薩莉亞意式餐廳 (天澤商場)

Open Now

Now Closed

今晚得自己一個食飯，諗唔到想食咩，落街逛一逛，醒起好耐冇食薩莉亞，近排又想儲下錢，就食平靚正薩莉亞啦！平時都係食開意粉，今晚突然想試個雞扒，但係冇澱粉質怕唔飽，就叫多個菜啦！雞扒用熱辣辣鐵板上，肉嫩多汁，加埋上面嘅洋蔥同蒜，真係好滋味！旁邊嘅粟米乾身左少少，不過都夠甜。可惜三隻薯角就遜色咗啲，太乾，同埋冇乜味。野菌西蘭花好好食，有蘑菇、草菇、冬菇片，美中不足嘅就係油咗啲，可以落少啲油嚟炒就好了！可能因為近排疫情嚴重，一向受歡迎嘅薩莉亞都冇人排隊，一行入去就有位坐。知道佢哋生意應該大受影響，好在服務質素都仲OK，食物嚟嘅速度都算快。