薩莉亞意式餐廳 (牽晴間購物廣場)

Open Now

Now Closed

母親節去食預左會等得耐啲，第一輪叫左啲野食等左半個鐘左右先黎，ok fine!之後唔夠飽諗住再叫多2樣野食，等左9個字多啲，接近一個鐘都未上到，最後出去埋單，就話有啦，為左唔難為前線員工，唯有外賣走。一齊埋單的其他顧客都話催完又催先有得食。薩利亞咁大個集團，點可以容許咁既服務質素。原本想由佢，但太嬲，真係要分享出黎。我唔expect 食餐飯，6點入座，7點9都未食完，仲要最後冇上齊野，大家都唔夠飽咁走。

食野方面，D野食同其他分店嘅差唔多，都係麻麻地啦，例如Pizza偏凍（唔知係冷氣大定係真係唔夠熱），份量又細份左，連芝士粉都當係add-on攞嚟收錢，比起以前係無咁抵食㗎啦，但都仲算係「平民之選」之一嘅。不過啲服務態度真心唔得。一家幾口出嚟食飯，帶住小朋友，一路都正正常常……等到個waiter上菜，係有空間嘅情況下，將鐵板擺細路面前（仲要唔止一次、唔止一個人）；之後人地啊爸啊媽激到發火，其中一個waiter仲要夠膽死返轉頭對罵，結果要叫manager過嚟先解決到。明明係「日式家庭餐廳」都做唔到kid-friendly，呢間分店無下次

去到都未坐好就見到好大隻曱甴由廚房爬出來爬到我隔隔離客人腳下 有7cm咁大隻我同對面枱客人都勁大聲尖叫我即大聲叫職員有曱甴兩個職員行過黎時 已經爬咗上牆其中一個職員拎左兩張紙巾就徒手捉曱甴捉完佢快速掉係廚房門口垃圾桶就直接行出去招呼其他客嘩 個純熟度 擺明就係成日捉否則真係做唔到佢咁冷靜快狠準咁徒手捉曱甴已經嚇到我冇咩心情食但出面真係好熱 熱到就中暑 唯有照食點左個菇意大利飯同菠菜三文魚意粉雖然知道同圖片會有出入但完全兩樣野黎野菌意大利飯 一直都有食開嘅但今次好似唔記得落調味料咁 無味咁菇總共得5粒個意粉得啲啲汁 食落完全係白烚意粉 無味嘅菜得兩三條 三文魚又怪怪味咁真係無下次

好方便又多元化既餐廳， 想食咩都有， 今日點左個墨魚汁飯，pizza，薯蓉同埋煙三文魚外賣。熱辣辣好好食 個墨汁飯大大盒 每啖都好平均有好多墨汁 同埋海鮮都唔算少。個薯蓉雖然乾左少少 但過下口癮都還可以。pizza食唔晒留下午茶 再焗返熱都一樣好食。 煙三文魚就實好食啦 最中意就係咩都可以叫下 好似食自助餐甘 一個人都可以叫幾樣野吃，真係唔係到到都得，外賣盒都抵讚， 保存得好好 仲可以洗乾淨重用， 日日都見到好多人去吃 價錢合理 外賣首選。

雖然粉嶺呢間舖就負評多多，又話佢污糟，又話d員工唔禮貌，不過我經過開都照入咗嚟試下。入到嚟係無員工喺門口，我都係自己嘟完安心就入去，入到去都有好多枱未收碟。但驟眼睇其實員工真係唔夠，得兩個侍應加一個類似店長嘅人，侍應仲要入埋廚房出餐，見到都覺得攰😵‍💫坐低叫野食，好快有職員埋嚟，食物都好快到。其實食物味道好好😋而且都唔會hea，湯又唔會好稀咁。講真，呢d價錢呢個質素算係咁啦！🙊不過真心建議餐廳請多一兩個侍應，至少睇住收銀唔好比人走數以下唔講咁多喇！食野先！😁

訂餐已可取餐但店員仍未察覺，因本人已反覆問了三次，已經見到餐桌上訂餐已準備好，但這店員否認未有訂餐可以領取，對此店員的工作態度存疑，當發現出了問題並沒有向客人表示歉意. 本人十分無奈. 藉此機會向餐廳反映店員的質素，有待改進.

身邊嘅朋友好多都話薩利亞好污糟、邋遢(事實上，堂食嘅餐具真係污糟嘅) ，但好似從來未聽過話唔好食。我一向都覺得佢係小資女嘅恩物，以低廉價錢就可以食到好食嘅西餐。今日就用到OpenRice 嘅「外賣自取服務」叫餐，到手至到行10分鐘番到屋企仲係熱辣辣，合格有餘呀！最近好鍾意食🌱羅勒青醬類意粉，貪佢🟢綠綠地色，好似健康啲咁，而薩記嘅🐔🍝青醬雞肉野菌意大利粉($36) 個味調得好好，有青醬之餘，仲有少少忌廉同菇味。雖然雞肉係白烚完先放落去撈，但我反而欣賞佢哩點，煎過嘅雞點都係會比較熱氣！本身哩兜嘢係有黑椒，但可以落單時備註提師父唔洗加。🐙🍝墨魚汁意大利粉 ($36) 係Oppa 嘅order, 我本身麻麻地食到個嘴好污糟，又好難整番乾淨嘅野，不過都幾ok, 如果多番啲墨魚肉就好喇～🐔原味雞翼焗($22) 得幾靚，但我估自從氣炸鍋嘅出現，呢碟野需求會大減。但無計啦，屋企最基本焗爐都無時，就要比錢出面食。🥬意式菠菜伴煙肉($22) 係每次我去到必叫嘅嘢，如果你當佢一碟油菜咁叫係貴貴地，但當佢係小食睇，價錢又fair 嘅，哩碟嘢本身同樣有黑椒，唔食得嘅，記得叫師傅走啦～

