薩莉亞意式餐廳 (黃埔天地百寶坊)

Open Now

Now Closed

連續兩日食咗薩莉亞！成日心血來潮想食意粉，薩莉亞絕對係平價之選，雖然份量唔算大碟，但勝在價錢便宜，而且小食多選擇，最鍾意就係雞肉焗菠菜！叫一碟意粉再加多一兩款小食，大滿足！飲品就唔建議加錢，因為唔算太抵。

平時同朋友食晚飯 求其諗唔到食咩好 就決定去食薩利亞  便便地 又算多選擇見到menu出咗一嗰新出嘅溫泉蛋煙肉忌廉意大利粉 好似好吸引咁 就叫咗一份嚟試😋嗰溫泉蛋幾正 忌廉汁都入味 挺不錯的之後都叫咗個菠菜煙三文魚意大利粉同埋鐵板牛肉漢堡排 意粉質素唔算差 都幾好食 不過三文魚數量唔算多 鐵板都不錯 肉味都幾夠😋 仲有不少配菜 夠飽肚

香港既飲食文化入面，唔單止係咩國菜色都有得食，仲係豐儉由人，好似有明將壽司，花園餐廳鋸扒，仲有仲有，食日式西餐既薩莉亞！我本身唔太好西餐，但日式既西餐，細細碟好精緻我黎味道都唔佢過份重口味，岩晒我！環境：雖然話就話連鎖店間間分店都係差唔多，但其實執過幾間就發生有d衛生情況真係幾差，可能多人黎食野唔夠人手，長期冇人執枱，地下又淋痴痴，諗番起都驚。但呢間開係黃埔既分店，算係幾間去過既薩莉亞最乾淨個間喇！服務：侍應態度比較冷漠，其中有枱客去到被安排既坐座後覺得個位太凍而同侍應反映，而侍應就表示淨係得番呢張枱，要就要，唔要就冇喇。聽到有d無奈。衛生：承上所講，呢間分店既衛生情況比起其他我去過既其餘幾間分店要好。味道：我最鐘意食呢度既雞翼，平時唔食辣既我都接受到，而且仲好野味！另一樣每次都要嗌既就係雞肉多莉亞，雖然細細碟，但就有大大粒既雞肉，配軟淋淋既意大利飯，好易入口！煙三文魚簡單得黎又清新，又係另一種好味！鴨脾配腸啖啖肉，略嫌肉類少少偏鹹。次次都會隨機點d貝殼類，因為幾乎樣樣都係滿意既，今次食到肥美既青口。反而蔬菜類真係差d，呢個西蘭花冇乜特別。抵食：係薩莉亞好難食到人均消費過100蚊，就有

好多年無去食薩莉亞 因為一直都要排長龍最近路過 見到d野食認唔住 終於決定去排隊好彩紅磡都唔係排好耐 2人15 分鍾左右？ 薩利亞係平和真係食得飽 不過最重要係餐牌都係 我食的comfort food一份的size唔算大 不過可以借機可以叫好多碟 叫了一個mixed 嘅pizza 烤雞 和 蘑菇厚批餅底鬆軟唔油膩又多芝士 蒜蓉包 皮香脆 包心仲軟軟地搽滿醬溫泉蛋carbonara 意粉al dente 煙肉唔係那種得肥膏無肉的有d似意大利煙肉 吉穿個蛋黃 變做意粉醬 滑嘟嘟又無腥辣雞翼 雖然辣左dd 但惹味 唔想停洋蔥蒜蓉漢堡排 配甜甜地的sauce 又有蛋 薯角和 粟米 超豐富個漢堡扒用澳洲牛肉做 但食落味道和質感 好似和牛漢堡排的味

一大班人食飯當然要去薩莉亞 紅磡分店好大 我地六個人一點到都只係等左一陣就有位首先係試下新出既黑松露野菌忌廉意粉 黑松露味好香 又有好多汁 食落唔會乾 味道好香濃 再加上好多juicy既菇 唔錯唔錯咁多人食當然都要叫下小食啦辣味雞翼係必點 醬汁好味 雞肉又好滑 香辣好過癮 芝士焗薯角都係每次必點 真材實料好多芝士趁熱食痴上薯角好好味 仲可以有埋拉絲既效果 好正再加上煙肉 增加層次感 亦都豐富埋味覺 更好食而蒜茸法包都唔錯 趁熱食 外脆內軟 蒜香味濃如果有點埋餐湯就更好啦最後仲有香辣腸 都正常 值得一試

