S2 Kitchen (Moved) New Location

好耐之前食過一次 S2 Kitchen 嘅丼飯之後覺得幾好味😄估唔到朋友最近突然話想食🤨就一齊去食晚飯.S2 海膽杯🥄食材好豐富😍上而下有粉紅蘿蔔🥕黑魚子、北海道海膽、三文魚子、沖繩海葡萄、松葉蟹肉🦀白蝦、藍鰭拖羅茸、青瓜🥒海膽 creamy 鮮甜😋然後爽口嘅海葡萄同爆汁的鮮味三文魚子😝松葉蟹蟹肉新鮮甜美🦀整體多重層疊，豐富滋味😋.黑松露北海道帆立貝野菜沙律🥗每粒各有一撮黑松露🖤黑松露味唔會蓋過帆立貝嘅鮮味👍🏻沙律落咗泰式酸辣汁，好開胃😬.芝士魚餅🐟魚餅燒完外皮香脆，內裡彈牙🤪仲包住流心芝士🧀芝士濃郁，但係比較輕盈☺️配埋沙律醬，邪惡又好味🤤.日本免治雞肉棒(兩串)🐓免治雞肉撈咗軟骨😲所以每啖都脆卜卜😙面頭抹上一層芥末💚食落微辣，非常夾😌.手打烏冬(熱)🍜紫菜炒烏冬，烏冬食落非常有咬口😆然後再灑上芝麻同櫻花蝦🦐頂部放上海葡萄同酸薑.Coke Zero(2罐)🥤唔飲酒嘅都可以揀汽水

之前中午黎過呢度一次，因為最近有幾個係附近番工既朋友都推介呢間餐廳，所以今日特登再黎食多一次。呢度佈置好有日式FEEL，廚房全開放式，俾到食客對於衛生十足既信心。呢度午餐好多選擇，有成大概十款set lunch，既有魚生刺身之類，又有煎魚呢類熟食。套餐包左沙津、麵鼓湯同哈密瓜，非常豐富，其中要提一提佢個哈密瓜，好甜好多汁，好高質。主菜我揀左溫泉蛋櫻花角切魚生飯，魚生份量好多，好新鮮，入面仲有好多黑松露醬，加埋櫻花蝦，口感好豐富，好有驚喜。價錢仲一d都唔貴，俾錢先知依家做緊7折優惠。

細細間嘅小店大概坐到廿幾人廚師同店員都好友善，熱心介紹菜色選擇唔係太多，但食得出心機我個人好鍾意個鮑魚雞翼（雖然價錢不平）但有75折都值得一食嘅燒鱔都好出色，火喉剛剛好，唔乾，好味

在人來人往的樓梯街，午飯時間成個中環都係人。要享用美味刺身請先預約和朋友一起叫左2sets 午餐，有鮑魚海膽飯，和極品拖羅海膽飯拖羅刺身非常非常非常新鮮，充滿油脂香兩款海膽都非常肥美坐在吧枱望見兩位師傅對每1份午餐認真製作，用料新鮮，而且一定食得飽飽另外每一個set lunch配上生果味增湯沙律加凍麥茶值得每一位有良心和良知的香港人去支持！！！再提多次，去之前尤其是繁忙時間，請預訂座位服務貼心，值得再去

偶爾在中環選擇日本料理，一般概念是價錢徧貴，沒有考慮舗型和價格，食評還可以及有75折扣優惠便一試。入座後才發現是黃店，小店經營老板廚師👨‍🍳客氣介紹了極上魚生拼（犯了最大的問題是魚生不夠凍口）而自選的蟹肉加州卷、汁煮牛舌、燒日本笳子都是水準之作。希望黃店可以有更大的努力改善；其實無論如何水準是非常重要！什麼顏色對我來說不是決定因素🤨

店子面積細細 有啲迫 感覺唔到同隔離枱隔左一點五米。。。講返食物 我俾劣評 因為真係唔好食😣 刺身唔係咁新鮮 俾極上拼盤價錢但食嘅係三文魚 （連腩都唔係）一粒帶子再切一半 隻蝦係痴笠笠出曬漿 熱食好平庸 而且分量好細 咁嘅價錢 咁嘅質素 完全不成正比 不能再去呀。。。😰😰😰

