Running 燒 (Closed)

堂食終於都開返，book咗好想試嘅將軍澳Popcorn Running 燒，收工時間過去啱啱好，地點超級易搵，等齊朋友之後好快可以入座 一入到去寫紙量體溫之後店員就招呼我哋坐低，環境好好，好寬敞俾人感覺好乾淨，好舒服已經增加個食慾，用二維碼掃描點餐，揀選自己所需的份量，出邊還有很多前菜，岩曬肚子餓既朋友，上菜速度好快，我哋嗌晒所有肉試，我哋食咗炸雞先，嗌咗特辣炸雞同埋柚子炸雞，辣炸雞真係好有驚喜連食得好辣嘅朋友都話好有辣度，柚子味炸雞超級fresh ，超級鍾意呢種味道，感覺吾會膩等齊啲肉類同埋海鮮到齊，就開燒啦～最值得一提嘅係燒芝士蠔同埋燒生蠔同扇貝，好超級新鮮，多汁， 肉類最推介嘅就係燒牛脷同五花腩，有齊海鮮嘅燒肉店真係好少見，而且份量係你寫幾多俾幾多，呢個超讚，我感覺所有肉類都唔差，好多款式，因為係任食，但大家記住要量力而為唔好浪費食物。

新開張後曾同屋企人食左餐，整體覺得不錯，肉類選擇多也新鮮，美中不足只是熟食選擇較少。早前再同屋企去幫襯，好明顯差左，熟食選擇更少，連熱飲都冇埋，加上出漏野，一定要改善，唔好再差la~

好耐冇食過韓燒啦！之前聽人講Running燒幾抵食，所以今日就約咗朋友一齊去食😋韓燒放題—$178任食110分鐘🥗前菜、小食前菜同小食可以喺自助區攞，選擇好多，想食咩就攞咩，好方便！今次我試咗炸薯角同泡菜，兩個都唔錯，薯角熱辣辣，泡菜好香！我見到仲有咖喱魚蛋、話梅豬手同其他野食，本身諗住試埋，但驚食太多前菜會好飽，所以唯有下次再試啦！🥤飲品飲品種類都幾多，除咗有汽水之外，仲有果汁同咖啡。如果食濟咗，仲可以飲翻罐烏龍茶解膩。🥩牛/豬/雞/羊Running燒嘅肉類都幾多，牛、雞同豬都有唔同部位可以揀。我同朋友都勁鍾意食牛，所以我地今日主要都係嗌牛。我地覺得牛五花最好味，食落好似打邊爐嘅肥牛，但仲好食過肥牛，真係勁好味！我地refill咗幾碟！！極推薦大家試～牛脷都唔錯，幾有咬口。辣味雞腎都好味，但真係好辣，啱曬鍾意食辣嘅朋友！🍲熱食除咗有肉燒，仲有好多熱食可以揀。我同朋友都食咗好多熱食。我地嗌咗炸雞、炸魷魚、炸餃子、水冷麵同辛辣麵。全部都係即叫即整，熱辣辣超正！炸魷魚同炸餃子最好味，我地refill咗一次～🍮甜品甜品除咗有雪糕雪條，仲有泡芙、布丁同糖等等，超正！我覺得最好味係吉士泡芙同迷你

好耐冇食燒肉，又咁岩去完將軍澳工業邨，又咁岩恢復左堂食，又咁岩見到呢間之前係旺角食過覺得好好味既燒肉咁多個咁岩，冇理由唔食啦下話？任食燒肉黎講，價錢唔算貴七點前埋單仲幾平下仲要有疫情優惠，依家唔食，更待何時？呢到自助食物都幾多樣化前菜有泡菜等冷盤亦有各種小食怕燒肉食得太熱氣？養生雞湯等等既中式湯水亦有甜品中式又有，西式亦有雪糕雪條當然亦唔少得，雪糕更有凍檸茶雪條、花生雪條等等特別既口味，岩晒好似我呢Ｄ鍾意食特別野既人飲品竟然有果汁先生既蘋果汁同橙汁醬料方便，個人最推薦係燒肉汁，甜甜地同燒肉最夾見到已經流晒口水食燒肉當然要講牛肉先啦呢隻係叫做西施牛肉片食落最軟熟，而且牛味香濃咁多隻之中我最鍾意就食呢隻其他部位既牛肉亦好高質，睇下Ｄ色水就知唔好以為呢到得牛肉正海鮮亦一樣高質Ｄ蠔夠新鮮又多汁，食落有淡淡海水味又唔會腥帶子爽口又彈牙特別推薦大家一定要叫呢個炸魷魚好新鮮，熱辣辣香脆得黎又爽口，必食如果你好似我咁，冇飯落肚會覺得空虛既強力建議大家食呢個紫菜溫泉蛋飯紫菜量勁豐富，令你每啖都食到紫菜既香味同脆爽既口感配埋以溫泉蛋既蛋汁包住既白飯用黎送牛肉簡直無得彈

