聖安娜餅屋 (屯門時代廣場南翼)

Open Now

Now Closed

日式豆乳麵包忌廉芝士食評日式豆乳麵包是一款結合了健康與美味的選擇，特別是當它搭配了忌廉芝士時，口感更是令人驚豔。外觀這款麵包的外觀金黃誘人，表面微微光滑，散發著淡淡的奶香，讓人一見鍾情。切開後，柔軟的內部結構顯示出良好的發酵程度。口感麵包的口感非常柔軟，帶有淡淡的豆乳香氣，咬下去時，彈性十足。忌廉芝士的加入為麵包增添了濃郁的奶香與絲滑的口感，兩者的搭配讓每一口都充滿層次感。味道豆乳的自然甜味配合忌廉芝士的咸香，形成了完美的平衡。這種味道不過於甜膩，適合各年齡層的人士享用，無論是早餐還是下午茶時段都十分合適。總結日式豆乳麵包忌廉芝士是一款值得一試的美食，無論是口感還是味道都表現出色。對於喜愛麵包和芝士的人來說，這款麵包無疑是個完美的選擇，帶給人們愉悅的味覺享受。

聖安娜推出左新口味嘅雙併三文治🥪岩哂早餐或者下午茶食用☺️💚BBQ雞扒拼日式碎蛋三文治💚小龍蝦沙律拼日式碎蛋三文治一次過可以試哂雙重口味 真係好滿足🤩我今次先試左BBQ雞扒拼日式碎蛋三文治一邊係沙律醬碎蛋三文治，另一邊係烤雞醬雞扒三文治，兩款口味好唔同，日式碎蛋口感清新，鹹鹹地甜甜地，而雞扒三文治個炸雞醬就重口味d，帶少少微辣👍🏻另外，三文治添加左日本海藻糖，麵包咬落口特別柔軟，好好味😋

今日下午點幾中喺屯門市中心分店買雙黃白連蓉月餅一盒，她嘟左顯示300幾,我數左4張100比她。點知聖安娜啲姐姐很貪心買月餅收多人100蚊死口唔認，變相平價買貴貨。

上年，我的生日前，細佬特意走到 <聖安娜餅屋> 買生日蛋糕給我！多謝他很有我心！在他7月頭生日，我買了他喜歡的 <東海堂> 清新口味椰子蛋糕！ 他卻買了一個重口味榴槤生日蛋糕給我！當時我生日前，我經過 <聖安娜餅屋> ，見到蛋糕柜中，最特別的一款蛋糕是榴槤蛋糕，如果有機會試這款蛋糕就好嘞！ 相信重口味關係，只有印有蛋糕圖案的紙板，沒有蛋糕實物！意想不到！細佬就買給我，真驚喜又開心！聖安娜餅屋的蛋糕盒設計，可作紙碟及紙叉，勝在環保，卻不實用！D24 榴槤蛋糕單是蛋糕外型做到好似榴槤外殼，賣相已經要讚！選用馬來西亞 D24 榴槤肉，打開蛋糕盒，為免散發榴槤獨特香氣，還加上透明球形膠蓋，打開膠蓋，嘩！榴槤香氣即時傳出來！ 淺綠色水滴形忌廉軟滑富清香，一層鬆軟的海綿蛋糕，最中心是D24 榴槤肉，真材實料！味道層次分明！既美味又特色，果然是我的重口味生日蛋糕呀！

一直以來，每逄中秋節前，我個好街坊，只會獨沽一味送上美心雙黃白蓮蓉月餅給我！今年，他竟然送上一張聖安娜雙黃白蓮蓉月餅劵給我！我收到的時候，都覺得好驚喜，亦不會問太多！(我不會像某人，新年前，人家送給她指定糕點，反問對方為何不送什麼糕點給她，認真老實不客氣！)因為，媽咪出去領取月餅，但她又懶闊佬，借花敬佛，連埋月餅盒，送了半盒月餅給她的晨運友！就算我走到聖安娜屯門時代廣場分店已售罄這款月餅！所以，我連個月餅盒係點樣都唔知？！還要，這是今年中秋節唯一一個金屬月餅盒！直至，有個星期日，媽咪好豪氣想獨食一個月餅做午餐，我才得知這是一個祝福語「月賺月多」月餅， 今次，原來他都幾有心思又有創意！見到個月餅，我就即刻 what's app 多謝他的心意！聖安娜雙黃白蓮蓉月餅其實，我們沒有叮熱，只是由雪櫃放至室温，蓮蓉甜美軟滑，最緊要鹹蛋黃油潤富鹹香又不乾身，質素不遜色給美心呢！

連鎖式麵包店有好幾間其實聖安娜唔聲唔聲都做得唔錯㗎👍🏼佢啲西餅款式雖然做得平民啲但都多選擇今次朋友生日就去嗰度買咗個蛋糕 近期好興奶蓋乜乜奶蓋乜乜😂見佢推出左個芒果奶蓋蛋糕就買左黎試蛋糕上面嘅芒果好甜一啲都唔酸至於個奶蓋當然做唔到好流嘅係效果😂 但個味道唔錯㗎加上佢個慕絲同蛋糕都做到好軟好滑

