土耳其小城 (萬昌樓) (Closed)

今日同姊妹黎到元朗呢間土耳其小城，裝修好有土耳其風味，吊住既一大盞馬賽克燈好靚，即刻覺得親身去佐土耳其咁樣😆先黎就係草原串燒牛肉(8串) $98🍢每串既牛肉都大大粒，而且燒到焦香，牛肉又唔鞋，香料味令到串燒好香，食唔停口！😝食得土耳其菜絕對要試烤餅，土耳其薄餅 $28🫓微焦既烤餅加上軟綿綿既中心，大量蔥同芝麻令烤餅好香，我地試下夾住牛肉串燒食都好夾🤩之後就係特別既小食，香酥茄子夾雞 $68🍆🐥一舊舊炸到金黃色既茄子雞好酥香，雞肉好入味，好好食！最後就係咖喱克勒雞肉炒飯$78🍚炒飯金黃色，粒粒分明，雞肉又大粒又腍，配上香料同蔬菜，好香好吸引！🤤