泰亭 (Closed)

同同事去鑽石山食午飯，見餐廳唔太貴又好似幾好坐就去試下。午餐有得揀飯或粉，仲送埋嘢飲，呢個價錢算係咁。海南雞飯配雞湯($68)個湯超咸，油飯唔算太油啱啱好。海南雞已經去骨，啖啖肉都算滑。個醬汁鹹鹹辣辣幾惹味，另外一碟係辣椒同薑粒。整體分量都好夠飽。香茅豬扒清湯金邊粉($58)賣相麻麻地，件豬扒好似想走佬，又細塊唔夠餸。唔夠香茅味，個醬又唔好食。清湯金邊粉不過不失。海南雞飯好食好多。炸蝦餅($18/兩件)唔錯，夠熱夠彈牙。味道都係靠個酸辣醬。

某日肚餓黎到呢間門面光鮮既泰國餐廳，同友人叫左個椰青，好好飲，不過...其他食物質素真係有待改善，雖然座位舒適，但係食物既味道真係...叫左碟金邊粉，點知食落淡而無味，不過有隻大蝦放面影相扼like應該都幾靚既，另外叫左小食蝦餅雖然48蚊4件真係幾抵，但係好油，成口都係油又無乜蝦味...😓😓😓仲有叫左個青咖哩雞個青咖哩一d咖哩味都無，連椰漿味都無乜，茄子仔同豆好硬，好似唔多熟甘..真係唔好食...個青咖哩味道真係有待改善...成餐飯最好味既竟然係椰青..希望廚師能留意下改善下...☹

星期日，三眼放假，去左荷里活搵野食，經過見到一間好生面口既泰國野以我所知，荷里活有另一間，呢間就係新開既，新屎坑就入去試下。12點左右，星期日，吾洗等位直入，有lunch set，價錢都算好平，始終商場有咁既價錢既餐廳，其實好低食三眼叫左2個set，一個係豬手飯，一個係牛肉丸清湯粉。先講清湯粉，清湯，真係好似水咁，淡到一個點，三眼鍾意濃味野，所以接受吾到，配料少，河粉多，無特別，吾推薦再黎豬手飯，豬手入味，但吾夠林，份量都ok，有湯有飯，個湯味精味重，都ok，可以一試，但不要抱太大期望。總括，服務可以，衛生好，座位闊落，價錢低，味道好一般，有汽水送，如果荷包夠脹，吾洗食呢間，因為同一商場仲有其他好野食既。

午飯時間又到，個心又走左去泰亭度今次已是第N次去食了。。。諗起都開心本人叫了 泰式肉片炒河 Encore了無限次食物味道同品質都無變過！份量都好夠食！完全夠飽！真心覺得太正了！朋友叫了 海南雞飯 配油飯友人都大讚勁正，勁好食！尤其是個油飯好正！好香！仲話下次一齊再黎食過！死啦。。搞到朋友都中晒毒！同職員傾開先知道。。啲海南雞原來係正宗水門雞！Yummy Yummy 還有，值得一讚，服務員態度勁好！好Nice 好有禮貌！下次 Encore 再報導下！

新開salatai開胃椰青水多香甜，肉嫩前菜青木瓜沙律亦醒胃，生菜包調味夠酸，相當不錯唯獨主菜咖哩雞不夠入味，配料亦量少，而且太水，不太能夠掛汁手抓餅亦應是預先焗定，泥到翻熱有點變軟但如果論市區大型商場舖而言，價錢算合理，環境也不錯。

人生中食過最難食嘅泰國菜，kin裝修幾靚有新開諗住入去試一試，點知就唔小心中左伏。咖喱好似水一樣，冇味嘅！薄餅薄到好似張紙甘！冬陰公好似果汁咁，冇辣味，冬陰公入邊啲蝦係爛既。個辣肉碎炒飯完全冇肉碎啲炒飯仲要係濕嘅，衰過屋企啲炒飯。成餐飯最好食應該係冬陰公入邊啲雜菇。起菜勁慢入到去差唔多等左半個鐘先有得食！啲特飲完全冇誠意青檸梳打啲青檸汁勁少，好似冰水咁！總之試過一次以後都唔會再試，真係真係好難食啊

