魚台外賣壽司

Open Now

Now Closed

見到價錢平出面一半同咁多好評，就即刻買嚟試吓揀左幾件平時食開嘅，賣樣都好唔錯食落啲刺身新鮮甜美，但舊飯都幾大舊同有啲實，食咗幾舊已經有啲飽以價錢同質素嚟講係抵食嘅，改善下舊飯會更好

今天是母親節，母親大人說想吃壽司，便想OpenRice找下屋企附近有什麼壽司的舖，竟然比我搵到魚台壽司小店😁小店沒有過多的裝修，堂食亦只有幾個位，所以最後決定外賣回家吃！估計因為今日是母親節，所以很多人光顧，而且所有壽司都是即叫即整，等了半個鐘有多才有得攞外賣😶不過吃了第一口真的覺得是等得值得的呢！佢哋嘅隻燒壽司真係好香好好食，尤其係隻燒三文魚壽司同隻燒左口魚壽司，嗰陣油脂的魚香，一入口，真係會好食到唔唔唔聲，拍得住元氣🤤另外，仲要推介嘅係八爪魚前菜，啲八爪魚真係一隻隻原隻勁大隻，好足料！不過如果外賣嘅話就唔建議帶軍艦壽司，因為返到屋企塊紫菜已經林晒☹️整體來講呢間壽司舖嘅性價比高，食材都好新鮮，拍得住元氣！支持小店

平時都覺得馬鞍山冇乜好食嘅日本野，至於壽司嘅話，都有朋友介紹呢一間叫魚台嘅愛帶壽司專門店，所以今次專登過來耀安這裏買一些壽司回家吃。呢間舖頭平時都好多人叫外賣壽司，所以等候時間到要至少10至15分鐘，視乎當日多唔多外賣單。因為今日係母親節，所以都比較多單，所以今次等候時間係半個鐘。首先係飛魚子軍艦同蟹子壽司，芥辣八爪魚軍艦，炸蠔壽司，芝麻八爪魚。飛魚子同蟹子嘅份量都好多咋號都好新鮮下，最值得欣賞嘅係個芝麻八爪魚，真係好大隻個頭好大隻腳都好大個汁都好好食。我仲叫咗燒油甘魚，燒皇帝蟹棒，芝士飛魚子軍艦同埋蟹子沙律軍艦，個皇帝蟹柳係幾好食，燒甘魚都好好食😋，其他呢就麻麻啦。叫咗好多三文魚壽司同埋鮮帶子壽司，兩款都好新鮮好好味。仲有就係北寄貝壽司，鰻魚壽司，蟹柳壽司，同埋蛋壽司。個北寄貝壽司彈牙，個鰻魚壽司就略嫌冇咗啲鰻魚汁，有啲失色，蟹柳壽司同蛋壽司都OK。仲有火炙三文魚壽司都好好食所以叫咗好多。

以前係附近返學，都會去呢間食壽司，貪佢平得黎又高質，扺過食爭鮮，質素可以同元氣媲美。而且店員服務態度好好又衛生。有時坐係吧枱位置，店員都會同顧客傾下計，離開嘅時候又會同你講拜拜，充滿人情味，今時今日仲點搵到呢啲咁好服務嘅小店。佢地嘅壽司選擇唔係好多，但每件出品都係即整，誠意十足。軍艦壽司塊紫菜唔會淋啤啤，佢地嘅炙燒三文魚壽司送到入口都仲有火燒嘅餘溫，配合細膩的油脂香，入口即融的滑溜感，真係味蕾嘅至高享受。偶然會同朋友share一份三文魚刺身，先至$7x，但大大份真係可以食到大滿足，每塊嘅油脂分布都好均勻，夠晒肥美。小店仲有啲小食都係好值得推介，炸物全部都係即叫即整，拎上手仲係熱辣辣㗎，冬天食嗰陣就感覺好幸福。我自己最鍾意食沙律，青瓜、沙律、蟹籽撈埋一齊，酸酸甜甜又幾清爽，夏天食就最match。未係openrice寫過食評，但呢間小店真係唔寫都覺得對唔住自己嘅良心。呢排疫情嚴重，成個行業都生意慘淡，希望佢地可以頂得住啦！

