薩莉亞意式餐廳 (黃埔天地百寶坊)

Open Now

Now Closed

自從日日媽媽帶我食過後，就成日想再食。公司附近有，但永遠排晒隊。終於藉著平日放假時去食吓!由於平日，時值2點多，見唔洗排隊，即入!喜歡的食物"蕃茄海鮮意粉"，不在午餐menu內，只好散叫!見house (red) wine $16杯，又叫埋!海鮮份量ok多，有墨魚圈，蝦同青口，同意粉都好入味!我並非對紅酒很有研究，可是它送來時是凍的，有所懷疑，因為平時飲的都係室温! 咁就問吓google 大神，參考了 作者: 韋婉愉/《品酒世情》葡萄酒的最佳温度/2016年6月2日 的文章，原來凍係啱嘅。畢竟，紅酒要慢慢飲，但齋飲又怪怪的，於是叫了客芝士蛋糕。蛋糕芝士味未夠香濃，但配紅酒都夾到。這間連鎖餐廳裝修不是華麗的一類。有自助飲品角落，按枱上的鐘去呼喚侍應落單，食物有侍應端上，這些跟平常的餐廳有分別。

Had always seen queues outside this restaurant so thought i’d give it a try. Opened the menu and i could see why!! The prices are super cheap! Having lived in hong kong for over 6 months now i havent been able to find decent priced western food and now i have! We ordered the clams - wouldn’t recommend it. Clams still had sand in and alot of the shells were broken. Chicken and mushroom pizza- taste reflected the price - wouldn’t recommend ordering pizza hereWe then got two pastas - the pastas wer

意式家庭餐廳薩莉亞愈來愈多分店，主打平價小食同焗飯意粉類，價錢夠哂平民化。紅磡依到近住理工宿舍，所以學生會比較多，好多時候都要等位。（如果夜晚要食，最好係七點之前黎拎飛。）每次黎親，我都會叫雞肉多利亞，雞翼，鐵板蜆同墨汁意粉。依到啲焗飯廿幾三十蚊左右，平時多人食就會再另加一個白飯拌落焗飯到，因為啲汁都多，加左白飯食得冇咁濟。比起飯類，依到啲意粉唔算岀色，不過墨汁意粉唔多餐廳會食到，比較特別。雞翼可以簡4/8隻，食落會有小小辣。鐵板蜆唔算大隻，黑椒味偏重，份量適中。黎得依到，最好坐岀小小，入面卡位會比較難收到手機訊號

發現左呢間係公司附近既薩利亞，呢間堪稱性價比最高，最貼地既意大利餐廳，唔好睇佢定價咁低，就以為係垃圾，其實佢真係好好味！芝士焗薯，係我每次黎都會叫既，即叫即焗架呢個，要預反15-20分鐘咁，我仲會加大量芝士粉，一啖芝士一啖煙肉。

今日又去咗一間成日試嘅餐廳薩利亞😂今次我試咗牛扒（$59）同埋芝士焗薯角（$17）牛扒方面，我覺得牛扒肥瘦均勻，而且食落去口感好正，因為牛扒本身切得好厚，唔會話好似出邊有啲餐廳咁切得好薄，所以覺得幾好食😋😋美中不足嘅係，鐵板上面嘅粟米成日都會窿窿地，而我係好鍾意食粟米的，呢點可以改善一下。芝士焗薯角方面，半溶化嘅芝士撈埋煙肉薯角一齊食，味道一流！作為芝士控表示好滿足，但係細食嘅人食一碟扒再加焗薯角應該會幾飽下😂😂

攻略：雞翼同pizza唔錯飲料放題必點 只要飲到兩杯就可以回本沙律既菜唔太新鮮同偏黃 不過念在呢個價錢就可以接受既坐得尚算舒服 適合帶小朋友黎 都幾岩小朋友口味題外話：日本當地既薩莉亞餐廳既食物無論賣相及味道都比香港既薩莉亞餐廳出色很多 尤其是佢既雞翼 好多人玩外賣佢既雞翼返屋企咬 希望香港既薩莉亞餐廳可以繼續努力 希望有一日佢會做到日本既水準總結：薩莉亞向來係窮人恩物 平價日式意大利菜價錢平到咁 都唔會對佢有乜期望啦 總言之就不過不失啦 下次糧尾依照會再黎

