薩莉亞意式餐廳 (新葵興廣場)

Open Now

Now Closed

今日因為竹竹要去拍封面，放低咗佢之後喺附近搵嘢食。行咗幾間見到呢間有卡位就坐低了，因為坐嘅時間都長，要揾間大d又多位剩。好啦，獨食時間俾多次機會你！🥢嗌咗個「粟米忌廉湯」唔記得影呀！🥢之後嗌咗個「香草牛油焗田螺」🥇印象中第一次食，都算好食，不過裏面冇薯蓉㗎！🥢「原味雞翼」四隻我個人唔太鍾意好乾身嘅雞翼，所以食唔哂🥢「檸檬紅茶」甜到飲唔落口，最後轉左七up買咗個自助飲品吧$13大人，仲有其他嘢飲除咗汽水之外。🥢環境呢間分店算整齊同乾淨所有餐具都分類左，擺得好整齊。今次雖然嗌咗超過三樣嘢以上，但係我覺得得一個可以攞今日個獎牌🥇

薩莉亞其實一間從日本開過嚟香港嘅西餐廳曾經從一個節目中聽過薩莉亞老闆嘅經營模式，原來佢從生產到，管理員工，營運，食材規劃等等，都花上咗好多心機，所以先至令到呢間原本差啲倒閉嘅餐廳可以開到成行成市。我最鍾意就係食佢嘅肉醬多莉亞當中嘅肉醬同埋白汁，配合得天衣無縫，今次就叫咗個lunch set。已經包括左餐湯，沙律，蒜蓉多士同埋一個肉醬多莉亞。不過就咁食一個肉醬多莉亞就冇乜肉食。所以我另外仲加咗四件雞翼。其實結帳都係差唔多80蚊，但係真係食到好飽同好滿足。

薩莉亞，又係一個回憶😂好記得大學時代，佢啱啱出現喺香港！真係超級性價比嘅西式快餐😂今日同同事出去做嘢，見到有見到唔使排隊，所以就入咗去食叫咗個肉醬多莉亞飯新鮮滾熱辣，味道依舊另外叫咗個焗田螺同同事share 每樣嘢都係30幾蚊。最後除返開都係一人$80有找真係大件夾抵食！

每次去食無論意粉、pizza,小食、甜品……小朋友都會食得好開心，有齊佢地想食的野，食物多元化，一家大細都啱食。小朋友最鍾意食雞球、意粉，因為好多醬汁，撈埋一齊好好味

薩莉亞啲嘢平靚正，絕對係街坊平時想食意粉、焗薯、小食嘅好選擇啦，估唔到喺葵涌週末嗰頭根本冇乜嘢食，連附近嘅譚仔都收得比較早，好彩仲有間薩莉亞可以食到10點幾。西蘭花🥦忌廉雞意粉🍝新菜式又幾好味喎，可以再encore，份量都幾多，食得好開心🥳 呢個價錢真係超抵！肉醬多莉亞基本上係次次必叫嘅選擇，飯粒雖然唔多，但係質量好高！煙肉菠菜每次都會叫嘅，清淡一下～小食拼盤雞翼同炸蝦🍤都好味！腸仔就乾咗少少，炸雞都ok又有新產品😍😍忌廉牛奶雪糕好好味喎！個布甸都好Q彈！好彩有叫埋佢啫～食薩莉亞最開心嘅嘢就係買單嘅時候食咗咁多嘢都只係$150 ，喺香港地嚟講真係好難搵到，都算係平民小店嘅超好選擇！

係葵興食lunch真係無咩選擇😂今日Happy Friday，所以同同事揀薩利亞食，因為有飲品放題～放縱下揀左明太子海鮮意粉，再加錢：加沙律+飲品Bar，共$52。沙律一般，張相係被我食左一半嘅，明太子海鮮意粉的意粉都爽口，明太子雖然不太明太子，偏忌廉味，不過都好食嘅。飲品吧有汽水同咖啡。悠閒的一餐Happy Friday 午餐

早幾日經開葵興就入去薩莉亞意式餐廳度食午餐，記得之前喺馬鞍山返工淨係攞位等入座都要等超過半粒鐘，呢間可能唔係開喺大商場嘅關係，可以即入去食，唔洗等！👍👍👍菠菜煙肉香蒜辣汁意大利粉$30（8/10）肉丸肉醬意大利粉$40（8/10）明太子魷魚蝦仁意大利粉$36（9/10）地址：葵涌興芳路166-174號新葵興廣場3樓2號舖#薩莉亞意式餐廳 #葵興美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

今次嚟係星期五嘅夜晚黑。開頭仲以為會好多人好爆，所以六點九就去咗拎位。不過發現就算係星期五夜晚黑都容易搵位。原味雞翼8隻 $38雞翼好味！可能係用焗嘅方法，所以食落去唔係好油。食完之後，見到隻碟上面都冇話好多油。雞翼整得好味，大大隻。黑椒蜆肉鐵板煮$22 啲蜆都好好味姐！其實今次係第一次係薩莉亞到叫依個鐵板，不過個印象都幾好。啲咸度都覺得啱啱好，雖然食唔出黑椒味但係都依然好味。食到底見到啲白色嘅汁，如果鐘意咸啲嘅人就可以拎嗰啲汁淋係蜆肉上面。雞肉多利亞$32 隱約見到個飯係炒底，有啲蛋粒。白汁、芝士、雞肉好match ！仲要薩莉亞俾咗好多芝士，每啖都有拉絲嘅感覺好正！

