薩莉亞意式餐廳 (慈雲山中心)

Open Now

Now Closed

講到食西餐，我估大部人都會覺得好貴，唔係一d普通人食得到嘅野，不過呢幾年好多特色餐廳係香港開業，所以唔洗咁貴嘅價錢我地都可以食到。我覺得「殺你呀」最好食嘅係雞肉菠菜，好好食，又多汁，又唔貴。其他菜色，例如鐵板嘅漢堡同魷魚都係一絕。另外，推介嘅係墨汁意粉啦，雞翼啦，呢兩樣都好好食！薄餅我就覺得一般d啦，無其他咁岀色，不過都係接受到嘅水平。野飲黎講，希望遲d佢會岀下d特色飲品，有d cream係面頭個類。應該會吸引到更多人！

薩莉亞價錢一向貼地但質素亦都有返咁上下雞翼係每次必點香辣惹味😋另外點左pizza同雞肉多莉亞粗管面多汁得黎仲有芝士拉絲粗管面沾上白汁簡直不得了唯一係雞肉粒雪味頗重最後叫左個榛子蛋糕係金沙榛子味略甜 但入邊有脆脆口感好豐富

今日打算同朋友近近地落街食個晚餐，兩個人加一個小朋友，叫到成枱都係野，食到一半有隻小強爬咗出嚟，其實我覺得係食肆見到都好普遍，職員講唔好意思就同我地轉左第二張枱，點知第二張枱一坐低，開始食嘅時候，又見到另外一隻扒出嚟我哋即刻冇晒食慾，職員過嚟幫我地捉咗，不過今次態度就麻麻哋，佢話有小強都冇辦法，我哋已經經常做滅蟲😪今次食完之後保證冇下次你可以好明顯見到梳化空隙有大量食物，比着我係小強都會走出嚟啦，唔搞好過清潔點樣滅蟲都冇用

每次嚟到必食辣味雞翼，水牛芝士pizza😋每一次仲有我最鍾意落嘅辣椒仔（加埋一齊食‘絕配’）如果想同朋友聚聚舊坐低食下野又唔想比人趕走環境舒服價錢合理 👍🏻

薩莉亞不嬲都係平靚正之選，每次食都必嗌芝士焗薯角，啲薯角熱辣辣，配埋拉絲嘅芝士同香口嘅火腿，真係好正。水牛芝士薄餅上面嘅芝士好香，薄餅底又夠脆，真係好好食。蒜蓉牛油焗田螺消失過一排終於有得食返，一盤有6粒，粒粒都勁大粒，配埋蒜蓉同牛油，真係超香口。以前好中意食意式洋蔥蒜蓉燒雞，覺得佢啲雞肉好嫩滑。但係近呢幾次食都覺得啲雞肉”鞋”咗，冇以前咁滑咁好食。以前都會嗌羊鞍焗爐燒，因為又好食又抵食。但係今次真係唔多掂，一拎起件羊鞍就聞到勁大陣羶味，忍住陣味擺入口，咬唔到兩啖就決定唔食，因為真係勁羶，羶到完全食唔到。雖然某啲食物嘅質素係有少少下降，但係一分錢一分貨，都唔會話要求太高，惟有記住下次唔好食羊鞍啦。

同阿媽同個女行過慈雲山，就入咗去食嘢食咗必叫嘅蝦沙律、一如既往嘅好味阿女特別要求要食嘅芝士pizza、一個七歲嘅細路女真係食晒成個，勁.......睇嚟真係好好食，嗰啲芝士可以起絲仲有墨魚汁意粉，上次都有食過佢個墨魚汁焗飯，意粉同焗飯都係好好味又係另一個必食項目溫泉蛋肉醬歌莉婭.....又第一次食過到而家都食咗幾次，每次都覺得呢個好好味今次試咗個田螺，好油食埋甜品，芝士蛋糕同埋白雪雪蛋糕，白雪雪蛋糕好好味

午餐想要吃牛排，但是又不想吃太貴。有時候餐廳牛排會用鬆肉粉，令牛肉更鬆軟，但是味道會變得奇怪。這個時候便會想起薩莉亞的牛排店內裝修雅緻。午市餐牌性價比高，可以加錢變成套餐，配沙律及湯/飲品BAR普通餐牌選擇也很多！與友人點了黑松露野菌意大利麵配套餐B，即栗米湯及沙律也點了中華海草作為前菜海草酸酸甜甜，帶微辣，很開胃！沙律醬較酸，吃到最後沙律醬比例感覺較重，喜歡酸的人會很喜愛，怕酸的就不能沾太多沙律醬。可以吃到栗米蓉的口感，入口順滑。$13便可以吃到沙律及湯，很便宜。而且份量很多，可以兩個人一起分吃。意粉軟硬適中，煮得剛剛好，有點彈牙，有"Al dente"的感覺。黑松露份量十足，每一啖意粉都有濃濃黑松露味，很香～野菌與黑松露也很搭，可以互相突顯其香味！最後就以照燒汁美國肉眼牛扒作結，牛扒肉汁很多，有6-7成熟。牛扒表面煎得香脆，裡面則是軟腍，很好吃配上照燒汁再加添甜甜的風味，與牛扒很搭，不會過於濃烈蓋過牛扒的味道。鐵板熱度剛好，不會令牛扒過份熟，同時可以保持食物的熱度。午餐很豐富，但也不會很貴，性價比十分高

