薩莉亞意式餐廳 (西九龍中心)

Open Now

Now Closed

兩個人5點半前入座諗住食個快飯眼見係非繁忙時間而又有大量吉枱咁就想坐卡位行到去卡位個時又可能我地兩個咩住個背囊似遊客比一位紅色短髮女職員指住張二人枱要我地坐低而呢張二人枱兩旁都係人但奇怪在左邊正常係"面對面"住嘅二人枱我隔離個對中年男女又糖痴豆咁要痴住一齊坐佢地對面張凳就拎嚟擺野我地兩個就比兩邊人夾住我地又唔想影響到人咁唯有我坐梳化位搵兩個背囊當咕𠱸我知我唔係食緊貴價餐廳但我都想坐得舒服啲擺到兩個背囊啫食完又唔會等運到一定即走嘅大把吉枱又冇人坐點解唔比我地兩個坐？我眼見其他人兩個人又可以坐係到吹水一個人又可以坐4人卡位我真係理解唔到點解我地就要有呢個唔好嘅體驗食物就普通但啲服務真係唔係唔掂下次食快飯會食其他野

嗌咗個中華沙律本身諗住斟埋嘢飲再等一陣應該差唔多啦，因為我坐嗰個位比較近佢出差嗰度，所以可以望到佢個廚房，跟住我就見到我份中華沙律擺咗喺度好耐差唔多成10幾分鐘點解我會知道係我嘅呢？因為我覺得真係等得太耐，所以我就問佢「請問我啲嘢食要等幾耐先到啊？」之後我就見到個女仔拎咗我望咗好耐嘅碗過嚟，正正就係我份中華沙律，跟住我又等咗差唔多10分鐘嘅時間我見到我個飯到咗，但係我冇諗過我個飯凍晒囉😞😞之後我碗湯等咗差唔多成個鐘都未到，我真係搞唔掂，所以決定埋單走人，跟住同佢講話「我個湯仲未上，可唔可以取消咗佢？」嗰個姐姐好好人，咁幫我取消咗個湯，成件事個體驗真係好差好差好差好差！

[]我居然特登download openrice嘅app就係要為咗留呢個負評。因為唔想屋企人一把年紀企喺門口等咁耐外賣，所以7:16pm through openrice落完單，然後叫屋企人預返顯示嘅30分鐘取餐時間。結果屋企人去到，職員話冇收到張外賣單，仲畀埋部外賣機屋企人睇「以示清白」，最後惟有走落樓下嗰間再落單。但後來知道咗原來根本係佢哋唔夠人，冇接到張order所以取消咗，或者係直接熄埋部外賣機唔接單，然後扮哂話收唔到。如果妳直接講人手唔夠，接唔切單，系統自動取消咗，我都冇咁嬲！！！！而家扮哂無辜話收唔到單，咁不如唔好做外賣啦！好過返工要對住啲客咁樣講大話啦！

-其實由荃灣第一間店，我就光顧到而家，咁嘅價錢食到意大利粉，都算係窮人恩物！原來外賣有好多限制，唔可以叫溫泉蛋同埋沙律，所以建議堂食最好。食物方面我個人鍾意甜蝦沙律🥗雞翼肉醬多莉亞呢個飯充滿咗茄汁同芝士醬，超級好食！今次外賣點了Pizza / 蒜蓉包但係外賣凍晒，真係唔好食，建議要焗返熱先至有嗰個味道！要讚一下係分店質素唔會太參差，未試過食過好難食嘅食物，整體質素都OK。估唔到深水埗分店都要排隊，呢個呢個商場有兩間店，兩間都可以一齊排！-

呢間意式餐廳係一個好正嘅餐廳，我叫咗個雞肉多利亞同埋板燒魷魚同煙肉菠菜，真係好味！食材新鮮，煮法啱啱好，令味蕾好滿足雞肉多利亞🐓雞肉嫩滑，啲蕃茄醬汁夠香，啲芝士係啱啱好。板燒魷魚🦑魷魚燒得啱啱好，唔會太腍，有鮮味。煙肉菠菜沙律🥗煙肉香味好濃，啲菠菜令啲菜嘅口感更豐富。呢度既麵包同埋沙律都好好味。啲麵包好脆，啲沙律新鮮，啲醬汁夠香，啲味道好調和。食物唔止好味，仲好有份量，食完一餐真係好滿足。服務員好有禮貌，好細心，服務好好，令食飯環境更加舒適。整體而言，薩利亞係一間好正嘅意式餐廳，食物好味，服務好好，值得一試！

在深水埗區，找地方吃下午茶，通常在深水埗站附近的冰室，小店，快快的吃完就離開。前幾天有年青人曾向我提及少年時常去的薩莉亞日式餐廳，價廉，又吃得飽。好今次就和老友去試試。我叫咗周打海鮮湯，味道不错。朋友叫了自助飲品(咖啡，茶，汽水)，大家分享，一碟原味雞中翼，沒加任何多餘的香料，平實地現出燒雞既原味；一碟黑椒蜆肉鐵板燒，每顆蜆，附有1粒蜆肉，客人不會投訴有殼冇肉，以簡單的弄熟方式，只是$23，超值。只最後一碟，香蒜辣汁野菌西蘭花($23)，惹味，好味。两人已吃得飽飽！

