Running 燒 (Closed)

已經好耐冇食韓燒，沒有去笑一笑。上網search見到Running燒，呢度除咗燒肉之外仲有海鮮提供，都幾吸引！仲係放題形式添，可以任飲任食！呢度係用qr code落單嘅，非常方便，啲嘢食都好快到，有冇漏單！食物種類好多，有唔同嘅肉類，蔬菜小食仲有唔同嘅主食。出面仲有半自助吧，有唔同嘅小食，蔬菜，熟食同甜品，飲品就喺雪櫃拎。因為唔想浪費，但又想試多啲唔同嘅口味，於是每一樣肉都叫咗少少！薄切西冷牛扒夠薄身，基本上放上去燒一燒，就可以食啦！一嚟到一定要叫！厚切豬腩肉就好厚身，肥瘦相隔，燒緊嘅時候會出遊，識落好有咬口又好香豬油味，加埋辣醬同生菜夾住食就超正！孜然羊扒食落唔酥，好香孜然味！最後我哋出去個雪櫃度要咗唔同味嘅雪條，雪櫃入面有好多選擇，小朋友一定好鍾意！