薩莉亞出咗名又平又抵食今次我哋叫左野菌西蘭花香蒜辣汁意大利粉配料十足，好香蒜味，配埋辣汁一齊食，值得一試辣味雞翼每次去食都係必叫菜色之一因為貪佢夠平好抵食又香又惹味芝士焗薯角薯角再配上白汁芝士加茄汁，每啖都係芝士好好味！

薩莉亞既優點係人都知，就係以超超超值既價錢食到好味既西餐，名符其實既平！靚！正！相信好多香港人如果屋企冇煮飯都會考慮落街幫襯薩莉亞，因為總有一間係附近，好方便！當中每次去食必定會嗌既有雞肉多利亞同辣味雞翼，呢2個dish係食極都唔厭，而廚房都永冇失手雞肉多利亞係一個充滿雞肉同芝士既焗飯，比例好好芝士味唔會搶左個飯味，而d雞粒焗完之後個邊有d脆脆地好正但個飯略少，女仔都一定食得哂因爲真係好好味，所以平時另外一定加起碼4隻辣雞翼，都係皇牌必食之選！今次再試左個新既蕃茄汁青口，個青口”梅”哂唔新鮮。始終間餐廳都係行平價路線，所以建議都係唔好嗌海鮮可能會比較好！

無論係薩莉亞嗌幾多嘢食都係又平又好食，所以久唔久都會去食下晚餐。個人最鍾意嘅就係佢嘅芝士焗薯角，大大塊嘅薯角下面係勁香濃嘅白汁加芝士，再加埋啲煙肉，每次叉起啲薯角都會拉起勁長嘅芝士絲，真係好好味。另外佢嘅辣味雞翼都好好食，雖然唔係好大隻，但係夠晒辣。仲有一定要試嘅就係意式洋蔥蒜蓉燒雞，用鐵板燒嘅雞扒真係好嫩滑，每咬一啖都好多肉汁，配埋上面嘅一堆蒜蓉，真係好正。最後推薦大家試吓佢嘅法包。如果唔怕蒜蓉味，就可以試吓佢嘅蒜香法包，如果唔係嘅話就試吓芝士法包，個包香得黎又夠晒軟熟，每次就算食唔落都會打包走架。

話說岩岩收工好想食薩莉亞 專登搭車上慈雲山食點知去到門口個著住黑色制服貌似店長既人同我講話已經last order左 我就覺得好奇怪 因為平時唔係呢個鐘數last order架麻 當時係晚上9:13分度 我上網睇都寫住收10:30 然後佢話因爲人手不足wor🤷🏻‍♀️人手不足你直情唔好開舖麻！搭車上黎得個吉！🤬🤬

平快正 就係呢間食既賣點 作為連鎖店黎講 佢都都算幾好食了 雖然我都已經好小食了 但係呢段時間 我都去左次 同昔日一樣 都係咁快手叫左個海鮮意粉同水牛芝士pizza 2樣加埋80都唔洗 味道唔差 大件夾抵食 十分值得去回味下學生時代 滿滿的回憶

薩莉亞抵食同好意。試左咁多次都係覺得性價比高。叫了慣常會叫的番茄意粉、pizza同卡邦尼意粉，再加了個煙肉波菜。卡邦尼意粉加蛋同芝士加辣椒仔，好味道。食咁多次蕯莉亞都覺得又平又幾好味，唔錯唔錯。

薩莉亞 有好多間分店， 今次來到慈雲山這間， 這間餐廳性價比非常之高， 可以算係平民嘅價錢高質嘅享受。入到去我哋叫咗粟米忌廉湯 $12，周打海鮮湯 $12，蒜蓉焗田螺 $28，蒜汁燒魷魚 $28，意式菠菜伴煙肉 $17，雞肉野菌雙享薄餅 $32，溫泉蛋卡邦尼意大利粉 $32。粟米忌廉湯，粟米都已經搞碎曬， 所以飲落好滑！。周打海鮮湯， 味道濃郁好creamy， 湯裏面有好多料。雞肉野菌雙享薄餅， pizza熱辣辣！意式菠菜配煙肉，味道普普通通， 但係咁平嘅價錢都算係咁。溫泉蛋卡邦尼意粉， 味道偏淡。蒜汁燒魷魚， 呢個一望到menu就想點了，原條魷魚賣相吸引，蒜汁襯托上清淡嘅魷魚帶出魷魚嘅鮮味。蒜蓉焗田螺，而家好少地方有得食， 田螺口感彈牙襯托蒜蓉嘅味道香氣四溢。兩個人叫咁多嘢食埋單都係$161，真係好抵食，味道亦都唔差，係一間性價比高嘅西餐廳！

呢間日本人開嘅意大利餐廳一直都好受慈雲山人嘅歡迎因為佢又平又好食如果全個Menu嗌一次可能都唔使＄1000最鍾意嗌佢嘅芝士焗薯角 辣味雞翼 雞扒 煙肉菠蘿Pizza 羊架 仲有佢個法包都好好食㗎加＄12就可以任飲嘢飲㗎啦