聖安娜餅屋 (綠楊坊)

Open Now

Now Closed

噚日（21-12-2024 Sat）晏晝，同老公返屋企時，想整個聖誕蛋糕，咁我有呢間可以攞一打西餅嘅餅咭，於是走嚟睇，我睇吓依家西餅幾錢一件，係$5.00一件，即係呢張劵會值$60.00？我入去問吓先，答案真係$60.00，我哋就揀嘢啦，最後揀咗：3. $7.00嘅牛乳撻唔大件，皮脆，牛乳味清清地又滑，唔錯嘅。4分1. $30.00嘅D24榴槤大福一咬落去，睇見個皮幾薄，榴槤餡好多，味道亦夠，大福皮少少煙韌，呢個有驚喜。4.5分2. $24.00嘅梳乎厘芝士蛋糕打開睇，面上淋咗糖漿，食落，唔算好鬆軟，一般，不過就濕潤，味道唔太濃。3.5分上次食評係2024年9月26日刊登嘅呢篇：https://www.openrice.com/zh/hongkong/review/blue-%E5%A5%BD%E4%BC%BC%E5%86%87%E5%92%81%E7%94%9C-e5699759

16-9-2024 (Mon)放工返到屋企樓下,見有長者坐喺喥排隊,應該係有嘢派,我就唔理返上樓,因為拎住喺味園車仔麵檔https://www.openrice.com/zh/hongkong/r-%E5%91%B3%E5%9C%92%E8%BB%8A%E4%BB%94%E9%BA%B5%E6%AA%94-%E6%B2%99%E7%94%B0-%E6%B8%AF%E5%BC%8F-%E8%BB%8A%E4%BB%94%E9%BA%B5-r868315買嚟俾老公同請鄰居食嘅醬爆豬頸肉,亦唔知呢啲係咪要預先攞籌排.俾完醬爆豬頸肉後,鄰居就同我講可落樓下攞月餅.我答唔落喇,人多.點知佢就俾啲佢攞咗嘅中秋節禮物俾我,當中包括呢個上年出現過嘅月餅(上次食評係2023年10月5日刊登嘅呢篇:https://www.openrice.com/zh/hongkong/review/blue-%E5%8F%88%E4%BF%82%E7%94%9C-e5054064).睇返上次食評,個月餅同舊年嘅一模一樣,亦都好驚好似舊年咁甜.到前日(24-9-2024 Tue)我正日生日請假,就同老公做早餐啦,切開睇,

27-9-2023(Wed)放工後返到屋企,見到有個由煤氣公司送出嘅月餅,睇吓係邊間做先,返轉個盒睇,原來係聖安娜,而佢係松子瓜子白蓮蓉月餅,造型係心形同加一粒煤氣公司火焰嘅標誌,嗰晚爸爸切開嚟食,我都食一件,睇見佢啲松子瓜子份量唔多,食落,好甜,白蓮蓉好甜,亦幾乎食唔出松子瓜子,甚至係一粒松子都食唔到.唔知邊間聖安娜送貨,就寫喺呢間.上次食評係2021年5月15日刊登嘅呢篇: https://www.openrice.com/zh/hongkong/review/blue-%E9%B9%B9-e4021687

客人請食下午茶-蛋撻/客人話見剛剛新鮮出爐，忍不住想買半打。撻皮特別香脆，是我喜歡的牛油撻皮，賣相吸引，倒模一樣每個都一樣，橢圓形金金黃黃的；蛋漿比例多，而且香濃滑溜。

老公噚晚收工,喺喥買定今日15-5-2021 (Sat) 嘅早餐,佢用$20.00買咗一件三文治加一支豆漿,另一件因豆漿唔夠,而冇買到.佢買嘅三文治係煙肉蘑菇芝士同海鹽白汁吞拿魚.我先食海鹽白汁吞拿魚,呢個開頭味道口感都正常,但食咗3/4後,開始覺得鹹,同吞拿魚有啲似紙皮嘅口感.味道: 1分煙肉蘑菇芝士呢?有芝士又何須有煙肉?咁味得個鹹字,不過呢人個口感就正常嘅.味道: 1分而佢嘅方包係超軟,即使放咗喺雪櫃一晚都係.味道: 5分上次食評係20年11月21日刊登嘅呢篇:https://www.openrice.com/zh/hongkong/review/blue-%E8%87%AA%E5%89%B5%E6%96%B0%E9%A3%9F%E6%B3%95-e3872950

聖安娜心型草莓蛋糕🍓🍓🍓🍓🍓🍓🍓🍓🍓生日買蛋糕，尼到聖安娜揀左個3磅心型草莓蛋糕。仲可以寫名牌第2晚尼攞，服務態度好又方便快捷。會員買蛋糕有85折。個蛋糕🎂做得好靚，朵朵玫瑰花🌹🌹🌹🌹都整得好靚🌹🌹🌹🌹🌹而且準時第2晚6:00有得拎🎊🎊🎊裡面係海綿蛋糕🍰，十幾人食，3磅都夠。而且造型好靚，影相都好靚，好鐘意🥰🥰🥰會再幫襯買蛋糕🧁🍰🎉🍰🎉

