RUD燒肉 (啟田商場)

Open Now

Now Closed

今日打算同老婆加埋阿女試下食呢間RUD燒肉，見星期一有個優惠打算試下，起初員工帶位入去都正常程序，之後正常都抹下枱凳，因為都幾多油漬，用左貴公司既濕紙巾抹下先坐低，點完餐野食送到，拎餐具打算洗下抹下，但用哂濕紙巾，但員工佢地話自助的要出去拎，唔緊要好正常，出到去見無哂杯裝水，叫左一名男員工幫我拎兩隻杯，嗰個男員工都好快拎出黎比我，之後見用哂濕紙巾，咪打算拎多幾張（約7張）返枱用下，突然有位女員工主角出現，同我講先生唔可以拎咁多紙巾，話櫃桶有紙巾，我問點解唔可以拎既，唔係自助既咩，我用左好幾張抹枱，用哂都唔可以係度拎架？主角稱：公司有規定架！我就立即放低返d濕紙巾，返埋位先！跟住我再請嗰位主角過黎，問佢叫阿名，佢都好乖拎比我睇，之後我便開始問佢：我想問咩野叫公司規定？係咪規定客人只可以用櫃桶濕紙巾？係咪規定客人係自助區不准拎濕紙巾，有無規定或列明於自助區客人只可以拎不超過兩張濕紙巾？咁我用哂咁點呢？佢仲答我公司有規定，我叫佢拎比我睇下列左係邊，佢又答唔到，咁我叫佢叫經理過黎傾，佢又話經理唔係度，搵唔到！跟住就尷尷尬尬咁離開，之後有另一位女職員（態度好）行埋黎同我講唔好意思，希望你用餐愉快

牛肉燒肉的味道不俗，選用新鮮的牛肉，口感鮮嫩多汁。燒烤過程中，肉質的油脂慢慢釋放，搭配火焰，讓人垂涎欲滴。每一口都能品味到醬料的香甜與牛肉的濃郁，十分入味。可惜上餐時間比較慢，需要預多啲時間

昨晚去了藍田啟田商場2樓的“RUD”燒烤店食晚餐，雖然地方細了一點，坐得比較擠迫，但感覺仍整潔和光猛。這裏有限時1小時用膳時間，快食可以，但如果想跟朋友談天說地，一邊講一邊食，這裏就不太適合了。昨晚我的朋友等了很久他的套餐才送到，當然1小時用膳時間未必足夠，但都被侍應催趕，服務態度認真麻麻。這裏的套餐種類很多，某些套餐還有3個價錢，以肉類的份量作為單位，適合食量不同的人仕。調味料都有幾種，有辛辣味塩、味付塩、燒肉汁、辛辣檸檬薑汁和柚子蒜蓉汁，任君選擇。我揀了牛胸腹套餐 $76 200g麵豉湯湯裏混入了昆布和豆腐，昆布爽口，豆腐非常嫩滑，湯裏有著濃濃的麵豉味，但可惜比較咸了一點。菜絲沙律沙律有著不同的雜菜，食落新鮮爽脆，再掛上沙律醬，感覺清新美味。白飯這碗米飯是日本米，米飯粒粒分明，食落感覺綿密，再灑上少許黑芝麻，感覺特別。牛胸腹牛胸腹醃得非常入味，不覺肥膩，食落有牛肉的香味，但可惜肉質有點鞋，不過再點上少許醬汁，提升了牛肉的香味。

阿女話好耐無食燒肉，見剛剛好11:30佢開門就諗都無諗入左去，一入去果下無人，問2個人有無話要坐側邊定是但個侍應話隨便坐，諗住12點頭都唔會有咩人咁好自然想坐闊d，一坐落個卡位就有另一個人過黎話2個坐側邊🙄算，落完order就諗住攞杯水一隻杯都無🫠呢個時候偏偏一個侍應都無，唯有自己周圍搵，終於係後面見到就自己過去攞，點知呢個時候又突然彈個人出黎話要水中間攞🙃大佬，呢家係無杯呀⋯⋯最搞笑係我同佢講完無杯佢話ok，轉過頭過去仍然係無杯🙄🙄🙄🙄至於食物質素就不過不失啦，都係咁上下，加左兜粟米🌽