收工肚餓返屋企搵野食，見到日本餐廳無咩人排隊就入咗去食。今日就點咗個炙燒三文魚鰻魚飯食，呢度啲野係即叫即整所以整出黎都係熱嘅好好味。壽司飯軟硬適中，三文魚上面加咗小小芝士燒真係無得頂！呢個咁足料嘅飯都係$45蚊，十分推薦俾大家！

假期要訂壽司外賣，除了連鎖店外，小店是不錯選擇～在耀安商場 ，街坊想吃壽司，也不用去大型商場或連鎖店，落樓下也很方便！小小的店內只有一張吧枱及四人枱，感覺食客可以和壽司師傅距離很近，隨時可與師傅交流落order,很隨意和人情味濃的感覺。我這次是叫外賣自取，先取order紙選取想食的壽司，填上取貨時間等資料再付款就可以啦～～這次點了聖誕壽司盛B及C,有生熟壽司，不吃魚生的朋友們都可以一起食啦😋這兒的價錢也很親民，如不是叫set，平日單點壽司價錢都合理～而且下完order才製作，感覺較新鮮兩大盒壽司 🍣賣相不錯🙆‍♀️三文魚頗新鮮～壽司飯有點點醋味，不會很乾，夾起不易散～三文魚腩肥美🧚至愛帆立貝(鮮帶子）新鮮～味道正常🧚🏻‍♀️三文魚子大粒剔透，整件放入口非常juicy，咬下去是粒粒分明的魚子，整個口感到非常鮮甜～🎇🎇🎇🧚‍♂️赤蝦也很不錯，生的壽司整體都新鮮🧜🏻‍♀️鰻魚賣相感覺有點乾不夠汁，但沒有試到味道如何與友人們party還叫了其他到會，沒有機會每一件壽司都試食，但友人們都表示覺得不錯👍街坊壽司小店味道不錯，價錢親民，會繼續支持，希望不是連鎖店壟斷市場，讓其他有心做好食物的小店繼續可以維持

平時好鐘意四圍去試地區小店，今日有事黎附近睇左食評好似幾好就諗住試下呢間小店既手卷，點知。。。一個字講晒，伏手卷既壽司飯係暖既，食落唔覺有加壽司醋，啖而無味鰻魚手卷個鰻魚食落好似食緊香口膠甘，好難咬開蟹子沙律手卷，蟹子少得可憐，蟹柳唔知有無半條，青瓜絲擺中間可能5條都無，唔知係無落沙律醬定沙律醬無味，完全食唔出可能有人會話$10/12件想食d咩，但人地尖沙咀爆料又好味嘅呢兩款手卷都係十幾蚊，竟然仲有人講呢間野好食過元氣，有板長級數，其實講呢d既人究竟有無食過元氣同板長，我食完真係覺得完全地唔知食緊咩落肚

魚台壽司入面嘅壽司絕對比元氣壽司做得更好，雖然佢哋係小店而且選擇亦都唔算多。但係你會睇得出佢哋對食物嘅執著同埋堅持。而且無論幾忙都好佢哋都會keep到良好嘅態度咁招呼佢都會問返你畀返一啲嘅意見，最重要嘅係佢哋已經做咗幾年都一直可以keep到呢一個水準👍呢個係非常之難能可貴，所以我覺得佢哋係一個食壽司嘅好選擇而且我哋都應該多啲之前呢一類嘅小店

食過好多次，拍得主元氣。真心好味。推介。因為琴日食左間好麻麻但竟然比人推介，所以諗起耀安呢間。又親民，有禮貌。外賣，堂食都好味。又唔貴。呢個價真係推推推。係平民之選

