薩莉亞意式餐廳 (荃薈)

Open Now

Now Closed

薩利亞，相信很多人也光顧過，所以原因也不用多說，這次再來到大窩口荃薈分店，主要是沒有其他分店那麼旺場。這次點了一客番茄煙肉意粉，不過其實應該點的是番茄海鮮意粉給我太太，而我的至愛則是卡邦拿那意粉，不知什麼時候多了溫泉蛋，還是我自己忘了味道一如以往的好。我們也追加了一個炸蝦小食，但真心會建議大家多點一客薄餅或意粉，性價比肯定更高這次主要的驚喜是我們每次必加的飲品吧，雖說價格調整至$13位，但所有飲品機器也更新了，汽水不用加冰也相當冰涼及夠氣，而熱飲則一如以往的香濃，選擇亦多，確實推薦大家不要省這飲品吧的錢，肯定能讓你滿意及回本

薩莉亞可以話是唔少香港人都食過的一間餐廳，平，靚，正便是選擇這店的要點。當然小弟都唔例外，兩三年必食一次，今日來到荃灣，心癮起，就來一解。店舖搬左，菜色唔同左，小弟最喜歡的焗田螺無了。。。上菜快，黑椒蜆肉是另一半力推，睇得出廚師為每隻細細的蜆肉灑上黑椒，野味，蒜包加白湯一樣合拍，辣味雞翅也是必食之選，新試的脆脆蝦就一般，唔夠熱。都是第一次食的漢堡，比平時食的無咁攪爛，還食到一點肉絲，雖然怪怪的，不過有新鮮感。另一半想食的，不過比起“必勝客”的香蒜肉絲意還有一大段距離，油多，唔夠蒜香，味道一般，加上芝士粉都救唔翻。整體而言，性價比高，快食快走，味道接受，要求唔過高的話，一定想翻食，也是為何食飯時間必定排隊的原因之一。

薩莉亞真係一間又平又好味嘅餐廳😍👍🏼CP值高！我最鍾意食呢到嘅辣味雞翼($38 ,8隻)！少少辣！好惹味！推介👍🏼另外每次黎到都會點嘅肉醬多莉亞 $27😆!肉醬加芝士！好濃味！perfect match !😋試左吞拿魚蕃茄辣汁意粉 $29酸酸辣辣！幾開胃！有驚喜丫😆蒜蓉焗田螺 $28 ~ 太油喇！唔岩我口味！🐟香煎焗鯖魚 $31 外層有少少油！個煎得好香！好味😆！下次黎都會叫😙終於唔洗去日式餐廳都食到鮪魚la~~

想平平地食d野，去薩莉亞就最適合喇！由學生時代食到宜家，間中都會黎食野，近年仲開左好多分店，好方便每次黎到薩莉亞，一定會食雞肉多利亞，D汁又香又濃，仲有粒粒雞肉，我仲會加芝士粉，每一啖都食到lam lam脷呀！朋友就叫左肉醬多利亞，雖然碟邊有小小燶，但係食落完全冇濃味，好香濃，但係我就比較鐘意雞肉多利亞水牛芝士pizza都好足料，每一啖都係濃厚既芝士，呢個價錢真係好抵食！咁多年黎都冇乜點加價，食物款式又多，同朋友一齊黎就可以叫多幾款食物，一齊share，除開每人都係幾十蚊，希望以後都可以keep住水準

薩莉亞一向係窮人恩物就係人都知（喺日本同強國計返個rate仲平），有一次同人去深水埗傾嘢，佢這有間意大利菜幾好，但原來佢指嘅係西九薩莉亞，當時有成過半百人排緊隊，我當堂嚇一跳，然後得啖笑，好在荃灣店從來無咁浮誇。荃灣比較多人熟知嘅可能係熊貓酒店Aeon內嗰間，但對面百佳商場就有一間後期少少開而客人比較少嘅分店，通常都唔使排隊。之前見有KOL推介墨魚汁意粉，$32，我之前一向幫襯薩莉亞都係食焗飯，今次就試吓新嘢。賣相真係麻麻，係白意粉撈墨魚汁唔係真嘅墨魚汁意粉。有幾件魷魚圈但都幾硬。而最出嘅味道係蒜頭粒嘅味道。如KOL所形容嘅神級美味的確完全談不上，但咁嘅價錢仲想點。不過都係招牌焗飯好食啲。

每次假日經過這間餐廳, 無論午膳或晚飯時間都大排長龍 今日老公和我不太肚餓又見少人等候, 就決定拎飛等位, 好快就可以入座。打開menu 有好多種類選擇, 例如: 沙律, pizza, 焗飯, 意粉及鐵板餐等, 價錢算平&份量唔算大, 可以試每樣食物最後叫左甜蝦多利亞焗飯, 雞肉pizza, 辣味章魚仔意大利粉。甜蝦多利亞焗飯-雖然蝦的味道一般,但配上濃郁芝士味, 十分美味雞肉pizza- Pizza 焗的時間剛剛好及外脆內軟 辣味章魚仔意大利粉- 辣味十足, 意粉配上橄欖油, 但章魚仔並不爽口