職員態度一般，第一餐具無預備好，叫幾次都係俾一兩支叉，但成6個人，分咗2次俾返叉羹，食物難食，濕炒個汁多到不得了，叫湯煮好過，至於味道，有返小小要求都唔會再去，一係太辣，一係有樣無味，伏到一個點。

從未食過咁難食嘅泰菜，真係food court都仲好食啲。菠蘿海鮮炒飯$88，個飯無味，上菜個陣已經凍凍地，啲海鮮又乾又柴，都唔知炒好放左幾耐。食左兩啖已經唔想再擺入口。蒜蓉炒椰菜苗$68，啲菜好老，仲黃黃地，隱約見到幾條辣椒絲，但完全無辣味，味道同屋企炒菜無分別。椰青$38，完全唔凍，又唔甜，靠佢消暑不如叫杯凍奶茶。炸蝦餅$48，正常無驚喜，唯一可以食哂佢。埋單$266唔知食左啲乜，最後太難食個飯同菜只係食左3成，寧願比多$30去麥記食個餐填飽個肚仲好

見到夏麵館幫邊開了一家泰國菜，就試一下吧！交了一道《黃咖喱（豬/牛/雞》下單時說明了要雞，但上菜就變了豬，一頭霧水...但不想麻煩他們更改，所以就將就食豬吧！可惜，黃咖喱味道完全不香，沒有香料的味道，只有單一的椰汁味、質地也十分稀彎彎.....之後試了飛天通菜，菜單上面沒有「辣椒」記號，因為同桌友人不吃辣，所以向店員再次確認是否不辣的菜式，店員矛盾的說是，可是上菜的時候卻是辣的......到了重頭戲，泰式大蝦炒金邊粉，本以為會為餐廳拉回一點分數.....誰不知分數一直減.....上菜的時候已經嚇我一跳！金邊粉看上去幾乎白色、只有淡淡的紅色，沒有炒過的樣子，我第一次看到這種顏色的金邊粉！因為如果有下醬料炒的金邊粉不會那麼淺色的！放進口裡，果然......味道很淡而無味、完全沒有金邊粉應該有的味道！很失望！唯一正常一點是飛天通菜，但吃到最底，那些部分都是偏鹹。配咖喱吃的牛油酥餅也沒有酥脆的口感，只是油油的...叫了一個白飯，要三催四請，差唔多吃到一半才能夠上菜。環境乾淨算是挽回分數，可是一間餐廳如果最基本的食物也做不好，環境再好也是沒有用。加上服務大致可以，但錯漏百出，實在失望！

一時興起想食泰國野 近近地就約左frd去荷里活食哩個叫sala thai既泰國野朋友未坐底已經嘈住話要食金邊粉 咁就嗌左黎試下一上枱見到隻蝦 個賣相好似都ok既 但一入口 就後悔叫左哩個 因為個粉真係麻麻地 佢唔係炒得惹味既feel 係我孤陋寡聞定點 我食開d金邊粉唔係哩個感覺同一間野 之前叫佢個濕炒河係好食既 但哩個金邊粉真的不了食食下會覺得有d腥味咁 唔太喜歡仲叫左個青咖哩雜菜個汁送飯會好正 個略嫌d菜真係太慳皮了吧我似食汁多過蔬菜😂😂😂為左襯個咖哩汁 專登叫埋個蒜蓉包la。。。真係。。。我去麵包舖買個蒜蓉包都冇咁嬲一d都唔脆 個邊偏硬 個芯淋哂係一塊冇靈魂既蒜蓉包呀🤨🤨🤨整體上 今餐除左個青咖哩個汁叫ok d之外。。。其他都不可一不可再

lunch試咗呢間，見星期日好多人等位。叫咗芒果蟹肉炒飯、燒雞脾冬蔭功湯河粉、沙爹雞串同無骨鳳爪，仲有珍多冰。小食好味，冬蔭功湯太咸太酸，但燒雞脾幾好味。個飯啲料都幾足但唔夠鑊氣。珍多冰唔好味，但好大杯。總結：質一般但分量夠。