第一次用openrice外賣自取，想不到薩莉亞都可以，十分之方便快速，而且價錢也可以平一點。食物水準依舊熱的，疫情關係蒜蓉包都會包好，感覺新鮮，建議大家可以使用，有時候亦都有便宜的優惠，而且時間十分準確，未試過拒絕訂單及很遲才收到食物

跑完步之後過嚟窮人必食嘅薩利啊，諗住大吃一番。經過前牌上晒報紙Facebook，店舖有曱甴又污糟呢個新聞之後，我諗佢哋會更加注重！點知嚟到好似冇乜改善，食物質素同埋水準每況愈下🤔好似呢個魷魚明太子意粉咁，佢嘅魷魚圈真係超級少🥱🥱另外一碟菠菜，真係慘不忍睹，下面仲有好多菜汁，唔明點解咁樣都可以拎出嚟見人🤔其實其他分店未去到咁差，係呢一間嘅廚房特別有問題好彩落單嗰個姐姐都好有禮貌，但係其餘就一般般！希望佢會再注意下，有機會再嚟食

介紹下喺平民西餐廳蕯莉亞幾個我必點嘅item。平均每人五、六十蚊就食到飽，真係窮人恩物。辣味雞翼辣辣地，好入味，好開胃。白汁雞肉焗菠菜個配搭好新鮮但又出奇地好味，白汁焗出嚟好香好creamy，配埋啲菠菜食好夾。蕃茄蜆肉意粉如果唔想食啲好Heavy好膩嘅意粉，蕃茄意粉就最啱啦。酸酸辣辣非常開胃。明太子海鮮意粉好creamy，好足料，有蝦又有魷魚，好抵食。幾鍾意薩莉亞嘅意粉，麵條比較幼細，質地好滑又帶d彈牙，好味。

今日放假諗同媽媽去食乜好，放親假都飲茶想試下其他野，醒起牽晴間開左間薩莉亞事不宜遲，去相!!!法包熱辣辣，好香脆。用來配個粟米湯一流小朋友野，純粹過下口癮今次依幾隻雞翼都好瘦削下，食落唔太juicy依個意粉真係all time飛佛，個汁好好味，creamy得黎唔會太膩岩晒芝士怪起餐既速度非常快，食得好過癮。依個價錢食到咁多款野食唔好話抗通脹，直頭抗埋抑鬱。返到屋企先醒起冇叫到甜品，不過唔緊要，一定會再回頭

薩莉亞出名多人，等位等得耐，但今日係平日，所以晚餐時段比起假日都唔係等左好耐，大約等左半個鐘就入得。我和朋友叫了溫泉蛋卡邦尼意粉、Pizza同芝士法包。Pizza同芝士法包味道都ok，值得試，但溫泉蛋卡邦尼意粉真係好一般，太多汁，我同朋友都唔太鍾意。價錢方便係抵既，唔洗100蚊就就食到幾樣野，而且都好飽肚，但衛生就真係要改善，刀叉好似洗得唔係咁乾淨，忍唔住自行用清水再洗過。服務就無咩特別，點餐上餐速度都算快，環境都幾嘈。

7月5號,我同我呀媽黎食野,叫左個墨魚麵,周打海鮮湯同一個pizza。味道上黎講一般,不過本身志在放假同屋企人食餐飯,所以味道黎講算係小事。重點係,有個女性服務員黎出餐,自己出錯餐仲怪我呀媽明知出錯餐就唔好亂搞,心諗:吓,你就咁放個湯係枱面,我就當個湯係自己叫個個嫁啦,妳比左錯餐仲怪我地?仲要事後個服務員出我地餐都就係放張枱到,好似我地錯先得罪佢咁,搞到個人食到冇引同埋搞到屋企人好尷尬。之後好聲好氣叫佢比個叉黎,佢就話自己攞,但係隔離枱班學生話要個餐具,佢就馬上去攞比佢地,真係越食越冇引。呢間餐廳真心唔推薦同屋企人黎食,跟本就係睇人面色食飯。

食dinner.. 9:30PM左右一個後生仔幫我落order, 我同男友巳經慢慢點, 因為知道 "鐵板洋蔥蒜蓉雞" 成日要等好耐, 咁我就order "鐵板洋蔥蒜蓉漢堡牛肉", 我指住幅圖黎order,  諗住佢應該冇幫我地點錯啦.  過左一陣, 睇到佢地出俾我張單, 個後生仔幫我落左"鐵板洋蔥蒜蓉雞"...  真係幫我落錯左. 之前, 巳經試過唔只一次落錯order... 我地成日去幫親既.之後, 等左好耐, 因為通常叫牛肉都出得好快. 咁我就叫一個員工黎問問, 佢就大聲話巳經常我改左order, 巳經整緊, 態度好差, 一句唔好意思都冇. 之後, 10:10PM左右先有, 係佢上菜, 一句唔好意思, 一句說話都冇, 放低就走左... 好似我做錯野咁.. 本身諗住算數, 因為好多員工的態度都好好, 好有禮貌. 但係, 真係要改善一下某D員工既服務態度...  如果雞係要多D時間煮就先告知客人, order 可能要等耐D... 之前我男友試過等成45- 60mins 等個鐵板洋蔥蒜蓉雞 ... 真係耐左D囉... 趕時間就真係死得..  果個員工一向態度唔好, 做事手法也不太同意.