麵聖

Open Now

Now Closed

行過比熱情嘅阿姐招呼左入去。但入到去發現都係一般車仔麵嘅menu，冇咩新奇選擇。唯一特別少少係有金湯湯底，同埋有鯛魚片。咁就試吓。👌🏼金湯湯底：味道溫和嘅清湯味湯底，唔係平時酸菜魚金湯嗰種味。只係係比清湯味濃郁一啲，唔酸唔辣。勝在有啲脆脆喺個湯底度，增加脆脆嘅口感。😋鯛魚片：車仔麵有魚片選擇，唔錯！魚片整得幾嫩滑。😞清湯蘿蔔：切得好大件，但係又唔算甜。😞柱侯牛腩：正常味道。少少韌，唔算嫩。👌🏼紅薯粉：比一般嘅紅薯粉幼細，口感唔錯。

位於中環嘅米線店 麵聖今次叫左蘿蔔魷魚酸辣金湯米線 蘿蔔都好大舊 有3-4舊 但唔算好冧 魷魚就幾好 唔會太un 個酸辣金湯都幾特別 好似唔係好多米線舖會有個人覺得可以以再辣啲😝

之前一直係外賣app見到，但都未試過。放工經過就諗住試一試，畢竟本人都真係好鍾意食米線。我同frd一人叫咗一碗🍜九五至尊 $88（貪心小狗唔想諗🤣，揀咗最多食材嘅配搭，呢碗足足有7.8樣食材）而家諗返，令我印象最深刻嘅係大啡菇！大啡菇十分入味，應該煮咗好耐好冧；咖喱魷魚好爽口，豬頸肉好大塊，仲要有兩塊。成碗好足料，唔係每樣材料得一個，而係塞到爆滿。我鍾意食紅薯粉，叫咗沙爹湯，味道濃郁好夾。最後食唔哂就打包咗半碗。除此之外，仲有叫魚皮 $48魚皮爽口偏辣，都可以一試。今日一試，價錢有啲貴（但其實性價比okay），店內裝修樓底有啲低，冇咩人入黎食，感覺有啲可惜。

第一次知道有呢間車仔麵係因為佢嘅外賣包裝。記得有次見朋友買外賣，湯碗嘅蓋好似汽水罐嘅易拉蓋咁，好得意，所以就諗住搵日嚟試吓。呢度啲餸選擇數量貴精不貴多，都夠揀嘅，雖然佢都有啲特別嘅餸，例如墨魚嘴、醬香鳳爪、陳皮魚蛋，但其實出面第二啲地方都有，所以又唔係話好特別。幾特別嘅係佢放喺麵面嗰啲炸黃豆，脆卜卜好好食😋 至於麵食方面，選擇有啲少，得油麵、米線同紅薯粉三種。不過湯底就有六款， 總有款中。雖然味道唔錯，但三餸車仔麵要70幾蚊，小貴。餐廳環境就同平時嘅粉麵餐廳差唔多，空間偏窄，個個入去都要坐得密質質，不過lunch time係咁㗎啦 🤷🏻‍♀️

喺中環好難搵一間平價嘅餐廳，呢間開咗冇耐嘅餐廳，就好似香港車仔麵咁，唔同湯底送嘅款式同埋面都可以揀。今次揀咗酸辣金湯配墨魚咀同咖喱魷魚。第一次去呢間餐廳，試咗個酸辣金湯覺得好好味，但係又唔係味精，飲完唔會係咁飲水，配落啲食材，好好食。今次揀咗米線，米線同埋湯底好正，差唔多最後飲晒成個湯。墨魚咀唔係好多地方有，呢間做到好腍唔會韌，容易入口。職員姐姐都好好人，見到我着白色衫都有主動問我要唔要圍裙，而且都會同我傾偈好有線，下次會再去呢間餐廳，不過最好就避開午膳高峰時間

同朋友去試一間都開咗一排嘅麵店，睇個名都覺得有啲特別。成個過程都幾特別。首先門口企咗啲人，但係唔知喺外賣定堂食，出面有張紙畀你自己寫紙攞飛，但係原來佢有兩層，上面有位唔使等位，冇職員同你講。基本上餐牌其實同米線舖頭差不多，都係自己點，不過因為張紙太花，加上選擇困難症，我就決定叫個經典粉麵，揀咗金湯即係南瓜湯。湯底畀我想像中好味米線唔會太淋唔會太硬配料感覺就差dd，唔知點解有啲預先製作嘅感覺。最尾食完會有利是畀返你，其實一張飲品coupon。

老實講，呢間嘢食物質素唔差問題係內部一片混亂等咗半個鐘野食中間見到啲人等唔切就走左啲單又十分亂做完外賣又唔比人出菜又出錯老實講你開喺中環做嘢咁亂啲野食再好食都冇用如果急住食嘢嘅人就唔建議過嚟會好炆憎

