聖安娜餅屋 (荃灣中心)

Open Now

Now Closed

琴晚經過聖安娜，打算買面包做早餐。見收銀櫃前有兩款包裝面包，細細隻，11蚊一包3個，好似幾吸引，剛好比我同對仔女一人一個。有兩款，一款係紅豆麻糬，一款係栗子麻糬。個人幾喜歡食麻糬類嘅嘢，因為貪佢煙煙韌韌。所以一見到寫住麻糬包，就一定買來試。今早開黎食，迷你包咁，一隻手掌大細，咬開有紅豆，唔太甜，幾好。麻糬有口感。值得一讚嘅係，聖安娜嘅面包，宜家整得好咗。軟熟咗。另外仲買埋純牛奶吐司，寫住話用日本面粉做，一包兩塊，自己用黎塗花生醬食，又係軟軟熟熟的。

聖安娜出左green tea series 賣哂廣告宣傳咁 有三款主打 好似幾正😂 個蛋糕我同屋企人就未食到住。。唯有食住個宇治抹茶卷蛋先啦🙊唔係講笑🙉🙉🙉🙉🙉中哂伏既 連普通原味卷蛋都好食過佢架bor 綠茶卷蛋無蛋香味 最離譜係點解cream都可以無味🤦‍♂️🤦‍♂️🤦‍♂️仲加左幾粒芒果肉紅豆蓉🤦‍♂️玩咩阿🤦‍♂️😂😂😂 fusion唔係咁玩架 聖誕節我仲試唔試個蛋糕好呢🙉🤦‍♂️

諗住買個包做早餐，咁求其揀左個腿蛋包啦，知一食，空黎，好細個，又唔足料，個塊蛋同火腿，薄薄個一片仔，真係食完都唔覺得飽，仲要寫係新鮮出爐嘅麵包，又唔熱喎，又要賣得貴，幫襯茶餐廳賣嘅麵包無咁嬲，同美x有得鬥，又貴，又難食，又空氣包

好耐無去連鎖面包鋪，因為又貴又唔好食。今日無啦啦去咗聖安娜，又無啦啦買咗包方包。原來聖安娜推出了不少不同一般系列的產品。比普通line 貴少少，不過，真是一分錢 一分貨，面包質素不錯，又是天然酵母配方，都算物超所值。總算早餐可以多個選擇。

見這個外形吸引的咖啡杯便買來一試。咖啡杯面的 cream 綿密軟滑，內裹的蛋糕散發濃濃的咖啡味，加上朱古力脆脆，味道不錯。造型吸引的朱古力外層，甜度適中，若果能轉用更香濃的朱古力，整體味道會更好。

年幼時上茶餐廳, 朱古力、好立克、阿華田都是大人主動幫小孩子叫的飲品 ....我直至昨晚行過聖安娜在知道居然有人把阿華田化身為蛋糕, 緩緩地把年幼時的喜好喚出來 ~阿華田蛋糕只要打開蛋糕盒, 阿華田的香氣散出來, 引起大家的食慾 ~ 蛋糕的阿華田味突出, 層層疊疊有阿華田慕絲, 朱古力薄蛋糕再加上阿華田脆脆, 口感和味道也豐富, 頂層放上的幾塊阿華田曲奇, 和蛋糕一起食, 實在好吃 ~ 本篇完 ~

16-4-2013(二）是日下午，在家中小睡一會，晚上便往將軍澳替德國老外夫婦補習。好！前往港鐵站乘車前，就在聖安娜買個麵包醫醫肚。看見麵包架，見黑椒磨菇燒餅的賣相不俗，大大的，也脹卜卜的，便便挑下一個吧！ 麵包應該出爐很久，已經放涼了，一點溫熱也沒有。吃下一口，外皮頗硬，沒有鬆軟的感覺；內餡水汪汪的，黑椒味不濃，也吃不出有磨菇味，內餡冷冷的，像糊仔一樣糊口，差！賣相與味道完全不相符！

今(10-3-2012 Sat)朝同男友起身食完o野,佢返工前幫公司買定蛋糕畀同事們做tea,我順便都睇吓有冇o野o岩做的o既tea,睇見呢個$6.20柚子吉士立方好似幾吸引,就買一個o黎試,佢就買o左兩條瑞士卷加四件包裝蛋糕.我o地分開後,我返屋企,到兩點幾有啲餓就食喇,外層o既麵包口感好乾,面層薄,好快食到內裡o既cream狀o既柚子吉士,柚子味唔苦澀,較得微甜,吉士cream算滑,份量o岩o岩好,唔太唔少,都幾好食,只係差在外層麵包.環境:原本畀人感覺都唔錯,不過今日天氣好清涼,冷氣卻問到好凍,唔環保.L價錢:因為我有九折咭,所以平4毫子.

呢一個舖位~轉過手好多次了~由銀行到麵包舖~今次買了生日蛋糕~(已經係我09年唔知第幾次食的生日蛋糕了)家人生日~對生日蛋糕要求好簡單~有d生果~幾好味咁就得嫁啦~so~叫了一個蛋白蛋糕~cream唔算多到嚇死人而且中間有一層脆脆~很不錯的感覺~乎合傳統的生日蛋糕要求呢~~~