薩莉亞意式餐廳 (天澤商場)

Open Now

Now Closed

菠菜煙三文魚吉士意粉好味道，煙三文魚有啲鹹鹹地，加埋啲意粉入口就會好夾，好開胃，菠菜好林到健康，個意粉加咗個溫泉蛋上去撈埋一齊食好正。個pizza餅底好薄好好味，好似餅乾咁樣，上面有啲菠蘿好正。個忌廉蘑菇湯好好飲暖笠笠。

薩莉亞開到成行成市，幾乎總有一間喺左近最近自己實行緊低碳飲食，但一般食店或茶餐廳總係離不開粉麵飯麵包，但諗到薩莉亞都有好多非碳水食物，而且價錢平，所以呢日做完運動就嚟食.今次因為係下午茶時間過嚟，所以唔想食太多，分別叫咗一個甜蝦沙律菜（半份，走汁）同埋蒜蓉雞扒首先，欣賞個沙律可以叫半份，等顧客有多啲選擇。甜蝦雖然唔大隻，但都幾多，同埋雖然係半份但份量我覺得唔會太少，沙律菜亦算新鮮鐵板雞扒，蒜蓉都好多，個皮有少少脆，肉質嫩滑多汁，亦都幾大塊。配菜的牛油粟米粒好香好甜，另外仲有少少薯仔粒亦都幾好食😋.呢間分店都幾大，坐得舒服，重點都係價錢平而且款式選擇同配搭都幾多，又可以滿足到我低碳水飲食，唔錯！😊

好耐無食過Saizeriya, 夜晚就去食吓啦！8:00左右去到，客人唔多，大約個場坐咗一半人。用QR Code落單叫嘢食，等咗一陣就送到。💛粟米忌廉湯$14👉🏻味道甜甜哋幾好飲，不過好多渣，有啲杰❤️蒜香法包$12 👉🏻本來想叫芝士蒜香法包，但記得之前叫過，分別在於幾粒我都睇唔到嘅芝士粉😂，所以慳返$2唔叫芝士🤣❤️肉醬多利亞$30 👉🏻正！每次嚟必叫，夠juice，又好味😋❤️原味雞翼$20👉🏻啲雞翼外脆內軟，yummy，$20/4隻。❤️意大利布甸杯雲呢拿雪糕$26👉🏻好食，甜得嚟又唔會好甜👍。❤️飲品吧$13 （小童$8）👉🏻任飲好抵，不過只飲咗一杯就飽喇！有凍/熱即磨咖啡，有幾款茶包，有汽水機，凍檸茶等……唔駛加一，全單盛惠$153。環境：大，有夾板服務：成個場得2-3個店員，服務態度一般餐具：🍴潔淨度麻麻，有食物殘存清潔：尚可CP值：⭐️⭐️⭐️⭐️

唔係特別鍾意食西餐，所以唔會俾好貴去食，有事唔知挑起邊條筋想食，去薩莉亞真係唔錯嘅選擇。- 中華沙律- 周打海鮮湯好好味呀，但最後用咗嚟撈菠菜- 蒜蓉包炸得唔錯，香脆又冇燶- 意式菠菜伴煙肉唔係話唔好食嘅不過淡啲，如果有啲白汁就正，所以我最後用咗個周打海鮮湯撈落去食，唔錯- 原味雞翼略嫌油左d，但味道都OK- 莎樂美腸薄餅加$6就可以加隻溫泉蛋，一定要加因為真係好食好多- 明太子海鮮意粉係我覺得薩莉亞最好食嘅意粉，成日覺得擺去高級餐廳可以賣到百零二百- 羊鞍焗爐燒羊架幾淋，係好食嘅，但係茄汁要加一蚊，以為佢會比成支點知俾咗一包仔M記size最後埋單三舊水唔使，就食到咁多嘢，相信呢個都係薩莉亞嘅賣點。而天澤商場呢間舖都算係咁，環境衛生改善咗，起碼飲品吧啲杯都乾乾淨淨。

