土耳其小城 (萬昌樓) (Closed)

呢間位於元朗土耳其餐廳，裝修好靚，色彩斑斕，而且又唔會花多眼亂，勁靚咯。而且侍應服務好周到同細心，又熱情。佢地推左幾款特色菜比我地試下。首先係烤野雞肉卷餅，2個勁大個雞肉捲餅先係65蚊咋，總要係用錫紙包著層薄餅皮，食時候唔會跌到周圍都係。而且呢個烤雞肉卷餅料理，材料勁豐富，有烤到勁香唔會太乾雞肉，配埋生菜，蕃茄同養成配埋個醬汁，好野味同唔膩同埋食完勁飽肚。其次，脆皮鮮奶卷，呢個脆皮鮮奶卷係新鮮炸，而且唔係炸好，再返炸鮮奶卷。上台熱辣辣，食落滿口都係濃濃奶香味，同埋個皮勁香脆，無油溢味，勁好食咯。總有個牛油烤餅，勁大碟，份量又多先 $28。抵食指數5🌟🌟，牛油烤餅都係新鮮烤出來，勁香牛油味之餘又唔會油膩。又想鬆脆。完全勁好食。2個人食完真係夠曬喉。

今日同fd去到元朗覓食，咁啱佢話想食特色菜，我諗起之前save嘅呢間土耳其餐廳，就帶左佢過黎～1. 香酥茄子夾雞呢個菜式雖然係炸物，但食落一啲都唔會好重油味。茄子被炸香後，有一層薄薄油脂，帶出茄子原本嘅清新味道，而雞肉都非常嫩滑，同茄子好match呢 !2. 陸洲沙律(三角豆蓉)第一次食呢個沙律，覺得口感好奇妙，首先覺得佢嘅質地偏似薯蓉，但又充滿豆味，我同朋友都忍唔住係咁食，同時我地又覺得佢比起薯蓉更健康，同餅都非常夾，絕對係飽肚之選。3. 烤野雞肉卷餅烤肉係土耳其必食既菜式，捲餅夾上烤肉、 蔬菜，配搭地道醬汁，熱辣辣、又酥又脆嘅捲餅簡直誠意滿分。4. 素菜餅沙律沙律嘅口感令人驚喜，因為足夠清新，就算素菜餅係油炸嘅都可以同沙律嘅清爽完全中和，鍾意清新口感又鍾意食菜嘅人一定要嘗試～

今日同男朋友去元朗覓食，男朋友話之前試過呢間土耳其特色餐廳覺得都非常好，叫我相信佢，咁我就梗係恭敬不如從命啦。行入餐廳之後，我地俾充滿土耳其風格嘅餐廳裝潢少少地震驚左。齋睇裝修已經可以諗到係一間頗為正宗嘅土耳其餐廳～首先我地order左份烤野雞肉卷餅🌯️呢個咁有濃厚土耳其風格嘅菜當然無令我地失望，烤雞充滿濃郁嘅香氣，而肉質都好嫩滑。配菜都令捲餅增色唔少，配埋獨有醬汁，真係令人食指大動。陸洲沙律(三角豆蓉)既口感對我地黎講好新鮮又新奇，佢個口感有啲似有豆味嘅薯蓉。附送嘅餅味道都幾好，同呢個沙律好夾🫘～克勒拉雞皇 $98既話，一食落口已經覺得好重咖喱味，詢問之下原來主要用奶油咖喱製成，雖然睇落好紅但唔會好辣，我呢啲唔食得辣嘅人都覺得啱啱好。雞肉都好嫩，配埋牛油烤餅一齊食，簡直就係一絕。餐後茶我地嗌左充滿地方風情嘅土耳其茶，入口微微苦而後帶少少回甘，令我印象非常深刻，下次去一定會再叫。