今日lunch平平地又去左薩莉亞到食，我哋六個人去食，每人叫左一份主菜，然後再嗌左啲小食share食👅👅👅首先嚟到嘅就有呢啲小食，分別係芝士焗薯角、辣味雞翼八隻、同埋蒜蓉蒜包。不過因為雞翼得八隻，我哋六個人唔夠分，所以搞到最後要差包剪揼決定邊個有得食多隻😂😂😂呢度啲小食全部都好好食，特別鍾意雞翼，雖然佢話係辣味雞翼，不過其實辣味唔係好重😂😂😂我自己就叫咗個雞肉多利亞，份量唔係話特別多，所以即使食完好多小食都仲食得落！同學就好多都叫咗個黑松露野菌忌廉意大利粉，雖然我無食，但係都聞到佢哋果啲好香嘅黑松露味！最後埋單，每人＄45，唔錯唔錯🤘🏻🤘🏻🤘🏻

平民意大利🇮🇹餐廳： 薩莉亞。有位朋友近排食左佢地既黑松露意粉，強烈推薦我去食，所以我今次就刻意去試下。如果鍾意好重黑松露味既朋友仔實好鍾意！因為碟野送緊過黎，已經聞到勁大既黑松露味。雖然一如既往既小份量，但係我今次係食唔哂。因為我覺得略為有點太過 creamy。所以成個口感都好heavy，所以食到最後我已經覺得有啲膩，食唔落。所以如果鍾意比較重口味，厚重既口感，呢個可以一試。 去得薩莉亞，當然係要食小食啦。雞翼係一如既往我既最愛～～ Spicy and juicy !! 呢個就一般，無乜特別。香脆既法包呢個我都幾鍾意。濃厚既芝士配薯仔 Yum yum 一大班人去食，小食又可以大方咁叫～性價比就係無得輸。

見到最近推出新menu lunch time同朋友過黎試下😛😛🔸黑松露忌廉意粉 트뤼플 크림 파스타🔸 $35轉左新menu多左好多pasta💜但少左番茄海鮮risotto☹️😣 意粉上落左cream 有好多菇菇黑松露味好濃但有點人工無可厚非出面cafe的truffle pasta好味多了🙈但這個價錢不要要求太高hahaha🔸野菌雞肉pizza 닭고기x버섯 피자🔸 $35轉左新menu多左好多pasta💜pizza方面有雙拼omg選擇困難症者的福音🤤仍然是滿滿的配料但好油似係芝士熔出黎的表面有一層油呢樣就...有點扣分但我地食唔飽 趕住走結果去掃零食😆.

呢排好多野做冇乜時間，所以今晚就近近地去薩莉亞食個晚餐算，諗住薩利亞食過咁多次應該都係普普通通冇咩特別，點知今日夜晚去完全有中伏嘅感覺！首先嚟到嘅係呢個溫泉蛋卡幫拿那大利粉，諗住佢係新野多咗隻溫泉蛋，所以就叫咗嚟試吓，點知佢嘅味道完全冇乜驚喜，食食吓仲見到意粉入邊有雞蛋殼🤦🏼‍♀️而且煙肉嘅份量都比平時少左好多，得幾塊眨吓眼就食完。之後就到呢個野菌忌廉意大利飯，落左單好耐都未黎，到到我差唔多食完個意粉，朋友嘅意大利飯先至到🤦🏼‍♀️🤦🏼‍♀️而且佢個忌廉汁多到好似湯飯咁，飲嘅軟硬度又好唔一致，有啲軟有啲又好硬。

好多人都食個薩利亞呢間餐廳，因為佢性價比高，食物質素唔錯，最鍾意食佢嘅雞翼！明知佢係咁平，一定唔使睇餐牌就可以另外，我哋四個人叫咗10幾樣野，當中最鍾意食嘅一定係雞翼，燒雞翼一共叫咗兩碟，佢細細隻，容易入口！另外我亦都叫咗牛扒不過牛扒就強差人意，非常之硬，切得好辛苦！食落去好乾，又多肥膏，一啲都唔吸引！不過只係＄56 !佢個白湯一般，但蒜蓉包尚算出色，我夾埋一齊食都好開心！我仲叫咗青口、田螺、飯、菠菜、仲有兩個意粉！其實冇一樣野係特別好食但係性價比好高，冇一樣野特別難食，難怪等位嘅時候，出面全部都係年輕人！

