薩莉亞意式餐廳 (荃薈)

Open Now

Now Closed

薩莉亞一向係窮人恩物就係人都知（喺日本同強國計返個rate仲平），有一次同人去深水埗傾嘢，佢這有間意大利菜幾好，但原來佢指嘅係西九薩莉亞，當時有成過半百人排緊隊，我當堂嚇一跳，然後得啖笑，好在荃灣店從來無咁浮誇。荃灣比較多人熟知嘅可能係熊貓酒店Aeon內嗰間，但對面百佳商場就有一間後期少少開而客人比較少嘅分店，通常都唔使排隊。之前見有KOL推介墨魚汁意粉，$32，我之前一向幫襯薩莉亞都係食焗飯，今次就試吓新嘢。賣相真係麻麻，係白意粉撈墨魚汁唔係真嘅墨魚汁意粉。有幾件魷魚圈但都幾硬。而最出嘅味道係蒜頭粒嘅味道。如KOL所形容嘅神級美味的確完全談不上，但咁嘅價錢仲想點。不過都係招牌焗飯好食啲。