細個食生日蛋糕，只可以食屋邨餅店。當時好恨食美心、聖安娜，但到而家美心、聖安娜已經成為咗最普通嘅蛋糕店。今日公司同事生日，所以就買咗個鮮果生日蛋糕🎂同佢慶祝。生果十分新鮮，唔會又霉又乾，個蛋糕🍰和水果比例亦剛剛好，不過都係質素普普通通嘅蛋糕，冇咩特別驚喜。

-08/11/201709號就係我既b-day laaaaa haha媽咪係聖安娜列買左呢個蛋糕比我 其實係我要求要呢款既xd 最愛食番薯既我 特別係紫薯呀 呢款蛋糕點可以錯過呢？！面頭係黃薯同紫薯蓉 見到都知佢實材實料啦係咪仲有啲朱古力脆粒？入面有好幾層好似係蛋糕呀薯cream呀而底層係脆脆🙈🙈🙈點上燭光之後既靚靚cake💛💜同場加映紫薯包做第二日既午餐聖安娜既紫薯包好似出左名爆曬餡咁好想食好耐架啦有熟薯容 仲有真·紫薯粒面頭其實佈滿左紫薯粉其實食個陣會搞到隻手同個口都好dirty🤣大家要留意下啦😵🤣🤣🙉🙉🙉

近呢幾年, 聖安娜的蛋糕, 西餅水準大大提高, 以前覺得佢的蛋糕好鞋, 而家款式比以前多左好多, 而且仲好新鮮 !朋友生日想買蛋糕少少慶祝, 發覺而家蛋糕好貴, 想買個細細至少都要百幾蚊, 行左幾間, 竟然比我見到聖安娜有咁平的蛋糕 ! (唔係叫做好平, 只係比起其他蛋糕店抵)芒果花園 $98 竟然係100蚊有找 ~ 隔離個個阿華田蛋糕都係 $108。朋友中意芒果買芒果花園就啱晒 ! 而且外形都好靚 !比錢前諗起自已係會員喎 ! 仲有9折呀 !認真抵呀 ~朋友見到個蛋糕都覺得好靚 !海綿蛋糕好鬆軟, CREAM亦夠滑, 芒果則帶點酸, 但係我能接受今次的芒果花園真係一個驚喜, 原本唔太期望時, 竟然給了我們一個驚喜呢 ~

香港多間連鎖餅店，個人最不喜歡的要算是聖安娜! 當年仍是小學生的我，記得媽咪買了半打聖安娜的西餅回家，我吃了其中2件，2件都出了問題!!! 1件內有蛋殼，害我吃了一口就即吐; 另一件雜錦蛋糕，即是內裡很多不同顏色的蛋糕拼砌而成的款式，居然有紙碎，令到我實在印象深刻!自此以後，家人都絕少買聖安娜的出品，反正買了我也不願吃~可是世事往往事與願違，我!!!! 居然收到一張聖安娜的西餅券，還要是好朋友結婚時的請帖內夾着的，已經放了在銀包好幾個月，所以只好到餅店換點東西回家京都綠茶果凍芒果卷 ($48)3款卷蛋當中，只有這款是正價的，反正餅卡付款，別的甚麼現金優惠我也享用不到，就選這款沒做推廣的!其實芒果配綠茶都幾奇怪，一款甘濃、一款香甜，設計這款蛋糕的朋友，有沒有想過2者夾與否呢?店員問我們是否需要把蛋糕切成幾件，那當然好! 綠茶蛋糕都算鬆軟，帶有淡淡的綠茶味，內裡有如方丁大小的芒果肉、紅豆、綠茶果凍，整體味道普通，但以$48 可以有6件蛋糕，再加上租金、人工等，當然不可能期望過高!如果你似我無端端有張餅卡，都可以買來試試既!屯門時代廣場南翼三樓 31 號舖2459 6679

老公靜雞雞買咗個四色芝士蛋糕比我當生日蛋糕, 佢竟然記得我之前曾經提過想試下呢款蛋糕, 真係好開心~ 個cake面好似雲石咁, 有三個色, 但其實係有四個味, 分別係藍莓(酸中帶甜)、朱古力(香濃)、原味(濃而不膩)同青檸(酸酸地夠開胃醒神), 每個味道各有特色~由於得兩個人, 於是就咁拎個匙羮食, 果晚由於食得太飽, 只係像徵式圍邊食咗幾啖, 暫時只見到紫色、黃色同青色, 即蛋糕面的三個色, 我仲以為自己記錯, 明明記得係四色芝士, 但點解食嚟食去都係三色? 到第二日食到去日間時, 先發現第四色的啡色响中間, 如果照正常切開一件件食, 應該一早發現真係四色呢~