Ruby Tuesday (世貿中心) (Closed)

餐廳每日只係會供應五隻豬手俾客人，通常都係好快俾人預先order咗，好受歡迎，朋友係呢間餐廳嘅VIP，佢都預先order咗隻，由於豬手好大隻，係上呢個主菜前，叫咗一份凱薩沙律，d沙律菜都幾新鮮，綠油油咁，而且會有牛油果，同埋烤雞，味道幾好。份豬手一上台，第一反應係覺得好大隻，味道好香，叫咗杯Mojito配下呢隻豬手，哈哈…豬手嘅皮係炸到黃金色的，好酥脆，肉質仲係嫩嘅，而且鹹味好夠，配上隻芥末醬，真係好好味，兩個人食一隻真係好飽，不過飽到好滿足。 呢度嘅侍應都好好人，好有禮貌，同埋如果得閒都會同客人傾下計，佢哋都好樂意介意菜式俾客。