前19-11-2020 (Thur)日見到聖安娜有$10.00兩個雪芳蛋糕優惠,就whatsapp俾老公,等佢放工後買.之後再詳細睇,至發現原來係買滿折實價$25.00嘢,至可以以$10.00兩個雪芳蛋糕.當想截停時都為時已晚.最後佢係買咗$13.00六片嘅方包,$12.00兩包維他朱古力奶,咁就用$10.00買兩個雪芳蛋糕,佢揀咗芝士味同香草味.到夜晚,睇o緊飲食節目時,老公話要食一個雪芳蛋糕,但我哋都食唔到成個,就share芝士味雪芳蛋糕啦.一打開,嗅到好香芝士味,食落味道就啱啱好,口感係鬆軟,不過覺得有啲啩.味道: 4分到噚晚,因為我哋有藍莓芝士.而我又覺得香草味(即原味)雪芳蛋糕好普通,就建議老公將藍莓芝士放上呢件雪芳蛋糕食,佢話好主意.不過我都先食一啖,雲尼拿味好夠,加埋藍莓芝士同食,真係好食好多.味道: 3分呢篇食評嘅所有評分只計呢兩個雪芳蛋糕.上次食評係4月24日刊登嘅呢篇: https://www.openrice.com/zh/hongkong/review/%E8%B3%A3%E7%9B%B8%E5%90%B8%E5%BC%95-e3707335

首先，sorry 不過無相，因為太肚餓。。。頭先做完運動，完全有孤獨美食家嘅肚餓感覺。忽然好想食港式果種拿破侖餅。行過聖安娜，竟然有，仲要係最後一件！馬上買嚟食先！首先要讚嘅係最上面嘅脆脆，同埋餅底，真係脆的，咬落去超有質感！然後中間嘅cream 同蛋糕比例剛剛好，有飽肚感但唔肥膩。$6.5超抵食。係咪我好耐冇食過港式西餅？定係真係聖安娜默默改進咗？唔好理，總之以後要多D幫趁！例如佢最近有個廁紙蛋糕超搞鬼，下次會買嚟請人食。最後，不得不提就係呢度嘅店員亦非常高質！講緊嘅係除咗友善，亦都非常有耐性講解食物嘅特點，仲有果D優惠呀、折扣呀。就算見到呀公呀婆都唔會嫌煩，特別特別係經理，雖然後生女一個但完全唔係十問九唔應果D黑面小姐。總結：不可多得嘅餅店！

噚日(23-4-2020 Thur) 放工後,同老公去買嘢,買完行經呢喥,見到玫瑰花造型嘅小蛋糕幾吸引,見係3種唔同口味,又有爸爸最鍾意食嘅芒果,於是以特價$65.00三件買齊3隻味.入去排隊俾錢時,見到有好耐冇食嘅咖啡蛋糕,順便買個啦,不過又見到隔離嗰個$28.00嘅咩嘢日式岩燒紋芝士咖啡蛋糕,於是買埋,由於有會員咭,咁就平咗,不過只係平咗1.40,即95折.返到屋企食完晚飯,我哋就食嗰3件玫瑰花小蛋糕喇,將3件都切開睇,每件都有係由慕絲包住有夾心嘅小蛋糕.我先食粉紅玫瑰嘅雜莓味,佢嘅味道唔太濃亦唔太甜,舒服嘅.味道:4分紅玫瑰嘅朱古力味呢?呢個就濃喇,佢中間嗰層有朱古力漿,但朱古力蛋糕始終唔係我杯茶.味道:3.5分最後黃玫瑰嘅芒果味,我試一啖慕絲層,味道好假,好明顯係人造.而呢3個小慕絲蛋糕,係可以就咁用手拎住食,唔使用叉,不過啲慕絲都幾滑嘅.最後日式岩燒紋芝士咖啡蛋糕,到今(24-4-2020 Fri)朝就打開食,呢個口感係算鬆軟但有啲嚡,味道偏甘苦,薄芝士味道較淡,唔鹹.老公覺得幾好食.味道:3分上次食評: https://www.openrice.com/zh/hongkon

噚晚老公放工後,喺喥買咗麵包,作為今(5-3-2020 Thu)朝早餐,佢噚晚話呢喥嘅紫薯同粟子味麻薯包好食,內裡由嘅糯米做嘅麻薯好煙韌.我問佢做咩唔買俾我試?佢答買咗一個粟子味今朝食,佢就讓咗俾我.咁我今朝就食啦,原本只想食半個,留返半個俾佢,但見佢有另一個包同杯麵食,費事攪亂佢,咁我唔留喇.切開睇,內裡嘅麻薯係半透明,食落,都幾失望,因為唔係好食到粟子味,麻薯口感冇佢講得咁煙韌,只係好輕微,麵包本身嘅彈性亦普通,但麻薯份量都唔少.佢唔係咁幾得幾錢,好似$8.00左右.上次食評: https://www.openrice.com/zh/hongkong/review/%E8%A6%81%E9%9B%AA%E5%92%97%E8%87%B3%E5%A5%BD%E9%A3%9F-e3566749