午飯時間早已打電話留枱。果然是人頭湧湧！午餐選擇很多，價錢也是和中環很多日式餐廳差不多，但有七五折優惠！餓左三個月，諗住叫個汁煮鮑魚海膽飯開心下($178), 老闆話無日本海膽阿。。。。可以轉蝦或者帶子。好啦。咁就轉蝦啦！ 老闆好快就出左菜，然後仲話私人醒多隻蝦俾我！佢叫我唔好話俾其他人知！我係唔會講俾人聽ga!!!!! 我要叫多啲人懲罰你間店！個蝦好新鮮同彈牙！個汁煮鮑魚又入味同淋！點解你收咁平嘅價錢？！

話說女友生日就咁順便黎食個飯，通常都黑仔開，都係叫乜無乜，確實有啲唔開心，但都無乜野啦，繼續食發覺野食都非常有水準，師傅仲請哂野飲配啲酒餸，跟手突然整左個生日禮物(刺身丼)過黎，但上面點解會有我地叫過但無既海膽🧐原來佢話拎唔到今日既貨，唔想比啲隔夜既比客人食所以cut左啲單，但佢話客人想都可以照整，但覺得如果唔得既話就唔收錢啦🤓師傅所有客人都吹下水，有講有笑，仲同大家一陣飲兩杯，加上佢地有啲特別既口號，飲之前叫一叫，特別爽！佢仲係咁講生日最緊要開心，盡量滿足我地，又整啲menu天婦羅special 比我地食，確實😋👍🏿👍🏿👍🏿臨走都講左兩句，最深刻係佢個句：你地都係我既Family...！香港人人情味真係唔係咁易頂架😢感動

返工獎勵自己同懲罰時間，同朋友黎黃店支持黃色經濟圈😎門口已黃到嘔，請睇相，老闆好好人，想食吞拿魚換比我地😀lunchtime full爆全場，呢d就係經濟圈既力量🤓地方路大有點暗，借用左個洗手間都好乾淨🤣🤣呢間野要行上樓梯先搵到，地鐵站行5分鐘左右。野食質量好ok，刺食好新鮮，惟一唔好就真係張枱細d，擺唔哂d野食。個菜都好清甜😀😀侍應姐姐都好服務一路添水～今次第二次黎，又係兩個人食左8百蚊🤣

幾年前因為個海膽杯已經嚟過一次，但記得嗰餐又貴又唔係好好食，所以冇再嚟！咁睇到唔知邊度話呢間告急，咁就再嚟食個lunch! 呢度冇乜靚裝修，但好好service! 先嚟刺身拼盤，切得好厚，但食材未係好靚好新鮮，有d魚仲有筋！壽司拼盤，海膽比得唔孤寒但舊飯係唔好食的！連埋壽司拼盤的鮑魚雞翼，即燒即食，其實冇乜特別廚師送的密瓜！其實呢餐lunch有75折，2個人食都食咗9百幾蚊！呢度衛生情況好麻麻，裝修又殘，廚房同廁所又相近，食物又唔係真係好好味，呢個價位，喺中環食日本嘢，應該有更多選擇！日本餐廳真係好講究乾淨，衛生！雖然服務好好，但唔會同荷包作對，應該唔會再嚟！

位於中環石板街既S2 Kitchen 去到門口已經見到隻連豬入到店內座位唔多，不過有好大幅連儂牆。我地點左幾款壽司🍣好大件又肥美。汁煮牛舌丼，牛舌燒得非常軟熟，好淋好易入口，無得輸👍原條蒲燒鰻魚飯，好大條鰻魚，無細刺，肥美嫩滑😋呢間居酒屋主打係海膽，不過好可惜我地點左個火焰海膽呑拿魚腩卷發現D海膽勁腥嗅味🤢可能咁岩呢批海膽唔新鮮，係有小小失望🙁整體黎講食物係有水準既，可能地點係中環既關係，價錢比較偏貴。