《不負責任食評—土耳其小城》評分：🌕🌕🌕總評：見佢經常坐滿人但冇想像中咁好食分別叫咗幾個都算招牌嘅菜式，都冇乜邊款特別出色感覺係一間混合左印度、土耳其、尼泊爾菜既餐廳，多過純土耳其餐單😂個人比較鍾意食茄香味濃啲嘅Masala Chicken，佢呢款唔太岩我口味但配埋芝士烤餅就幾好食嘅🤔佢個羊肉roll都幾貴，一卷都80幾蚊但係食落完全唔係我想像中嗰回事我想像中會係有啲用香料醃製過嘅羊肉，然後成個卷嘅味道層次會好豐富但原來佢中間係一啲用咖喱粉醃過嘅免治羊肉再加上佢入邊唔算好多醬同配料（不過枱面有得俾你自己加嘅）口感好單調，好似一咬落去全部都係淋patpat咁🫠成餐飯最期待就係個鮮奶卷見好多人都話奶香味十足好好食啦但係一食落去首先係嗰塊麵包呢索咗好多油雖然佢係脆但係都係好大陣油溢味然後一咬落去：吓點解係紅豆嚟佢應該係有一半係牛奶跟住再加啲紅豆粒入去但係牛奶嘅比例唔算好多，亦都唔算好香完全冇嗰種香甜感覺浪費金錢 浪費quota🥱🥱🥱芒果Lassi就好濃厚，仲帶少少海鹽味呢個幾特別，但係如果你本身係食啲比較膩嘅嘢呢個就唔可以消滯你話係咪好難食又未去到但係香港有好多地方可以做得好食過佢好多而且價

今日同屋企人黎到元朗處理事務，到左午餐時間，我突然諗起之前朋友推介左間幾好食嘅土耳其餐廳，就二話不說拉埋屋企人一齊去～❤️鬆化咖喱角 $48外皮陣陣香酥味道，質感鬆化而味有微辣，咖喱角果然係我嘅最愛～❤️浮雲沙律未試其味，已聞其香～一上台已經聞到好香嘅土耳其香料味，除左蔬菜夠新鮮，沙律醬都別有一番風味。❤️印度咖喱雞 $88咖哩唔算太辣，雞肉軟滑香濃，而且咖喱夠曬香濃惹味，用黎撈飯簡直係一流～❤️木炭烤羊件 $138呢個木炭烤羊件係由免治羊肉，而主要嘅配料係芫荽籽，簡直係完美配搭，除左有好香嘅炭烤香味，又有一啲獨特嘅羊羶味，啱啱好唔會好濃烈～而檸檬嘅點綴都係錦上添花。

今日同閨蜜去元朗睇戲，出黎已經肚餓，就諗住搵一間餐廳，行行下俾呢間土耳其餐廳嘅招牌吸引左～首先行入餐廳，乾淨嘅檯凳同富有特色嘅牆面形成視覺上嘅對比，令人印象好深刻！菜單都非常有土耳其特色，見到就彷彿自己都置身於土耳其咁。咖喱克勒雞肉炒飯$78份量唔少，雞肉好大粒，米飯炒得好香同埋係長身，加上特質醬料，令我地都欲罷不能。蒜油烤餅 $28濃郁嘅蒜味一瞬間就喺口中瀰漫，香脆嘅餅身令我同朋友都忍唔住想再嗌，如果多人真係嗌多三五份都得。陸洲沙律(三角豆蓉) $52豆蓉質感篇乾身，唔會好傑，而口感亦都非常濃郁順滑，非常適合初嘗試土耳其菜嘅我地。

孤獨的美食家又黎啦，中午放飯1條友搵食，又落緊大雨廢事走圍搵，諗起附近有間土耳城小城未試過，今日就借呢個機會試下d午餐先。店內員工全部都應該係土耳其人，有部份唔太識中文所以都可以用QR code落單，方便好多，睇返餐牌d食物款式其實同印度餐好似，都係有咖哩，烤餅之類既，選擇都唔少，而餐廳環境都乾淨企理，不過店面比較細位與位之間相隔都幾近，人多時會比較熱鬧d，裝修風格都應該係以土耳其特色為主，餐牌既一頁都有張土耳其小城既環境相介紹俾大家，又要講返句乾淨又衛生呀。烤野雞卷餅本身想話食咖哩，但諗諗下烤卷餅比較接近返土耳其特色，烤卷餅都算幾大份，切開左1半都有返咁上下長度，餡既份量都好豐富，好多雞肉同蔬菜，仲有d應該係土耳其式既沙律醬，味道唔算好濃，另外再跟上3枝唔同口味既醬汁俾你，覺得唔夠醬可以自己加，但其實我試晒都唔覺太大分別，可能我唔識食，係覺得綠色果枝好似重口味d，餅皮黎講比較薄，咬落都好鬆軟，幾推薦食烤卷餅。咖哩角由於太肚餓追加左小食咖哩角，咖哩角同印度餐廳既大細差唔多，新鮮炸起好熱，外皮比較厚，餡料主要都係咖哩薯仔，咖哩味少少唔辣，就咁食會比較乾d，我覺得一般般。串燒牛肉由於肚餓又