去咗呢間RUD食，一坐埋去侍應就提醒只有一個鐘頭用餐時間，都正常，我地淨係叫咗兩個牛胸腹200g，但係等咗15分鐘都唔見嚟，朋友攞住個menu話，請問你地menu寫一個鐘係入座起計定係出餐起計，佢話係入座起計，咁但係我地叫嘅嘢應該唔需要加工吧？幾盤生肉加啲飯同湯要等15分鐘，又要計時其實都幾離譜，仲要舖頭唔係特別多客，唔明點解會咁慢上菜之後，個侍應之後送左兩盤豬話唔好意思，送返兩份免費嘅比你地，但係盤豬完全食唔到，一係好韌，或者成片都係肥豬肉，咁樣賠咗同冇賠冇分別嘢食ok嘅，自己燒，不過不失，但係枱有少少黐笠笠咁囉

今日工作作到一半就休息，偷得浮山梗係去食個靚靚嘅午餐啦。呢間餐廳我知道有一兩間分店，今次就去試吓啦。咁啱撞正朋友午餐即刻同佢一齊去囉。兩個人唔算太肚餓，反而見到可以追加，所以我哋決定叫一個餐之後再加多一碟肉，其實好抵我哋兩個都唔係食得好多白飯反而肉呢就可以食多啲咁我哋就係叫咗大約600 g牛肉兩杯飲品一個飯，賣單都係幾十蚊，性價表十分高。而且佢嘅飲品唔係普通凍奶茶凍檸茶而係可以嗌到特飲仲幾好味㗎。肉就普普通通，調味料幾出色，午餐的時候可以一試。

① 之前相信可能係客人對黑椒嘅用量太多， 佢哋將黑椒變咗做黑椒混入味精，等你唔想用黑椒…② 之後見佢肉類每碟已經有大量味精／調味， 唔落任何調味，啲味道已經重到有陣苦味…

剛才8:50pm 到餐廳，我們2人，想坐卡位，門口疑似店長的女士帶我們入座，當時她說外面還有人等位，卡座是3位以上才可以坐，然後帶我們坐旁邊的面壁座。坐落之後，我目測有2張卡座，而且當我到餐廳門口時並沒有其他客人等位。我邊看餐牌邊看看門口，那店員並沒有帶其他客你入座，只是在門口跟別的員工傾計。本人也做過5年以上的餐飲行業，服務行業更做了超過15年，明白距離收工時間很接近，怕我們坐太久阻收工。其實可以提醒我們截單時間是幾點，而唔係講大話去拒絕讓我們坐較舒適的位置。況且我們只是兩位，打算快快食完回家，但遭到這樣的不尊重對待，我們決定馬上離座。離開餐廳時，我們向該店員說不好意思，位置坐得不太舒適，因此我們不吃了。該店員帶着開心的笑臉說：「嗯，好呀。」

食60分鐘冇問題， 最難得係呀姐最後一分鐘行埋嚟同你講“仲有1分鐘”,跟住轉個頭行埋嚟執你個位,將隻匙羹跌咗落你大髀度,呢啲服務態度冇得頂!其實有冇需要做到咁呢？

昨天DADDY生日，爸爸話想試平時經過啟田見到呢間開左大約半年的燒肉店，主角想食當然即刻過去啦~我地14:00左右去到，唔使等位就即刻有得入去。RUD燒肉都係QR CODE落單~呢D工作緊係阿仔做啦👨🏻👦🏻，餐牌都有好多套餐選擇，兩仔爺SHARE一齊燒，而勁食的兩父子，當然要叫相對大份的300G的牛盛盒和280G的豚雞盛合。套餐入面仲有麵豉湯﹑白飯﹑SALAD，十分豐富。牛盛盒入面有三款牛：牛小排﹑牛胸腹﹑Karubi牛肉片，牛肉的脂肪比例都好均勻，而我們燒大約五成熟左就食，一點都不會靭，而RUD燒肉都十分貼心提供幾款不同的醬汁，可以因應自己喜好選擇，我本來無打算點「檸檬薑汁」，但我的食神爸爸就叫我試一試，怎料真的有驚喜，酸酸的點牛肉意外的配合。而豚雞盛合就有：豚腩肉和雞腿肉，豚腩肉都不錯，反而雞腿肉想不到十分嫩滑，燒熟後肉汁都鎖得很好，應該是有醃製過，十分出色。最後我們更叫左樽日本玄米冷泡茶和減脂推薦飲品Noah's Grave(橙﹑蘋果﹑番石榴)，兩款飲品都十分解渴，食燒肉飲真是一流。兩父子吃飽飽都是$254，CP值算高！