全部都好好吃，又平！不過一直以來最唔惦嘅都系速度無論係外賣或者堂食，外賣方面，等都快要1個鐘堂食，等位入去耐，人手嚴重不足❗❗❗❗❗❗❗❗❗❗❗❗真係唔該阿老闆，請多幾位la!呢d錢真係唔節省得員工非常辛苦，整個餐廳得1個❗❗❗？❗仲要系又做收銀，又做樓面？！老細癡咗線？！你咁少員工不如唔好做！請多d 啦我真系好驚個員工捱唔住，無埋呢個，老闆落手上場做啦不如

在深水埗行行吓西九龍中心，突然之間口痕想搵啲嘢食吓，又唔想食到好飽，又唔想等位，於是見到薩莉亞，毫不猶豫地衝左入去。果然即刻有位坐，我地叫咗一個湯， 加個自助飲品，再叫咗件蛋糕，咁就一個開心滿足的下午茶！真係好方便！

間間分店都係，餐具真係好似冇咩點洗咁，熱水都浸唔甩，乾紙巾抹都唔甩，要用濕紙巾再抹，污垢先走。我需要拎外賣餐具，完全冇咗回事，唉。我體諒太多客太忙，算啦我唔應該嚟。

放著一些輕鬆的音樂，坐在靠窗的座位上可以看到很好的街景，環境整潔溫馨，女服務員也很友好墨魚圈配墨魚墨汁味道有點淡，要吃一段時間才能嚐到墨魚的味道，如果再讓我選選我會考慮其他菜色芝士奶油雞肉通心粉太好吃了，芝士味很濃，我們還在上面加了芝士粉，更邪惡了哈哈，我太喜歡粘稠的芝士醬了，好吃又誘人的菜哈哈，耶亞我們在飯菜裡加入沙拉和奶油玉米湯哈哈，甜玉米湯不錯，很濃，很好吃沙拉也不錯，上面放點三文魚籽，味道更棒喲哈這裡的環境很日式，也很乾淨，在這裡吃個休閒餐是個不錯的選擇

趁打風去西九龍中心食午餐，這閒餐廳平日都很多人，今日打風去就唔駛等位，可能是中午12點關係，店內衹有3枱客人，而且得2個服務員工作，入座後，用QR CODE點餐，叫了甜蝦沙律，拼盤小食，明太子海鮮意粉，鯷魚薯蓉，煙肉菠菜，炸雞及天使蛋糕，及2人任飲飲品。食物質素都OK，而且份量都唔少。

薩莉亞-窮人恩物出黎食野又想食多幾款非薩莉亞莫屬！無論午餐、晚餐都同樣抵食☺️今次同一班同事去食，可以叫多幾款。我地叫左三款主食，雞肉多利亞、水牛芝士薄餅、甜蝦沙律，仲有必點的雞翼😙🐥今次好耐冇食，份量好似越嚟越細，希望唔好再減😂

午飯時間經常會到薩莉亞，因為食物款式多，價錢便宜 ，地方闊落，採用先進QR code落單。今次就試了雞肉粗管麵，價錢只是$29，加配一個$6的白飯，夠晒飽肚。雞肉嫩滑，粗管麵軟硬適中，撈上白汁芝士，非常惹味。餐廳有自助水吧位，非常方便。

日本50年老字號過江龍 - 薩莉亞意式餐廳近日同朋友係深水埗行街，經過西九龍中心，發現原來呢度又有一間又平既西餐廳係度，竟然係薩莉亞 ! 佢地係日本開業已超過50年，自從登港後以平價西餐俘虜了港人胃口，如今在港已有50間分店。反正自己都未試過，就帶朋友入去試下先 ! 薩莉亞主打平價西餐，湯品、前菜、小食、主食、扒類、甜品，選擇豐富。先來沙律開開胃，再來焗得香脆軟綿既法包。小食既話，雞翼係招牌作，肉汁豐富且香口美味，微辣醒胃。想飽肚點，就有即焗Pizza、彈牙意粉、Creamy焗飯及粉嫩肉扒。雖然係2008年10月，面坯中曾被發現含有微量的三聚青胺，薄餅因此決定暫時停售，仲以為自此就再無PIZZA食。好彩係同年11月，薩莉亞公司係改變薄餅面坯供貨商後重新開始係店內銷售PIZZA啦 !都過左咁多年，無再有重大問題發生過，膽粗粗下就試下佢地D PIZZA點先，又估唔到佢地既即焗Pizza 外沿脆，厚薄適中，且帶淡淡麵粉香。唔夠喉又再叫多個意粉，意粉掛汁且彈牙，有卡邦尼、黑松露野菌、青醬、番茄煙肉等。朋友就食左個焗飯，Creamy而且忌廉味香濃。最後提下大家記得留肚食甜品，有滑嫩布丁、芝士蛋糕

薩莉亞勝在夠平，30幾蚊就有一碟大意粉，佢個明太子意粉都幾好食，醬汁都夠濃，每一條意粉都掛到汁，而另外佢個煙肉意粉都好清新，有少少辣汁味，雞翼就一如既往嘅好味，雞皮脆，入面有少少肉汁，呢個價錢嚟講都算係咁。