琴日同男朋友黎到元朗上堂，咁啱傾起最近有間土耳其特色餐廳 ，就一於過黎過下口癮。脆皮鮮奶卷既脆皮外表下係非常香濃順滑嘅軟綿綿鮮奶，炸到酥脆之餘亦都好重奶香味🐮🥛咖喱克勒雞肉炒飯份量足夠兩三個人食，長條形嘅米飯都深得我同屋企人鍾意。咖喱醬料好香，雞肉都好彈牙，個飯炒得非常入味～深海魚柳沙律入面除左魚柳，仲有其他配菜例如生菜，蕃茄，洋蔥，為成個菜式增色不少，口感亦都非常豐富。烤野雞肉卷餅既烤餅皮非常香酥，而餅嘅入面有雞肉,生菜,蕃茄,洋蔥，層次豐富，雞肉味夠香濃，醬汁都同捲餅好match～

呢兩日同屋企人經過元朗，佢一路話想食土耳其菜，於是我地就過左黎呢間餐廳試下。入面嘅裝修無論係牆面定係掛畫，都充滿土耳其氣息，令人感覺賞心悅目。整齊乾淨嘅檯面擺放醬汁，令我覺得好窩心。克勒拉雞皇 $98入面有奶油咖喱，雞肉，濃郁而不油膩，充滿醬汁同雞肉香味。浮雲沙律，唔同配菜，清新選擇，健康，好fresh嘅感覺鬆化咖喱角 $48酥脆，咖哩味濃，咬落非常脆口；又有豆蓉做餡，口感好豐富又特別。素菜餅沙律素食之選，雖然係炸餅但係都感覺唔肥膩，好健康，同青瓜等配菜都係perfect match～

呢排同男朋友講起想搵啲特色嘢食下，唔再食傳統菜式，之前聽朋友推介呢間土耳其餐廳好有氣氛就過左黎一試。行入餐廳，見到餐具擺放整齊，有不同款式嘅醬汁整齊排列。土耳其茶 $15土耳其食物有多種多樣，淨係得一樣嘢永遠唔會喺餐檯上消失，嗰樣嘢就係茶。土耳其茶入口有少少苦，但佐餐一流。木炭烤羊件 $138免治羊肉同芫荽籽簡直係完美搭配，羊肉味好濃之餘都炭烤得好香呀～土耳其薄餅 $28啱啱烤製完成嘅土耳其薄餅配上特製香料同芝麻，為濃厚香脆口感更添幾個層次，都令我同屋企人讚不絕口。香酥茄子夾雞 $68茄子被炸到好香脆，有少少油脂會流出黎，而且雞肉都非常滑，菜肉搭配都好健康～

今日同朋友行街，行到有少少肚餓就搵間餐廳去醫下肚。而呢間土耳其餐廳好有特色風格，睇門口嘅招牌已經感覺到充滿異國氣息。🇹🇷烤野雞肉卷餅 $65呢個烤雞卷餅一份切開兩卷，份量勁大!! 入面配有雞肉,生菜,蕃茄,洋蔥同埋有啲沙律醬，食落口感層次非常豐富。🇹🇷木炭烤羊件 $138芫荽籽完美減弱左免治羊肉嘅羊羶味，羊肉肉質都相當嫩，羊膏唔多，完全唔會有肥膩嘅感覺，再加上經靚鹽烤過嘅肉係非常入味呀～🇹🇷芒果乳酸 $42濃厚嘅乳酸同酸酸甜甜嘅芒果簡直就係十分完美嘅配搭，係炎炎夏日一定需要嘅冰涼飲品🥭🇹🇷薄荷茶都係一大重點，用新鮮薄荷葉放入杯，再倒入啱啱好嘅滾水，加上蜂蜜，清涼之餘又非常清甜～🍃🇹🇷蒜油烤餅 $28啱啱擺入口，蒜香同牛油香味一齊攻佔左我嘅味蕾，餅都唔會淋，啱啱烤好非常脆口，會想再嗌多d。