一人燒肉定食，份量好足。定食包括：一份豬、牛 or雞 or mix ，以重量計，有100 、200 & 300g 選擇飯一碗，可加$轉紫菜飯味噌湯一碗沙律菜一碟一人一爐烤，每枱提供3款醬料調味除咗燒肉， 還有熟食定食選擇 👍

今天藍田老友旦哥,帶我到呢間食燒肉午餐.Waitress友善,話俾我哋聽星期一超值午餐.1碟牛肉,1碟豬肉,1碟雞肉,1碗湯,1碟沙律同1碟紫菜白飯.牛肉,薄而有牛肉味.豬肉和雞肉淡味.白飯加紫菜,好味.飯量足夠.員工服務,親切友善.不错.

今日約了朋友嚟到藍田啟田邨食燒肉，一般燒肉定食由四十幾蚊至100蚊不等，店員主動告知星期一有優惠，七十幾蚊可食齊豬牛雞拼盤。店內採用數碼落單，這位年輕店員較為敬老知道我們‘’論盡‘’，主動幫我哋落單，食完之後又問我們對她的推介是否滿意。定食內的白飯我加錢添加了紫菜絲，淨食紫菜白飯味道已經唔錯，沙律是椰菜絲這個我不喜歡吃， 這裏的麵豉湯偏淡適合我這個上年紀的食客，牛肉我很欣賞，豬腩肉就鞋了一點，雞髀肉正常冇得輸，食曬三款肉真係好滿足。

試過好幾間燒肉，覺得RUD燒肉性價比 比較高！ 一人份量 好夠飽，有日本海苔味噌湯、有飯、有沙律，仲要唔洗加一‼️食咗幾次架啦，真心想推介呢間燒肉，呢加都開咗唔少分店😎！1️⃣ 豚雞の盛合 $76/280g✔️豬腩肉✔️雞髀肉平時唔太食雞同豬，但呢個我就想試下，食落覺得肉質幾好😂，同埋好香，同埋280G 份量勁多，1個人都食得幾飽下！2️⃣ 牛の盛合 $98/150g✔️牛小排✔️牛胸腹✔️Karubi牛肉片有晒三款牛肉，每款大約2-3塊，女仔嚟講夠食啦💁🏻‍♀️，啲牛肉基本上唔難咬，好淋，仲好香油脂味🤤🫢。3️⃣ 白桃烏龍冷泡茶$124️⃣ 熱情果菠蘿梳打$36 （加配$22）食燒肉一定要加嘢飲！加配嘅價錢都好抵，又好飲😆😎。之前飲過另一款梳打都好好飲呀！

對上一次，係七月份, 本應食下午茶時間可以有一份豬腩肉送俾顧客, 但係嗰個姐姐唔記得咗俾我, 到我食完先同我講, 原來係有得送㗎, 佢話下次你再送返俾我。隔咗一個月之後，我再嚟幫襯，問佢食下午茶，係咪有豬腩肉送，佢話要有coupon先有，佢話要有食完後先有，又俾人搵笨，咁即係又冇啦?呢間嘢想扮日本嘅一人燒肉, 好明顯所有嘢都唔得.以上照片為日本一人燒肉店的相片（呢一個午市餐只係990yen , 即係$56都唔使已經有四種肉類)講返餐廳, 佢哋d服務態度: 超級差個服務員竟然唔記得比張Barcode我叫嘢食,一味同個經理喺度傾偈。佢哋提議我叫一個$78嘅餐呢個餐，只係星期一先有，分別有雞肉，豬肉腩，同牛肉。份量雖然係唔少，但好食嘅食物係仲質不中量，水汪汪咁根本都唔係醬汁嚟！一啲都唔好食！🤬🤬🤬🤬🤬我叫咗支可樂，但係都唔凍嘅。個麵豉湯完全水汪汪一啲味噌嘅味道都無，好難飲😫😫😫總括嚟講呢間嘢完全唔掂， 食物水準差，服務態度又差，真係冇下次！