今日好開心同屋企人去咗天水圍天澤商場嘅一間西餐廳，叫薩莉亞，呢一間餐廳嘅食物好高質素，一定要推介俾朋友呀，住天水圍嘅人一定要黎試吓。首先佢嘅地理位置非常之方便，只要響天恆輕鐵站落車，行兩至3分鐘，就會見到呢一間餐廳，真係好方便大家啊，食物方面，都係有好多嘅選擇，例如有薄餅，有意粉，飯類，小食類，扒類都有啊，而且佢係非常之快送上，所以唔需要花好多嘅時間等餐，而且我最鍾意食嘅係佢個卡邦尼意粉，呢個意粉每次嚟嘅時候，都一定要叫呀，佢好好食，味道十足，好有料，而且飲品方面，只要加少少錢，就可以任飲，我覺得好抵同埋可以坐好耐都得，而且自然嘅服務得全部都會笑好熱情好有禮貌，所以我覺得呢一間餐廳真係有賓至如歸的感覺，住天水圍嘅人一定要泥試呀

就好似標題咁講㗎，佢嘅味道絕對係冇問題，但係唔知係咪間間薩莉亞都係咁，碗碗碟碟杯杯叉叉全部都有油，有時諗唔到食咩真係好想幫襯你哋，想食平價西餐都好想幫襯你哋，如果你哋可以乾淨啲嘅話絕對值得食。

店面翻新過，凳比以前好多了，不過杯子換了現在這種不鏽鋼的，不太喜歡，個人推薦溫泉蛋意粉和明太子意粉，好食實惠先30幾，一般我會再加蒜蓉包或者係腸仔，現在開始吃他家的牛扒也好吃不加飯也夠飽了，羊肉味道會比較臊，飲料加錢可以無限添杯

今日訂第三次自取溫泉蛋意粉或飯，好神奇三次叫兩個就漏一隻蛋，一盒就直頭冇蛋，今次決定打去，佢答我落黎拎番，我話退差價，我得閒黎拎番，你哋次次都漏；店員話你個價錢包左蛋，冇得退🤬🤬你知包左又唔對單要我行兩次咩！仲要我現在落嚟拎番隻蛋，係我錯咩😡😡大家記得即場對單啦！唔係行兩轉架

無論係麵、飯定扒類，都好抵食。一個人食，或者同朋友share都ok，食物種類多，價錢又唔貴，最適合學生哥。不過環境衛生真係唔得掂，試過座位隔離有一堆小強爬黎爬去......

今晚得自己一個食飯，諗唔到想食咩，落街逛一逛，醒起好耐冇食薩莉亞，近排又想儲下錢，就食平靚正薩莉亞啦！平時都係食開意粉，今晚突然想試個雞扒，但係冇澱粉質怕唔飽，就叫多個菜啦！雞扒用熱辣辣鐵板上，肉嫩多汁，加埋上面嘅洋蔥同蒜，真係好滋味！旁邊嘅粟米乾身左少少，不過都夠甜。可惜三隻薯角就遜色咗啲，太乾，同埋冇乜味。野菌西蘭花好好食，有蘑菇、草菇、冬菇片，美中不足嘅就係油咗啲，可以落少啲油嚟炒就好了！可能因為近排疫情嚴重，一向受歡迎嘅薩莉亞都冇人排隊，一行入去就有位坐。知道佢哋生意應該大受影響，好在服務質素都仲OK，食物嚟嘅速度都算快。

