Running 燒 (Closed)

之前禁晚市，又好想食燒肉，唯有請假lunch去食真係好開心 一家人一齊食放題，可以慢慢食，傾下偈🍱性價比都幾高夠魚甜 好新鮮😋😋識食一定燒海鮮🦞先架😎😍😋食海鮮好味到我encore 左 燒蠔 燒扇貝 燒下菇菇菇 唔會好肥😋有芝士更creamy主角：🥩🥓🥩🥓有五花腩 西冷 肥牛 ….. 全部都係肉 好岩我地兩個食肉獸😆 有牛舌添呀 燒肉就係咩燒啲 食到半飽就燒雞翼 慢慢食🍧🍰甜品 都好多款雪糕雪條可以揀 仲要有低cal. Dreyers 雪條🥰 正 超多飲品揀，啲飲品都幾多款樣樣都想飲，有我最愛嘅忌廉鮮奶😋🥰有卡位坐，坐4人枱，好舒適Staff 做野好快手 feel到服務幾好 食物黎得快 唔洗好早叫定先 食完消化下 慢慢行下商場行下海旁

呢度嘅平日午巿燒肉，加一之後大約$200，但食物種類都算幾多，連好多海鮮類都唔洗加錢都有得食，例如帶子、扇貝、魷魚鬚、龍脷魚片，連蒜蓉芝士生蠔都有！而肉類方面，一般燒肉有嘅肉類呢度都有供應，例如牛肩肉、牛柳片、豬頸肉、豬腩肉、雞髀、雞翼等，有醃咗亦有未醃嘅，最驚喜嘅係竟然連羊髀肉同羊西冷都有！食物質素亦都好唔錯，而且乾淨企理，上菜嘅速度都好快。燒緊肉嘅同時仲可以嗌啲熟食添！例如炸雞、餃子等等。飲品同雪糕方面，所有飲品同雪糕都放喺雪櫃任拎，非常方便，我食咗一條dryers嘅雪條，一條先係62cal，燒肉之後食都唔覺得好大罪惡感🤣Overall都幾推薦呢間燒肉店，性價比好高。

位於將軍澳唐賢街9號Popcorn商場2樓PopFood 4號舖的Running 燒很受將軍澳人歡迎！ 食物種類繁多！嘢飲選擇多！ 而且食材新鮮！這個價錢是10分抵食之選！

餐廳環境：⭐️⭐️⭐️⭐️⭐️餐廳地理位置有少少隱蔽 要搭𨋢上 但店員好好！打電話會好有耐性教你點去👍🏻而內在既環境分佈得好好，坐得好舒服 亦唔會同隔離枱太貼。而且抽風好好，唔會食完成陣燒肉味！仲要播好多本地新歌！燒物：⭐️⭐️⭐️⭐️小編最愛就係豬頸肉！同五花肉！所有醃過既肉類都唔錯，但豬頸肉同五花肉係肉質最好！唔痴牙鬆軟。牛肉質素尚可，有牛香味 但要注意燒烤時間熟食：⭐️⭐️⭐️⭐️⭐️熟食好有驚喜！小編叫左水冷麵同紫菜溫泉蛋飯，完全係食到停唔到！配埋燒肉一流👍🏻另外，叫左柚子炸雞同噴火辣炸雞。係真係新鮮炸出黎，粉唔會太厚，醬既味道亦恰到好處！但噴火辣唔好隨便嘗試 係三養火雞既辣🌶自助吧：⭐️⭐️⭐️⭐️⭐️自助吧既選擇都有好多！飲品，甜品，醬汁，仲有更多烤物例如粟米 好多選擇！而且有牛油任客人個人喜好添加 絕對照顧到唔同人既需要！

🍗炸雞好味指數：👍🏻👍🏻👍🏻👍🏻👍🏻 今次小編叫咗兩種口味嘅炸雞。柚子味炸雞，佢嘅醬汁香甜得來大有柚子香氣，好啱鍾意甜味炸雞嘅朋友。另外佢仲有唔同辣度嘅炸雞選擇，今次就試咗最辣嘅嗰隻，真係好有挑戰性，食辣嘅朋友仔可以一試。其餘嘅炸雞係即叫即炸，脆卜卜又熱辣辣，放題泥講都非常難得。🥓燒肉好味指數：👍🏻👍🏻👍🏻👍🏻舖頭嘅燒肉種類非常多，喺眾多嘅肉類入面，小編最鍾意佢嘅豬頸肉，嫩口加上燒烤嘅焦香，真係好正。🍨甜品好味指數：👍🏻👍🏻👍🏻👍🏻店舖有非常多甜品嘅選擇，小編試咗其中兩款。木糠布甸方面，佢嘅質地比較似溶咗嘅棉花糖加上消化餅碎，整體來講都幾好味。而花香荔枝桂花糕，佢有淡淡的荔枝味，後勁仲有桂花香氣，相當唔錯。雪糕方面，佢仲有提供低卡路里嘅雪條，啱晒keep fit嘅女士們。🌽蔬菜好味指數：👍🏻👍🏻👍🏻👍🏻蔬菜種類好多，當中最正嘅係佢可以俾你裝一兜粟米，然後加上牛油，溶咗嘅牛油加上超甜嘅粟米，真係好邪惡啊！佢仲有好多唔同嘅醬汁俾大家選擇。佢亦都有沙律菜提供，食完燒肉可以解下油膩。佢都有好多唔同嘅飲品可以選擇，小編就最鍾意飲解茶啦！環境座位環境舒適，適合一至六人入座。