今日凍冰冰, 又有同事射波, 都唔想出去食飯, 另外個同事話想食啲有湯嘢, 我哋就喺外賣平台叫咗呢間好特別嘅外賣車仔麵店！一睇佢個包裝就覺得佢幾有心思! 😍佢個包裝唔同一般嘅外賣, 中式包裝加易拉罐封口, 亦都好配合到佢個店名! 雖然係外賣, 但拎碗湯出嚟食都仲係熱㷫㷫嘅! 超正! 開正我哋想食熱湯嘅決定! 👍我叫咗個自選配料嘅車仔麵, 我今日揀咗個沙嗲味湯底🌶️, 配料就係我最愛嘅豬紅同雞翼。個湯底真係好夠味, 係沙嗲帶少少辣嗰款, 濃得嚟又唔會太嗆喉, 同事配油麵, 超掛湯好夾。我就鐘意配米線, 都好味! 😋 沙嗲湯底之外, 其實佢仲有啲肉碎喺面, 配埋個麵食好有層次! 講返啲餸, 都幾多餸𢵧, 車仔麵嚟講, 我一定叫豬紅同雞翼, 因為好多人都講食車仔麵豬紅就係用嚟測試舖頭嘅水準, 佢嘅豬紅唔會一夾就散, 而雞翼不嬲都我all-time favourite, 佢嘅雞翼好入味, 正呀! 🥰講真, 呢個價錢食到呢個質素, 佢唔係屬於超值, 因為宜家呢個世代隨便食一碗車仔麵都60/70 蚊, 但呢間舖嘅外賣包裝同個湯底係絕對對得住佢個價錢! 份量都幾足, 一個女仔食都啱啱好, 至少食完冇空

小鍋米線，之前就同大家介紹過元朗街坊小店方太小鍋米線，而今次小編就帶大家黎到中環，同大家介紹一間開業約三個月，由三位世界粵菜廚皇共同執廚，位於閣麟街既雲南小鍋米線 x 港式車仔面一 麵聖 @saintnoodles_hk招牌湯底分別有六款：麻辣、酸辣、番茄、沙嗲、金湯、清湯，可搭配米線/紅薯粉/油面，每碗可跟一款餸，價錢由$49起，每追加一款加$12 🌟招牌金湯米線 $85金湯即以南瓜入饌，加入雞湯肴煮，因其色澤呈金黃而得名金湯，味道濃郁醇香。而餸方面就嗌左招牌：蘿蔔、麻辣豬手、咖哩魷魚、滷水豬大腸蘿蔔：選用無渣既白玉春蘿蔔，經高湯慢火煨煮，清甜入味🤤👍🏻麻辣豬手：每隻都經人手燒毛，後以秘製麻辣醬慢火燘煮至軟腍，味道麻中帶辣，辣中帶麻🤤👍🏻👍🏻咖哩魷魚：選用阿根廷大魷魚，後以秘制咖喱醬爆炒，口感彈牙，香辣惹味🤤👍🏻👍🏻滷水豬大腸：選用本地豬大腸，先經6道工序清洗，後以15種香料鹵製，口感彈牙，鮮香可口🤤👍🏻🌟香炸墨魚餅 $48墨魚餅炸得金黃，亦食得出墨魚味香濃，口感爽口彈牙🤤👍🏻👍🏻📍麵聖地址：中環閣麟街30-34號舖#中環 #麵聖 #米線 #金湯 #留港消費 #支持小店 #粵菜廚皇

本來好期待吃尼間新開嘅餐廳。去到等嘅時後，個店員冇任何安排點樣安排入座，諗住自己可以記得哂幾多人係出面等，亦都有人見到有位就坐冇理其實出面有人等。場面非常混亂。到終於入到去，叫完野係到等。但係等足30分鐘，都未上我地order 嘅野，同枱有人比我們遲入座已經可以吃。不知道係點安排送餐geh。隔黎甚至有人等左45分鐘都未上菜，好離譜。最終因為要趕住番工，要取消order去第二度吃餐快geh。間餐廳已經營業左2星期都經營得gum混亂，希望餐廳之後改善一下。

晚上路过发现新店，吃一份麻辣红薯粉，加几个送惊为好店！首先，用料十足，点了麻辣猪手，陈皮鱼蛋，紫菜和萝卜，每一个送分量都十足，陈皮鱼蛋推荐，陈皮味道够足，鱼蛋是全鱼肉，不是粉面混的，炸的够紧实，猪手都是新鲜做，不是预制菜店里服务超好，汤不够，给了一份猪骨汤，没有味精味，店里自己熬的吃到最后发现汤里的肉碎和炸黄豆都是用心了的，第一次吃到一粒一粒的好肉碎，好肉，一粒一粒吃都有香味，黄豆也是酥脆香口，没有过期的油的味道店里字画都很逗乐，老板应该是个有要求有脾气的有趣之人！特别写个评论鼓励一下！希望好店变老店，

一個人路經過中環，見到有一間裝修設計好特別的店，外觀好有宮庭式的感覺，剛好肚餓，便入咗去試試，原來食米線的，坐定定便自己點餐，看見有幾款招牌特式的餸選擇，我選了油麪（自己對米線麻麻哋）沙爹湯底，另外點了麻辣豬手，陳皮魚蛋之類的東西，另外還有那個怎麽椒香魚皮，感覺出品中上，豬手好食，不會過淋，陳皮魚蛋睇得出炸過先放落碗，唔同出面滾兩滾就算，最估唔到佢個魚皮，爽、脆、入味！正！仲未個麻辣醬，聽講話攞金牌的。下次一定要領教下先，睇得出佢有認真做好出品，招呼方面，啲姐姐好似當你屋企人咁，周不時問你，夠唔夠冷氣，夠唔夠湯，只要你一個眼神，佢就問你：有咩幫到你？非常好的體驗，總結有92.34分（100分計），下次再來面聖！