Running 燒 (Closed)

難得入到pop corn睇左餐廳list就決定揀running燒，呢到除左有任食韓燒之外，仲有單點午市套餐，免加一仲有9折真係幾抵🤤醬料區有6款醬汁，寫得清楚，我就攞左燒肉汁同烤肉醬，味道不錯餐廳內有些已熟既食物提供，當中有炸薯角甜品有四款，我建議唔洗攞咁多，或者唔洗試都得🙈每一款味道同想像中好大出入，都係主力食返燒肉炸物必點炸魷魚，炸得好食，保持到彈牙同埋粉唔厚，炸皮同肉連埋，而炸雞有少少乾炸餃子比想像中大隻，入面有韮菜餡，都幾多料，不過唔太熱，同埋油膩感較重肉類我比較喜歡豬豚肉，唔會好肥，比其他係較大片，口感不錯食太多肉要食返蔬菜平衡，大咖菇好juicy，一定要夾，切得大方，番薯燒完味道有街邊賣番薯既味道，整體不錯

好耐冇食韓燒，之前食過旺角個間running燒質素唔錯👍🏻今次黎到pop corn呢間試下，係商場中間位有個唔太顯眼既牌寫住上Pop food，可以搭升降機上去出𨋢一直行就見到，餐廳內電視播住kpop，右邊一排卡座，坐得幾舒適，店員話依家去食仲要冇限時，唔洗食到好趕好急🤣中間位置就係自助區，客人可自行夾想食既蔬菜、沙律、前菜等等，而飲品選擇都幾多😊除左一些韓式飲品，仲有竹蓆水、烏龍茶餐廳用qr code點餐，單位1係等於1件，海鮮好快就送到，有兩款蠔，一款是有芝士，另一款是原汁原味，蠔燒完後縮得好細，芝士完全蓋過蠔，食唔到蠔味，另外仲點左帶子同扇貝，我覺得新鮮程度一般，點左一次就冇再點😖下面全部都係牛肉，分別有雪花牛仔肉、西施牛肉片、牛柳粒、牛五花，當中比較好既係牛柳粒，肉質軟腍冇筋😊西施牛肉片肉質較瘦油脂不多，所以燒完有點柴口除左燒海鮮同肉類之外，仲有多款熟食，點左碗年糕湯同水冷麵，年糕扁身個款，帶煙韌，湯沒什麼特別出乎意外地好，湯底清爽，幼身蕎麥麵煙韌彈牙，份量剛好😋

之前去過旺角嗰間，印象中都唔錯，所以今次就試另一間分店係將軍澳！好方便🤣popcorn上面就係！一入到去好闊落，位與位之間距離有番咁上下！坐落幾舒服㗎！我地得2個人，比咗張起碼坐到6人枱我地！佢係QRcode落單，環保好多！而且無咩出錯！我覺得佢比旺角分店更加多嘢食，多花款，而且仲有出面嘅小食站，比你任食泡菜芽菜，少量冷盤，仲有蔬菜，同我最愛的甜品！叫咗好多牛，逐款試過！最鐘意係牛五花肉，佢個樣係有少少似肥牛，但係比較有咬口同無咁肥，好好食！叫咗好多都食得唒haha另一樣好正，係佢會比啲盤你，整粟米牛油！好似bbq好搞笑！！好特別!平時嘅韓燒好少有！仲有佢都有海鮮，都幾好食㗎！不過唔夠厚五花腩正！臨走前都要食多一舊先滿足地走😂🤣好好食！肥瘦均勻Overall 來講，將軍澳店比旺角更出色!!嘢食同款式都多啲，而且店員好有禮貌！讚！

今日同左個fd去左將軍澳食韓燒，個環境同啲人都令到我好有置身韓國嘅感覺。未開始食野，淨係叫野食就已經覺得間鋪好貼心，佢唔似其他韓燒咁一碟一碟叫，而係一塊一塊咁叫，個餐牌咁多款野食，如果唔係可以逐塊叫點食得曬！所以我同我個fd就一於每樣黎兩塊，成份menu每樣黎兩塊！等緊野食嘅期間我地就出左去出面睇下有咩飲同野食夾。去得食韓燒，配菜當然唔少得！夾左碟泡菜同芽菜食，都幾好味，作為前菜開胃得黎又幫助消化。除左配菜佢都有其他小食，例如沙律同湯，不過我地就留肚等食肉~唔洗3分鐘啲牛豬雞羊同海鮮都到齊曬，我地就邊燒海鮮，邊燒牛。啲牛嘅厚度啱啱好，又唔會太肥，好快就熟，放入口咬落去，啲牛汁出曬黎，唔同牛都一樣咁好味！再黎燒豬羊同雞，全部都好滑好juicy，一個字，正！最後再食埋啲芝士蠔，帶子，仙貝同鯖魚，全部都好入味，簡直係喺海陸兩邊走黎走去食大餐！正所謂甜品係第二個胃，最後梗係食埋甜品先走。先唔講佢自家製嘅甜品，淨係有某牌子嘅低卡雪條已經夠曬正。再食埋佢嘅oreo布甸，牛奶布甸同吉士泡芙，嘩！滿足！