日本菜喺香港非常受歡迎同事一都有啲係粗製濫造要揀到好食嘅其實唔容易外賣壽司來講亦有好多選擇呢間魚台外賣壽司都算係我食過最好食嘅佢好多選擇即叫即製師傅好有禮貌係你面前整佢哋生意都唔錯一路都見到好多人外賣帶走師傅都好有禮貌叫大家等一等今日純粹口痕叫左幾舊壽司三文魚子三文魚腩帝王蟹柳海膽蝦呢幾款都係我最鍾意食四樣質素都好好值得一讚係三文魚子佢量唔算多但係都幾新鮮我真係食過啲好腥好難食嘅總括依然可以成為我嘅食堂

幾乎 每個星期都去一次， 考試嘅日子幾乎每一日都去。 但係我都唔想㗎， 佢嘅性價比實在太高喇先唔講佢價錢便宜的壽司， 佢嘅火炙三文魚丼飯， 有五塊火炙三文魚， 而且亦都係我食過以來最好味嘅火焰三文魚。 而佢哋其他嘅丼飯， 價錢都唔會貴過50蚊， 但係我覺得最抵嘅始終都係佢嘅火炙三文魚丼飯。佢仲有做好多嘅壽司set， 雖然我冇食過， 但睇睇返價錢同埋數量， 已經知道係超值。 另外佢哋仲有 十蚊一個嘅各種手捲（抵食）， 仲有海膽軍艦海膽手捲（ 但係唔會特別推介）。成日聽啲人話馬鞍山係美食沙漠， 但我覺得又未去到咁誇張啫。（ 後日再食補回相片）

我和女友會定時來吃。是馬鞍山這個美食荒漠之中難得一見的小店。幾乎每週都會去的食店。特別推介火炙壽司系列。女友喜歡芝士三文魚壽司和北寄貝沙津。刺身也是我們每次光顧的選擇。還可以配搭波子汽水就係最好選擇。平日有好多中小學生買手卷和士多啤梨泡芙。什至聽過話要買一件三文魚壽司。不但價錢合理，還有無價的人情味。跟老闆閒談之間才知道壽司店已經經營了數年時間。在耀安邨已算是歷史悠久，領展的威力很可怕吧。。。。。。

魚生新鮮，環境清潔，主厨有禮貌，主動同客人交談，推銷食物誠實，有創意，其中值得推介是燒壽司，有多欵，但甜蝦比較差，其他食品都好，值得去食，因價錢都算經濟，2人食都好飽，都只是2佰幾，韭常便宜。

窮鬼一名，好不容易才在家搵一百蚊，之後去搭免費穿梭巴士入市中心，再行去耀安邨，聞說此邨之食物比較便宜，行過商場見到一間叫魚台外賣壽司，價錢好似好平，就算再窮，都要食日本壽司，原來有幾個位作堂食，點了2件三文魚腩($6 x 2 = $12)、1件希靈魚($4)、1件劍魚腩($9)及1件迷你花之卷($9)，$34，有無咁平？眼見一位後生仔於吧枱下之雪櫃內取出幾款魚生，在不同的魚生切幾片出來後放回雪櫃，而魚生就疊住一堆放在針板上，然後打開飯煲用手握壽司飯。全程不用5分鐘便完成，用來點壽司之豉油及芥辣均為細包裝，先食三文魚腩壽司，夠肥美，壽司飯粒粒算分明又沒有散開，起碼不是熱的。喜歡希靈魚之咬口感覺，少少硬身、有粉粉又粒粒的質感，其實喜靈魚不是有名之魚類，不過我連去日本都照樣會買來吃。劍魚腩，肉質夠實，也算肥美，$9件仲想點？迷你花之卷，用兩件算肥美三文魚包住壽司飯，上面鋪滿蟹籽，不錯。$34食5件壽司，水準與板X壽司差不多，而價錢以言，值得一記笑臉。