土耳其小城呢間元朗分店質素好好，最先吸引我既係呢度既裝修，好有土耳其特色，紅磚牆，馬賽克燈，好似去佐土耳其咁✌🏻首先叫佐印度咖喱雞 $88🥘咖喱好香椰香味，同埋好多香料，唔會係太辣，雞肉係雞髀肉黎，嫩滑入味，配埋牛油烤餅 $28🫓一齊食，香酥既烤位點上濃濃既咖喱汁，絕佳既配搭！😋我地仲試埋鬆化咖喱角 $48🥠咖喱角炸到好脆，包住滿滿嘅餡料，包括疾舊既薯仔，有少少辣，好惹味好好食！最後叫埋木炭烤羊件 $138 ，鐵板上既羊件keep住都好熱😝而羊件係免治羊肉，方便客人去食👍🏻落佐芫荽籽既羊肉唔騷，仲食到微微炭燒香，好好食😋

今日同姊妹黎到元朗呢間土耳其小城，裝修好有土耳其風味，吊住既一大盞馬賽克燈好靚，即刻覺得親身去佐土耳其咁樣😆先黎就係草原串燒牛肉(8串) $98🍢每串既牛肉都大大粒，而且燒到焦香，牛肉又唔鞋，香料味令到串燒好香，食唔停口！😝食得土耳其菜絕對要試烤餅，土耳其薄餅 $28🫓微焦既烤餅加上軟綿綿既中心，大量蔥同芝麻令烤餅好香，我地試下夾住牛肉串燒食都好夾🤩之後就係特別既小食，香酥茄子夾雞 $68🍆🐥一舊舊炸到金黃色既茄子雞好酥香，雞肉好入味，好好食！最後就係咖喱克勒雞肉炒飯$78🍚炒飯金黃色，粒粒分明，雞肉又大粒又腍，配上香料同蔬菜，好香好吸引！🤤

今次同老公入到元朗，見到呢間土耳其小城，就試下新野啦！一入到去好似去佐土耳其旅行咁，馬賽克裝飾既牆磚同埋馬賽克燈，成個環境都好有特色👏🏻我地先叫個沙律黎食，深海魚柳沙律 $60🥗一上枱見到3大舊魚柳，炸到金黃色，脆卜卜，咬落魚肉仲好鮮味，配埋滿滿既蔬菜，好食！之後見到有個菜式既名幾吸引，就試埋！木炭烤羊件 $138 ，羊件用鐵板上，夠晒熱呀😝一碟有6件，而且原來係免治羊肉，食得好方便！加佐芫荽籽既羊肉好香，肉質又好，好味！😋食得土耳其菜係要叫埋烤餅試吓既！我地就叫佐蒜油烤餅 $28，🫓烤餅好香蒜蓉味，亦有其他香料調味，煙煙韌韌，好正！估唔到脆皮鮮奶卷 $48都係土耳其風味😆外脆內軟既鮮奶卷好好食，土耳其既鮮奶奶味好濃，做甜品一流！

土耳其小城係元朗既分店裝修都係充滿土耳其特色🇹🇷，而食物質素方面都好高，食完一餐好似去佐一轉土耳其咁🤣我地先簡左素菜餅沙律🥗岩晒食素食既朋友！素菜餅有唔同既蔬菜同豆，全部攪碎造成餅，煎香佐都唔會好硬，反而好有咬菜，配埋本身既沙律菜一齊食好開胃！好多菜，好健康呀😛我地叫埋果名好得意既陸洲沙律(三角豆蓉) $52🥗三角豆蓉配上青瓜蘿蔔絲，豆香清新，配埋軟薄餅一齊食，口感好好，好開胃！🤓最後試埋香酥茄子夾雞 $68🍆🐥包住雞肉既茄子炸到金黃色，酥脆既外皮加上軟腍既茄子雞，好出色！今餐再叫埋兩罐汽水黎飲，更加爽！👅