薩莉亞意式餐廳 (美孚新邨)

Open Now

Now Closed

今日中秋節 樓面得兩個人樓面姐姐話廚房叫唔好俾人入嚟 嗰個企晒喺度一齊等餓死其實依個場都已經冇乜餐廳基本上係做獨市生意唔好話怪人哋點解唔喺香港消費廚房大佬做到你咁都算一絕

今日嚟到薩莉亞，啲嘢食真係好平，首先嗌咗個主食，肉醬多利亞，側邊啲白汁好creamy，啲飯粒粒分明，又嗌咗四隻雞翼，啲雞翼唔係炸，但係個皮依然咁脆，好多肉汁，再嗌咗兩串羊肉串，有肥膏，又唔會騷，再嗌咗芝士薯蓉，每一啖都有芝士，好正

今日嚟到薩莉亞同屋企人食下午茶， 首先嗌咗八隻雞翼， 40蚊都唔使， 每一隻都大大隻，皮脆肉嫩， 啲肉真係好多汁， 再嗌咗塊蒜蓉焗魷魚， 個魷魚好爽彈， 加埋啲蒜蓉真係好正， 最好嘅就係有自助飲品吧， 淨係需要13蚊就可以飲到唔同嘅咖啡同汽水， 小童仲平，只係需要8蚊， 下次再嚟

今日點了八隻原味雞翼價值$42，卻給了菠蘿火腿pizza價值$38，之前都試過比錯食物！！！想點蝦又有沒有，溫泉蛋加邦尼意粉又沒有，等咗成個幾鐘，得來結果強差人意😤😤😤😡😡😡

我和朋友一起去吃，都是十幾歲的，然後進去坐了一個位置，發現有嘔吐味，地板是黏黏的，顯然還沒清潔好就讓我們進去，衛生因而扣分。然後就轉了去隔壁的桌子，並且通知了服務員轉單，但當中應該是有店長職位，比較年長的那位卻竟然對我們黑臉，也不回答我們，這服務態度不如別做。但因先前坐在髒位置的時候已經下過單，因此要麻煩他們幫我們改，我們以為想其他餐廳一樣可以因為廚房還沒煮那就可以取消，但結果他說不可以，說是已經先前表明了這件事，沒關係這個可以原諒，只是再一次他的態度令我們不感到被尊重。不會再來這一家薩莉亞

今日去咗薩莉亞食午餐，點咗佢哋嘅肉醬多莉亞同焦糖布甸，整體感覺都好好，好有飽足感。肉醬多莉亞即係焗飯，份量非常豐富，一碟飯上面擺滿啲肉醬、芝士同焗得啱啱好嘅飯，味道好香濃。唯一有啲小缺點係啲飯有啲濕濕嘅，可能係啲醬汁多咗啲。焦糖布甸亦都好好食，布甸質地好滑，焦糖香甜，唔會太甜，配合啲焦糖醬食更加好味。總括而言，薩莉亞嘅焗飯同焦糖布甸都好好食，味道香濃，份量豐富，價錢更加好抵。不過，餐廳嘅環境有啲嘈吵，因為啲桌椅好密集，有啲吵鬧。如果你鍾意平平地嘅日式意大利菜，可以試下黎呢度食下啦。

屋企附近有間非常抵食嘅 Saizeriya ，估唔到個黑松露野菌忌廉意粉($38)咁好味😋😋😋，香蒜野菌西蘭花🥦（$20）都好入味👍👍甜品方面，雖然蛋白糖霜脆餅甜左d，但夾埋冰凍香滑意大利雪糕、朱古力碎又啱啱好，整體都好好味！👍👍其他雪糕、甜品都好家庭價，賣相都吸引，下次試！🥰

個日，本來好開心咁同女朋友玩完藍染，點知玩得有啲晏，發現美孚可以食嘅嘢唔多。所以揀咗聽慣聽熟嘅薩莉亞，問題係我應該叫啲食開嘅嘢，但係個日為咗補充體力，叫咗7成熟牛冧肉我先發現有一種堅持叫 切薩莉亞牛冧肉，有一種成就感叫 切開薩莉亞牛冧肉，有一種無力感叫 切咗一半薩 莉亞牛冧肉，有一種絕望叫 切咗薩莉亞牛冧肉， 但係咬極都咬唔爛。作肉食獸既我，第一次放棄肉究竟係我無能，定係牛既無辜，定係。。。。。。。。。。。。