終於放寬可以夜晚堂食, 即刻約朋友出黎聚一聚好耐冇食過韓燒, 所以今晚揀左間韓燒任食餐廳算幾大, 最滿意係D卡位都幾大, 除左可以放好多野食之外, 坐落都唔會好迫餐廳中間係自肋區可以拎D前菜, 熟食, 蔬菜, 野飲同甜品最好係可以自己溝埋個燒肉汁, 正👍🏻蔬菜區有D細嘅錫紙兜, 可以自己加D牛油再拎去燒肉類可其他小食就用電話落單, 非常方便基本上落完單~5分鐘就會送到黎, 亦都冇漏單嘅情況-🥢牛肉比較推介嘅係肥牛, 牛舌同牛仔骨牛舌爽口, 牛仔骨痴骨位好正, 肉質都唔錯😆🥢豬肉豬頸肉好爽口, 而且都好大塊, 食落好滿足五花腩都算厚切, 而且辣辣地幾惹味☺️🥢海鮮蝦幾推介, 唔算十分大隻但都爽口, 算新鮮帶子加蒜泥同牛油好正, 而且燒完都唔會縮到好細👍🏻扇貝都唔錯, 比帶子有鮮味🥢熟食餃子同炸魷魚鬚比較推介👍🏻新鮮炸起好脆又夠熱😁另外仲有啲麵同飯，不過驚太飽所以無嗌

我最喜歡吃看燒放題，因為可以毫無顧慮地吃燒肉，尤其冬天，一定少不了吃肉。我自己 Scan QR code下單，即叫即送，送餐速度可以。有肥牛、辣味豬頸肉、牛肉西冷、牛脷、燒帶子、燒豬大腸、牛肋骨、豬大腸等等。當中我最喜歡牛肋骨，因為肉味夠突出，連着筋部的位置口感很好。另外燒帶子和海蝦也不錯，帶子和海蝦都很新鮮。另外，熟食方面有炸雞、炸餃子和辣味炸雞等選擇，我吃了炸雞，炸得非常酥脆，值得一試。豬頸肉夠爽脆，五花腩肉燒了之後很香。

將軍澳市中心的食肆越開越多，不過韓燒放題的選擇比較少，尤其在將軍澳站，韓燒放題的選擇似乎只有一家，就是這一家。今日中午跟家人食韓燒，餐廳的午市價錢比晚市便宜很多。除了肉類和海鮮需要自己掃QR code，其他冷盤和飲品或者甜品都要自己去自助吧自取。這裏的飲品有很多清熱降火的涼茶類飲品，很適合一邊吃燒肉一邊喝。前菜方面我最喜歡的是泡菜，因為味道剛剛好，不會太辣，十分開胃。自助吧也有不同蔬菜選擇燒肉的味道也不錯，有很多肉類選擇，例如肥牛、牛扒、海鮮等等，我可以讓你一次吃個夠。最有驚喜的是雪糕也有不少選擇，例如DREYER'S 乳酪雪糕，口感對一般雪糕好。