第一次係將軍澳食燒肉，之前通常去開旺角同平昌食，今日full booking 就去左將軍澳食啦～ 呢間店超大超乾淨，一入到去有卡位座，台面好大，感覺好唔錯！坐低之後店員會同你解釋點落單，好貼心用手機可以落，所以環保得來又唔驚侍應唔知道你落咗嘢食漏單！野食方面係一件一件咁叫，我覺得如果兩個人去食嘅話，咁樣會方便好多，因為唔使樣樣都咁大碟，一件一件嗌可以試晒所有肉一次，然之後再揀自己鍾意食嘅嘢再叫，同埋可以試多啲款吖嘛！野飲方面勁多選擇！我鐘意佢有好多款無糖茶，你知燒肉點都唔會剩係飲一包，如果全部都甜野都幾大負擔，除左茶之外我都好鐘意佢波蘿汁，配燒肉好清爽！同埋佢有一樽樽養生系飲品，當中杞子梨茶都幾下火！肉方面我就無食到羊，因為我本身唔食～ 海鮮我就款款都有試，蝦都幾大隻幾新鮮！肉質唔會梅，爽爽彈牙唔錯！帆立貝就細隻左少少，但都係鮮的～ 另外都好鐘意佢的魷魚🦑鬚，比魷魚圈更有口感喔，我仲加左燒汁落去燒，好惹味哈哈！青揚辣雞粒都好正！雞肉唔鞋調味有層次！佢嘅辣有少少唔同普通韓國嗰種辣味，我覺得好有特色，同埋我自己都本身鍾意食辣野，佢肉類通常都會都會有辣同唔辣，唔錯唔錯！豬耳同豬腸都好少見出面

呢間韓燒帶到驚喜俾我首先性價比，而家lunch time無時限，可以12點食到3點（唔確定淨係閒日定周末都係咁）其次食物種類非常多元，唔單止有牛豬雞羊，仲有好多海鮮，包括蝦、帶子、魷魚、青口同埋生蠔。就算炸雞都有好幾款口味。麵飯類都冇揸流攤，有水冷麵、辛辣麵、溫泉蛋紫菜飯等 🔥🔥肉數我首選薄切西冷牛扒同牛肋骨 🤤 好嫩滑，肥瘦適中 👍 海鮮我推薦扇貝同鯖魚，鯖魚我少啲係其他韓燒見到。肉類、海鮮、炸物、麵飯係scan qr code自己落單，上得好快。出面buffet區都超多選擇，沙律、前菜（青瓜、雲耳、雞翼），中式湯，牛油粟米、瓜、菇、菜、腸都有。甜品區有雪糕、dreyers雪條、泡芙、orea杯等。最最最驚喜有軟糖 😍服務態度都好好 👍

網上看過食評話好，但見照片巳覺得一般，原先諗住book牛氣，但爸爸想很燒烤，所以才試這間!首先晚市星期六價格288加一好贵，以為有好多野食，但不值，肉類不新鮮，豬梅肉有嗅豬味，它有很多款牛選擇，但全部唔好食，熱盤又不多，仲衰過上一手，起碼上一手多選擇而且都是二百頭左右!不明白食評說到這麽好，所以先去一試，但超失望，中伏!D燒完缩到好少，又有漏跟!食嗰晚星期六都無乜人，寧願食回牛角，質素同價格也好過佢，不會再幫襯!講真食物賣相不ok,所以沒有再影相