讀書既時候最中意食薩莉亞，因為夠哂平又可以一次過食好多唔同野，以前薩莉亞仲要未有好多分店，要排粒幾兩粒鐘先有位！好彩而家越開越多分店辣味雞翼，食落有小小辣味個皮幾香脆，又醃得好入味，如果雞翼可以大隻小小就好喇🙈蒜蓉焗田螺，蒜蓉迷既大愛超多蒜蓉，田螺食落幾爽口唔會好韌。肉醬多利亞，我既至愛，每次都必叫，不過質素唔太穩定，上次食唔夠汁比較乾，今次就好多汁啲飯又唔會太腍太硬，真係好好味！仲叫左個菠菜煙三文魚忌廉意粉，係幼身既意粉，硬度適中，煙三文魚略為咸左小小。食完個陣就見倒開始要排隊，好彩早啲去咋！

薩利亞好適合一班朋友去聚餐，cp值高又可以share好多小食一齊食💕主食方面推介甜蝦闊條麵～焗出黎個時聞落已經好吸引，一咬落麵個度，入面嘅白汁湧哂出黎！當然唔少得雞翼開心share🤤少少辣味，d肉又嫩又滑！每次去到最後都要猜赢左先可以食埋最後個隻雞翼！🤡而芝士焗薯角都好正，芝士濃得黎有少少融左係薯角上面，食落有雙重滋味～次次一到就俾其他人搶哂😢😢其他小食都好好味！強烈推薦大家聚餐食薩利亞～

同事係咁話要食薩利亞，唔食就殺你呀，講左成個禮拜，終於到左星期五就大隊一齊由公司行到老遠既呢間薩利亞食lunch.薩利亞初初開到成巷成市果陣都成日食。不過食左四、五次之後已經生厭，食物質素同食叮叮點心無異。如果有得揀，我係唔會食。呢日lunch嗌左蜆肉茄汁意粉、忌廉菇菌意粉、pizza，焗雞肉菠菜、八隻雞翼。不過起初唔知跟餐加$13蚊會有自由斟送沙律，後來補嗌返嘅時候，侍應理解錯誤幫我地出多兩個全餐，真係搞笑 🤦🏻‍♀️🤷🏻‍♀️ Anyways~ 最後無計多我地錢就算。雞肉菠菜食得過 👍🏻 可惜無影相忌廉菇菌意粉算好食，味道唔錯。蜆肉茄意加左白酒，不過係好劣既白酒，所以食落有D嗆喉，唔好食。Pizza... 仍然係叮叮pizza既質素同味道 😅食飽每人盛惠五十蚊。雖然平到笑，但我真係唔鐘意食 🤷🏻‍♀️sorry...

作為一間葷素共融的食店，薩莉亞的選擇都是足夠的。今晚吃了野菌忌廉意大利飯、農舍(野菌)和黃金粟米薄餅、菠蘿什錦蔬菜沙律，還有，當然少不了每次也會選擇的自助飲品吧(每位13元)。放心，黎薩莉亞開餐，素食朋友都一樣夠飽的😋

噚日去開黃埔做嘢做到差不多lunch時間，決定食埋先返公司。之前都食過薩莉亞其他分店，覺得平均都好食又抵，一個人的浪漫，食個意式午餐先~我揀咗黑松露野菌忌廉意大利粉配飲品吧及田園沙律(即8+A)。黑松露意粉大碟得嚟又夠熱同香，胃口大增。加埋新鮮沙律，汽水又任飲，大熱天時我足足飲左4杯，非常豐富👍🏽我叫嘅set已經差不多最貴嗰款，都只係47蚊，好抵🤤結果，係趕住返公司又肚餓又掛住食嘅情況底下，我唔記得影碟意粉😭😭😭

