左小食芝士焗元貝、珍寶蟹肉餅，一口咬下一絲絲的蟹肉，真材實料，只係有點偏鹹，另外頂級和牛🐂西冷扒七成熟，肉眼扒比較簿身，可能叫5成熟會更適合，切🔪開肉汁已流出，配上熱辣辣的薯🍠條👌好味，另外左招牌菜必食full size 既classic bbq rib 切🔪開，肉與骨🦴都差唔多分開，燒得好霖入味，每次去必叫的菜式，兩人眼寬肚窄，叫的份量的確有點多，最後打包不要浪費。

好耐無食過了朋友咁啱有張6折Coupon，所以就嚟咗呢度食Book咗位但都等咗差不多半個鐘多啲先入得去到有得坐卡位係開心嘅Typhoon Shrimp -138炸蝦大大隻又熱辣辣Sauce夠辣夠濃，都幾開胃Mozzarella Sticks -78外脆而且做到拉絲效果，開心開心不過上完菜最好唔好攤咁耐先食因為拉絲效果會少咗，同埋凍咗會無咁好食Wagyu Deluxe Burger -286轉咗Bamboo Charcoal Bun，其實好似無乜大特別不過包皮好脆薯條就麻麻哋，有啲凍同硬Premium Age Sirloin -428牛味都重，但略嫌有D韌焗薯都好淋，但有啲飽，所以都食唔哂跟Steak upgrade咗做Cream Spinach -30岀色，食到停唔到口Chocolate Tallcake -178不過個日係520日，呢個甜品係Free俾我哋食之前都唔明點解枱枱都食淨咁多食完就明白了，因為中間舊蛋糕個味好怪好大陣膠味，所以我哋最後都放棄咗佢

Great discount here! If you are a medical staff, come here! They will give you a membership for 1 year which give you 50% off for all things on a la carte menu.One of the good thing about Ruby is that the portion of each dish is so big. I think for 5 people, only 4 dishes is enough. etc.Parmesan cheese shrimp pasta.Waygu steak with baked potatoesPork TomahawkCalifornia Club QuesadillaLamb rackWe threw a fest here and only cost us about 700 for all. What a great deal. I like the steak, Quesadilla

餐廳每日只係會供應五隻豬手俾客人，通常都係好快俾人預先order咗，好受歡迎，朋友係呢間餐廳嘅VIP，佢都預先order咗隻，由於豬手好大隻，係上呢個主菜前，叫咗一份凱薩沙律，d沙律菜都幾新鮮，綠油油咁，而且會有牛油果，同埋烤雞，味道幾好。份豬手一上台，第一反應係覺得好大隻，味道好香，叫咗杯Mojito配下呢隻豬手，哈哈…豬手嘅皮係炸到黃金色的，好酥脆，肉質仲係嫩嘅，而且鹹味好夠，配上隻芥末醬，真係好好味，兩個人食一隻真係好飽，不過飽到好滿足。 呢度嘅侍應都好好人，好有禮貌，同埋如果得閒都會同客人傾下計，佢哋都好樂意介意菜式俾客。

呢度真係可能算係我既飯堂，每次諗唔到食咩，最後都會黎左呢度。呢度款式夠多，座位舒適寬敞，好岩一班人黎飲酒、傾偈食飯。而且佢既份量好夠，人多D先可以試足咁多款。今日點左雞翼拼盤、燒豬肋骨、龍蝦尾，全部都好好食，唯一唔係好中意隻水牛城雞翼，味道太濃。反而原味燒雞翼好食好多。龍蝦尾好肥，加上好多配菜，食到好飽。

因為有張40%折扣的優惠券，所以一行六人到這𥚃晚餐，6:30 入座，8:00 前交枱。水牛雞翼，雞翼肉汁豐富，不錯。雞胸凱撒沙律，雞胸好嫩滑，但沙律菜略為少左d。迷你三式漢堡（牛肉，蟹肉，豬肉各一個）蟹肉鬆散，口感一般。雙式燒骨，選了原味及蘋果，兩條燒骨完全吾熱又沒有汁，肉質好乾，差！牛扒拼龍蝦尾，牛扒叫了七成熟，充滿碳香，幾好味。甜品叫了蘋果金寶，份量細，玉桂味不濃，吾抵食。另外叫了一個濃情朱古力杯，兩球Vanilla 雪糕加大量朱古力旦糕，朱古力控一定喜歡。 埋單 $1145/6位，久不久食一次，都ok 嘅！