以前去親韓燒都係個幾間，所以都好少試其他韓燒，今次男朋友話佢附近開咗間新既韓燒，我見mk都有分店。入座之後店員好仔細咁解釋咗點落單，同埋數量係1件，我覺得餐廳既分量好好，因為其實食任食都想試多啲野，所以如果可以一件件咁落真係好perfect我地每樣都叫咗2件，諗住先試咗一次啲野先，再encall 啲好食既。首先講下啲肉先，我幾鐘意佢啲薄薄地既牛，因為個質感好好，而且都好有牛味，同埋好快熟。但係一粒粒就無咁淋，同埋難啲控制。好欣賞佢有好多海鮮，有生蠔、帶子、蝦、鯖魚等，好多選擇。我好鐘意佢個生蠔同帶子，生蠔有埋芝士同蒜蓉，真係好夾，而個帶子就勁滑，我地每人食咗5粒🤤除咗燒物，仲有炸雞同埋韓式泡菜等，真係夠晒多選擇。當然吾少得啲甜品啦，又有雪條、牛奶布甸等

第一次去試呢間韓燒,滿心好有期望,但換來卻是超失望, 海鮮（蝦,生蠔） 唔新鮮,生蠔同扇貝又超細隻,連蒜片都無,講到服務態度就更不用說了,剛坐低一陣,一次都未燒好,就過來要換燒烤網,一啲都唔留意周圍的情況,其它枱換就一次換晒,諗住唔駛做兩次,剛剛時間到就即催你走,遲兩分鐘都無就3個人來催了3次以上,催促原因是有人等緊位,但門口係一個人都無,根本就沒有人等位,連趕人走的理由也毫無合理可言,已經帶緊口罩,才過2分鐘,依然多番催促,而且黑面,真係態度超差,一定唔會去下次

👩🏻‍🤝‍👨🏼將軍澳覓食上次食完午餐燒肉之後一直都覺得意猶未盡😙所以就同男友講要搵間燒肉放題食返夠盤🙊之前係running燒旺角分店食過覺得唔錯，今次就嚟佢新開無耐嘅將軍澳分店試下🤓可能因為預先訂咗位，去到店員安排咗個最近buffet bar嘅4人枱比我地，開始前仲好細心講解點落單同叫嘢食👍🏻scan qr code就可以落單，仲可以逐件叫呢點好好，唔怕寫1就嚟好多件，可以逐樣試哂😗🥢Buffet bar一嚟到已經見到有好大個buffet 區，所有嘅醬料/配菜/飲品/甜品都可以喺度攞，仲有啲熟食/沙律🥣好多唔同嘅選擇，男友最鍾意係佢嗰個燉雞湯，雞味好濃郁，足足飲咗2大碗👀🥢牛。全部都係牛呢到嘅牛種類有好多，個人最推薦雪花肥牛同埋牛脷，燒香啲牛脂肪之後肉質仲好鮮嫩😙🥢海鮮放題來講呢度嘅海鮮選擇都幾多淨係生蠔都有得揀有芝士同無芝士，仲有龍利柳/海蝦/帶子/青口/魷魚同埋最鐘意嘅扇貝😍好抵食🥢其他呢度嘅肉類選擇實在太多啦試唔哂🤣仲有分唔同嘅餣味，豬推介厚切豬腩肉，雞推介醬醃春雞髀肉同雞腎😙🥢熟食呢度嘅熟食係好值得推介俾大家因為佢唔會好似平時放題嗰啲炸物通常會擺到凍冰冰而佢係即寫即炸推介一定要

天氣開始轉涼就好想打邊爐或者食下韓燒☺️今次同朋友仔就去咗將軍澳嘅Popcorn度試下依間running燒 佢嘅位置都幾特別 係喺個Popfood入面 要再另外搭lift上去入到去店員都好好 會同你介紹一次所有嘅嘢 佢哋係用QR code喺電話落單 亦都有Wi-Fi提供 方便快捷 嗌咗嘅嘢食都好快到 絕對唔會浪費你嘅時間首先見到嘅係飲品櫃 好多唔同嘅選擇 超多韓國嘢飲 清淡啲都有蜂蜜雪梨或者茶揀 入面仲有豆腐花 同埋一啲小甜品之後就係我最鍾意食嘅雪糕😂一樣款式好多 主要都係雪條!值得一讚係佢嘅醬料區 衛生情況相當好 全部都係有蓋借住 感覺幾乾淨當然唔少得就係除咗肉類以外嘅配菜 覺得幾驚喜嘅係佢嘅粟米同埋金菇係可以自己放喺一個兜仔 再加添自己想要嘅牛油份量 拎返位燒😆終於到咗重頭戲 佢嘅牛肉係最推薦大家食 有幾款都唔錯 食落去偏軟冧 而且牛肉味都幾濃 個人最鍾意係西施牛肉片 牛脷 仲有牛柳粒豬肉同雞肉我哋就冇嗌好多 辣味豬頸肉同埋雞翼 自己就覺得幾好食 海鮮方面我自己就覺得普普通通 主要都係食返啲肉類會比較抵😆但第一輪嗌幾個嚟試吓都唔錯除咗以上嘅嘢食 佢仲有一啲熟食 我就嗌咗水冷麵 煎餃同