之前係OPENRICE搜尋韓燒排名比較高的都是旺角區的Running燒，見將軍澳都有，同時都近我返工的地方，就同男友一齊去試下。岩岩開返堂食唔夠一個星期，平日星期三去到，感覺都唔算太多人! 係我意料之外!去到地方都幾闊落，坐得好舒服。但佢唔似平時韓燒咁有抽風系統係每張枱上面，變左其實都有少量煙，都唔算太局促!自助區方面，可以選擇的類型都幾多!醬料區:可以揀蒜蓉，大醬，鹽醬，甜酸烤肉醬，韓式辣醬同燒肉汁!熟食區:果日見到的有話梅豬手同涼拌木耳!涼拌木耳好似四川果隻味, 好好食!自助飲品區:好鍾意佢有太量茶類的飲品選擇，可以消滯下油膩的感覺。蔬菜區: 呢度仲提供各種蔬菜同埋錫紙兜，可以自己DIY用牛油加埋其他蔬菜食!!! 我今次就整左牛油金菇同牛油栗米粒!!甜品區:我完全無諗過竟然有糖果區，好耐無食過呢類型的軟糖!!!同時都有蛋糕同雪糕!!!!當我地坐低的時候，服務員就會放低張QR CODE，無網路既都唔駛怕, 會附上埋WIFI名同密碼!入到界面後就有多款的肉類, 海鮮同炸物俾你揀!食物都出得好快!但同時間要留意下，如果你選擇1份，就真係得1件喔~一開始我地每樣都點了2份，試下個味道同材料

晚間食肆開番堂食，緊係要約埋個friend去食韓燒放題啦；餓左咁耐，食放題最好就係可以大吃大喝一番，今日卜左將軍澳Popcorn 二樓嘅。餐廳全部卡座，坐位闊落舒適，出面亦分左蔬菜區、醬料區、熱食區、甜品區等，企理乾淨。我食放題嘅策略，第一輪都會每樣點小小，試左味之後，就主力不停點我覺得最好味嘅😋，呢度選擇都齊，雞、牛、豬、羊、海鮮樣樣有，今晚最心儀就係帶子、蝦、牛仔骨、牛舌、豬頸肉😋⋯⋯已經不停爽點左好幾轉😋。帶子雖然略細粒，但都有啲厚身，底面燒一燒，中間仍帶軟嫩，肉質鮮甜；燒蝦，蝦頭緊連蝦身，肉質彈牙，非常新鮮；牛舌牛味濃，有口感；豬頸肉非常爽脆有口感😋再來幾款韓式小食，炸雞🍗⋯非常脆口，味道略帶南乳味，好特別；炸魷魚，粉醬唔會太厚，非常酥脆；最最最好味就係炸韭菜餃🥟餡料脹卜卜，唔太油膩，呢個我都點左好幾轉。最後就緊係食埋甜品同雪糕啦，完美一餐好滿足😋。三百蚊有找食倒一餐咁豐富，110分鐘任飲任食，性價比極高👍🏻

疫情之下，無得去旅行，唯有出街食番多少唔同種類嘅嘅食物補返數，今次揀咗燒肉放題——Running 燒（將軍澳Popcorn), 星期一至五午市放題，每位$178。一去到，職員解釋因為疫情，安全之下取消salad bar 同甜品bar，雖然有D失望，不過都冇問題，而時間就冇限至3點，但只糸暫時的，大家去之前要問清。職員好貼心，提醒我哋order時係以每件計，所以可以叫多幾件。我哋第一round就每樣要兩件，之後啱口味個D就再加單。我哋最鍾意食肥牛同牛扒，網燒之後非常香，而且好入味，值得一讚。至於🦐就好新鮮，非常彈牙。和食方面，記住order柚子味炸雞,好好味！最後，有我最鍾意嘅Dreyers雪條，好香桃味，1條都係62卡路里，可以食多幾條！😄😃

襯住仲有得WFH ,lunch time就book 屋企附近既呢間韓燒試下平日下午1點左右，望落客人都算多，因為book左位所以唔洗等就入得飲品櫃可能人手唔夠，飲品fill唔滿，但汽水、果汁、茶等罐裝飲品等種類都有頭輪先食左啲海鮮，呢間餐廳用手機自己落單，海鮮種類以午市$178加一呢個價錢黎講都好豐富，有蠔、扇貝、魷魚、帶子、海蝦、青口等等。質素方面，個蠔我比佢好高分，鮮甜唔腥而且都好大隻，食完再加單，兩個人差唔多食左一打；扇貝、帶子等都唔錯，不過扇貝好快就賣哂，想再加單都冇。肉類方面，豬牛羊雞都齊，種類花多眼亂，牛小排、牛柳粒、牛五花、牛舌、豬頸肉、豬五花、雞脾肉、雞柳肉、香草羊肉等等，黎到我都唔識分，不過整體黎講d肉都新鮮，就算擺左一陣都唔見有好多血水出；特別個豬頸肉同牛五花值得一讚，豬頸肉爽彈得黎又唔會太油膩，牛五花入口淋滑，肥瘦適中，個人認為牛五花同豬頸肉係最出色既兩款肉類。除左燒烤外，本身佢都有好多熟食提供，睇番以前d食評例如炸雞、熱食、甜品等今日都見唔到，同埋生既食物例如蔬菜都要自己用手機落單。店員入座前都同我地講因為疫情關係，熟食都唔會以自助形式提供，都係以手機落單，所以