星期日本身約咗單交收喺葵興加上附近工作室開倉大減價 ，想睇下衫 所以順便食埋嘢 揀咗薩莉亞基本上所有嘢都啱食 加上本身居住附近沒有薩莉亞想食既話點都要特登搭車出去首先必點一定係雞翼因為雞翼冇人唔鍾意跟住嗌咗個大蝦沙律因為自己平時好少食菜加上自己其實好鍾意食沙律跟住嗌咗個粟米芝士薄餅 ，卡邦尼意粉，兩條腸 跟住嗌咗個漢堡扒 terimisu同埋焦糖布丁 大蝦沙律蝦好細隻啦同埋都係雪藏蝦沙律醬唔夠 雞翼 就正正常常啦基本上都好難整得唔好食嘅 漢堡扒最出色加上隔離配啲粟米，薯角都係我鍾意食粟米芝士薄餅就完全係食唔到同埋曬quota因為個薄餅非常淋 一拎起 芝士粟米已經瀉曬出嚟 簡單啲講，唔好食，唔會喺薩莉亞再嗌 pizza 卡邦尼意粉唔知點解食落去好重椰子味攤耐咗仲會有咁花生醬味所以味道係一般 另外嗌咗兩條腸，非常之juicy，好味 terimisu酒香味夠重但係cream嘅比例比較多同埋冇手指餅個層 焦糖布丁非常出色焦糖味夠香布丁夠creamy 餐廳人手非常之唔夠我見成個場得兩個人加上我哋去嘅時候又差唔多飯市所以就越嚟越多人不過雖然忙呀但係態度唔錯我都好欣賞因為講真嗰句而家飲食業越忙同人

晚上同朋友去到蕯莉亞食飯，因為地區問題，呢間分店冇其他分店咁多人，所以去到餐廳都不用等位！好快入到去叫嘅食！而且份量都好大份，特別芝士薯蓉！好多芝士，又香濃好味！超happy！

咁岩今日要係葵興呢頭做野，葵興呢頭好似無咩餐廳選擇。Lunch就來左新葵興廣場度搵食，結果竟然發現新葵興廣場有薩莉亞。好耐無吃過薩莉亞了，就即刻拎飛等位。外面睇入去都幾多人吃緊，發現好多食客都係學生來的，以為要等好耐，點知即刻就入得座了。因為薩莉亞每樣野食都係細細碟，價錢又夠晒平民，今次一行兩人就叫多d唔同種類野食吃，可以當放題咁食！1. 蒜蓉法包：岩岩焗好，熱辣辣，好香蒜蓉味！2. 8隻雞翼：熱辣辣，BBQ味雞翼好味！3. 黑椒雞肉野菌薄餅：最鍾意蘑菇既香味，加埋雞肉岩岩好，薄餅未必一定要有蕃茄的。4. 溫泉蛋芝士卡邦尼意粉：將隻溫泉蛋搞拌落意粉度吃，好香蛋黃味，再撈埋d芝士一齊吃，好味啊！5. 肉醬多莉亞：即係焗肉醬飯，好香蕃茄味，肉醬唔一定配意粉的，配飯都好吃！最緊要係每碟都係$30幾，5碟加埋都係$140左右，抵食又好味！不過今次就無叫野飲，因為每人加$13就可以去Drink Bar任飲，但其實lunch淨係想飲一杯野，任飲好似無咩用，所以就無加呢$13飲野。

saizeriya周圍開分店，好多人都知道佢好平好抵食，每次同朋友去都可以叫到成枱都係野食！由於餐廳地區比較偏遠，呢間分店係唔會迫爆人，所以好快可以入座食嘢。特別係意粉好大碟！每次去食完都要叫甜品。用咗一個好抵嘅價錢，食咗一餐好豐富嘅晚餐

因為葵興地鐵站呢頭無乜好食，呢間都算係平靚正之算，尤其係星期日，好多食肆都唔開。雖然次次都係外賣，試過幾款意粉同pizza,整體味道唔錯，推介雞翼同蒜蓉包，即使拎到番屋企食，都無乜走樣，仲係好味嘅。係啲服務員cool咗少少，如果畀多少少熱誠就好。

叫左外賣自取，去到問門口個女仔佢話未有，但見到有幾袋外賣擺咗係到。最後等左20分鐘。見住另一個經理拎住我一去見到個袋外賣話個袋就係我叫左既外賣。仲同我講係岩岩整好。

今日黎到中學成日食既薩莉亞，兩個午市套餐加左沙律菜，粟米濃湯，小食要左雞翼同海草當然唔少得田螺啦。主食要左焗長通同埋松露野菌意粉。兩碟粉即叫即整送上檯，芝士入滿晒長通，外層焗至金黃，表面食到芝士既焦香裡面食到芝士既軟滑，呢個價錢，讚！ 意粉掛晒黑松露忌廉汁，意粉瓊乾先撈汁，食完唔會成碟水。 欖油田螺主要都係食蒜香，田螺夠晒彈牙，食返個回億。粟米濃湯打到蓉，唔駛𡁻。 雞翼普通，有色但無乜味。