餐廳裏邊有好多張卡座嘅，如果想坐卡座嘅話，可以提早預約。呢度最好食就係芝士蒜蓉生蠔，我一個人都食咗5隻啊。另外，有款西施牛肉片，每邊燒大約15秒左右，呢隻牛肉入口即溶，同埋佢切得夠薄片，容易入口，係呢度嘅必食推介。餐廳裏邊有提供蘋果汁，同埋橙汁，另外都有好多其它飲品選擇。呢個蜜瓜椰汁露又係必飲推介，佢裏邊有好香濃嘅蜜瓜，再配埋椰汁，可以當甜品食都得。呢間餐廳係用電話點餐嘅，點完之後，大概三分鐘啲食物就到，店員效率都幾高。

今日放工去左食韓燒,因為平時番工太辛苦🙈梗係食餐勁既，之前食過旺角果間running 燒都幾多野食，原來將軍澳都有一間，本身係果頭做野，收工又晏，就同朋友book左枱黎食。雖然係popcorn,但係都有啲難搵，要係一個轉角位搭電梯上一層入, 但當然就係靜好多舒服好多，唔會好似旺角兆萬場咁嘈啦！ 可能因為食8點半，都唔係咁多人，而且有卡位坐，坐得舒服，比起上次韓燒間平昌坐無靠背椅舒服好多，間鋪都幾闊落，野食可以放曬係台面，唔洗迫下迫下咁！好鐘意呢一間環境！🥳餐廳係用手機掃QR code點單既，都幾方便又環保，頭埋重點係會上齊！😏打開個menu, 都幾多野食，牛、雞、豬都有好多唔同款，而且仲有好多海鮮揀！🥳食放題就梗係咩都點啲黎試下啦！比起牛涮鍋來講好好多，🤣起碼有好多其他熟食同冷盤選擇！如果唔鐘意下下一盤肉，鐘意咩都食下就要來呢一間！～叫左個熱盤年糕湯，份量岩岩好幾片咁，食肉食到少少膩的時候可以飲啖湯食少少年糕中和一下味蕾！佢出面仲有中式老火湯/ 陳皮紅豆沙/ 熱西米露可以選擇☺️重點肉方面！各樣燒既食材都唔錯，我最鍾意都係海鮮的咖喱魷魚鬚，口感彈牙，又夠大條，咖喱味重，唔會韌，烤到個邊脆

任飲任食放題燒肉🤤7點前埋單仲有折落單要scan QR code, 數量跟足order，唔會扣單👍🏻不過都係食幾多叫幾多，唔好浪費啦😼等待食物送達中⌛️可以岀去試下d熟食有飯麵類老火湯: 當日有2款湯，蓮藕豬骨湯，胡椒雞湯，2個我都好鐘意飲😍煲得十分岀味當然都有其他飲品可以自己去攞啦小食類例如咖喱魚蛋、醉雞翼、鳯爪配菜例如泡菜、芽菜、生菜🥬醬汁也是自己岀去攞呢間同旺角分店有少少不同，旺角沒有岀面的自取熟食地方，呢間種類較多，但旺角有蒜泥肉😢但呢間冇咗不過肉類部位選擇都非常多，單單牛肉選擇都已經有十多種個人最鍾意係海鮮類任叫生蠔仲要唔洗加錢😍❤️有普通和芝士味真係要一打咁叫😌帶子都不錯👍🏻

星期日 約朋友一起去試試popcron新開的燒肉店在網上先預約 到達時在預約票拿然後再入座😙是用QR掃自行下單1即是1塊肉這個十分好 可以不失預算 又不浪費食物沙律吧十分多款式揀飲品也十分多 亦有甜品選擇肉類選擇十分多 也有海鮮類建議可以先將感興趣的肉類先跟人數叫數量最喜歡吃牛仔骨 超級好吃😋值得一來😁泡菜反而一般🤣