［將軍澳美食推介🍽 ] running 燒🏃🏻🥩🍖相信大家都好耐冇出街食韓燒，我地今次推介一間韓式燒肉放題🥩佢個名幾得意叫’running燒’🏃🏻‍♂️味道算係還可以，係將軍澳尼講，我地覺得算係區內最好既頭幾間👍🏼另外，佢地既店員服務非常好，好細心😋#冬甩仔女_將軍澳#冬甩仔女_放題系列#冬甩仔女_牛魔王#冬甩仔女_韓國野🍩冬甩仔女👦🏻👧🏻🍩食評👅👦🏻👧🏻午市無限時任食放題($188/位)(6.7/10) 食物種類好多，多款肉類、海鮮、韓式熟食、甜品、配菜😋肉類(6.7/10)味道都吾錯，比想像中好味，一般韓燒店都會醃得好重味同雪藏味重。但佢地解凍同醃製方面都做得吾錯👍🏼所以睇得出就算係放題都吾會求其。😍🤩我地個人推薦可以試牛柳粒、牛五花肉、牛利、雪花牛仔肉、豬大腸😆個人覺得好好食，加埋生菜食解油膩😆😆海鮮(6.9/10)方面佢雖然吾係活海鮮，但佢既種類都算多，有帶子、大蝦🍤扇貝、芝士生蠔、藍青口、龍利魚片🐟個人覺得呢個價錢算吾錯，正常岀面食海鮮要再加價或升級套餐🤭自助區，配菜種類都多，有菇類、丸類、番薯、粟米等等，燒落蔬菜都幾鮮甜👻仲有泡芙都好好食，佢仲有個糖果區👻岩曬小朋友、同中意食

原本整個過程都十分滿意，食物質素不俗，性價比高可惜臨離座半小時的服務態度令人不想再光顧貴店有位光頭又瘦削的男服務員趕客趕到令人極度反感17:00入座，離座時間理應是19:0018:40已收拾桌上所有東西（除手上捍衛的雪糕/飲品）而且執枱極大，好大聲扔d碗碟喺車仔度完全感受到佢內心團火，一定係講哂粗口想我地快d走，食到18:49就叫人交枱，仲要講野態度極西又冇尾音！其實出面多人等又點？D人bk 左下個時段未夠鐘要等下好正常呀我地入座都準時入架！點解要我地早走？佢急d咩呢？趕住收工？簡直係荒謬！

外面餐牌寫有豬皮 、進店後詢問才說沒食物醃得味道不好 、張枱很油膩店鋪10點關門、但9點已經把外面的食物收起了重點是 用餐兩小時卻聽了兩小時的姜濤 無限輪迴 救命不是全香港人都是姜粉好嗎？

🤎Running燒🤎將軍澳來而家有好多好嘢食，特別係有好多韓國餐廳，今次去咗位於Popcorn商場嘅Running燒食放題，慶祝朋友生日，每位$188，如果大家仲係學生，呢個係一個唔錯嘅選擇。佢呢度有午市套餐，連韓燒都有幾款揀，仼君選擇。🤍肉類呢到提供大眾化嘅選擇，包括：厚切豬腩肉、五花腩、雪花牛仔肉等，分別有醃製過同冇醃嘅，大家可以悉隨尊便。我自己就覺得個好似厚切豬腩肉超好食，加埋泡菜，連生菜一齊包黎食，正！🤍海鮮估唔到呢度啲海鮮都幾大份，估唔到$188都可以食到啲有質素嘅海鮮。🤍自助餐區自己可以去揀唔同嘅蔬菜去燒，仲有唔同甜品可以拎，亦都有唔同飲品揀📍 Running燒#boombu文青cafe#boombu將軍澳————————————味道: 🤎🤎🤎🤎🤍環境: 🤎🤎🤎🤎🤍服務: 🤎🤎🤎🤎🤍價錢: 🤎🤎🤎🤍🤍再食: 🤎🤎🤎🤍🤍————————————

食物質素可以，送食物時間快。火爐比較慢，燒件牛肉要3、4分鐘，送食物車，音樂勁煩！冬菇，大啡菇9:00冇再出！$22任飲生啤沒有！大概8:00入座，9:00提醒9:15最後落單，9:00開始埋單同埋提醒9:35要離開，投訴唔夠時間後，改口話最遲9:45要離開，9:45 閂火爐被請離開！😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟😟

將軍澳呢間韓燒真係好抵食... lunch set送埋湯、前菜、飲品... 仲有付味紫菜飯!叫咗個烤海鮮套餐同埋烤豬肉套餐... 食材都幾新鮮而且豐富... 以海鮮套餐為例... 有蝦、扇貝、魷魚、蠔... 成個set食完都非常飽肚... 一百蚊有找真係非常抵!👍👍👍😋😋😋特別要讚... 侍應非常友善親切!👏👏👏

呢排夜晚冇堂食，好掛住之前有得無限出街食飯嘅日子，於是我不期然諗返起之前去食嘅呢餐飯，真係諗起都想流口水呀><韓式燒肉放題一向都係我嘅最愛，因為減緊肥嘅我係行緊低碳嘅，即係唔可以食太多粥粉麵飯之類嘅澱粉質主食，咁韓燒就可以無限食生菜嘅，咁啱我又好鍾意食生菜，所以呢間Running燒就真係啱晒我食喇。等個爐熱嘅期間可以出去拎啲嘢食先，呢度都好多嘢揀的。咁我就畢咗碗養生雞湯先，佢係韓式雞湯黎，飲落個胃暖暖地，好舒服。好，正式開燒！我同男友食勻牛肉雞肉豬肉，男友最鍾意嘅係牛仔骨，聽聞近骨嘅肉係好好食，此言不假，牛仔骨經過鐵板炙燒，肉香濃郁，仲可以食埋骨邊薄薄一層牛筋膜，口感好正。而我最心水嘅，除咗一向都好喜愛嘅豬大腸，就係牛五花肉。Running燒嘅牛五花肥瘦相間，脂肪同牛肉嘅比例完美，用啲新鮮生菜wrap住黎食，根本係人間美味👍燒咗一輪肉，男友order咗啲其他野食。真係估唔到，佢嘅小食一樣咁出色。魷魚鬚炸到金黃色，再點一點佢嘅韓式辣醬，成件事好惹味。炸餃子都好好食，一樣係韓式餃子，入面有粉絲，多一層唔同口感🤤呢度嘅醬汁有好多款，任你溝；仲有好多蔬菜、嘢飲同甜品係任食，我覺

呢間位於將軍澳區嘅韓式燒烤店，地點極之方便，喺地鐵站上蓋，成為我同班老友住喺將軍澳區嘅好選擇，平時等位亦都要半個鐘以上，好彩依家因為疫症關係等位就相對較容易，今次只係需要三四個字就已經可以攞到張大枱，依家仲要做緊特價兩小時任食都係200零蚊。嘢食方面，呢一度有多款嘅豬牛羊同埋熟食可以選擇，出面吧檯又好新鮮嘅蔬菜可以任食,仲有唔同嘅小食同埋糖水,啱曬我帶埋小朋友過嚟試下,肉方面佢呢度嘅牛仔骨同埋豬腩肉就味道非常之好佢，有幾款嘅口味可以調，有燒汁辣汁同埋蒜蓉汁都可以選擇，口感亦都非常之豐富，最最鍾意呢一度就係有啤酒任飲，只需要加廿蚊就可以有多款啤酒可以選擇。

已經好耐冇食韓燒，沒有去笑一笑。上網search見到Running燒，呢度除咗燒肉之外仲有海鮮提供，都幾吸引！仲係放題形式添，可以任飲任食！呢度係用qr code落單嘅，非常方便，啲嘢食都好快到，有冇漏單！食物種類好多，有唔同嘅肉類，蔬菜小食仲有唔同嘅主食。出面仲有半自助吧，有唔同嘅小食，蔬菜，熟食同甜品，飲品就喺雪櫃拎。因為唔想浪費，但又想試多啲唔同嘅口味，於是每一樣肉都叫咗少少！薄切西冷牛扒夠薄身，基本上放上去燒一燒，就可以食啦！一嚟到一定要叫！厚切豬腩肉就好厚身，肥瘦相隔，燒緊嘅時候會出遊，識落好有咬口又好香豬油味，加埋辣醬同生菜夾住食就超正！孜然羊扒食落唔酥，好香孜然味！最後我哋出去個雪櫃度要咗唔同味嘅雪條，雪櫃入面有好多選擇，小朋友一定好鍾意！

約咗朋友去將軍澳商場食韓燒*餐廳位置唔叫好易搵，要轉𨋢先上到去但係食物質素多，選擇又多，而且有各款飲品，放題最緊要食得飽員工態度有10分好，滿載而歸環境衛生乾淨！食完正餐，仲有唔少甜品選擇，有小蛋糕，有好多港式雪條，仲有雪糕食。有錢菜，燒肉，正餐，甜品，任君選擇燒肉好多時候，會燒到個網有啲焦，燒出嚟唔靚仔，員工好細心，會主動行埋嚟幫你換網，咁就唔怕食焦啦整體用餐體驗好好，下次會再嚟，而且價錢合理