其實這間走平價路線的意式餐廳，在香港已有十多間分店，我其實也它的常客，說實的，價錢抵，食物質素中上，還有上菜快，是它的最大賣點。那日中午來個平民意大利午餐，叫了野菌忌廉意大利粉，周打魚湯，甜蝦沙律，菠籮煙肉簿餅和一份飲品(任飲)，意大利粉都夠腍，很掛汁，那野菌好香，忌廉汁很濃不會太咸，加D芝士粉會相當可口。Pizza熱騰騰送上，厚底，餅底好吃不硬，菠蘿同煙肉夠多，絕不比Pizza X差。甜蝦沙律的甜蝦新鮮，沙律醬汁不太多，好清新，另外周打魚湯也好喝，夠濃郁。我加12元，又可任飲，飲了各式汽水，奶茶，咖啡，美緣，綠茶共8 大杯

星期六晚（今晚）係我期待既張敬軒演唱會。等左足足3個月。睇之前，森仔緊係要醫飽肚，再去威！所以就近近地去黃埔薩莉亞食。薩莉亞出名平靚正，20以下有不同小食，30以下又有各種飯面同pizza.例牌，每次我一定會叫以下的食物，今次當然不例外。1. 肉醬多利亞：e個肉醬多利亞真係皇牌中皇牌。味道真係調得好好，白汁濃而富忌廉味道，咸中略帶少少奶香，再配上蕃茄肉醬果種酸甜，兩種味道交叉的共鳴著！真係食到停唔到口2. 焗雞肉粗管面：e個亦係必點之列。原因好簡單，佢個白汁都係一樣甘重忌廉同奶香味，而焗完後，粗管面表面上脆脆的，而中間則充滿白汁！味道足，岩晒濃味的食家。3. 煙三文魚：作為前菜，佢亦係森仔必叫的。因為森仔太鍾意三文魚😂😂😂所以去到邊，都會叫。而佢24蚊有成5大片，真係好抵！仲要配埋檸檬汁，果種酸味更帶出一種更清新的味道！4. 辣雞翼:雞翼煎得好好食，仲要辣辣地，好適合嚐辣的朋友。價錢17蚊4隻，亦算十分便宜。扺食！5. 周打蜆湯:森仔自從係pizza hut 飲過周打蜆湯便對此情有獨鍾。見到有周打蜆湯就會必叫。e個蜆湯滿有忌廉味，味道亦配合得不錯，亦有蜆同薯仔在內，不錯。不過，始終比不

週末的晚上，想食西餐，薩利亞係一個唔錯嘅選擇。店內地方闊落，有好多卡位，坐得舒適。首先點了個沙律，蔬菜好新鮮。辣汁西蘭花，賣相好得，有少少辣，視乎個人口味。雞球外脆內軟，好有口感。田螺係我嘅至愛，每次都要order兩客，大大隻，以蒜蓉焗，很滋味！意粉加上適量的芝士粉，味道好夾。小朋友喜歡的腸仔，鐵板上，熱騰騰，小心燙口。主菜除了意粉，仲有漢堡，都係鐵板上，滿滿的洋蔥很合口味，我們還點了照燒汁肉眼牛扒，忘了影相。飲品方面，係自助形式，一個價錢order後任飲。總的來說，這個價錢係物有所值。

自從薩莉亞轉左餐牌之後，都隔左一排無食。今日見唔係好多人，決定入去食個lunch。見餐牌個溏心蛋肉醬多利亞好似幾吸引就點左嚟食。但係上檯時隻溏心蛋爛左🤢 味道都無乜點影響嘅，但係個飯太少，少到有啲痴底，同時又有好多芝士同埋cream，所以食完都幾’漏’下。有選擇困難症嘅我，又想食蘑菇，又想食雞肉。咁啱見到有呢個組合嘅pizza，就即刻點左😋 pizza每邊嘅份量都好多，仲落左唔少黑椒增添香氣。以呢個價錢可以食到好味嘅pizza真係不錯🤪最後嗌左黑松露意粉。上檯已經聞到好香嘅黑松露味～醬汁份量適中，唔會太乾。麵條份量都好足夠，我地兩個人食都飽到唔係好食到😦不過整體嚟講，以平平地嘅價錢食到西餐都係一個唔錯嘅選擇～轉左餐牌都無影響質素，但如果有返之前嘅青醬意粉就好喇😫