薩利亞一向都係年輕人食快餐嘅平價餐廳，今日去到紅磡，我都要食一餐！我哋一行四個人，丟到全張枱都係，差不多半個Menu都俾我哋叫盡左，而我最推介嘅一定係雞翼！佢出雞翼雖然細細隻但係非常入味，燒雞翼我自細鍾意食，呢度嘅雞翼除咗入味仲好似份量啱啱好，四個人叫兩碟，食落都唔會太heavy！另外我最鍾意就係食呢度嘅田螺，雖然佢好多油，你哋睇都知，但味道出奇地好食，特別係如果你係鍾意食貝殼類產品，你就發現佢嘅田螺非常之諗，而且充滿洋蔥味！對於湯，我冇任何嘅評價，因為係罐頭湯，但係佢個蒜蓉包，為呢碗湯加左10分！不過佢嘅沙律就強差人意，我記得以前喺粉嶺食過，明明三文魚比較多，玩撈勻左先知上菜，今次明顯好hea！不過最失望莫過於係呢個牛扒，全晚最貴嘅一碟菜，都要＄56架，個牛扒有好多肥膏有多斤，可以食嘅位置已經唔多，仲要好硬，食到彭牙都有啲攰啊！朋友推介我食呢個羊架，講真，真係有啲失望，因為好肥，我拎上手村啲都係油，羊架全部都係肥膏就已經估到啦，我咬落仲要係半生熟，我就唔鍾意啦！

喺香港啲意大利餐廳普遍都好貴 通常都貴到離地 一餐閑閑哋都要幾斤嘢先落到樓 好似我呢啲咁樣嘅無產階級勞動人民嚟講 想食餐意大利餐就好似要個80歲阿婆行上IFC頂樓咁樣不過自從有一間 「薩莉亞」出現之後情況就改變 因為呢間係平民價 大眾化嘅價錢 就連我呢種無產階級蟻民都食得起出面意大利餐廳賣得好貴嘅墨魚汁意粉 呢度買得好平 價錢大概同一盒燒肉飯差唔多 墨魚汁意粉好好味 味道好香 意粉唔係淋be be果種 食落好有口感配埋啲魷魚真係好好味 令到一啲好似我呢種平時根本冇能力食真正意大利餐嘅人都食得到意大利食物 真係感謝鐵板魷魚 真係鐵板上原條魷魚爽口又彈牙配埋啲汁真係好味 仲有個海鮮意粉都係好鮮味 蕃茄醬汁好好味又好香甜 真係又平又正又好味

又係探訪時間完左一個朝早 緊係要lunch 然後坐下休息下最後搵左剎利亞 剎利亞一直係平食 意底餐廳 小弟同同學仔分別叫左 雞肉多利亞菠菜煙三文魚意粉同埋一個pizza 個pizza 名唔太記得叫咩 不過就係有2隻味， 一隻係雞肉 另一個係田園風味 可以一次滿足多種味道 由於太肚餓 同呢到水準一直都ok 又唔太油 不過分量唔算太多 但還可以叫做飽飽 雞肉多利亞好好食 雞肉都幾多 醬汁幾野味但如果大份啲就好了 意粉又係好好味 菠菜夠淋 煙三文魚咸咸香香 最後食埋pizza 好滿足 材料都豐富 啖啖口感好正 總結 每次開sem 都會食一次 好開心 豐富

自己一個人諗唔到食咩既時候，除左快餐店同茶記，我通常都會去薩利亞食個平價西餐。每次食都覺得好抵，選擇又多而且水準都屬於中上。今次又食最愛既雞肉多莉亞，其實姐係芝士白汁雞肉焗飯。雞肉其實已經被焗到乾哂，但就係咁會有少少脆口，撈埋d白汁會有多d口感冇咁漏，個人黎講係幾中意。唯獨飯量真係比較少，真係肚餓既時候單點一個飯真係唔夠，但價錢咁平，可以叫多幾款，食飽哂人均消費都唔貴，完全係窮人恩物，薩利亞萬歲！

晚上7:30到已好多人等位~食了鮮蝦粗管麵，熱辣辣加少少醲芝士好好食另一驚喜係天使蛋糕。底層有脆脆同朱古力碎，加埋cream好正服務好，食物性價比高，一定會再黎！