噚日(11-10-2019 Fri)老公放工後,喺呢喥$50.00嘅宇治抹茶卷蛋返嚟食,睇吓橫切面,有紅豆蓉,芒果肉同綠茶啫喱,食吓先.卷蛋口感好嚡唔鬆軟,唔掂,比我17年自己做嘅更差,卻喺東海堂食到嘅好(嗰個食評: https://www.openrice.com/zh/hongkong/review/%E4%BC%B0%E5%94%94%E5%88%B0%E5%94%94%E5%B7%AE-e2890729) ,而味道係唔太甜嘅.至於啲餡,紅豆蓉甜度啱啱好亦好夠腍,芒果肉唔太酸,綠茶啫喱口感正常但冇乜味.我哋食唔晒,放入雪櫃,雪咗一晚食,卷蛋竟然變咗唔嚡,莫非呢個要雪?味道同抵食係2.8分上次食評: https://www.openrice.com/zh/hongkong/review/%E5%A3%BD%E6%98%9F%E5%85%AC%E7%A5%9D%E5%A3%BD%E6%98%9F%E5%85%AC%E5%81%A5%E5%A6%82%E6%9D%BE%E6%9F%8F-e3125173

很久沒光顧過聖安娜餅店了，無意中發現 全蛋瑞士卷竟然 在做特價，只要12元就 有一卷，買了2卷後才見到有朱古力味的對大公司的材料比較放心，果然沒有令人失望， 蛋糕新鮮軟滑，連忌廉都做得比小店出色， 香濃的牛奶味 。有機會再把朱古力味道 瑞士卷帶回家裏

前(11-8-2018 Sat)晚為爸爸舉辦生日晚宴,之前o係o度訂o左個蛋糕,雖然o衣o家潮流興健康,但有個蛋糕,唱吓生日歌,吹吹洋蠋至可以令氣氛提升,尤其是有小朋友,單靠壽包係唔,就如結婚擺酒,唔係都有切結婚蛋糕儀式咩?o個個蛋糕都係假o既添.但為o左攞個平衡,咁生日蛋糕就唔買咁大個囉.上網睇勻價錢大眾化o個3間餅店,呢款造型算唔老套同冇誠意o既壽桃,壽桃蓮蓉包,酒樓已經有啦,就搵個壽星公賀一賀爸爸啦,好彩呢隻都做到一磅庄.o係稻香食完晚飯後,就講侍應拎出o黎喇.壽星公被雪到冒汗啦,蛋糕賣相同網上睇到o既對版,攪完氣氛後分得.呢個係雜果蛋糕,忌廉層都幾厚,生果都新鮮,而成個蛋糕都唔太甜,口感都鬆軟o既.而o個個壽星公係由咩做出o黎o既呢?咬吓先,硬o既,內裡係白糖,好甜呀!而棵松樹,係由黑朱古力做成,葉就用椰絲,係做得好似.黑朱古力唔太甜,好味.而石頭大家都知同樣係朱古力呢.如果壽星公都係由黑朱古力做成就好喇,起碼唔會咁o徙嘛.價錢:好多種價錢=.=”,原價$208.00/磅,上網訂就$187.20,會員價減到$176.80,我已經係會員,再加我新join為電子咭會員,就又有優惠劵

喺連鎖店訂生日蛋糕至少都要100幾蚊， 本身我就鐘意去東海堂、 美心西餅 嗰啲舖頭訂， 可能係係廣告落見到蛋糕款式唔錯， 但係呢最近見到聖安娜有落廣告就話有(新出)一款流心朱古力蛋糕， 加埋呢我個朋友鍾意飲酒喇， 紅酒配朱古力蛋糕會比較好味， 所以就決定要訂呢個蛋糕喇。訂嘅時候發現，原來做會員啦或者係網上面訂蛋糕價錢比較平嘅， 而揀攞蛋糕地點嘅時候，就驚覺其實佢都幾多分店(平時都冇為意)，好方便食蛋糕當日，除咗覺得蛋糕味道同埋外型都唔錯，幾好味( 不過建議揀一磅，因為半磅太細啦，show唔再到佢咁靚)， 朱古力有流心， 覺得印象好深刻呢就係因為個蛋糕盒有環保設計，可以即時當餐具用，包括係碟同埋叉，user friendly

行過聖安娜 見剽有脆脆朱古力卷喎 好似幾好食 就即本一試啦 估唔到蛋卷質感鬆軟 有濃郁嘅朱古力😋配上微甜又打得輕身嘅朱古力忌廉 match嘅！係兩者中再加上香脆可可米同朱古力啫喱口感當然更加豐富 而且可可米並非一兩粒喎係整條蛋卷 有忌廉嘅位置都有喎！ 正！可惜朱古力啫喱味道唔算特別出色無乜甜味 只可以說令蛋卷食起來更有咬口