已經有一段時間冇食過泰國菜，所以今晚約咗朋友傾偈，就揀呢度！ 同埋呢間嘢新開咗一段時間都未幫襯過，咁就試下啦！ 好彩大家都比較早放工先唔難搵位咋！泰式小食拼盤 (春卷/蝦餅/鳳爪/豬頸肉及單骨雞翼) ($118)我最鍾意佢嘅鳳爪酸辣味道調節得剛剛好。全部炸物都炸得香脆可口， 但係好似樣樣嘢一樣味道咁，都係要靠個甜酸醬嚟調味。泰式大頭蝦炒金邊粉 ($98)一上枱都見到顏色十分吸引，而且香氣十足。不過，食完個小食拼盤，再見到個泰式大頭蝦又係炸嘅，都有啲驚！ 金邊粉味道炒得幾好，但係個蝦肉質就麻麻地。好彩我醒目叫咗個椰青下下火！芒果糯中米飯伴椰奶 ($58)分量比想像中大， 芒果亦都算甜， 加埋椰奶一齊食，不過不失啦！呢度嘅食物冇乜特別驚喜，而且價錢略貴。不過，可以讚嘅就係佢哋啲餐碟都有花心思挑選過，比較有特色！

第一次光顧 平日接近兩點時間都要等位 抱著期待心情 就咁睇餐廳燈光光猛 好多梳化位 環境衛生 望落坐得舒服不逼1. 海南雞飯配雞湯 雞肉質尚可接受 不過配上泰式醬 感覺唔係好夾 配嘅飯係雞油飯 香同軟熟 整體算不錯 2.泰式青咖哩雞配飯青咖哩好食 不過雞略嫌太細舊 奶味唔重 有輕微辣味 算係一個正常嘅青咖哩飯3. 加配豬，雞串燒 $38 串燒肉質偏乾 有點過了火喉 但配上花生醬可略略加分 但都有點失望 不值得另加$38去嘗試 午餐均配花茶 🍵 同湯水 湯水為冬瓜湯 整體來說普普通通

今次介紹俾大家嘅係剛進駐鑽石山荷里活廣場嘅新餐廳，就係我喜愛嘅泰國菜。當然住喺附近咁就腳梗係要嚟試吓佢啦！點知一係唔去，一去就返兜咗3⃣️次喎！除咗地理位置優勢之外，講真份量、價錢同味道都係中上，基本上平日都有不少街坊或外來食客等位，假日晚上更經常全餐廳滿座。不過大家可以用App先攞飛排定隊，咁就可以慳返啲時間等位呀！講到呢到，梗係要介紹返之前嗰3⃣️次食咗啲乜嘢俾大家參考吓嘞！睇吓大家又有什麼感覺😆

泰亭係荷里活廣場應該開左一個月左右，算係新餐廳啦。唔知質素如何，決定試一試！.午市套餐 配餐飲🐔海南雞飯配雞湯 hkd68🐷秘製豬手飯 hkd68平均午餐價都係5x-6x一個set，有湯同餐飲，價位正常。.海南雞你要求嘅話可以揀白飯 一上枱就覺得賣相幾吸引，已加分雞肉分量唔少，不過切得太薄身，咬嘅口感差d雞肉唔鞋口，亦唔會太多脂肪，尚算鮮嫩點醬亦都好食 有微微辣增加層次💕.豬手同樣大份，皮肉都有🤩味道滷得幾好，夠淋同入味淨肉部分唔會柴！啲皮食落口唔會一pat肥，有彈性這個也好吃😋個人比較喜歡豬手飯.呢兩款菜底部都有d蔬菜薦底, 感覺有d纖維都幾好😆另外偷吃了朋友嘅冬陰公湯！味道酸辣好開胃 飲落有驚喜🥳下次會再試！！.這間店新開無耐，第一次食感覺部分職員都幾新手，有一兩個成熟啲嘅就會識同你social一兩句。價錢同分量都合格以上希望可以keep住水準啦🉐不過店嘅setting係for2-4人為主如果一大班人over 6個去食，等位有難度。.好食指數: 9/10性價比: 8.7/10