聖安娜餅屋

Open Now

Now Closed

經九龍灣地鐵站，見倒聖安娜啲包好似幾靚咁，就去買返個包食下先。黑芝麻肉鬆卷啲食物獨立包裝，感覺衞生。個包入面是充滿肉鬆的，而且配有沙律醬，很開胃，食落不會覺得太dry。麵包店來講算是正常發揮。其實佢份量都幾夠，唔好睇佢好像好細條咁，其實食完之後好飽的。

見到新口味$4.2一件咪買回家試。班蘭椰子味幾重但班蘭味唔覺。個芋頭淺紫色好靚，仲放了綿花糖係面幾得意 不過陣味都幾人工，蛋糕質地亦偏乾身雖然平，不過味道同顏色都人工的。

早上10點左右經過，未食早餐有啲餓添～就買啲飽定下肚吧。望下價錢。。。比一般麵包鋪貴少少，冇所謂啦，買完即走，趕時間，快！就黎【黑椒雞肉燒餅】【雞尾包】【菠蘿包】各一啦。呵呵，個燒餅造型唔錯～鹹中帶甜黑椒味夠，又唔會太辣，ok啵～ 咬開可以清楚睇到一點點嘅黑椒同雞肉絲，食落似雞蓉，但依然食得出軟軟嘅雞絲，味道複雜，燒餅型嘅包口感到唔錯，唔乾，值得買黎玩下菠蘿包就差咗啲喇，味道偏淡我唔批評，一黎我嘅味覺可能俾先食嘅黑椒包影響咗，二黎年輕一代講少鹽少糖講健康。但包嘅口感就真係差咗啲喇，同隔夜麵包差唔多吧 雞尾包就好少少，但都相差無幾，5蚊個架，俾啲質數好wo，要我幫手俾租都要我俾得心甘情願嘛。

之前聖安娜有推出過呢款玉桂蘋果包 $6.2不過發現近來真係不見了這款包的蹤影呢~味道ok o既,不過d餡真的略為甜..... 個麵包表面有很多玉桂碎,糖霜混在一起~餡料有不少很甜配上玉桂醬的蘋果粒.....不太健康之選....下次寧選其他普通款式好了....

有幾張聖安娜餅券, 所以回家前就換左幾件西餅回家作甜品.一直對於聖安娜西餅都唔算十分支持, 總覺得相比美心這裡既西餅味道麻麻, 價錢亦唔平.今次換左個水果撻來食, 一如所料這個水果撻味道一般, 撻皮食時已經淋身不及美心既撻皮脆身, 而吉士醬亦偏甜, 幸好是水果都算新鮮.反而用$4換來既朱古力西餅就唔錯, 好香濃既朱古力味道蛋糕亦鬆軟.下次都係換朱古力蛋糕較穩陣.

上星期五食左聖安娜的生日蛋糕,星期一已訂架啦,星期五五點後可以取貨,上網訂有九折,ok喎.朋友想食蜜桃+士多啤梨的鮮忌廉蛋糕,訂左一個一磅,加了一個朱古力字牌10元,價錢唔貴呀,折了152.去取餅的時候餅店好多人在買麵包,我諗因為佢係地鐵站出面好方便,見到用指定咭有八五拆呀,蝕左添!!!!當天晚上係餐廳同朋友一齊食,味道都ok呀,蛋糕入面都幾多雜果,個蛋糕都好鬆軟呀!!

友人生日，　去飯店食晚餐慶祝　＆　聚會，　去聖安娜訂咗個＂朱古力慕絲薄脆＂。個ｏｕｔｌｏｏｋ好靚，　味道都幾好，　好朱古力味，　入面大量綿花糖，　仲有好多朱古力脆脆，　好味道。＄１５８　＋　＄１０（人名牌）　Ｐ。Ｓ。　聖安娜出品的朱古力味ｃａｋｅ，　好食過佢出品的什果（鮮果）ｃａｋｅ。

今天同d同事買左個75度特濃朱古力香蕉蛋糕返公司食,一早訂左貨先有,同事前幾日已上網睇話好吸引,有兩隻,一隻係75度,一隻係55度,我地訂左75度個隻一齊食.賣相已好吸引啦,切開裏面係有些香蕉片係入面,雖然唔太明顯睇到香蕉片,食下味道點先,好味呀,好濃的朱古力味呀,裏面d香蕉都保持得好新鮮呀,有些朱古力碎碎及朱古力條都好味喎,好香朱古力味及唔係真係咁濃呀,可能有些香蕉係度中和番,所以就感覺冇咁重朱古力味,同事話覺得甜左少少,但其他人都覺得好好味呀.

阿玲妹生日, 臨急臨忙才有人求救話唔知買乜蛋糕好. 我在金鐘看, 她們在德福揀, 決定不了之後最後都要等到我到埗才能拍版.到達九龍灣車站, 兩個買cake的女仔已圍著這個蛋糕. 其實她們已經決定了, 只等我來拍版. 既然選定了. 就呢個啦. 平8的雜果蛋糕, 放得在地鐵站賣的, 通常都是一早從廠運來的行貨. 生果不一定是最新鮮的生果. 而且雪了一整日, 那些水果味一早已經流失.蛋糕, 夠鬆軟的. Cream Cake, 有時比 Cheese Cake 更好, 是因為 Cream Cake 唔會太漏, 但麻煩的, 就是要冷藏, 同埋太千篇一律了, 生日食親都係呢d蛋糕........不過, 傳統嘛, 世俗人係咁架啦. 只是人少, 人多時, 訂一個仲好. 起瑪容易合到要求.