今日同媽咪妹妹，加埋我一家五口黎食飯，間唔中我地都會黎食下嘅，因為佢夠平又好味，可以唔洗太貴都食到好多野，仲要有飲品任飲。今日我地黎到呢間分店，好在早黎唔洗等位，我地叫左9樣野食，仲有3大3小嘅飲品，埋單都只係378蚊！煙三文魚：十分好味，一碟有大約5片左右，唔會太咸！正！野箘忌廉意大利飯：呢個真係超好食。我次次黎都一定會叫！佢嘅汁底夠creamy,飯就軟硬適中，都有幾多菇係入面。菠菜煙肉：之前呢個好好味，但今次差左。佢嘅菠菜係烚完再放少少黑椒係面，所以冇咩味，連煙肉都好似冇咩味咁。蒜蓉包：佢上檯時係好熱嘅，聞落去好香但反而食時就唔夠蒜味。辣味雞翼（8隻）：呢度嘅雞翼只有辣味，但唔算太辣仲好好味，令人會食多幾隻。白汁野箘意大利雲吞：個汁都係好creamy 好香好有菇味，但意大利雲吞就一般，個餡就唔夠多，得好少仲要冇咩味。黑椒肉眼牛扒：望落去係好大塊嘅，但其實好薄，所以都唔洗講個生熟程度啦，但呢個價錢仲想點呢？都算唔錯架啦。但我記得之前好似有多d薯條？墨魚汁意粉：呢個係冇咩墨魚味，只係得個咸字。蒜汁燒魷魚：呢個又係另一樣我次次黎都叫嘅野食，好軟嘅魷魚，好香好惹味，但個蒜汁就好咸，唔點汁食

今晚想食快快脆脆食個晚餐，平時悦來個間排滿人，好難等⋯好彩對面商場開多左間，快好多今晚order左湯，中華沙津，四式芝士pizza,焗田螺，西冷扒同飮品⋯⋯唔先10分鐘所有野到齊，太快了粟米湯-粟米粒唔多，但都有忌廉粟米味，但唔夠熱中華沙津-好爽口，帶少許辣，比平時日式餐廳個d更好味四式芝士pizza-當然我食唔到咁多款，但好多芝士，芝士味香濃，餅底脆又香口，好味焗田螺-熱辣辣，田螺好香牛油味，肉質爽口西冷扒-西冷扒就唔太好味，肉質太淋，好大肉「蘇」味，下次都唔會再㨂⋯⋯會選擇返嚟意粉咁整體來講都OK⋯⋯整個餐味道可以，最緊要平價同埋快

悅來果邊好多人依間唔洗等位甜蝦沙律-$24沙律醬超多,比平時出面食既多一倍唔會食食下無醬,重點係$24不過當然,咁既價錢甜蝦一定唔係刺身係急凍蝦,不過都唔難食挪威煙3文魚$24都算厚,唔會薄到好似食空氣咁鮮甜,唔錯啦意式菠菜伴煙肉$17正常菠菜咁,唔會苦澀加餐+$10羅宋湯其實因為突然想飲湯先叫一般餐湯,唔係特別好飲鐵板漢堡扒（跟飯+任飲）漢堡扒都幾厚,但好淋,唔會過硬,易份味粟米同雞粒都好香整齊都好好食,但如果一個人食一個餐都幾貴我覺得同朋友黎食,叫多幾個餸share 會抵好多，又試多幾樣野飲品每人$12任飲 多款選擇2人lunch $130唔洗+1

呢間出名多人等位，夠平，我估最重要係12蚊任飲，岩晒天時暑熱既夏天，我叫左個甜蝦意大利飯，加12蚊任飲，食物本身質素唔差，入口夠淋，芝士亦非常足夠，甜蝦都好有口感，不是淋晒 梅晒果d,而味道岩岩好， 用29蚊食到意大利飯，仲想點

一向都幾喜歡呢間餐廳，今日黎到食晚餐，每人都係50蚊到，食到飽飽。粟米忌廉湯: 粟米忌廉湯好香好滑，個湯黎到仲係熱辣辣架。香辣雞翼 - 4隻:雞翼就可以叫四隻或者8隻，辣辣地好香，幾入味，而且幾juicy！每次吃薩莉亞都是衝著這個而來！！(第二隻上的黑色物體只是烤焦的碎片，和雞翼沒關聯！卡邦尼煙肉意粉:醬汁味道唔錯，落多隻溫泉蛋就好啦，意粉軟硬適中，好食呀！煙肉菠蘿pizza:麵包底鬆軟, 上面舖左芝士，煙肉同菠蘿。芝士份量比一般出面食到既PIZZA 少, 對於唔太好芝士既我當然係一件好事。飲品吧成人每位都係12蚊，有汽水，檸茶，咖啡，美綠等等既飲品，咩都有咁，係無健怡百事，所以最後都係揀飲水算。

薩莉亞走的是意式快餐店，有別於必勝客，因它更---便宜^^!每款食物大概$20-$30就有交易，別看它這麼便宜，份量相對也比較小的，但是可以叫多幾款來試味，如果想有芝士，意式野，快，靚，正，平...這間是不算的選擇。栗米湯有點過甜，蒜蓉面包好食，其他都不錯...PIZZA幾好，個底發酵充足，就算冷了也不會過硬...這裡+$8元是可以無限添飲的...

荃灣第三間喇，今次係正屋企附近，一於食一食先。其實次次去薩利亞都係食果幾樣架喇，今日就唔食沙津喇。我次次都食呢個菠菜煙肉，貪佢香口又有條菜食下，不過呢次啲菠菜味道唔係咁好，有啲草腥。甜蝦焗飯，又係必食既，雖然啲蝦比較細隻，但佢既芝士加埋飯真係好好味。鐵板雞扒，有雞翼、炸雞塊同薯角，抵食。