距離上次幫襯呢間餐廳，已有差唔多有一年。突然心血來潮，收工後再去食海膽。正值非常時期，個個因為衛生問題唔敢出街食飯，所以晚飯時間餐廳入面都係得兩枱客。一打開個餐牌，見到以前好食嘅菜式已經完全唔同哂，得返個‘極上海膽杯’，當時已經懷疑間嘢係咪轉咗手。咁好啦，就叫咗個‘極上海膽杯’，海膽魚子飯，再加十二件壽司，心諗質素都唔會差好遠。點完餐等嘢食期間，另一枱客話個廁所塞咗，個樓面（操大陸口音阿姐）叫咗其中一個壽司師傅（可能係其中一個partner)入去廁所並且成功通返個廁所，沖咗幾次廁所都冇事，另一枱客當然好開心咁有得去廁所啦。但係沖廁嗰時，佢既冇冚埋個廁板，沖完又冇洗手，之後就出返去整嘢食。當然我相信好多做餐廳做廚房嘅都係咁，不過你都唔好畀我見到，特別係而家個個因為武漢肺炎而人心惶惶。咁之後碟海膽魚子飯嚟咗，味道不過不失，但明顯地食材質素比以往差咗好多。呢個時候我見到個樓面阿姐執緊隔離嗰枱，五隻手指插哂落去人哋食過嘅杯同碟（大家食過茶餐廳就明），入廚房擺低之後即刻捧住杯壽司出嚟畀我，隻手指仲要掂到舊壽司。大佬呀，你戴返個膠手套，又或者開個水喉沖吓隻手我都算，你仲要畀我見到，你想我點食呀？已

有次lunchtime經過中環見到呢間好多人係門口，記住咗間餐廳名save定下次要去！經openrice預約訂咗位入到去好爆，訂咗位都要等一陣。Lunchtime好爆成間餐廳得兩位侍應姐姐，會好忙所以都唔好有咩期望。午餐都有幾多魚生丼選擇，好難揀！最後叫咗個lunchset北海道海膽厚切三文魚丼飯。三文魚真係好厚，海膽清甜好大嚿， 仲有幾塊紫菜份量都唔細。Lunchset有麵豉湯有沙律仲有粒蛋一口咬爆咗好好食，承惠 $118.提提大家：好難walkin，記住嚟之前一定要book位，如果唔係一場歡喜一場空而家全餐廳中有75折______________________________ 

中環隱閉日本菜黃小店💛十層海膽杯($398)特登嚟食佢嘅海膽杯！個海膽杯食材好豐富🤣有燒白飯魚脆片，黑魚子，北海道紫海膽，沖繩海葡萄，藍鰭拖羅茸，海帶，松葉蟹肉，三文魚子等。海膽當然係佢個海膽杯嘅主角啦😍一咬落去食到脆片，口感好特別，而唔同食材混埋一齊都幾夾個海膽。海膽都ok鮮甜既！😆 •.睇圖好似好大杯咁，但一上枱其實有點失望，因為係勁細杯😨。佢嘅lunch set價錢正常好多！環境都有點擠逼，但lunchtime可以黎一試！ •

有朋友生日,想搵間居酒屋飲下清酒,食下好味的串燒同埋食下刺身壽司😚朋友生日飯，價錢平並唔係首要，最緊要係樣樣食物都好食，氣氛要好。當然，天價的餐廳都唔得啦⋯⋯個晚三條友叫了一支清酒，三四款刺身壽司再加十零串串燒。一入去老闆已經送了一客枝豆俾我地食住睇menu，點了菜後再送多客惹味的蒜子前菜，蒜頭好味開胃就梗架啦，最神奇係食完個口都仲好清新🥳 食食下再送刺身生日蛋糕😱差唔多食完....送多枝小清酒🍾🍾🍾清酒okay，刺身壽司都新鮮，串燒係有水準的日式串燒（即係D雞腎係一粒粒爽嘅，唔係一片片凍左就硬到咬唔到個D）至於氣氛...當然係十個好👍🏻👍🏻👍🏻👍🏻🤘🏻