餐廳位於POPCORN 2樓，去食嘅當日係星期三1點鐘，隔離啲餐廳都無咩人，加上疫情關係，其中一間酒樓直情無開，但反而呢間餐廳入面都幾多客人，所以就決定試試，店員話燒肉放題可以食到3點。店員安排我地坐係卡位，對正餐廳嘅"SEAFOOD STATION"，本身應該係會提供刺身，但因為疫情關係，所以暫時停止供應，真係可惜。同依家其他食放題嘅餐廳一樣，已經唔再係用紙仔叫野食，都轉左掃QR CODE落單，我地一黎即刻叫左啲蠔同扇貝，本身諗住放題嘅海鮮應該都無咩好期待，但見佢種類多所以就求其叫左蠔，扇貝，蝦，帶子同魷魚。但黎到真係有驚喜，特別係蠔同扇貝，睇落大隻同新鮮，食落都非常鮮甜，食完都拿拿林再加單。蝦同魷魚都OK，正常發揮，但最緊要都係新鮮，呢樣真係加唔少分，所以好快就清曬所有嗌左嘅海鮮。黎食燒肉放題重頭戲都係要試佢啲燒肉啦，手機落單時候睇到有好多唔同種類部位嘅肉，牛肉，雞肉，羊肉同豬肉都齊，但因為我個人唔食羊，所以主要都係食其他。淨講牛肉，都己經分牛柳粒，牛小排，牛五花等等。我個人就最鐘意佢嘅牛柳粒，食落鬆軟得黎又帶有油香，忍唔住燒完又燒。整體黎講，啲肉類質素好好，可以照顧曬所有鐘意邊種

Lunch 無限時任食 性價比高 長者再平啲👍可以由12點幾食到4點 職員服務有禮食物都ok 蝦肉結實鮮味任飲選擇多 蔬菜類都選擇多環境衛生中辣炸雞已經勁辣炸魷魚鬚好味😋 應該係即叫即炸

Running 燒，一肚餓真係想run黎呢到食燒肉！今次已經係第二次食，黎左就腳的將軍澳店，呢到的間隔及抽風要比旺角店更好，非常值得黎嘗試！假日中午來到，店舖寬敞，限聚令底下與朋友兩人燒肉，何樂而不為！一入來就叫了各式各樣的牛，腌得非常美味！其中烤肥牛及牛扒是必食之選，烤過的牛香而不膩，超級香！呢間將軍澳店另外一個特別之處是提供各種蔬菜以及錫紙兜，加上提供的牛油可以製作出各種自製混合雜菜，配上五花腩有好好的平衡！雖然是燒肉店，但黎到千祈唔好忘記食柚子炸雞！每次叫都係新鮮炸起，淋上柚子蜜的脆面雞肉鮮嫩真係好正！埋單一個人都只係百幾蚊，真係超抵～

90分鐘放題 🐖疫情期間大家都會想搵啲比較乾淨嘅放題 將軍澳呢間分店就相比比較乾淨同埋少人整體：餐廳係用手機QR code落單食物出得快亦都有自助吧 有分醬料區、蔬菜區(尤其係沙律等前菜)、甜品區、飲料區自助吧供應嘅食物都有label 好 方便食客清楚知道自己夾緊咩refill 得快 食咁耐都未見有空盤侍應態度亦都良好 一坐低就指示客人用QR code落單同埋注意返用餐時間🤤雪糕甜品種類多 亦算係放題餐廳之中質素比較高跟得上最近興起嘅雪糕潮流另外亦設置軟糖區俾小朋友夾糖燒烤爐亦有侍應定時黎換所以唔會搞到食物容易窿肉類選擇多試咗少量牛肉肉嘅質素中等唔會係低質肥牛另外亦都烤左海鮮有蠔同埋扇貝揀係事先醃定嘅調味方面唔會太濃 適中會想encore