薩莉亞係一間連鎖式經營既意式餐廳，提供嘅食物款式多樣化，有薄餅、飯類、排餐，多種選擇。用餐方式：只供堂食。輪候時間：平時約10-20分鐘；留意！午市同埋晚市時段會比較繁忙，好多人排隊，輪候時間可能會比較長，約30-60分鐘。呢次我同女友一齊黎食晚餐，叫左2款主食，同埋一d小食同餐湯。建議同朋友一齊叫多幾款 share，可以低消費，又可以試到多種唔同既食物。食物方面：菠菜配煙三文魚忌廉意大利粉（$32)，三文魚約有3-5片，份量不算太多，但只夠一人份量，男士可能要再叫d小食先會飽肚。味道唔錯，值得一試。推薦程度：👍👍野菌忌廉意大利飯（$32）：用料都算足，味道唔算太濃，店內有提供芝士粉比顧客使用。建議喜歡濃味d既人，加埋芝士粉。味道好，讚👍蒜蓉包（2片）（$16）：蒜蓉包到好脆，充滿牛油嘅香味。好食。周打蜆湯（$10）：味道比較淡，一般般。價錢：算平，人均消費：40-80蚊左右。總括而言，以呢個價錢，提供到呢個食物質素，CP值簡直係超超高。推薦！推薦程度👍👍

星期六太熱冇街去,惟有同屋企人落樓下食日式西餐薩莉亞. 星期六當然就好多人排隊啦,不過都係等左兩工個字,可能係因為我地得兩個人.嗌左:1) 雞翼,2) 白汁雞肉焗菠菜, 3) 黑松露忌廉野菌意粉雞翼,: 肉質焗得好嫩滑 加上辣汁好野味 每一次必定要叫嘅黑松露忌廉野菌意粉: 味道剛好，不過太乾了，一滴汁都無，食的時候就顯得困難白汁雞肉焗菠菜,:雞肉好滿，汁夠濃野飲係要另外加錢任飲, 自助形式, 以前加$8(好似), 依家要加成$13. 見佢D杯都幾污JOE,所以冇加OVERALL: 埋單都係90蚊左右,抵食到爆

海草細切沙津啲海草唔係好多，而且冇咩特別，同普通嘅沙津冇咩分別，不過好處就係可以分開啲醬另上，唔中意食咁多醬嘅人或者怕太多醬嘅人就岩晒啦明太子魷魚蝦仁意大利粉啲明太子醬好多，不過就唔係好濃明太子味，啲醬都好水好淡感樣，啲蝦好少…得兩舊，啲魷魚都唔係好多，不過啲意粉都唔算好乾，都算ok而且分量都算多！墨魚汁意大利粉哈哈！食完一定要整乾淨個咀🤣因爲個咀會黑晒，佢啲墨魚汁都好多，又唔會好水，啲意粉都唔會好乾，不過個味都係有啲淡，都係一樣啦⋯⋯啲魷魚好少😟麵嘅分量都多，整體上都好味嘅！煙肉菠蘿比薩宜家pizza 我每次去都一定會叫，佢啲菠蘿好多，但煙肉就比較少，個pizza都唔會好乾，啲芝士都唔算多，不過整體個味道都好好水牛芝士比薩um⋯⋯依個pizza 超普通，佢就正係得芝士係上面，個味都唔太好味，而且芝士都好少，不過都唔係好乾雞肉多利亞佢啲雞肉好多都有肥膏，肉就得好少，不過芝都多，依個飯啲分量好少，食完都唔飽，味道都普通不過個味到都唔差！墨魚汁意大利飯墨魚汁都多，墨魚汁個味都算濃，分量就少左啲，個味都好味嘅野菌忌廉意大利飯嘢忌廉味好濃，濃到有啲怪怪地，啲菇好少，而且味道都好怪，總括黎講係唔

今日同奶奶食晚飯，奶奶指明唔飲茶要飲咖啡，所以去樓下薩利亞食。 一行5大1小，可以share食唔少野弟婦order的辣味雞翼，係熱辣辣的辣，怕辣的都唔駛驚。老公order的香蒜辣汁野菌西蘭花，我都煮到啦奶奶要的沙律及羅宋湯我都係鍾意清清地的野菌忌廉意粉小朋友最愛的「菠蘿」pizza肉醬doria，無人食脆脆蝦，小朋友爭住食

好多地方都開了這間餐廳，以優惠價錢吸引顧客，我都本着價錢優惠已進入本店，但當我叫了食物後發現食物嘅份量真係離奇的小，基本上一個人都要叫二至三樣食物才飽，那麼其實我吃東西的價錢又提高了。除此之外食物的味道也比較平庸，是有待改善的。