朋友話佢來吃呢間餐廳可以5折埋單，去到先知原來係堅，所以毫不考慮點了幾道出名的美國菜式，包括有Buffalo Wings 水牛雞翼、經典芝士漢堡包、墨西哥餅、豬肋骨丶牛扒，每款水準不錯而且份量十足，我們4個人吃到最後要猜包剪揼才能把所有的菜吃得完。

成為會員或用Eatigo訂座，可享50%優惠，營銷策略成功，所以大排長龍，還限時90分鐘。縱使半價，價格也不便宜，同時西餐講求享受，大家把酒言歡，需要在90分鐘完成，這樣太匆忙了，有違西餐的本旨。今晚一行三人，點了一些小食，大家分享，並且每人一個主餐。所有食物，在上桌之時，已經不熱，只是常溫，可能因為生意太好，出菜上桌也要輪候。芝士薯條，除了不熱，還要軟身，欠缺香脆。我點了和牛扒作主餐，欠缺肉汁和油脂香味全晚唯一是忌廉波菜，有外國西餐口味，大家也認同。其他出品，則屬於普通貨色可能是分店問題，之前試了九龍灣與尖沙咀分店，出品好很多

精選和牛磨菇芝士煙肉漢堡Non-Members: $286Members: $143.有左member card之後即刻去試用 哩個burger好大份 原價食真心有d貴 而且又唔係好值😥 事關個burger真心普通 d肉又靭冇乜汁 好麻麻地 有咁多配料但fail左係舊牛肉度 之但係薯條就好好食既😅😅😅😅.拼盤對對碰 $218.n年冇食過ruby Tuesday 今次因為好意外咁有張半折卡 咁做完運動就去試下.我想講哩間野都幾full 揾左幾間都full booking 最後都係去返cwb個間😂不過我相信宜家應該唔full 得去邊 世貿真係冷清到就黎摺咁😂.哩個拼盤我覺得最好食係炸芝士條🥰🥰🥰一定要揀 雞翼就有d辣 薯皮就有d普通.

Ruby Tuesday 都算係長食長有，食極唔厭嘅西餐之選之一。今次掛住食就冇影好多相，平時就每次都要叫佢哋呢個朱古力蛋糕新地。 有時經過突然間想食甜品都會就咁過嚟食個甜品。大大杯，鍾意食朱古力嘅朋友真係唔可以錯過🍫🍫😋😋😋

呢日朋友生日，專登黎呢道食佢中意既牛扒呢個頭盤-炸蝦份量都幾多，隻隻蝦都好大隻！個汁好特別，辣辣地，唔錯Main course 就有肉眼排同阿爾卑斯山burger個burger好大個！不過麵包如果可以再烘耐dd會更好。塊burger唔會太乾 不過個薯條就略為油左dd，食落去好似食油咁，有待改善而塊肉眼好正，5成熟唔會好un。不過我地落單個陣叫左既係黑椒汁，上菜個陣見到一粒黑椒都無以為比錯左蘑菇汁，所以同左waiter講，佢都即時say sorry話會再比過黑椒汁我地。結果再黎都係一樣既汁唔緊要，蘑菇汁都唔錯～食左咁多野大家都好滿足，不過就有d肥，間唔中食一次半次啦

早幾日先食完，而家又想再食，時間ok有揸車天時地利人和，可以早啲食飯，食完先至返屋企，唔使喺屋企樓下食，留番啲quota之後幾日先至俾樓下，幾肚餓下，叫多幾樣食，蕃茄蝦球長通粉上次食過又再叫，好好食蕃茄蓉同蝦球perfect match， 乾爽長通粉補充澱粉質，公司三文治唔似平時食開嘅，真心料多充實。亮點係新鮮薯仔炸薯片，so rich厚實堅脆，炸薯條炸雞翼炸蝦球超正，放左一陣凍左都依然好脆，仲有得點沙律醬

幾年前啱啱搬過去馬鞍山，成日會落去沙田食飯，嗰陣時有買過會員卡唔記得有幾多折，幾乎每個星期都起碼去一次，記憶之中有個月monthly special 係安格斯漢堡，搞到我一個月應該食咗10幾次，今日突然之間想食，就落咗去銅鑼灣食，美國菜大大碟，唔敢叫太多，簡單叫咗一個蜜桃豬𩣑，煎到有少少燶燶地脆邊，唔會鞋粉紅色啱啱熟，啲汁酸酸甜甜唔會漏，另外叫咗一個炸雞錘，嚟到見到好似西蘭花咁，香口又脆卜卜送酒一流