星期日外賣要等起碼一小時，揾人去幫襯才怪。。服務太差，冇回應。差差差差差。。完全冇服務，乜都冇。差差差，冇服務，冇回應，冇得退款，冇了期等。唔做外買就早講啦。混漲。

成年冇食過薩利亞，荃灣悅來坊果間執了，今天來了這間。環境更舒適，座位更寬敞。這店上菜速度甚快，不過正因為太快，叫的水牛芝士薄餅和煙肉菠蘿薄餅轉頭便已上枱，我哋覺得是早已焗製的餅皮，然後上面再加相應的餡料，感覺餅皮較軟，不夠脆，也不夠熱。不過，賣相和質素都算可以。最鍾意明太子海鮮意粉，叫了兩碟，三十幾蚊有這質素都非常抵。我哋仲叫了墨魚汁意粉，也好味。意粉質地軟硬適中，汁料足。蒜蓉包熱辣辣，香脆十足。雞肉多利亞（飯）、野菌忌廉意大利飯都芝味十足。

每次去美孚分店，外賣都等好耐，最少等40分鐘。職員說20分鐘，25分鐘後去攞，都仲要再等20分鐘。上一次外賣見另一個客等到發炆憎話要退錢唔等，職員不顧，其間個客嘈左好幾次話太耐唔等，最後職員攞出嚟仲要寸人「咁你要唔要丫」。個客走左後，仲要同另一個客投訴話「我人工唔包比人鬧」。當天我份外賣都等左40分鐘，我同該發炆職員講「你難怪人哋等到發脾氣，真係太耐，你哋又唔講明要等咁耐」，佢仲反駁「咁你有冇問要等幾耐丫」。該職員應該比較高級，件衫唔同。其他人態度都比佢好。

今日叫咗兩個意粉，openrice寫餐廳預計20分鐘有，結果要成40幾分鐘先有，打電話去問，先話好快出。老公幫我去攞完趕住返屋企開會，佢喺餐廳度等咗差不多半個鐘，請餐廳注意出外賣嘅時間。不過以它的價錢，味道算OK。

原來美孚嘅「薩莉亞」搬咗鋪，由近曼克山搬咗去美孚廣場，都喺搬番去同區，而且更加近我，若非街坊老友報料都唔知搬咗，而之前嘅涮涮鍋就靜俏俏摺咗。因為部份日子在家工作，基本上都晌屋企食晏，喺今日落開街買啲嘢，先嚟「薩莉亞」買啲外賣返去食。晌等候期間，都稍稍望入去個新場睇睇裝修新簇，光猛闊落，但好靜，好靜。呢個喺放飯高峰時間，唔喺下午茶時段，全場得三幾枱客。同啲店員傾開，停課對佢哋影響最大，平時好多學生哥幫襯，睇見咁嘅場境真喺無奈。 始終買外賣，就無點慢慢影餐牌，而且，都喺快快手買完就走。最終，買咗一客小食、一客意大利麵同一份薄餅，夾埋都唔使90蚊。原味雞翼 $20一客有4隻，都屬於大隻嘅雞翼，唔會奀奀瘦瘦咁，而且，又焗得幾夠金香，拎到返屋企，外皮都仲喺幾脆口，又醃得入味，肉質夠滑，無話一早焗定而「乾崢崢」。 甜蝦粗管麵 $30記得以前都食過，一來粗管麵少食，二來貪佢哋做嘅意大利麵夠汁多，真喺一夾起，黐滿芝士同白汁，焗到面面有啲焦香，而甜蝦亦爽口，整體嚟講一啲都唔失禮。 地中海海鮮薄餅 $36一個8吋薄餅，就算喺薄批，只賣三十零蚊，仲要咁足料，絕對喺抵到無朋友啦，所以，唔怪得乎咁多學生哥鍾意嚟

近呢幾次叫外賣份量好似越嚟越少，今次攞起“ 肉醬多利亞 “嘅時候竟然好似水咁搖得旭， 個飯得一cm厚左右， 叫過其他分店都唔係咁， 如果管理層有機會見到呢個留言，希望可以改善一下， 重回舊日的質素。至於pizza都係抵食同好食嘅。

Now firstly, I just want to say about the location of this restaurant. It is terrible to say the least. Its on top of a 2story mall in that obscure corner that no one looks at. Like sure, it can serve the residents in the building, but it is extremely terrible for food reviewers and customers like me to even get to the resturant. I have to climb a 2 story building using stairs and then check Google maps to make sure I am going the right way. While 2 story may not seem muc to you or a talented r